تنزيل وتلحين القصائد الحسينية

رقية ليلة العاشر

رقيه أعله الوساده مالگوها
طلعوا بالخيم يتفگدوها

ليل وچن ظلام الغاضريه
ولن ضجه ابحريم الفاطميه
بس لا ضاعت وتاهت رقيه

وأبغربة الهيمه إيضيعوها

§§§§§

عليها إيدورون ابخيمه خيمه
الدنيا مظلمه والگاع هيمه
بعدها امدلله ماهي يتيمه
شلون اتضيع بين الدللوها

§§§§§

سمعوا صوتها ورقة لحنها
تلولي وغافي عبدالله أبحضنها
بلچي إمن الرباب إيدر لبنها
لو مايتحصل وإتروي أخوها

§§§§§

يسمعون الدللول الدللول
عدوك يعبدالله ساكن الچول
يعبدالله يالمسنع يمدلول
ويسمعها أشتگول حسين أبوها

§§§§§

إجاها ومن حضنها الطفل شاله
المهده وشاف رقتها أعله حاله
حضنها وغده إيحاچيها ابدلاله
وأشمحله سوالفها اويه أخوها

§§§§§

أبحضن حسين وشمحله المحاچي
عمر الورد ماتعرف بواچي
وأبو السجاد عينه أعله التراچي
يدري إخلاف عينه إيسلبوها

§§§§§

اهي إتسولف وأهو اعيونه الحسنها
ورده والعطش ذبل غصنها
وراح إيزورگ السوط ابمتنها
ويچتفها الحبل ويعذبوها

§§§§§

گاللها عمامچ وأخوتچ هاي
باچر تنذبح بالمعركه اوياي
وآنه ينذبح راسي من اگفاي
وبالحافر اضلوعي إيكسروها

§§§§§

اريد اتواعديني ابهالوصيه
عينج لاتشوف الصار بيه
لوذي بذرى عمتچ يارقيه
تراهي الحرم كلها إيسروها

§§§§§

يبويه الگوم خوفي يعرفونچ
عزيزة گلب ابوچ ويضربونچ
يابويه العِده ما يرحمونچ
وأغصونچ الترفه إيذبلوها

§§§§§

الزمي ابثوب زينب عمتچ حيل
اخاف اعليچ بويه ادوسج الخيل
يبويه وياخذچ ويضيعچ الليل
وماتلگاچ عمتچ لو خذوها

§§§§§

آخر نومه عندي الليله يبابا
ابحضني اوباچر ابحضن الترابه
فرگه والوعد بآخر خرابه
إجوا بالطشت لاگت راس ابوها

برزت من خدرها ليلى تقول
نحرك المقطوعُ أم نحر الرسول

أيها الأكبرُ قم خذ بيدي
أحرقت نارُ المآسي كبدي
لم يطق قلبيَ صبراً ولدي
و إعترى الفكر هيامٌ و ذهول

يا هلالاً غاب في برجِ الدماء
و بكت مصرعهُ عينُ السماء
كيفَ ألقاكَ عفيراً في العراء
لهفَ قلبي كيفَ داستك الخيول

لهفَ قلبي كيف ألقاكَ خضيب
داميَ الوجه على وجهِ الكثيب
يا بعيداً و عن القلبِ قريب
و قريباً مالنا منهُ وصول

أيها الثاوي على وجهِ الرمال
شجَرت أشلائُهُ تلك النبال
جدولُ الدمع دماً فاض و سال
و من الأجفانِ كالغيث هطول

ولدي أبكيكَ بالدمع الغزير
كيف بات الجسم في ذاك الهجير
في لظى البوغاء ملقاً و عفير
شَيعت جسمُكَ أطراف النصول

من الارشيف هوسات للاكبر عليه السلام


شبيه المصطفى الأكبر برز للحومه وتچنه
آنه ابن الغريب حسين دمي دونه أرخصنه
اعيدن صولات الكرار عالي الجيش اگلبنه

