هوسات لمولانا أبا الفضل العباس عليه السلام
🌀زينب من نخت عباس غاض وأرعد وامطر
مو ماي الجثث بالطف بيهه غِده أيطشر
يحصد سيفه روس لكوم جمله عالارض شَمَر
هل من مزيد يصيح بلميدان أرتجز المشكر
صرخة كافل زينب جن للمحشر دكة بوق
✍ أزهار جبار الجياشي
🔗🔗🔗🔗🔗🔗🔗🔗🔗🔗وينك ياسند دنياي ضاگت خويه ويايه
بفكدك يا رفيج الحيل كبرت علتي اهوايه
يخو زينب تراني ابگيت اتعثر بممشايه
صبح دمعي سحابت غيم تمطر علمسنايه
.عاين حالي وحال عيالي..انهض يالطايح مرمي
✍مريم العبوديه اسيرة الاحزان
💔🔗🔗🔗🔗🔗🔗🔗🔗🔗🔗انهض ياعزيز الروح. عاين خويه. الحالي
ابلا خيمة بقيت اليوم وتهدم سورنه العالي
يوم الطاحن اچفوفك وياهن طاحت آمالي
يكافل خدري من بعدك يخويه بدربي يبرالي
الشمر. ايباري. اضعوني. . تقبل ياعباس
✍ام زهراء الزيداويه البصراويه
🔗🔗🔗🔗🔗🔗🔗🔗🔗🔗🔗اكعد شوفني بياحال انه اختك المحجوبه
من هجمت عليه اعداك احس الدنيامكلوبه
يخويه ومن عكب عيناك شفت الشام ودروبه
وشفت راس الولي كبالي ولشيبته المخضوبه
اهنا يالكافل خدري ...اكعد لختك مهظومه
✍🏻ام علي الأمارة
🔗🔗🔗🔗🔗🔗🔗🔗🔗🔗🔗عالنهر نايم يكافل وانه بهمومي بقيت
تذبح عيون الشماته وبالصبر انه سليت
التفت يمنه ويساري وجم عايل بدربي لكيت
عالرمح راسك اشوفه يرقب الوضعي ومشيت
إنه وديعة فاطم ....ونته الكافل ياعباس
✍خادمة الزهراء // ليلى زغيب
🔗🔗🔗🔗🔗🔗🔗🔗🔗🔗🔗ياعباس لو طبيت للحومه ابسيفك تزلزلهه
الموت يهابك يصكار الزلم البيدك اتشلهه
لو شهرت السيف الروس مطشره تخلهه
شجاع وغيره ياعباس وحك زينب وكافلهه
وكلمن شافك ياعباس..يرجف كلبه وصاح الغوث
✍ام حسين الفريداوي
🔗🔗🔗🔗🔗🔗🔗🔗🔗🔗🔗من رحتو صحت عباس كلها تشمتت بيه
انخامن بعد ياخوي وانتم جثث مرميه
يضربوني واصيح ابصوت تعال ولحگ عليه
وسفه لدللاها حسين تمشي اليوم مسبيه
ابصوت اصرخ يلكافل.... كوم وسكت عدواني
✍🏻#الشاعره غدير الباهلي
🔗🔗🔗🔗🔗🔗🔗🔗🔗🔗🔗تمت بعون الله تعالى
بـ
✍ــاقـ
✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان
💔نسألكم الدعاء
بتعجيل الفرج لصاحب الزمان (( ع))
https://t.center/azhar979