Kun.uz | Online

Azizov Xavfsizlik kengashiga o‘tkazilgani tasdiqlanmadi

DXX raisi lavozimidan haydalgani aytilgan Abdusalom Azizov Xavfsizlik kengashiga ishga o‘tkazilgani haqida tarmoqlarda tarqalgan ma’lumot hech bir rasmiy idora tomonidan tasdiqlanmadi. Eslatib o‘tamiz, Azizovning ishdan olinishi Komil Allamjonovga uyushtirilgan suiqasd doirasida o‘tkazilayotgan tekshiruvlar bilan bog‘liqligi aytilmoqda.

👉 @kunonline

Bahodir Qurbonov DXX raisi etib tayinlandi

Kun.uz manbasiga ko‘ra, so‘nggi besh yil davomida O‘zbekiston mudofaa vaziri lavozimida ishlab kelgan general-leytenant Bahodir Qurbonov Davlat xavfsizlik xizmati raisi lavozimiga tayinlangan.

Kun.uz rasmiy kanali

DXX raisi Abdusalom Azizov lavozimidan haydaldi — manba

O‘zbekiston Davlat xavfsizlik xizmati raisi, general-leytenant Abdusalom Azizov lavozimidan bo'shatilgan, deya xabar qildi Kun.uz manbasi. O‘tgan oyda Prezident administratsiyasi sobiq mulozimi Komil Allamjonovga uyushtirilgan suiqasd ushbu iste’fo sabablaridan biri ekani aytilmoqda.

👉 @kunonline

10 oyda Oʻzbekiston chegaralarida 2 mingdan ortiq jangovar oʻq-dorilar ushlandi

Davlat bojxona qo'mitasiga ko'ra, 2024-yilning 10 oy davomida Oʻzbekistonga olib kirishga urinilgan bir nechta qurollar hamda 2 ming donadan ortiq jangovar oʻq-dorilarni ushlagan.

Shuningdek, faqatgina Bojxona organlari tomonidan 2024-yilda toʻxtatib qolingan giyohvand vositalarining miqdori 1 tonnadan oshadi.

👉 @kunonline

Rossiya “Iskandar” kassetali raketasi bilan Ukraina qurolli kuchlarining MiG-29 jangovar samolyotini yoʻq qildi

Mudofaa vazirligi eʼlon qilgan xabarda aytilishicha, raketa zarbasi Dnepr aerodromida joylashgan samolyotga berilgan.

Zarba natijasida, shuningdek 15 nafar ukrainalik muhandislar qurbon boʻlgan.

👉 @kunonline

2030-yil 1-yanvargacha xususiy bogʻcha va maktablar barcha turdagi soliq va yigʻimlardan ozod qilinadi

Bundan, ijtimoiy soliq mustasno. Shuningdek, bu tashkilotlarda ishlayotgan chet ellik oʻqituvchi va mutaxassislar jismoniy shaxslardan olinadigan daromad soligʻi va ijtimoiy soliq toʻlamaydi. 

👉 @kunonline

NATO Bosh kotibi Mark Ryutte AQSHning yangi saylangan prezidenti Donald Tramp bilan koʻrishdi

22-noyabr kuni Floridada boʻlib oʻtgan uchrashuvda tomonlar ittifoq oldida turgan global xavfsizlik muammolarini muhokama qilgan.

👉 @kunonline

Propan narxi keskin oshib ketishi boʻyicha masʼullarga deputatlik soʻrovi yuborildi

Oliy Majlis Qonunchilik palatasi deputati M.Valiyev Energetika vaziri, Bosh prokuror va Raqobatni rivojlantirish va isteʼmolchilar huquqlarini himoya qilish qoʻmitasiga propan narxi oshishi sabablarini aniqlash, aholiga aniq va asosli javob berish, narxlarni barqarorlashtirish, bu borada taʼsirchan choralar koʻrish yuzasidan nuqtai-nazarini bayon etish boʻyicha deputatlik soʻrovlari yubordi.

👉 @kunonline

Buyuk Britaniya, Ispaniya, Belgiya, Italiya va Shvetsariya ham XJS qaroriga rioya qilishini bildirdi

“Buyuk Britaniya har doim ichki qonunchilik va xalqaro huquqda belgilangan qonuniy majburiyatlariga rioya qiladi”, degan Britaniya bosh vaziri matbuot kotibi.

Xalqaro mahkama qarorini tan olgan 124 ta davlat, agar Netanyaxu va Gallant ushbu davlatlarga tashrif buyursa, ularni hibsga olishi kerak boʻladi.

Hibsdan soʻng nima boʻladi — batafsil Kun.uz maqolasida.

👉 @kunonline

Bosh vazir Abdulla Aripov Boysunga borib, gaz konidagi falokat boʻyicha aholi bilan muloqot qildi

Tarmoqlarda tarqalgan videodagi suhbat chogʻida odamlarni boshqa joyga koʻchirish masalasi koʻtarilgan.

