مِلکِ سِوادکوه رِ تِـه اَمِه پِـنا هاکردی
وِنِه کوه آ کمِر رِ سه خط طِلا هاکردی
ایرانِّـه دِنیای دله همه ی آقا هاکردی
هرچی که آبادیه , تِـه رضاشاه هاکردی
//
سه خط نقشه , سه خط طِلا ره بَدی
سه خَط قِطار شونه بالا ره بَدی
سه خط چِشِّه حَصلی یارنه نِواجِش
گِنه قُدرِتی یه رضا ره بَدی
//
ورسکِ مَحله ره هِدار هاکِنم
اِشااِش اون سَره قِطار هاکِنم
یاده روش بَکِشی تِلار هاکِنم
پِلِ عَکسه شه یادگار هاکِنم
//
ورسک پل هزار خاطرخواه دارنه
ونه قامت چنده تماشا دارنه
باعثِ بانیِ قبرِ نور بواره
خله ساله مله ی سر جا دارنه
🔺مِه دل خوانه جِوونی رِه نَروشِم
قدیمِ مِهروونی رِه نَروشِم
هِچّی نارِم ، وِشنایی جِه بَمیرم
زِوونِ
#مازرونی رِه نَروشِم
//
مِه تَن تا دارْنه خونِ مازرونی
کَشِمْبه تا نشــونِ مازرونی
شِـه پِر و مارِ گَپّه یاد نَکِمْبه
مِه اَرمونه زِوونِ مازرونی
🔺اَی مِرِه یاد کَفِنِه تَندیر سَرِ نون
شِه جانِ مارِ پَنجِه کَشِ قِربون
چِتی یاد بَکِنِم اون روزا ما رِه ؟
زِنده دارنِه مِرِه یادِ اون زَمون
🔺مه دل گِلا گیاهه وسِّه تَنگه
مازِرونِ هوایِ وسّه تَنگه
درمبه دیره شَر دل پَر کَشِنه
سوادکوهه میهایِ وسِّه تَنگه
//
مِه دل محله ی لوش وِسه تنگه
آقاجانِ کلوشِ وسه تنگه
مه دل کِرچ کرچی کنده هر صواحی
ننای رک و روشِ وسه تنگه
//
مه دل مازندرونِ وِسه تنگه
مــردمِ مهــربون وسه تنگه
اصلا چچی بارم باور نکندی
غاز و بوقلمونِ وســـه تنگه
🔺تِ کِ بُوردی مِه زانو شِل بَهییه
مِه دِل خِشی بَسوتِه فِل بَهییه
مِه رَنگُ و رو بَهییه سونِ کِهلِن
مه تَنِ جِمِه سیو جِل بَهییه
//
پینه بَـزه دس چنده رنده کرده
سختی کشیه امـا خنده کرده
این همه درد و نداری و سختی
همه ره دوش گیته شرمنده کرده
//
الهـــی! من ته دسِّ پینـه ی دور
ته خَسّـه تن، دلِ بی کینه ی دور
ته دل غم داشته اصلا رو نکردی
همهره جا دایی شه سینه ی دور
🔺هِوا ســردا ، بِنه بچــا بچـــائه
مه دل تنگِ ، مه چِش دایم براهه
مه دل خانه بورم شــه مارِ مله
چایی بار هاکنم شـــه مار خِنه
🔺ته مِه ماری ته چش، دِنیا ره وَسّه
تِه آهــویِ مــــِجِش، دِنیا ره وَسّه
خامه، هر شُو ،ته کِنــدا بِن دَواشِم
ته اون، گوجـه خِرِش ، دِنیا ره وَسّه
🔺مِنا پنجشنبه و اتّا نماشون
دِ تا چِش راه دَره مِلكِ
مازرونغَمِ غربِت مِه دلِّ تو بيارده
كِنه جا بَهيرم شِه مارِ نِشون
🔺نِـنــای خِت و خـُـو بورده اَمِسّه
قشنگِ چش ســـو بورده اَمِسّه
دِرِسّی شِه خِدِر ره توم هاکرده
وِنِــــه اِفتـــاب رو بورده اَمِسّه
🔺آقاجان ! ویمبه تِه چینه سوآلّه
خَور گیرمه دیرِه شر من تِ حاله
ته قرآن و نماز ره یاد نکمبه
به کار گیرمه ته پیر بته مثاله
🔺دَر و دروازه رِه وا بِشْـته بورده
مِه دِلّه پِشتِ سَر، جا بِشْته بورده
خِشی رِه، نـاخِشی رِه، دلپِئـى رِه
مِه وسـّهِ اَّتا اَتّا بِشـْته، بورده
🔺اِلهی مَحله یِ سو سو نَمیرِه
وِنِه قشنگِ سبزِ رو نمیره
من و مازندرانی سبز و یکدست
جهانی نه که جانی سبز و یکدست
تمـام آرزویم این که یک عمر
بمانیم و بمانی سبز و یکدست
//
مازرون مه دل، مه جانا مه خون
ونه سفره یِ سر بركت فراوون
كمونِّ تا رِها هاكرده آرش
بهارِ دشمنون بَیّه زمسّون
//
مازرون ! ته صِفا ره مِن بِنازِم
ته آب و ته هِوا ره مِن بِنازِم
ته دشت و جنگل و صحرا و دره
ته سرسبزیِ روستا ره من بنازم
//
اَمِه جنگِل , امه بیشه , امه کوه
همه هَسِّه امه جان و تن و روح
بهشت که گِنّه همینجِه هسّه
همین
مازرون وِنه بِک و بو
//
#مازرونِ سبزِ رختِ دوس دارمبه
مازرونِ تاج و تختِ دوس دارمبه
ونه دار مهِ معلم، ونه دِريو مِه ماره
من شهِ بلندِ بختِ دوس دارمبه
🔺اَغوز چکه چکه دارنه سفره
کماج با پیسه گنده دارنه سفره
اَتی اِنار و هندوانه بیار ته
چله شو ره نشونه دارنه سفره
🔺دِواره لال ِشو بِمو نمویی
پیسِّه گِنده جِلو بِمو نمویی
پِشته زیکا کِنِسا بَئو دونه
تِه خاطر مِنه رو بِمو نمویی
اَرمونِ تِه بَپِتِ دَسِّه پِلا
آغوزه خِرِشا تِه سیو حِلوا
شب چِره وَلیکا پَک پَکی دَس نون
اِنار و سِه و سِمیشکه فِراوون
هَمه مِه پیش و مِن وِه رِه نِشمبه
ته بوردی آ ته داغ دَره وِشِمبه
🇯🇴🇮🇳
@LafoorMyCountryبرای حمایت از ما، لینک بالا را
👆👆به گروه ها و دوستانتان فوروارد کنید.