( وبسيفي الموت أمودعينه )

*


بسيفي اليــوم حمــــلات الــوصي احملها
والمالت على الكرار اليله أبصارمي أعدله
جدي الي شطر مـــرحب ضـرباته أمثلها

(( وموصوفه بحيدر ضرباتي ))

*

دون حسين هاليلـــه نــرّخصها مناحـــرنــــا
وحشدنا أصبح علي الأكبر وحده أتظل مواقفنا
دمنـــه النــــزف عالستــر تحيــا بيه شعائــرنا

(( ولحسين انضحيها ادمانه ))

*
الشاعر
موسى البديري

علي الأكبــر هذا طب لـــو حيدره
لــو نفــخ بالصُــور يــوم الاخــره
علي واسمه من علي
علي واسمه من علي

*
علـــي الأكـبــر ناده بــويه اليوم اذكـــرها بعلي
اليوم اخلي الحومه تصرخ هاي ضربات الولي
اليــوم أخـليهـم بــدد
وانه ابن ذاك الأســـد
مــدد يــا حيدر مـدد
علي الأكبر چنه قالــع خيبره
لو نفخ بالصور يــوم الاخره

*

ثـــار بــركان الهــواشم علي الأكبر من برز
اختنگت الحومه بزلمها چنـه حيدر وارتجـز
موت ضربت صارمه
عيـد عنـــده الموزمه
حسين غيره محزمه
مثل حيدر جيش أميه يطشره
لــو نفـخ بالصور يـــوم الاخره

*

ثـــار بــركان الهواشم ﮔام ينشـر بس حمم
علي الأكبر شال سيفه وفوگه مرفوع العلم
چنــه حيــدر شــايله
بي احتـــارت كـربله
صاحت بحيره المله
هذا ذو الفقار جيش يحاصره
لو نفــخ بالصور يــوم الاخره

*

علي الأكبر صال بيهم يخطف بروس الزلم
والحرايــب چنها نـادت شبل حيـدر والنعم
أبن غــانــم جنــدله
والله نعمين وهــلـه
بي اهتـــزت كربلــه
هذا ذو الفقار جيش يحاصره
لو نفخ بالصور يـوم الاخـــره

*

علي والعباس عمّـه فرضو اليــوم الحصار
بالحرب طبگو وصار مثل شفرت ذو الفقار
دخلو ليوث الحـــرب
عالدرع صــار الگلـب
نـــارغيـــرتهم تشـب
بيهم أجيوش الأعادي حايره
لو نفخ بالصور يـوم الاخــره

*

اختنگت وتاهت زلمهم بيده چن گض الهوه
ضامــي دلالـــه ولكــن سيفه من دمهم روه
نــزل چنــه القــارعه
سيفه مــوت أيوزعه
الــزود اصله ومنبعه
ودارت أبجيش ال آميه الدايره
لو نفــخ بالصـــور يوم الاخره

*

مثل ناعور أبحسامه أيدور موت أعلى الخصم
بين حيدر بين الأكبــر بيه مـــا حـــاطو علــم
احتار كلمن شـــاهده
علي ضـربت ساعده
مـــوت نازل عالعده
ولجهنم جيش أميـــه حاصره
لو نفخ بالصور يــوم الاخره

*
الشاعر
موسى البديري

ميمر // شجاعة اباالفضل العباس عليه السلام

زينب اجت للعباس. جابتله جربه ورايه
..........

يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي

شده وصعب حلهه يكون إلا عله ايدك هايه
........

گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره

امن العلگمي املي الجود. ورَوي الطفل من مايه
.......

گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس

راية علي ترفرف دوم بچفوفك امعلّايه
........

سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان

طب للنهر يملي الجود دگ عالشريعه الثايه
..........

ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله

مو غايته يشرب ماي. يرضي الامام الغايه
.........

رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه

وخته العقيله تحيّيـه ما يخلف الهه حچايه
.........

گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه

سيد زيد الفحام
_''''________

قصيده نزلة في رثاء الإمام العباس عليه السلام

تصيح الهاشميه يسبع الغاضريه
نريد الماي نريد الماي
................

زينب تعنت لخوها تصيح يحماي
جابت الجربه بديها بديها تطلب الماي
خويه عطشانه اليتامه والحرم هاي
ماكو غيرك بالكلايف لخته وفاي
يبن حامي الحميه يسبع الغاضريه
نريد الماي نريد الماي
...................

من سمع عباس صوت اخته الجليله
طلع منّ الخيمه مسرع للعقيله
ياهلا بأختي الأبيّة والأصيله
سهله هاي الطلّبه طلبي المستحيله
وفي وكلّك حميه يسبع الغاضريه
نريد الماي نريد الماي
……………………

وسفه بوّجودي اخلّيكم تعطشون
راح اجيب الماي وانه بهاي ممنون
إلّا اگص الرّوس لجلج وفگس عيون
بسيفي راح افنيها كلها ومايظلون
جثثهم عالوطية. يسبع الغاضريه
نريد الماي نريد الماي
……...................

والنّعم گالتله انت بهاي معروف
انت موت الزّلم منك يرجف الخوف
آل اميّة من تشوفك تزحف زحوف
من تجيها صفوف تبقه ادّوس بصفوف
تهابك آل اميه. يسبع الغاضريه
نريد الماي نريد الماي
………………………

اغضب العباس وتعنّه عله مُهره
سيفه يلمع بالشمس والرايه خضره
تعنّه صوب النهر والجربه عله ظهره
سوّه من دم آل اميّه الگاع حمره
عذاب الناصبيه. يسبع الغاضريه
نريد الماي نريد الماي
……………………………

هذا ابوالغيره فزع عالماي فزعه
منهو يگدر يوگف بوجهه ويمنعه
عجزت الفرسان كل فارس يصرعه
لو لزم راس العدو بيده يقلعه
يصگّار المنيه. يسبع الغاضريه
نريد الماي نريد الماي
…………………………

بزوده طب للماي والجربه بيمينه
يملي بيها وماشرب حامي الظعينه
تذكّر حسين وعطاشه امناطرينه
واليتامه تصيح عمنه الراح وينه
تناديلك رقيه. يسبع الغاضريه
نريد الماي نريد الماي
………………………

وفّه بعهوده ورجع يروي الضمايه
زينب تنادي هلا بصاحب الرايه
الماي جابه وشربت الاطفال مايه
گلها خلّيت الزلم تبچي ورايه
كفو گالتله هيه. يسبع الغاضريه
نريد الماي نريد الماي

