تنزيل وتلحين القصائد الحسينية

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://t.me/+ta8JrNDdU6UzMGJi

موشح لمصاب رسول الله مُحمّد (صلى الله عليه وآله)

اليوم مات الهادي نور اكوانها
وعمّت بكل الارض احــــزانها
...........

اليوم مات المصطفه طه الأمين
مات بالسم ونفطر گلبه الحنين
سمّموه اهل السقيفة الظالمين
ضد مُحـمّــد سعّـروا نيرانــها
........

الدنيا والاكوان صارت مظلمه
مات طه بحضن حمّاي الحمه
ساعد الله شحال بنته فاطمه
تشوف ابوها يموت محّد عانها
.........

بس علي الكرار يم راس الرسول
يواسي طه بموته ويواسي البتول
والصحابه طلعت بموقف خجول
عافت الهادي ونست عنـوانــــها
.........

عافت الهادي الصحابه وخانته
بالسقيفــــه اجتمعت وماتبعته
ضد وصيته جتمعت وضد عترته
عالخلافه وابعـدو صحبــانــها
.........

بعده مامدفون طه بحفرته
بايعوا واحد ونكروا كلمته
بس، علي يم الرسول بموتته
يا صحابة العارضت قرآنها
.........

وصّه طه المصطفه حيدر يصير
بعده، لكن ما رضو يصبح امير
بايعو غيره وغضب رب القدير
العترة ظلموها شكثر عــدوانـها
..........

ظلّت الزهراء مفجوعه وتون
عاشت بآلامها وجرح الحزن
فاطمه لوالدها كل لحظه تحن
تهدم جبال الارض اشجانها

سيـــد زيــــد الفحــــــــــامـ
________

نزله... للرسول محمد صلى الله عليه وآله

بويه بغيابك. ما عودتني
ابچي لمصابك يالدللتني
...................

بويه البنية سندها الوالـد اليرعاها
بالدلال تعيش بويه من يعيش وياها
تموت لو فارگها ساعه من حزن بلواها
شلون لو چان الأبو. يالغالي شخصك طه

اتمنّه موتي. من فارگتني
ابچي لمصابك يالدللتني
...................

چنت اشوف الدنيه حلوه. منّ شوفك يمي
بوجهك اليسطع جماله. ينجلي كل همي
كون اموت وياك بويه هذا اصبح حلمي
ولا اظل بجروح گلبي وبشماتة خصمي

آلامي زادت. من ودعتني
ابچي لمصابك يالدللتني
...................

ماكو مثلك بالخليقه شايل انسانيّه
تمطر عله الناس رحمه والدي وحنيّه
انت بس انت يبويه. تدري بيه شبيّه
يالچنت تنشد عليه وماتمل يوميّه

مفجوعه بعدك. ريتك شفتني
ابچي لمصابك. يالدللتني
...................

ياحبيب الله مُحمّد جرحك يأذّيني
فاطمه الزهراء اني. انحب مخلّيني
بويه تدري بالمصايب لو غبت تلفيني
تهجم عليه الصحابه بعدك تعاديني

مهضومه وبچي. المن عفتني
ابچي لمصابك يالدللتني
...................

نكرو الكرار بويه يالرسول اصحابك
بس علي ويّاك باقي. منشغل بمصابك
غسّلك بيده يبويه وچفّنك بثيابك
بالگبر واراك بويه ظل يشم اترابك

يالهادي ويّاك. ريتك خذتني
ابچي لمصابك يالدللتني

سيد زيد الفحام
___________________________________

في مصاب رسول الله مُحمّد (صلى الله عليه وآله)

من هالمصيبه ابدت اعظم رزيه
مات النبي ونجرح گلب الزچيه
.......................

الليله ودّع عترته الهادي مُحمّد
مات مغدور النبي ياناس نشهد
بعترته وصّه الصحابه وبيها ردد
عالزچيه وحيدر واولاده اكّـد

بغيابه ما ينذكر. امر الوصيه
مات النبي ونجرح گلب الزچيه
.......................

ويلي من مات النبي وغمّضها لعيون
طاحو عليه حيدر وفاطم ينوحون
والحسن وحسين يم جدهم يونّون
راح ذاك الچانو بجاله يعيشون

راح النبي وعترته شافو اذيه
مات النبي ونجرح گلب الزچيه
.......................

