Elyor Murod ijodi

#tanlov
#karikatura
#tuhfa

💥"Til va adabiyot ta’limi" jurnali telegram kanalida o‘tkazilgan navbatdagi tanlov shartlari o‘zgartirilib, sovrinlar miqdori ko‘paytirilganidan xabaringiz bor.

🥇"Fan" nashriyoti direktori, shoir Elyor Murod g‘oliblar uchun jami 2000 000 so‘mlik kitoblar jamlanmasi va’da qilgan.

Tanlovda uch yo‘nalish bo‘yicha g‘oliblar aniqlandi:
Matn – Nilufar Obidova 500 000 so‘mlik;
Audio – Sevinch Yakubova 500 000 so‘mlik;
Video – Zuhra G'aniyeva esa 1000 000 so‘mlik kitoblar bilan taqdirlanadi.

🎡 Bundan tashqari, shoir o‘ziga yoqqan boshqa ishlarni ham qo‘shimcha ravishda rag‘batlantirishga qaror qildi:
* Dilshoda Bozorova
* Islombek Mirzaqulov
* Ozoda Abdullayeva
* Dilnoza Hakimova
* Oddiy bola
* Umidaxon Sohibjon qizi
* Zulhayo Mingboyeva
* Quvonchbek Hayitboyev
* Parizoda Ro‘ziboyeva
* Hamdam Muhiddinov

🚀 G‘olib va sovrindorlardan @Doniyor_Fan ga manzilini yozib yuborishlarini so‘raymiz. Sovrinlar tez orada egalariga yetkaziladi.

Sayt | Telegram | Murojaat | Muhokama

🎤Фаррухбек Набиев
🎼Она Туркистон

@elyormurodfan

EGIL, O‘ZNI PANA QIL

Egil, o‘zni pana qil,
Borligingni bildirma.
Yo‘talganga o‘n besh yil,
Aksirganga yigirma.

Kar bo‘l, ko‘r bo‘l, tishla til,
Boshga balo keltirma.
Gapirganga o‘n besh yil,
Eshitganga yigirma.

Qalamingni dushman bil,
Qog‘oz uzra jildirma,
Roman yozsang – o‘n besh yil,
Doston yozsang – yigirma...

Erkin Vohidov

@elyormurodfan

Турон, қайт! Ўлмаган Туркистон!

Қор ёғди бошимга, курадим.
Илдизим кемирди, нурадим.
Ғанимлар кулдилар бир четда,
Мен эса қайтадан гулладим.

Бобомнинг отини олдилар,
Кўзининг ўтини олдилар.
Дарёмиз қуритди ёғийлар,
Ҳаётнинг тотини олдилар.

Тупроққа қорилдим, Ер бўлдим,
Алдандим, таландим, кўр бўлдим.
Саксовул қучаман, қум ютиб,
Шамолда соврилиб шўр бўлдим.

Момолар урчуғи айланар,
Айланар бу дунё, айланар.
Душманнинг бўғзини йиртгали
Ичимда бир қашқир шайланар.

Одамман, Ёфасман, бўриман,
Ёвлардан Ватанни қўрийман.
Турон, қайт! Ўлмаган Туркистон!
Шу тупроқ бор экан, тирикман.

27.12.2023

Элёр Мурод

Қорбобо

Хориб қайтди ўтинчи ота,
Вужудига ин қурган оғриқ.
Зилдай оғир ғамгин остона
Боласига беролмас тортиқ.

Гўдакларнинг етмайди ақли,
Отасидан кутарди совға.
Қўшни уйнинг овози завқли,
Қандай қуруқ кирар ўтовга.

Йўқ, ҳеч нарса ўзгармас энди,
У қуруққўл қайтди-ку овдан.
Қисматига иложсиз кўнди,
Ҳатлолмади остонасидан.

У қўлларин кўтариб кўкка,
Худойимга чунон дод солди.
У билмасди, тушганча мукка
Қорбобога айланиб қолди.

Элёр Мурод

@elyormurodfan

#qutlov!

23-dekabr – shoir Elyor Murod tavallud topgan kun!

* * *
Tog‘ay Murodga

Momosi, men Tarlonni
Osmonlarga berkitdim.
Yulduzlarning qo‘ynida
Kishnab-kishnab yuribdi.

Momosi, men Tarlonni
Armonlarga berkitdim.
Orzularning bo‘ynida
Nishlab-nishlab yuribdi.

Momosi, men Tarlonni
Muzliklarga berkitdim.
Sovuqlarning bo‘yida
Qishlab-qishlab yuribdi.

Momosi, men Tarlonni
So‘zligimga berkitdim.
Xoinlarning boshiga
Mushtlab-mushtlab yuribdi.

Momosi, men Tarlonni
O‘zligimga berkitdim.
G‘animlarim burnini
Tishlab-tishlab yuribdi.


@yoshlikjurnali

Қадрдон рассом Эркин Орол совғаси

@elyormurodfan

📎Шоир, она ва қиш ҳақида

✏️Элёр Мурод шеъри

🎤Маҳмуджон Алишеров ўқиган

@elyormurodfan

Elyor Murod she'ri
Zulhayo Mingboyeva o'qidi

#tezkor

💥💥💥Sovrin keskin oshirildi. Shoirning ilhomi qaynadi, tantiligi tutdi. Hozirgina biz bilan bog‘lanib, tanlovimizga 2 000 000 so‘mlik mukofot tikdi.

📍 Tanlov shartlarini kengaytiramiz:
1. Shoir she'rlaridan birining matnini shu postning izohlar bo‘limiga ulashib, eng ko‘p layk yig‘gan ishtirokchiga 500 ming so‘mlik kitoblar jamlanmasi;
2. Shoir she'rlaridan birini ovozlashtirib, shu postning izohlar qismiga ulashib, eng ko‘p layk yig‘gan ishtirokchiga 500 ming so‘mlik kitoblar jamlanmasi;
3. Shoir she'rlaridan birini videolashtirib, shu postning izohlar qismiga ulashib, eng ko‘p layk yig‘gan ishtirokchiga 1 000 000 so‘mlik kitoblar jamlanmasi taqdim etiladi!

📚 Sovringa uncha-muncha emas, eng sara kitoblar beriladi!

Tanlov shoirning tug‘ilgan kuni, 23-dekabr (dushanba) soat 16:00 gacha davom etadi. Dam olish kunlaridan unumli foydalaning. Qancha erta kirishsangiz, imkoniyatingiz shuncha ko‘p bo‘ladi. Tanlovda qatnashibg, YUTQAZMAYSIZ!

Sayt | Telegram | Murojaat | Muhokama