سيد زيد الفحام
_________

نزلة/ ابا الفضل العباس عليه السلام 2024

ابوفاضل من توجّه للنهر
الموت اجاكم صاحوا وشاع الخبر
يا شمر يدناله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شد على الشگره وهجم/هاشمي وبيده العلم/والغضب بعيونه
هذا ابن فارس مضر /توجّه لصوب النهر /فنهم يلاگونه
رجفت خيول وزلم / طرها ابوالغيره الشهم/والشرد خيعونه
يطگ راس براس گام بسطرته
ترجف گلوب الزلم من خزرته
يرعد بزلزاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نبط عرگ الهاشمي/وفل حصار العلگمي /ومجزرة سوّاها
طبگ سبع الگنطره / الميمنه عالميسره/تبچي دم خلّاها
صاحت الغوث العده/والذبح حل موعده/عالنهر ذلّاها
خيل تردم خيل خلّاها الكفيل
وگام يذبح بالزلم وين الثگيل
ترجف امن خياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخو زينب والنعم/يهزم وما ينهزم /يذبح بفرسانها
صور من ارض الحدث/روس توگع عالجثث/فارگت ابدانها
ابوفاضل بيها طب/يحصد بسيفه الرگب /ونهزم شيطانها
سوه بيهم ملحمه وطب للفرات
ترس جِوِده بماي غصبن عالطغاة
وتجّه لعياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يترس الجربه حلف/والنهر شافه رجف/ضل يبوس چفوفه
للعساكر من طلع/ والهوى عليها انكطع /الموت هوه تشوفه
ابوفاضل لو زعل / احسب الجيش انقتل/اسوّه بيهم خوفه
مواعد اخته بماي يرجع مستحيل
إلا يملي الجربه ابن حاحي الدخيل
يروي كل طفاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابوفاضل ماله ند/سحك روس اهل الحقد/ومارحم عدوانه
هاشمي وفّه العهد /رجع بالماي الأسد /لعيلته العطشانه
ما يمس زينب ضمه/ لا وحك رب السمه/ماتظل حيرانه
گال اجيب الماي جابه امن العدو
ورتوه عبدالله من چفه وكفو
والرمح من شاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گدها حامي ختك يخوي/كفو منك يبن ابوي/هلا ياحامينه
بجربتك يابوالبخت/حرم وطفال ارتوت / بچفك اتروّينه
گلهه يختي ادلّلي / آنه بن حيدر علي/ يحصل التردينه
شنهي يختي الماي ويمنعوه عليج
إلا اخلّي النهر يركع بين اديج
بخزرته الچتّاله
شردت الخيّاله
الموت اجاكم صاحوا وشاع الخبر

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

تلث دگات


عالمشرعه العباس گطعوا يمينه
يازينب الوفاي راح امن ادينه
.....
يازينب بيا حال لمّن وصلته
متگطع العباس ياخويه شفته
حاولت اجيبه وگال خليني عفته
شلون ارجع بلا ماي لختي الحنينه
......
صدره انترس بسهام والنبله بالعين
الله يعينه شلون من طاح اخو حسين
يتلگّه بيش الگاع ما عنده چفين
راح وبعد هيهات يرجع علينه
......
ظل مستحي العباس ما يرجع وياي
چيه ردتّي منه الماي وتعذّر الماي
گلي اعتذرلي ومات من زينب هواي
آخر كلامه وياج وتفارگينه
......
گالتله خويه حسين وديني يمّه
مشتاگه للعباس خليني اشمّه
نتعاتب آنه وياه اگعد وكلّمه
من گطعو الچفين يعني انسبينه
......
گاللهه لو شفتيه اقسم تموتين
من خيمتج حاچيه ليث الميادين
بس عله كيف وياه لمن تعتبين
عتبج تره يأذّيه يختي الحزينه
......
صاحت يبوالنوماس جاوب عليه
ترضاها يا عباس اطلع سبيه
بت فاطمة الزهراء بين آل اميه
بديوان امية شلون ادخل رهينه


سيد زيد الفحام
''_'_

ميمر // شجاعة اباالفضل العباس عليه السلام

زينب اجت للعباس. جابتله جربه ورايه
..........

يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي

شده وصعب حلهه يكون إلا عله ايدك هايه
........

گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره

امن العلگمي املي الجود. ورَوي الطفل من مايه
.......

گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس

راية علي ترفرف دوم بچفوفك امعلّايه
........

سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان

طب للنهر يملي الجود دگ عالشريعه الثايه
..........

ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله

مو غايته يشرب ماي. يرضي الامام الغايه
.........

رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه

وخته العقيله تحيّيـه ما يخلف الهه حچايه
.........

گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه

سيد زيد الفحام
_''''________

قصيدة ابا الفضل العباس عليه السلام

صلّى اللهُ على العباسُ الكفيل
_

هذا ابوالغيره كفيل الهاشميه
طلعت وياه من طلع للغاضريه
هيبته هيبة علي حامي الحميه
قاهر العدوان صگّار آل اميه

اذّاها. وبچّاها. عالشاطي الزلم
بصولاته. وضرباته. يرجمهم رجم
والحومه. بعلومه. صاحت والنعم

عنده الحل بالشدد ماكو مستحيل
صلّى اللهُ على العباسُ الكفيل
_

ابو راس الحار ما يرحم عدوّه
بنار سيفه چم بطل مات وتچوّه
خوّة العباس وكت الشده خوّه
ضامي گبل حسين بالطف ما تروّه

لعضيده سيف ايده. وحزام الظهر
ماعافه. وبچتافه. شال اكبر خطر
صد عينه. لحسينه. من طب النهر

ما أشرب گلّه والقدمته قليل
صلّى اللهُ على العباسُ الكفيل
__

كافل اخته زينب وحارس خدرها
ومن يجنّ الليل يتحوّل گمرها
يخاف حتى الهوى يم زينب يمرها
لاشك يگطعه ابوالغيره بأثرها

دلّلهه. وصار الهه. حمّاي واخو
وي زينب مايتعب. كفّال وكفو
وشحدّه يتعدّه. بوجوده العدو

وصّاه بيها علي حمّاي الدخيل
صلّى اللهُ على العباسُ الكفيل
___

من تنخّت زينب بأسمه وتحزّم
اغضب العباس سل سيفه وتقدّم
سوه من روس آل امية بحر من دم
جيش امية بضربه من سيفه تهدّم

رد صايل. والعايل. داس بجثّته
لخيامه. وايتامه. تارس جربته
فرحانه. ولهفانه. اخته تلگّته

روّه طفال وحرم ماء السلسبيل
صلّى اللهُ على العباسُ الكفيل
___

يبوفاضل احنه خدامك هتفنه
بحبك وبفعالك الحلوه انشغفنه
سيدي خدمتكم وحبكم شرفنه
بهالمجالس نرضي قائمكم هدفنه
ندعيله. بكل ليله. للمهدي الفرج
نشكيله. ونفديله. ارواح ومهج
مهدينه. متانينه. مبعوث الحجج

من يظهر تعتلي اصوات الأصيل
صلّى اللهُ على العباسُ الكفيل

سيد زيد الفحام
________

اجمل قصائد محرم تجدها هنا



https://t.center/alizedioe

تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742

(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742

بالحظ والبخت يحسين..أحنه بخير ونعمه
اذا نبقى خدم عندك....نتشرف ابهالخدمه
___________
كل خادم يذل يحسين بس خدامك برفعة
نقدي وماتحب الدين دوم ابزايد اترجعة
اليبجيلك تكرمه ابعين هوه انطاك بس دمعة
والله يا ابو الأكبر
كل اليخدم المنبر
يعلى ومايشوف الشر
وباجر عالسراط ايفوت وانت ابيدك اتلزمه
_______________
اسمع يالخدمة حسين جلمة وحطهه ترجية
مو سلعة المنابر هاي منهه اتريد مالية
اخلص بالعمل لله كون وصافية النية
حيل اتواضع اترجاك
وشيل الغانمه بيمناك
هذا الرايده مولاك
حمزه ابهالتواضع جان واسمه ارتفع للقمة
__________________
كل مجلس لبو السجاد يضوي بالكبر شمعة
مو اله بمقام وتون لوبس تكعد وتنعة
الزهره ماتدور اصوات الزهره ادور الدمعة
بكلبك خلي روحيه
والحانك حسينية
مو من لحن الاغنية
الزهرة حاظرة وياك ماتبريلك الذمه
______________
كل شاعر وراهه احساب مسؤل اعله سالفته
اليكتب فرعت زينب زينب فرعت يمته
خل يستحي من العباس منهو اليقبل اعله اخته
زينب رب العباية
ليش اتحرف الاية
من هذا الحجي هواية
بت حيدر واخت عباس منهه ناخذ الحشمه
______________
قدسية المجالس هاي لازم نحتفظ بيهه
لاتتأثر بديكور وتسلب معانيها
هاي احجايتي وياك روح ودور اعليهه
وانته تعرف المقصود
شنهي من الحجي مريود
مو لازم نخلي احدود
بروحية المجالس ذيج كل خادم رفع اسمه
_____________
هذا يسجل التاريخ حط اسمك بعنوانه
بالك لاتعوف احسين جلب حيل بردانه
احذر لايغرك مال والله الدنيا خلصانه
خلي الخدمة عنوانك
بيهه يرتفع شانك
وتميز اعله اقرانك
تالي اتذكرك الأجيال بيهه اتحصل الرحمه
____________

