قناة طف الرزايا 🇮🇶 آآآه يا زينب

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
#جديد _ وحصري 💥💥

#قصيده لمولاتنا نرجس عليها السلام...تقرأ بعدة اطوار

( ينرجس فاطمه )


ينرجس فاطمه// شكثر متألمه
من راح الحسن  // 2
ناديتي بهظم// يا راعي الشيم
من راح الحسن // 2
~~~~

من راح الحسن شكد بجيتي
يأم المنتظــــر وتلوعيتــــــي
بهظم ظليتي بعده اتعذبيتي
وللصار او جره ما حسبيــتي

ونزل دمعچ دمه
ينرجس فاطمه
من راح الحسن//2
~~~~
غدروو للحسن اهل الرديـه
نسل اهل السقيفه الناصبيه
عداء بأمه فاطـمة الزچيــه
الما عدهم مروه ولا حميـه

وسفه اتسـممـه
ينرجس فاطمه
من راح الحسن //2
~~~
ظليتي ابهظــم تجـــــري دمعتج
وعلى فراك الحسن ما هدت ونتج
وغيـــــاب المنتظر زيدهه علــتج
تموتــين بسجـــن تالي ابغـــربتج

اعظــــم مظلمه
ينرجس فاطمه
من راح الحسن// 2

~~~

عانيتي شكثر يوم الحسن مات
همـــچ زاد وتحملتــي لـوعـــات
تنتظــرين ضليـــــتي العلامـات
من ابن الحسن صاحب الثارات

عليـه  امعلمـــه
ينرجس فاطمه
من راح الحسن// 2
~~~~
من سجن السجن گضيتي عمرچ
بعــد فگد  الامـام انكسر ظهـرچ
محــد گلـــج  الله يعظـم اجـرچ
وبغـيبـة المهـدي اشلونـه صبرچ

غايـب بالسمــه
ينرجس فاطمه
من راح الحسن// 2
~~~~
ماعشتي حياتج مثل هل الناس
عاصرتي الظلم مـن بـني العباس
انسبيتي يالنجيـبه بيد الارجاس
رغـم كلشي بقيـتي تـاج عالراس

عندج  مكـرمـه
ينرجس فاطمه
من راح الحسن// 2
~~~~
تمت بعون الله وفضله وبركات مولاتنا نرجس عليها السلام 🙏
بأقلام خادمات أهل البيت عليهم السلام ✍️✍️
# الشاعره _أزهار-جبار _الجياشي
#الشاعره والمله # أم مجتبى
لا نجيز وغير مبري الذمه من يحذف أسماء الشاعرات وتنسيب الكلام لغيرهن
نسألكم الدعاء بتعجيل الفرج لمولانا صاحب العصر والزمان عجل الله فرجه وسهل مخرجه
ولفاتحه لامواتنا واموات المسلمين


https://t.center/azhar979

https://youtu.be/5scQjxcGP1w?si=SMB-9v9JT7LoCTmN


عظم الله لكم الأجر واحسن لكم العزاء بذكرى وفاة باب الحوائج وقاضية الحاجات سيدتنا ومولاتنا أم البنين عليها السلام
فضلا وليس أمرا نرجوا دعمكم لهذا 👆 المقطع فبدعمكم نستمر ونقدم الافضل وفقكم الله لكل خير

https://youtu.be/oGm4T6u0sS8?si=TLTkouB-bAzv8-TE


فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم