Kyym.ru

📍Дьокуускайга оптуобус маршруттарыгар үлэлии киириэн баҕалаахтар болҕомтолоругар:

📲"МУП ЯПАК" тэрилтэҕэ үлэҕэ киирии усулуобуйатын ыйыталаһар нүөмэр: 8 (914) 286-32-56

https://t.center/kyymsakha

🎭Олунньу 23 күнүгэр Москуба к. "Поколение" тыйаатырыгар "Рубеж героев" испэктээк премьерата буолуоҕа. Оонньуур састаапка СӨ үтүөлээх артыыһа, эстрада тыйаатырын солиһа Павел Семенов киирдэ. Кини саха байыаһын оруолун толоруо.

Испэктээги Аҕа дойду Улуу сэриитигэр Кыайыы 80 сылыгар анаан Василя Быков олоххо буолбут чахчыларынан суруйбут "Третья ракета" сэһэнигэр олоҕуран туруораллар. Онон, эстрадабыт тыйаатыра үс сылы быһа ыыппыт кэпсэтиитэ үтүө түмүктээх буолла.

https://t.center/kyymsakha

⚡Тохсунньу 18 күнүттэн военкоматтар Владимир Путин Ыйааҕынан саппааска сылдьар гражданнарга байыаннай хомуурга ыҥырыы туһунан бэбиэскэ ыытан саҕалаатылар.

Дойду баһылыга урут байыаннай хомууру тохсунньуга хаһан да биллэрбэтэҕэ, наар сайыҥҥы кэмҥэ биллэрээччи. АБДь саҕаланыаҕыттан 2022 с. – олунньуга, 2023 с. – ыам ыйыгар, оттон 2024 с. – кулун тутарга биллэрбит эбит.

https://t.center/kyymsakha

Трамп суоһурҕанар

Аҕыйах чаас анараа өттүгэр бүгүн солотугар киирэр АХШ бэрэсидьиэнэ Дональд Трамп улахан миитиҥҥэ сылдьан тыл эттэ. Онно таарыйбыт кэккэ суолларыгар тохтоотоххо...

Бастатан туран, АХШ Көдьүүстээх буолуу департаменын Илон Маск салайыаҕа.

Иккиһинэн, Байден акаары дьаһаллара суукка иһинэн тохтуохтара.

Үсүһүнэн, Украина иирсээнэ бүтүөҕэ, Аан дойду үһүс сэриитэ буолуо суоҕа.

Төрдүһүнэн, Эмиэрикэни аракыататтан көмүскүүр “Тимир купол” тиһик оҥоһуллуо.

Бэсиһинэн, АХШ-ка эр дьону дьахтар успуордугар чугаһатыахтара суоҕа.

Алтыһынан, көҥүлэ суох иммиграция боппуруоһа биир-биэс тыла суох бүтэһиктээхтик быһаарыллыа.

Сиһилии: https://kyym.ru/sonunnar/politika/13171-tramp-suo-ur-anar

🥶💧Саха сиригэр Кириһиэнньэтээҕи сөтүөлээһиннэргэ 14 тыһыынчаттан тахса киһи кыттыбыт. Олортон биирдэстэрэ Николай Кириллин буолуон сөп этэ даҕаны, кини ойбоно ахсааҥҥа киирбэтэх!

Куораттар сып-сылаас балаакка иһигэр, хаптаһынынан ытыстаммыт көлүччэҕэ киирэн тахсар буоллахтарына, кини аһаҕас халлаан анныгар, килэгир мууска бастакытын киирэн таҕыста...

Маннык муустаах ууга киирэн тахсыы үөрүйэҕэ суох киһиэхэ олус кутталлаах диэн суруйаллар. Уолбут этэҥҥэ ини диэн эрэниэххэ. Ийэтэ эбитим буоллар, олох көҥүллүөм суох этэ. Оттон эһиги туох дии саныыгыт?

https://t.center/kyymsakha

Бүгүнү күнүс киин куоракка халлаан лаппа сылыйар, баара-суоҕа – 20...-22 кыраадыс буолара күүтүллэр.

