🌺🌼🌸🌺🌼🌸🌺🌼🌸🌺@lafoormycountryبه مناسبت روز جهانی زبان مادری
#زِوون مادری
#مِن مازندرونیمه مازرون صفا اِ دور
#مِن وِنه خونش دور و وِنه لله وا اِ دور
#مِن مازندرونیمه مازرون هسه مِه وطن
#مِن ونه زمسسون وِن بهار ماه اِ دور
#من مازندرونیمه وِنه شه جور گپ بزنم
#امیری وطالبا وِنه ساز ونِوا اِ دور
#مِن اگه غریبه جا
اتا رفِقِ بوینِم
#مازرونی گپ زمبه آخ که وِنه صدا اِ دور
#مه زِوون مازنیه مازنِدرونه وچومه
#خار مِره یاد بِدانه مِن شه ببا ننا اِ دور
#با زِوون مازنی مه مار مِره کِرده دِعا
#ته بلا مه دل گِته آ مِن وِنه دِعا اِ دور
#مه زِوون مه نِشونه نَوِنه بی نشون بواِم
#کوریک نَیرم شه چِش شه من شه روشن راه اِ دور
#نکنه مه یاد بوره کی هسمه کِجایمِه
#گِلی خِنه گت بَیمه وِنه بومه هِلا اِ دور
#نَوِنه قیافه بَیرِم شه وِسه کلاس بِلِم
#مازرونِ وَچومه آ مِن وِنه هِوا اِ دور
#نَمبه فارسی گپ نزن یا انگلیسی یاد نهیر
#محلی رِم یاد نکن آ مِن تِنه وِفا اِ دور
#من اَنده خِشالمه خوامبه که بال دربیارِم
#مازرونی بخوندِم وِنه هیرا هیرا اِ دور
#اتا تیکه از بهشت هسه امه مازندرون
#با زِوون مادری گِمبه جان خِدا اِ دور
✍ #هادی_اکبری_وسطی کلایی
@lafoormycountry🌟💥🌟💥🌟💥🌟💥🌟