غمضن عيون النبي والزهره يمه
شبگته ام الحسن تبچي وتشمّه
بويه بويه تصيح مفجوعه وتكلمه
للگبر ويّاك اخذني الدنيا ظلمه

يابويه لا تبتـعـــد ايـدك بديه
مات النبي ونجرح گلب الزچيه
.......................

من رحل طه النبي وعّلن غيابه
ناحت الاكوان والعترة لمصابه
عافت المختار مطروح الصحابه
بالسقيفه جتمعو ونكرو كتابه

يم النبي بس علي حامي الحميه
مات النبي ونجرح گلب الزچيه
.......................

عالخلافه جتمعو وعافو نبيهم
عصو امره وبايعو واحد بديهم
رفضو الراده النبي قائد عليهم
الثاني والاوّل تولّوها بحچيهم

ضد فاطمه وضد علي. صارو سويه
مات النبي ونجــرح گلب الزچيه
.......................

الگالو عله الهادي "يهجُر" مايطيعوه
بآخر انفاس الرسول الهادي اذّوه
لأن وصّه بحيدر الكرار كرهوه
لاشك الثاني والاوّل همه سمّوه

اسّسو ظلم وحقد. للغاضريه
مات النبي ونجرح گلب الزچيه

سيد زيد الفحام
___________________________________

اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742

أَرْدَ اسُولِفْلَكْ وَاخَافَنْ تِنْلِچِمْ
عَالْعَقِيلَه لْيَسِّرُوهَه وْيَه الزِّلِمْ
-----------------------
يَا بُو صَالِحْ مِنْ وِگَعْ رَاعِي الْعَلَمْ
وِالْحُسِينِ بْگَلْبَه صَابُوهِ بْسَهَمْ
وِانْذِبَحْ عَالْغَبْرَه هِجْمَوْ عَالْخِيَمْ
بِالْعِدَه تِدْرِي تَرَه مَاكُو شَهِمْ
-----------------------
زِينَبِ احْتَارَتْ تْدَوٍّرْ عَنْ سِتِرْ
يَا وِسَفْ يَبْنِ الْحَسَنْ ضَاعِ الْخِدِرْ
كَلْفَه عَمْتَكْ تُوگَفِ گْبَالِ الشِّمِرْ
مْسَلَّبَه وْمَچْتُوفَه وِيلِي وْتْنْشِتِمْ
-----------------------
طِلْعَتِ بْدَرْبِ السَّبِي أُمِّ الصَّبُرْ
مِنْ بِعَدْ چَفِّ الْگُمَرْ تَالِي زَجُرْ
يِحْدِي نَاگَتْهَه الْهِزِيلَه بِالْيِسُرْ
وْلُو بِچَتْ زِينَبْ تِشُوفَه يِبْتِسِمْ
-----------------------
بِالْحِبَالِ الْخَشْنَه گَيَّدْهَه النَّذِلْ
وِالدِّمَه مِنْ چَفْهَه تِجْرِي عَالْحَبِلْ
بْهَالْوَضِعْ نَادَتْ يَخَيْ يَا بَا الْفَضِلْ
بْحَالِتِي يَا كَافِلِي عِنْدَكْ عِلِمْ
-----------------------
طَبَّتِ لْدِيرَةْ غُرُبْ أُمِّ الْحِزِنْ
وِالْمَتِنْ أَسْوَدْ غِدَه مِنْهَه الْمَتِنْ
بْچَمْ خَرَابَه نَاحَتِ وْگَامَتْ تِوِنْ
لْچَمْ قَصُرْ دِخْلَتْ عَلَى صُوتِ الشَّتِمْ
-----------------------
عَجِّلِ بْيُومَكْ وِاخِذْ ثَارِ السَّبِي
وِالسَّبِي مَا يِنْحِمِلْ يَبْنِ النَّبِي
شْگَدْ صَعُبْ جَرْحِ الدًّلَالِ الزَّيْنَبِي
مِنْ عَسَنْ كِلْمَا جَرَى عْلِيهَه حِلِمْ
-----------------------
#محرم_١٤٤٥هج
https://t.center/Hassankhanafer