الشاعر حيدر الخفاجي

قصيده كعديه للخدمه 2024

احنه بلا هواك نموت يحسين ياعزنه وفخرنه
خدامك نظل عدلين ميتين. ياعزنه وفخرنه
عن مبدأ خدمناك
دنيا وآخره وياك ياعزنه وفخرنه
٠٠٠٠٠٠٠٠٠٠٠٠٠٠٠٠٠٠٠٠
حسين ياوارث مُحمّد خلقه وعلومه وخصاله
مثل ما ادّاها جدك. انت ادّيت الرساله
في سبيل الدين والحق حاربت أهل الضلاله
وحنه عله نهجك والعهد
خدامك انظل للأبــد
دستور عدنه ومعتقد
بحبك الدين اكتماله

عاهدناك نحيي الثوره كل عام. ما نخلف عهدنه
نتشرف اذا تقبلنه خدام ما نخلف عهدنه
متنه وما تركناك
دنيا وآخره وياك. ياعزنه وفخرنه
٠٠٠٠٠٠٠٠٠٠٠٠٠٠٠٠٠٠٠٠٠٠
خدمتك يحسين جنه. ومنزله ورفِعه وكرامه
يا الف هنيال كلمن. يلتزم خدمة أمامه
وحنه يامولاي بسمك. كل محب وَجّه سلامه
ما عدنه غيرك سيدي
احنه بولائك نهتدي
ثوب الولاية نرتدي
من يحل يوم القيامه

كل عاشور نتحزّملك حزام. نحييها الشعائر
نلبسلك سواد وننشر اعلام. نحييها الشعائر
هاك ارواحنه هاك
دنيا وآخره وياك. ياعزنه وفخرنه
٠٠٠٠٠٠٠٠٠٠٠٠٠٠٠٠٠٠٠٠
بعالم الذر احنه صحنه. بيك آمنّه ورضينه
ياحُسين وكلشي يرخص. لجلك ويمك اجينه
بدينك وحبك كبرنه سيدي وليك انتمينه
بهاي المجالس نلتزم
وبحبل حبك نعتصم
ما عدنه بس انت المهم
لغير بابك ما مشينه

عاين للمجالس والخَدَم هاي. مشغوله بمصابك
ليل انهار ما تبرد يمولاي. مشغوله بمصابك
بكل مجلس لگيناك
دنيا وآخره وياك. ياعزنه وفخرنه
٠٠٠٠٠٠٠٠٠٠٠٠٠٠٠٠٠٠
احنه كل عاشور نفزع نحيي امرك بالشعائر
شما تموت امن المعاصي انت تحييها الضماير
بكل بلد مرفوعه رايه. بسمك تهزّ المشاعر
يجمعنه عاشور وصفر
بهاي المجالس والاثر
حبك يبواليمه انتصر
بكل زمن ويانه حاضر

من صوت المنابر يعله هالصوت. منعوفك يغالي
احنه وياك عشنه ونبقه للموت. منعوفك يغالي
وتمسّكنه بلواك
دنيا وآخره وياك. ياعزنه وفخرنه
٠٠٠٠٠٠٠٠٠٠٠٠٠٠٠٠٠٠٠
والله ما ننسه الجرالك. سيدي يبن الزجيه
بلا ذنب ذبحوك ضامي الله يلعن آل اميه
ما كفاهم كطع نحرك. داستك خيل اعوجيه
وبالنار حركوا خيمتك
بالخيل داسوا عيلتك
وزينب غريبه وندبتك
خويه راح اطلع سبيه

