#قصائد_محرم_الحرام_1444_هـ
#ليلة_استشهاد_علي_الاكبر_ع
_______
يفراگ الابـن هـدالي كـل حيـلـي
احجي وياه شسوه الحافر احجيلي
جـا ليش الـدلال اتفـرهد من ايدي
علوگ تفرهد بصحره ونه شبيدي شيب ابوك - من التعب
عايفيني ليش - كلي شعجباكـبر جـرح - يـحنـي الـظـهر
بصدرك
علي - الحافر لعب
تهدم حيلي لمن شفتك
شيب بثغرك طايح ليش
بويه الماي بگلبك فتك
عگبك يبني شلون نعيش
____
املاك الله لحلاتك بويه هل نزلت
شالوك بحصيره بثگلك انهزلت
شّيب راسي بويه اللطم
ع الخدين
علي يبني گبُّرت بفـرگتك عمـريـن
لـو الله يـاخـذنـي - وراه
الدايسته خيل -شنهي دواه
شلون ارجع الرمله - واكول
راح الدلال - حـافر خـذاه
الحافر جرك من حضن امك
بصدرك يمرح رايح راد
اباب الخيمه واصل دمك
الداس بصدرك حافر حاد
____
يلاچـمـني شـلـت متنـك وكـع نـصه
الـحافـر خـيلهم يبني صـرت حصه
مثـل سـاعة رمـل يتـبدن جـروحـك
نـزيف الـدم ضـل ايعلعل ابـروحـك
ضاع الدرب - وين اللتفت
جسمك وذر - لمن شفت
تـاه الـفكـر - يـبنـي عـلـي
يابعد ابوك - حيره صفت
باوع يبني الخيل الهدت
راح يرضوني وي الكاع
زينب چهبت لاكن ردت
عرفت بيك تكوم ابساع
____
شوكت تكعدلي يلچنك ورد ملموم
عكب طولك
علي تدير
ع ابوك الكوم
رسومك مو مثلهه مدهوره رسومك
تـره نـوم الصحاري بويه مـو نومـك
بويه الحصيره - شالتك
تبّچي العدو - يا حالتك
رايح ضواي - والدنيه ليل
جانت ضواي - اعمامتك
ضلت روحي يم وحيدي
رديت امشي بس اخيال
هّل مّن ناصُّر يعين وليدي
حملي الفوگي يهد اجبال
_
#تمت#عباس_القلعاوي #اللحن👇🏻