يمته يالمهدي تشيل الرايه
ونعتني لكبر الحسن مشايه
****
شوكت ننصب بالبقيع احنه العزاء
تمشي رايات النصر من كربلاء
تصير ارض الحسن بالعز والأباء
وتكصد الشيعه مشي عنايه
****
والمسيره الكبرئ من ارض النجف
يالثار الحسن زلزلال وهتف
جن مدار الارض يهتز ورجف
ثار ابو محمد يصير الغايه
****
انسوي حنه جاسم إبكبر الحسن
والمناحه تصير بدموع وشجن
والنوارس مشن ويانه وسعن
تعتبر هاي المسيره إبدايه
****
نروح يم كبر الوفه كبر الونين
بينه ريحه تشمها من كبر الحسين
هذه هذه الطاهره ام البنين
ام ابو فاظل تظل وفايه
*
انأذن بارض البقيع المايلي
لافتئ إلا ابو الحمله علي
صوت من عند الروافض يعتلي
وصوت فاطم بالعزه بجايه

رايه نرفع للحسن بين النجوم
بيها مكتوب الظلم لا مايدوم
عالكبر نبقه بحزن والله نحوم
الطاغي باجر منهو يمش برايه ؟
**
تمت ولله الحمد / المقصر مع الحسين
            الشاعر   علي النائلي

(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742

نزلة // للإمام الحسن المجتبى عليه السلام

يا امامي الثاني
ما نسيتك آني
٠٠٠٠٠٠٠٠٠٠٠٠٠٠٠٠
سيدي يبن الزجية ويا ابن حامي الحمه
حبك عله الأمه كلها فرض من رب السمه
افتخر اني بولائك فايز البيك احتمه
حبك بگلبي مكانه يسري بي مسره الدمه
اسمك عله الساني
ما نسيتك آني
٠٠٠٠٠٠٠٠٠٠٠٠٠٠٠٠
يالحسن مولاي حبك ينجي من موج الخطر
شلون ما اهوى واحبك. وانت اغله امن النظر
الله خصك بالإمامة. فرض واجب عالبشر
اكتمال الدين بيكم واليحبكم ما خسر
منهجي وعنواني
ما نسيتك آني
٠٠٠٠٠٠٠٠٠٠٠٠٠٠٠٠
طالعت سيرة حياتك. يا امامي يالحسن
كلها نور وكلها رحمه وانت للخايف وطن
تهدي للحق والهداية ودرع يحمينه الفتن
للكرم فاتح مضيفك. سيدي بطول الزمن
عايش بوجداني
ما نسيتك آني
٠٠٠٠٠٠٠٠٠٠٠٠٠٠٠٠
شكد جرعت جروح كلفه. گلبك شيحمل ألم
مرّه طعنه من عدوك مرّه من خِلّك سهم
والأشد طعنة خليلك من تخاذل ونهزَم
لو جبل صبرك يغالي. جا تضعضع وتهدم
ذكرك باحزاني
ما نسيتك آني
٠٠٠٠٠٠٠٠٠٠٠٠٠٠٠٠
فوك كل هاي المصايب. آل اميه ظلمتك
ابن ابو سفيان ظالم. انتهك كل حرمتك
غَرر بجَعدَه اللعينه. نفذتله وسمّتك
چبدك بسمها تكطع صايم ومارحمتك
مقتلك بچّاني
ما نسيتك آني

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

الامام الحسن المجتبى عليه السلام

للامام الحسن. دمعتي اجريها
٠٠٠٠٠٠٠٠٠٠٠٠٠٠
للإمام المجتبه وروح الزجية
دمعت عيوني جرت هاي المسية
عاش مظلوم وگضه بسمّ المنية
شگد تحمّل من بني مية الأذية

بالدمع والشَجَن. فاطمه انواسيها
للامام الحسن. دمعتي اجريها
٠٠٠٠٠٠٠٠٠٠
للحسن عند الله چم جاه وكرامه
وارث الهادي النبي علمه وكلامه
الناس ما عرفت عُظُم فضله ومقامه
شكد التحمّل من حچي الناس الملامه

ما ضعف لا وهَن اول وتاليها
للامام الحسن. دمعتي اجريها
٠٠٠٠٠٠٠٠٠٠٠٠٠٠
حفظ دين الله وكدر يحمي الرساله
وكشف وجه الظالم وأهل الضلاله
مشه بمنهج جده وتأسّه بخصاله
ختاره حجه عله البشر رب الجلاله

تصده لهل الفَتَن. ترجف مخليها
للامام الحسن. دمعتي اجريها
٠٠٠٠٠٠٠٠٠٠٠٠٠٠
للحسن دور الجبير بحفظ الاسلام
خَلّه كل شيعي وموالي ما يطخ هام
ويلي من سل ذوالفقاره وللحرب گام
رجفت العدوان كلها وحاكم الشام

القائد المؤتمن. وشيعته يحميها
للامام الحسن. دمعتي اجريها
٠٠٠٠٠٠٠٠٠٠٠٠٠٠
ابن ابو سفيان خايف ينهي حكمه
بيد جَعدَه الظالمه قرر يسمّه
قدمت سم اللعينه بلايه رحمه
گطع احشائه يويلي وسره بدمه

بياذنب يا زمن. چبدته تأذيها
للامام الحسن. دمعتي اجريها

سيد زيد الفحام

نزلة .... ليلة الوداع 2022

بس هالليله وياي خواني
........