من بعد الخدر مجتوفه بجتاف زينب ياوليهه
حاديهه الشمر مسببة تنشاف. زينب ياوليهه
زينب لا متنساك
دنيا وآخره وياك. يا عزنه وفخرنه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

للخدمة 2024

اسولف عن ولائي. لبواليمّه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠
أنه العايش ابحبّه وروحي تهواه
عشت من زغري خادم وفخر وياه
حبيبي حسين هذا شلون أنساه
اذا مثل النبض بعروگي الگاه

امتزج حبه بدمائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠
اجي لهاي المجالس وخدم حسين
اواسيه باللطم وبدمعة العين
ابد ميهمني حچي العنده وجهين
المهم عندي رضات الضحّه للدين

أكررها بندائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠٠
الغايه أمن الشعائر نلتزم كون
بطريق حسين نمشي يالتحبّون
نعوف ذنوبنه ونتعلّم شلون
بفعلنه نحب مثل حب عابس وجون

عبد يقبل رجائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠
محرم مو محرم نفس الاحساس
أظل خادم لبوالسجاد يا ناس
لأن كلمن يخدمه بجون ينقاس
يضل خالد مقامه ويرفع الراس

يوافيني بجزائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠
حياتي وروحي فدوه تروح لسمه
اظلّ لآخـر انفـاسـي اخدمه
اذا ضكني الوكت اتعنّه يمه
يزيل همومي لو عطره اشمّه

حسيني كربلائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠
اذا يقبلني خادم مُنيتي هاي
ابو الأكبر حبيبي وعايش وياي
علية بخدمته متفضّل اهواي
أنه العاشك ضريحه رايح وجاي

الى المهدي دعائي. لبواليمه انتمائي
حُسينا وا حُسيناه. حُسينا وا حُسيناه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نزله هلالية 2024

هل شهر عاشور خل نستقبله
ونبدي مجلسنه بلطم من كربله
٠٠٠٠٠٠٠٠٠٠٠٠٠٠٠
يالله يالخدام خل نبدي العزاء
عالذبيح حسين محبوب السماء
بالسيوف امگطع وينزف دماء
لسّه والأملاك تبچي لمقتَلَه
٠٠٠٠٠٠٠٠٠٠٠٠٠٠
نشرت أملاك السمه بسابع سمه
يا قميص حسين ناكع بالدمه
وتلطم عله الراس كامت فاطمه
تشم قميص حسين ابنها تقبّلَه
٠٠٠٠٠٠٠٠٠٠٠٠٠٠٠
نشارك الزهراء بدموع الحزن
شافت هلال العزَه وكامت تون
لكربله ولحسين مشتاكه وتحن
تنعه ابنها بالدموع الهامله
٠٠٠٠٠٠٠٠٠٠٠٠٠٠٠
ننشر الرايات وندك السواد
هذا شهر حسين محبوب العباد
بالشعائر نلتزم عدنه اعتقاد
نفس حق فرض الصلاه والمنزله
٠٠٠٠٠٠٠٠٠٠٠٠٠٠
حزام نتحزم لبواليمّه الغريب
شعدنه غير حسين بس هوه الحبيب
شما نزيد امن البواچي والنحيب
ما نوافي نبقه مديونين اله
٠٠٠٠٠٠٠٠٠٠٠٠٠٠٠
هذا شهر البي خذوا زينب سبي
من عكب عباس حاديها اجنبي
لمجلس ابن زياد تدخل بت نبي
أكبر وأعظم مصيبه ومعظله
٠٠٠٠٠٠٠٠٠٠٠٠٠٠٠
زينب الماشاف واحد الهه ظِل
تدخل الديوان مچتوفه بحبل
بيها يتشمّت غده وين النذل
يعينها الله شكد مصايب حامله

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