QR Suw xojalig'i ministrligi

СУВ ХЎЖАЛИГИДАГИ ТАДБИРЛАР МАРКАЗИЙ ОММАВИЙ АХБОРОТ ВОСИТАЛАРИ НИГОҲИДА

Яқинда Нукус таманида сув хўжалигидаги ислоҳотлар билан оммавий ахборот воситаларини таништириш мақсадида ташкил этилган тадбир Ўзбекистон Миллий ахборот агентлиги ҳамда “Халқ сўзи” газетасининг расмий саҳифаларида кенг ёритилди.
Қуйида ушбу материаллар ҳаволалари ёритилади!

Соҳага оид янгиликларни расмий тармоқларимизда кузатиб боринг!
https://t.center/krminwater/
http://krminwater.uz/

Қорақалпоғистон: “Дўстлик” каналида бетонлаш ишлари якунланди

Нукус шаҳридан ўтувчи “Дўстлик” каналини реконструкция қилиш, яъни белгиланган қисмида бетонлаш ишлари ниҳоясига етказилди. Лойиҳа доирасида бош пудратчи ташкилот “Кегейлимахсуссувпудрат” МЧЖ томонидан каналнинг 4 километр қисми реконструкция қилинди.
Ушбу канал Қарақолпоғистон Республикаси шимолидаги энг йирик каналлардан бўлиб, узунлиги 25,2 км ни ташкил этади. Канал орқали Нукус шаҳри, Тахтакўпир, Қораўзак, Кегайли, Чимбой ва қисман  Нукус туманлари экин майдонларига сув етказилади.
“Дўстлик” каналида бетонлаш ишлари якунлангач, кейинги кунларда мазкур каналга секундига 100 метр кубгача сув берилиб, республикамизнинг шимолий туманларида шўр ювиш тадбирлари уюшқоқлик билан давом эттирилмоқда.

Сайтимизда тўлиқ ўқиш: 👇

https://krminwater.uz/23/01/2025/3572/

ЭКСКАВАТОР МАШИНИСТЛАРИ ЯНГИ ТЕХНИКАЛАРДАН ФОЙДАЛАНИШ БЎЙИЧА ЎҚИТИЛДИ

Ўзбекистон Республикаси Президентининг 2024 йил 5 январдаги “Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида”ги қарорига асосан Сув хўжалиги вазирлигининг қуйи бўғини ҳисобланган туманлар “Сув етказиб бериш хизмати” давлат муассасаларининг моддий-техника базасини мустаҳкамлаш мақсадида уларга экскаватор, бульдозер, кран каби махсус техникалар давлат бюджети маблағлари ҳисобидан етказиб берилмоқда.
Шу кунга қадар, Хитой Халқ Республикасидан 70 дан ортиқ техникалар олиб келинган бўлиб, жойларга босқичма-босқич етказилмоқда.
Ушбу замонавий техникалалардан самарали фойдаланиш ҳамда белгиланган техника хавфсизлиги қоидалар асосида бошқарилишини таъминлаш мақсадида экскаватор машинистлари учун Тошкентда ўқув-машғулоти ташкил этилди.
Ўқув машғулоти сўнгида қатнашчиларга сертификатлар топширилди.

Ахборот хизмати

ДЕПУТАТЛАР ИШТИРОКИДА САЙЁР ЭШИТУВ ВА ЖУРНАЛИСТЛАР УЧУН МАТБУОТ АНЖУМАНИ ЎТКАЗИЛДИ

2025 йил 23 январь куни Сув хўжалиги вазирлигида Ўзбекистон Республикаси Олий Мажлис Қонунчилик палатаси Аграр ва сув хўжалиги масалалари қўмитасининг сайёр эшитуви бўлди.

Унда вазирлик томонидан сув тежовчи технологияларни жорий қилиш, ҳудудларда сув сарфини камайтириш бўйича амалга оширилаётган ишлар ҳисоботи ва келгуси режалар тингланди.

Вазир ўринбосари Р.Қаршиевнинг таъкидлашича, 2024 йилда республика бўйича 849,4 минг гектар майдонларда сув тежовчи технологиялар, жумладан, 84,9 минг гектарда томчилатиб суғориш, 37,2 минг гектарда ёмғирлатиб суғориш, 30,6 минг гектарда дискрет суғориш технологиялари жорий қилинди ҳамда 173,9 минг гектар майдонлар эгилувчан қувур орқали ва эгатга плёнка тўшаб суғорилди, 522,8 минг гектар майдонлар лазерли текисланди.

Сув тежовчи технологиялар жорий қилинган майдонлар 2 млн гектарга, шундан томчилатаб суғориш технологияси қамрови 560 минг гектарга етказилди.

Батафсил

ВАЗИРНИНГ БИРИНЧИ ЎРИНБОСАРИ БЕКОБОД ТУМАНИ СУВ ИСТЕЪМОЛЧИЛАРИ БИЛАН ОНЛАЙН МУЛОҚОТ ЎТКАЗДИ

Жорий йилнинг 23 январь куни Сув хўжалиги вазирининг биринчи ўринбосари Т.Бутунбаев Бекобод туманидаги сув истеъмолчилари билан ZOOM шаклида онлайн мулоқот ўтказди.
Мулоқотда вазирлик марказий аппаратининг тегишли бошқарма ва бўлимлари масъуллари, Чирчиқ-Оҳангарон ирригация тизимлари ҳавза бошқармаси, туман “Сув етказиб бериш хизмати”, алоқадор ташкилотлар вакиллари ҳамда 20 нафарга яқин фермер ва бошқа сув истеъмолчилари иштирок этди.
Мулоқот чоғида фермерлар томонидан сув солиғи масалалари, сув тежовчи технологияларни жорий этганларга субсидия ажратиш, тупроқ ўзанли канал ва ариқларни бетонлаш, ирригация тармоқларини суғориш мавсумига ҳозирлаш, суғориш тармоқларини тозалашда махсус техникалар ажратиш масалалари кўтарилди. Ушбу масалалар ечимини топиш ва мурожаатларни ижобий ҳал этиш юзасидан мутасадди раҳбарларга топшириқлар берилди.

Ахборот хизмати