بس هالليله وباجر اصعب
يذبحون اخواني واتسلّب
ياليل ابقه وارحم زينب
خلّ اتوادع وي ولياني

بس هالليله وياي خواني
........

ياليل العاشر چم لوعه
اتحمّل وآنه المفجوعه
ذبح حسين وكسر ضلوعه
ودعني الليله وبچّاني

بس هالليله وياي خواني
........

بس هالليله حسين ويانه
اتوادع ويّاه سهرانه
ودّعنه ونصبر وصّانه
بعياله اتكفل وصّاني

بس هالليله وياي خواني
........

للعباس الكافل خدري
اتعنّيت ابدمعاتي التجري
اسأل عن حالي وعن امري
لو باجر راح وخلّاني

بس هالليله وياي خواني
........

ياعباس شلون بحالي
من بعدك منهو اليبرالي
من يحميني ويحمي عيالي
من سطوة جيش السفياني

بس هالليله وياي خواني
........

شحدّه اليوصل حدّچ يختي
لتخافين وانتي ابخّتي
يا زينب وعيونج انتي
افني العدوان بذرعاني

بس هالليله وياي خواني
........

لو طاحن باچر چفّيني
عاد بهاي انتي تعذريني.
بلا چفّين ونبله بعيني
ما اگدر ارجعلج ثاني

بس هالليله وياي خواني
........

نيّتكم وحدي تخلّوني
يخواني وباجر يسبوني
تقبل عباس يچتفوني
مسبية خلافك بحزاني

بس هالليله وياي خواني

سيد زيد الفحام
____________________________

ليلة العاشر 2023

الوداع الوداع. ياحبيبي ياحسين
........

الليله آخر ليلة يمنه حسين ياروح الزجية
ليلة وداع ومناحه. للصبح نسهر سويه
باجر تحلّ المصيبه ونفترق بالغاضريه
انت تتگطّع يخويه واني عالهزله سبيه

للصباح للصباح. والله ما تغمضلي عين
الوداع الوداع ياحبيبي ياحسين
........

ريت ميته ولا اودعك خويه لسيوف المنية
انت والعباس باجـر. ما يضل واحد الية
شلون لو هجت علينه. زلم وخيول آل امية
من يدافع عن خيمنه. لو رحت جاوب علية

ياحُسين ياحُسين. نشرد بهالهيمه وين
الوداع الوداع.      ياحبيبي ياحسين
..........

ريته ليل العاشر اطول. ما ردت يطلع صباحه
ولا اشوف برمح راسك. عالي مخضوب بجراحه
وجسمك تسحگه الحوافر. للخيول يصير ساحه
الليله خل اگضيها يمك. دمعه ومصاب ومناحه

راح اموت راح اموت. من وداعك يالحنين
الوداع الوداع. ياحبيبي ياحسين
..........

گلــها يازينب اصبري. من تحل بيج المصيبه
مو سهل يصعب علية من بعد ذبحي غريبه
من تشوفيني يزينب. جثّه عالغبره سليبه
عينج عله طفالي يختي لا تجيني يالحبيبه

من تروح من تروح. ينفجع گلبي الحزين
الوداع   الوداع.           ياحبيبي ياحسين
..........

ريته لا طر صبر باجر لا شمس طلعت علينه
ولا اشوف بعيني جسمك بالسيوف مگطعينه
وعالنهر عباس طايح. لا يساره ولا يمينه
بالعمد مصيوب راسه. وبالسهم مطفية عينه

من يجون من يجون. نشرد امن الخيمه وين
الوداع   الوداع.            ياحبيبي ياحسين
..........