“Hamma sharoitlarni yaratib berish — bu davlatning ishi, buni qilib beramiz, masala yoʻq. Hali oldinglarga yana 2-3-marta kelaman, Xudo xohlasa. Boʻlmasa [koʻchishni] bir maslahat qilib aytasizlar” degan bosh vazir.

👉 @kunonline

“Yevropaga soya solib turgan shaxs” — Politico gazetasining 21-noyabrdagi muqovasidan

👉 @kunonline

AQSH oʻzining yadroviy tiyib turish strategiyasini yangiladi

Mudofaa vazirligining maʼlum qilishicha, oʻzgarishlar doirasida qitʼalararo ballistik raketalar uchiradigan yadroviy suvosti kemalarining tayyorgarligi oshirilgan.

👉 @kunonline

Maʼlum boʻlishicha, Qobul Dusov Maktabgacha va maktab taʼlimi vaziri oʻrinbosari Farhod Boqiyevni “oʻz xizmat yoki fuqarolik burchini bajarishi munosabati bilan bogʻliq holda” haqorat qilgan.

👉 @kunonline

Sobiq deputat va jamoatchilik faoli Qobul Dusovning ozodligi 1 yil muddatga cheklandi

Oliy sud matbuot xizmatining ma'lum qilishicha, Qobul Dusov jabrlanuvchi F.Boqiyevga nisbatan Jinoyat kodeksining 140-moddasi (haqorat qilish) 3-qismi “a” bandida nazarda tutilgan jinoyatni sodir etganlikda aybdor deb topildi.

22-noyabr kuni JIB Chilonzor tuman sudida boʻlib oʻtgan sud hukmiga koʻra, unga 1 yil muddatga ozodlikni cheklash jazosi tayinlandi.

Dusovga kech soat 21:00 dan ertalabki soat 07:00 ga qadar yashash joyidan chiqish cheklanishi, internetdan foydalanmaslik, ommaviy va boshqa tadbirlar oʻtkazishda ishtirok etmaslik kabi bir qancha taqiqlar yuklatilgan.

👉 @kunonline

Svetoforning qizil chirogʻiga boʻysunmasdan harakatlangan Malibu piyodani urib yuborishiga oz qoldi

22-noyabr kuni Toshkentdagi koʻchalardan birida davlat raqami “01 222 DAA” boʻlgan Malibu 1 avtomobili svetoforning qizil chirogʻida harakatlandi. Haydovchisi piyodalar yoʻlakchasidan oʻtayotgan kishini urib yuborishi mumkin edi.

👉 @kunonline

5 yillik "Vatandosh" kartasiga ega vatandoshlarga quyidagi huquqlar beriladi:

- Oʻzbekiston hududiga vizasiz kirish va chiqish;

- mamlakat hududida koʻchmas mulk sotib olishda chet el fuqarolariga nisbatan belgilangan koʻchmas mulkning miqdorlari tatbiq etilmaydi va Oʻzbekistonda yashash guvohnomasi talab qilinmaydi;

- xorijiy fuqaroga beriladigan mehnat faoliyatiga boʻlgan huquqni tasdiqlovchi hujjatlarsiz mehnat faoliyati bilan shugʻullanish;

- Oʻzbekiston fuqarolari uchun belgilangan shartlarda tibbiy, taʼlim va boshqa davlat xizmatlaridan foydalanish.

Shuningdek, karta egalarining oila aʼzolariga ham bir qancha imtiyozlar beriladi.

👉 @kunonline

Xorijdagi vatandoshlarga minnatdorchilik belgisi – Oʻzbekistonda “Vatandosh” kartasi joriy qilindi

“Vatandosh” guvohnomasi — xorijda istiqomat qilayotgan vatandoshlarni ragʻbatlantirish shakli, Oʻzbekistonning iqtisodiy va ijtimoiy hayotida faol ishtirok etayotgan, boshqa davlatlar bilan doʻstona munosabatlarini mustahkamlashga munosib hissa qoʻshayotgan, respublikada xayriya (metsenatlik) faoliyatini amalga oshirayotgan vatandoshlarga minnatdorchilik belgisi hamda «Vatandosh” kartasini olish uchun asos hisoblanadigan hujjat.

👉 @kunonline

Kanada, Niderlandiya va Iordaniya XJSning Netanyaxuni hibsga olish buyrugʻiga rioya qilishini bildirdi

Xalqaro jinoyat sudi Isroil bosh vaziri Binyamin Netanyaxu va mamlakatning sobiq mudofaa vaziri Yoav Galantni “2023-yil 8-oktyabrdan 2024-yil 20-mayga qadar Gʻazo sektoridagi harbiy jinoyatlari uchun va insoniyatga qarshi jinoyatlar”da ayblab, hibsga olishga order bergan edi.

👉 @kunonline

21-noyabr kuni Ukrainaga qilingan hujumda RS-26 Rubej qit'alararo ballistik raketasidan emas, balki yangi tipdagi o'rta masofali "Oreshnik" tizimidan foydalanilgan.

Putinning so‘zlariga ko‘ra, raketa hujumlari - AQSH va Britaniya qurollari bilan Rossiyaga qilingan so‘nggi hujumlariga javoban amalga oshirilgan.

👉 @kunonline