#قصائد_محرم_الحرام_1444_هـ#للقاسم _ع
________
هدني يا عمي عليهم خلي اصول
زغير بس الحومه تنصتلي من اهد
خلي اهد وي عمي عباس واجول
وخلي اشد حزامي وياه ونحصد
خلي تحييلي الزلم من اني اطب
الروس وي اجسادهه اصلبهه صلب
زغيـر بـس بالـعرگه لا مـا انغلـب
ياهله تحييلي - داخل بكل حيلي
عجّبتهه الوادم - الزلمه خل يوميلي
______
ازغير عمري لاچن اهوه العرگه حيل
ارشدني ياعمي واعلمهه الزلـم
مـن اطـب للحومه كـاع الله تـميـل
انـه والـعبـاس نـكـضـيهـم ردم
خـلي اركـب مـهـره كدامـك واغـيـر
حته اصير بعين عدوانك چبير
اله اجيب الشمر كدامك اسير
كاغد وشكيتهه - اجيوشهم بجيتهه
بّيه غيرة عمي - كر الغنم كريتهه
______
من اطب استنكي وين العثكه زين
وضل ثغيب الجيش يوصل للخيم
من اشد للعرگه ماترمـشلي عـين
عـمـي ابو فاضـل معلمني الشيم
منجل السيف بيميني وهمه الگصب
چومتهه جيوشهم جن چومة حطب
كاض طرف الغاضريه وانكث رطب
شاد العصابه - حيلي كلش ضابه
اكتل بخزراتي - واكتل بسبابه
_______
انـه تـربـات الحـسـن وبـن الدلال
وانـه اول زلـمـه عـريـس ويـهد
الـعرگـه يـرادلـهه فـزعـه لا مُحـال
مـن اصـول الـزلـم تقـرالي الـحّمـد
المهره تصهل والزلم عبرت الشط
قسـم مـن جـيوشهم كـلـه سـقـط
الوصـل هـوه ومهرتـه شبـعته غـط
شاد الجفيه - عمي يتنومس بيه
من بعيد وضاوي-يهوس بخاچيه
_________
#تمت#عباس_القلعاوي#اللحن👇🏻