ليلة العاشر گصيره. والفجر بيّن طلوعه
وقاسم العريس امّه. بالدمع طفّت شموعه
وعلي الأكبر ودّع امّه مأيسة من كلمة رجوعه
والرباب تناغي ابنها. والسهم ضمّلهه لوعه

عالنياگ عالنياگ. للسبي مسرانه وين
الوداع   الوداع.           ياحبيبي ياحسين

سيد زيد الفحام
_________________________________________

ليلة العاشر 2023

الوداع الوداع. ياحبيبي ياحسين
........

الليله آخر ليلة يمنه حسين ياروح الزجية
ليلة وداع ومناحه. للصبح نسهر سويه
باجر تحلّ المصيبه ونفترق بالغاضريه
انت تتگطّع يخويه واني عالهزله سبيه

للصباح للصباح. والله ما تغمضلي عين
الوداع الوداع ياحبيبي ياحسين
........

ريت ميته ولا اودعك خويه لسيوف المنية
انت والعباس باجـر. ما يضل واحد الية
شلون لو هجت علينه. زلم وخيول آل امية
من يدافع عن خيمنه. لو رحت جاوب علية

ياحُسين ياحُسين. نشرد بهالهيمه وين
الوداع الوداع.      ياحبيبي ياحسين
..........

ريته ليل العاشر اطول. ما ردت يطلع صباحه
ولا اشوف برمح راسك. عالي مخضوب بجراحه
وجسمك تسحگه الحوافر. للخيول يصير ساحه
الليله خل اگضيها يمك. دمعه ومصاب ومناحه

راح اموت راح اموت. من وداعك يالحنين
الوداع الوداع. ياحبيبي ياحسين
..........

گلــها يازينب اصبري. من تحل بيج المصيبه
مو سهل يصعب علية من بعد ذبحي غريبه
من تشوفيني يزينب. جثّه عالغبره سليبه
عينج عله طفالي يختي لا تجيني يالحبيبه

من تروح من تروح. ينفجع گلبي الحزين
الوداع   الوداع.           ياحبيبي ياحسين
..........

ريته لا طر صبر باجر لا شمس طلعت علينه
ولا اشوف بعيني جسمك بالسيوف مگطعينه
وعالنهر عباس طايح. لا يساره ولا يمينه
بالعمد مصيوب راسه. وبالسهم مطفية عينه

من يجون من يجون. نشرد امن الخيمه وين
الوداع   الوداع.            ياحبيبي ياحسين
..........

ليلة العاشر گصيره. والفجر بيّن طلوعه
وقاسم العريس امّه. بالدمع طفّت شموعه
وعلي الأكبر ودّع امّه مأيسة من كلمة رجوعه
والرباب تناغي ابنها. والسهم ضمّلهه لوعه

عالنياگ عالنياگ. للسبي مسرانه وين
الوداع   الوداع.           ياحبيبي ياحسين

سيد زيد الفحام
_________________________________________

موشح ليلة الوداع 2023


الليله زينب ما تغمض عيونها
خوتها باجر راحو يودعونها
........
ما تغمض عيونها وتجري الدمع
هاي آخـر ليله باجـر تنفجع
براس اخوها حسين لمن يرتفع
وآل امية بلا رحم يسبونها
.......
بليلة العاشر بقت زينب تنوح
طبت عله حسين تشكيله الجروح
شلون باجر خويه لو عني تروح
والحرم من بعدك يسلبونها
......
يم اخوها حسين گعدت تشكي هَم
شلون لو حرگو يبواليمه الخيم
وآل امية تدري ما عدهم رحم
عاليتامه خيامك يحرگونها
........
گلهه يازينب اصبري عله المصاب
من تشوفيني ذبيح عله التراب
حفظي اطفالي يخيّتي امن العذاب
وعن رقية بالج يضربونها
........
صبّت دموع الحزن من سمعته
يعني باجر تنسبي لو فگدته
راس اخوها عله الرمح لو شافته
لاشك بهالمنظر يفجعونها
.........
منّ ابواليمّه تعنّت للگمر
للكفلهه امن المدينه بكل فخر
ويّه اخوها الهاشمي يحله السهر
عالمصايب زينب يصبرونها
........
تگلّه ياعباس من يحمي الحرم
لو طحت عالمشرعه وطاح العَلَم
گلها عذريني اذا راسي انهشَم
چفوف ادية باجر يگطعونها