Тохсунньу 20 күнүгэр Саха сирин хотугулуу-илиҥҥи улуустарыттан ураты сирдэргэ, ол иһигэр арҕаа уонна Өлүөнэ алын тардыытыгар, хаардыаҕа.
Арҕаа уонна соҕуруу сорох сиргэ сөкүүндэҕэ 9 – 14 миэтэрэ түргэннээхтик үрэр тыалырыаҕа. Арктика кытылыгар, Ленскэйгэ, Кэбээйигэ уонна Эдьигээҥҥэ тыал күүһэ 15 – 18 м/с буолуоҕа, быыһыгар тибиэҕэ.

Бу түүн хотугулуу-илин -43...-48, хотугулуу-илиҥҥи улуустар намтал сирдэригэр -49...-54, арҕаа -22...-27, соҕуруулуу-арҕаа -12...-17 кыраадыс. Күнүскү өттүгэр салгын кыралаан халбаҥныа. Холобур, арҕааҥҥы улуустарга -15...-20 буоллаҕына, соҥуруулуу-арҕаа -10...-15 буолара күүтүллэр.

Дьокуускайга бүгүн күнүс кыраһалыа. Соҕуруулуу-илинтэн сөкүүндэҕэ 3 – 8 миэтэрэ түргэннээхтик үрэр тыаллаах буолуо. Оттон күнүһүн халлааммыт -20...-22 кыраадыс тымныы.

Сиһилии: https://kyym.ru/sonunnar/ajyl-a/13168-dokuuskajga-sylyjar-sorokh-sirge-54s

💥Тохсунньу 18 күнүгэр 2009 уонна 2010 сыллаахха төрөөбүт уолаттар ортолоругар греко-римскай тустууга күрэхтэһии буолан ааспыт.

Ол "түмүгүн" бу хобдох видео кэпсиир.
Маны туох дии саныыгытый? Эчи сүрүн-баҕаһын. Култуурабыт намыһаҕа, иитииллиибит мөлтөҕө итиччэ дуу?

Киһи кэлэйэ көрөр хартыыната...

Арааһа, куораттар оҕо аймах таптаан сырылыыр маннык курдук муус булгунньахтарын өйдүүр буолуохтаахтар. Билигин манныгы куоракка көрбөт буолан тураҕын.

Айсен Дойду хаартыската

🤖Кытайга робот-ойохтору атыылыыр буолбуттар🫣 Харчы өлөрө таарыччы дьон ахсаанын аҕыйатар ньымалара буоллаҕа дуу🤔 Маннык ойохтоммут эр киһи оҕо оҥорон бүтэр буоллаҕа🫢

Саха эр дьонуттан ыйытыы: маннык робот-ойоҕу босхо биэрэбит диэтэхтэринэ ылыа этигит дуо?😅

https://t.center/kyymsakha

Куолакал, чуораан ыраастыыр, харыстыыр күүһүн билиммэт киһи суоҕа буолуо🔔

Кириһиэнньэҕэ уу туруга чахчы уларыйарын учуонайдар дакаастаабыт сурахтаахтар💦 Оннук да буолбатаҕына, үгүс дьон сибэтиэй ууну ыла ойбоҥҥо сүүрэллэр, баанньыкка сылдьаллар, сууналлар-тарааналлар👼🏻

Үчүгэйи итэҕэйбэккэ олоруохтааҕар, итэҕэйбит ордук буолбат дуо?

https://t.center/kyymsakha

🤡Оонньуубут кыайыылааҕынан Анатолий диэн сурутааччыбыт буолла👏🏼 Кини дьээбэлээх видеоҕа толкуйдаабыт "Сымыйа эбит" диэн айымньытын сыаналааҥ👻:

*С* үллүкүүн харчытын булан
*Ы* ксалынан ааҕар, дьээдьэ,
*М* уох, ньамах быылын тыынан
*Ы* тырдан тоҕо барда ээ, дьэ...
*Й* олка, сууммата үлүннэ соһуччу!
*А* йабыаан,балай да добуччу!

Мыыммыт оҕо үүтүн тоҕор диэбиттии, маҕай аллаах маҥалайа туолбата...

*Э* мээхсинэ барахсан эмиэ,
*Б* оруобалыан наһаа баҕарда
*И* лиититтэн куотта, арахсан,
*Т* ута харчыта сүттэ, барда...

Анатолий, үлэ күнүгэр 8 (914) 8200975 билсэн бараҥҥын бириискин кэлэн ылаар😊