سيد زيد الفحام
_'''''_''''_

صبري روحج بالدرب من جيش اميه
حسين راسه اعله الرمح وينضر اليه

خايفه من امشي واطيحن اكبال عينه

ينجرح متني وعباتي واشلون بينه

ولاذيه بسدي الخدر وكلهه سبيه

______________

صبري ياروحي الشماته تنضر اعلينه بحقد

شما يهضمونج اسكتي وصبغي وجهج بالورد
شما يميل حسين راسه خلي دمعاتج تعد

تصير سكته نروح سكته ونبقه نبجي عن بعد



اخ وعيون العواذل بعيوني صارت
الشمس بدت كل ضواهه وأعليه دارت

ياعباتي صيري غيمه بهالمنيه
______

خويه وتلولح عيونك هايه هس شلون حيره
تبجي واشرب من دمعتك خويه وعيونك كصيره

يالشربت اسهام خويه ها يبو جروح الجبيره

انته تمشي واني امشي واثنينه التضربنه ديره

بديره طبينه يروحي وناس غربه
شما يطكوني اصبري وادري صعبه

محد يكول هايه حرمه وبت زجيه
________________

كلبي حطبه وصار نار وراح ندخل بالقصر
ناس منتضره اطبن وكل حلمهم انهطر

ناس صلفه ومو اوادم شيبو حتى الضفر
حسين راح وحيلي راح وكلشي ابحيلي اندثر


روحي مابطلت حلمهه تموت هسه

حسين وصاني بعياله شلون انسه

تبجي وتنوح الفواطم بهالمسيه
________________


شكثر مشتاكه لاخويه كون ابوسه بنص جبينه

كون ماطاح ابوفاضل وكون هسه يطر علينه


ريت يرجع هسه لاخته واشتم اثيابه الحنينه

فرزنت حلمي ولكيته بالسيوف مكطعينه


حسين جابوه بطشت ياروحي فزي

غربه واصوات الهلاهل تاذي جبدي


حتى ضلي نطاني ضهره وشلون بيه


كلمات خادم الحجه

يوسف الموسوي

هلله هلله حسين وينه بالسيوف مكطعينه

انه ام الحزن زينب جيت ادور عن ولينه
امشي واتعثر من الهم والكلب شاجر ونينه
حيره اضل بلحومه ادور لو ارد احمي سكينه
كله غربه الناس هاي ومحد الينغر علينه

هلله هلله حسين وينه بالسيوف مكطعينه

رحت صوب حسين امشي وشفته عالغبره رميه
شفته وحده مرمي اخيي وبيه لكيت سهام ميه
عينه صوب الخيم تربي وجن يوصيني برقيه
يدري من بعده اليتامه والحرم تبقه حزينه

هلله هلله حسين وينه بالسيوف مكطعينه

شابجه عالراس اديه وصحت وين حسين رايح
خويه لاكافل بقالي ولا اهل والعلم طايح
خويه ترضه بهذا وضعي الوادم عليه تصايح
جابو الهزل يخويه الهاي چا یاهو الیجینه

هالله هالله حسین وینه بالسیوف مگطعینه

شبو النار ابخيمنه والعدو ايطارد بناتي
الله اكبر بالسياط اتلوعن خويه خواتي
جفوفي مجتوفه وسياط ونار ملتهبه بعباتي
كوم ياخويه تره لوماتجي يعني نسبينه

هلله هلله حسين وينه بالسيوف مكطعينه


حیدر الرویمی

دللول دللول يا عبدالله دللول
نام نام يا يمه الولد
نام نام يا يمه الولد

افزن شايطة و اتذكر امـناغاك
و اذكر سهر ليلي الگضيته إوياك
حاربني زماني وليش ما خلاك
يا سهم الغدر دم النحر راوك
يا مدلول يا مدلول سهم نحرك يا مدلول
يا مدلول يا مدلول سهم نحرك يا مدلول

نصب جيدك شمس و الدنيا حارت بيك
وسهام المنايا بلا رحم ترميك
اقبالي و مددت يمه الولد رجليك
لـا مجروح وامك تگعد اداويك
اداويك اداويك اشد جرحك و اداويك
اداويك اداويك اشد جرحك و اداويك

دَر صدري بمحنه ولهفه ناديتك
ردتك ترضع بصدري وترجيتك
عدل يبني وتحاچيني تمنيتك
مـا صدگت مـيت لـمن هزيتك
بلا روح بلا روح الولد نايم بلا روح
بلا روح بلا روح الولد نايم بلا روح

يبني الآه والحسرة تـعيش إويـــاي
يالضامي وجمر نارك يشب بحشاي
هاك اعصر اعيوني ومنهن اشرب ماي
ردتك من يذبني الوكت يا رجواي
اناغيك اناغيك تحن روحي واناغيك
اناغيك اناغيك تحن روحي واناغيك

انوحن و شصبر الراح غايبها
عليّ دنياي ملتمه مصايبها
هيچ امك غريبه بكربله تذبها
ساكت ليش يبني ما تجاوبها
احاچيك احاچيك دجاوبني إمن احاچيك
احاچيك احاچيك دجاوبني إمن احاچيك

انشدك دم وريدك عالثرى مسفوح
لو قلبي وگع فوگ الـأرض مذبوح
لو ادري تدردك دمعتي و النوح
لخلي إبحر دمعي تغط سفينة نوح
والدموع والدموع أضل للوّن و الدموع
والدموع والدموع أضل للوّن و الدموع


يبني النـوگ بـاچر بـالضـعن يسـرن
و اروح ميسرة وبعـدك اعيش إلمن
تمر إطيـوفك بعيني وأحـن وأصفن
وقلبي العليميته إعلى الحزن والون
اذا اروح اذا اروح غصب عنك اذا اروح
اذا اروح اذا اروح غصب عنك اذا اروح

كلمـــــات : ابو تراب الياسري

عاشوري :
يا علي يبني النوب ذليت
والموت ياخذني تمنيت
عمود الوسط يالشايل البيت
يبني بعد عندي اشخلِّيت
انا بيش إجيت وبيش رديت
يا واحدي وللحيل هدِّيت
عساني لهاي الدار لا جيت

يوم 11 يخاطب امه ليلى :

يُمه شوفي حالتي
گُطعة گُطعة جُثتي
قَبلِّي راسي وجبهتي
يُمه لا تخليني وللگبُر نزليني
آه يا يمه
بويه ظهره منكسر
من يگطع اوداجه الشمر
ركضِتِك فوگ الجَمُر
يُمه لا تخليني للگبر نزليني
آه يا يمه
لو دِخلتي للگُصور
والعِدى تشرَب خمور
حشّمي عباس الغيور
يُمه لا تخليني وللگبر نزليني
آه يا يمه

حملة أم الأبرار:
جديد
ابوذيات الاكبر 1446

وداعي
گلي بيا سبب يبني وداعي
اودعنّك ولا تسمع وداعي
انا ما طالب بتعبي وداعي
يبا گلي وداعة الله وهاي هيّه

آه آه واعلياه

ينحَال
أحيل الموت عنك بيش ينحال
وجسمي لفرگتك يالولد ينحال
أشد جرحَك يرِد اردود ينحال
علي بويه اشكثر فيتّك عليّه


يبني
الدهر ذبَّاب لا من يذِب يبني
هدمْ بيوتنا والنوب يِبني
خلّه حسين يبجي يصيح يبني
الولد يالكدّرت عيشي عليّه

احد الخطباء في ليلة من الليالى
راى في عالم الرؤية كانه يقرأ بحضور لُمة من النساء
لما طلع من المأتم يقول : إمراة اخذت بطرف عبايتي قالت يا سيد ليش ما قرأت على وليدي؟
ظننت انها الزهراء قلت : الان كنت أقرأ على الحسين
قالت انا ليلى أم علي الاكبر اريدك تقرأ على اوليدي
ماذا اقراء؟ اعطتني بيت
استيقظت وانا احفظ هذا البيت :

يبني
منو غيرَك لهاي الگاع ييني
اواعدني على راسي بيت يبني
ثلاث أصوات صحت عليك يبني
حرگوا خيمتي لحّگ عليّه

واويلي على المظلوم_

واويلي على المظلوم ** واويلي على المظلوم

ــــــــــــــــــــــــــــــــــــــــــــــــــ ـــ

زينب نـــادة اللـــيله .. واويلي على المظلوم

ودمع الفاجعه اتسيله.. واويلي على المظلوم

ماظل والـــي تشـكيه.. واويلي على المظلوم

من الفعلته هالگـــوم.. واويلي على المظلوم

ــــــــــــــــــــــــــــــــــــــــــــــــــ ــ

صاحت مـن مصيبـتهه .. واويلي على المظلوم

اشحال الفاگده اخوتهـه .. واويلي على المظلوم

المن تبــدي شـــكوتهه .. واويلي على المظلوم

وذبحو كل زلمها اليوم .. واويلي على المظلوم

ــــــــــــــــــــــــــــــــــــــــــــــــــ ـــــ

حسيـن اتــصيح يالوالي .. واويلي على المظلوم

خويه عـــايــن الحـــالي .. واويلي على المظلوم

والله انصـــاب دلالــــي .. واويلي على المظلوم

وگلب اختك صفه مالوم .. واويلي على المظلوم

ــــــــــــــــــــــــــــــــــــــــــــــــــ ــ

اشحال اختك يواليهه .. واويلي على المظلوم

من الشـــمر يسبــيهه .. واويلي على المظلوم

وبسيـــاطه يــأذيـــهه .. واويلي على المظلوم

وين البالـــخدر ملزوم .. واويلي على المظلوم

ــــــــــــــــــــــــــــــــــــــــــــــــــ ـــــــ

من شــــافت ابــو اليمــه .. واويلي على المظلوم

جســــمه سابــح ابـــدمه .. واويلي على المظلوم

اجت يم نحــره تشـــتمه .. واويلي على المظلوم

اوياي اتگله ريت اتكوم .. واويلي على المظلوم

ــــــــــــــــــــــــــــــــــــــــــــــــــ ـــــــــ

تحـــن ومــا ســـمع حنـــها .. واويلي على المظلوم

نوايـــب فگـــده صـــابنـــها .. واويلي على المظلوم

انگــطع مـن الاخـــو ضنها .. واويلي على المظلوم

وحزنها اعله الوجه مرسوم .. واويلي على المظلوم

ــــــــــــــــــــــــــــــــــــــــــــــــــ ـ

تجري ادموع عيــناها .. واويلي على المظلوم

فـــگــد الاهـــل اذاهـا .. واويلي على المظلوم

عـــالتــربان ولــــياها .. واويلي على المظلوم

وظلت بالخياتم اتحوم .. واويلي على المظلوم

ــــــــــــــــــــــــــــــــــــــــــــــــــ ــــــــ

خادم الحسين حيدر تركي الكربلائي

كربله يعني ركض فوگ التراب
كربله يعني مصاب ابصف مصاب
--------
كربله يعني ألم يگطع الروح
كربله جروح وجروح وبس جروح
كربله يعني مره ثكله تنوح
وعايشه ابلوعه واسى وحرگه وعذاب
---------
كربله يعني طفل خايف اهواي
لايذ ابأمه وهي مشدوه راي
كربله عبد الله ظامي يريد ماي
وتالي يتروه ابدمه نحره المصاب
---------
كربله يعني عرس بين السيوف
والعروس ابعينها المنظر تشوف
جاسم العريس ما بين الصفوف
امحنه من ابدماه وسف خير الشباب
---------
کربله یعني شبیه المصطفى
امگطعه اوصاله وبدر وجها إنطفه
ويمه أبوه ايصيح عالدنيه العفه
بعد عينك يا علي يبن الأطياب
---------
كربله يعني أخوا ماله مثيل
يعني خوة گمر عدنان الچفيل
امگطعه اچفوفه ودمه راسه يسيل
والعيون مصوبه ودلاله ذاب
---------
كربله يعني وفه ماله حدود
يعني غيره ويعني رايه ويعني جود
كربله چفين مگطوعة وزنود
واخو ايصيح عضيده ما يسمع جواب
---------
كربله يعني حُسين الكبرياء
نايم اعله الگاع واتسيل الدماء
مية الف آه لرزية كربلاء
حسين معشوگ الگلب فوگ التراب
---------
كربله يعني أبو اليمه طريح
كربله يعني جريح ابصف جريح
كربله يعني مره تگوم وتطيح
ومن تطيح ايحل على الناس العذاب
---------
كربله يعني أسيره اعله النياگ
اتعوف جسم اعضيدها ويبدي الفراگ
اشكثر رادت تندفن برض العراگ
بیه جسم احسينها وداحي الباب
---------
كربله يعني بنات امدللات
بعد والدهن بگن متحيرات
فاطمة تگل الرقية حسين مات
صوبوه ابسهم بيه اثلاث شعاب
----------
كربله يعني حزن أم البنين
الما بچت لولادها وتبچي لحسين
وتدري بالعباس ﻻ يسره ويمين
وفدوه لبن المصطفى زاچي الأنساب

*للشاعر والخطيب الحسيني الشيخ زمان الحسناوي*

*مكة المكرمة*