قناة طف الرزايا 🇮🇶 آآآه يا زينب

قصيده للأمام الجواد عليه السلام )بعنوان(باب الكرم حاشا يردني) على طور قصيده ~خطار اجاني


حاجتي صعبه وهوه يگظيها
أسمه الجواد وگاصده بيها

من بحر جوده راح يسگيني
حاشا تردني دمعتي بعيني
حاشا حاشا

🖊🖊🖊🖊🖊🖊🖊🖊🖊

صعبه~الطلبه~ بس انت يامولاي تگظيها
گلبي ~بحيره ~ ولبابك اتعنه وگصد ليها
منك ~طالب ~هاالحاجه يبو الكرم مشيها
انظر ~حالي ~يمك طلبتي وعينك عليها
سيدي بجودك لاتفشلني
انا گصدت للحظره متعني

ويم الضريح ارفعت ايديني
حاشا تردني دمعتي بعيني
حاشا حاشا

🖊🖊🖊🖊🖊🖊🖊🖊

بلهفه ~ ولوعه ~اوصل لشباچك بعد زحمه
بيدي ~لزمته ~ وحسيت روحي لازمه الجنه
انحب ~وابجي ~ كلبي طلع من صدري احسنه
گلك~ دخيلك ~يبن الرضا خلصلي هاالمحنه
شدتي بس انت التسهلها
دمعتي عل الخدجمر انزلها

ماينسمع صوتي من ونيني
حاشا تردني دمعتي بعيني
حاشا حاشا

🖊🖊🖊🖊🖊🖊🖊

وكفت ~اللحضه ~حسيت لن الهوى مر بيه
ريحة ~ عطره~ تشبه تماماورده جوريه
عقلي ~تحير ~ نسمه حنان ومرت عليه
يارب~ لطفك~ هذي اكيداً رحمه مخفيه

ماخاب كلمن يطلب باسمه
بوجنة الحاير يزرع البسمه
ياسيدي ارجوك حاجيني
حاشا تردني ودمعتي بعيني
حاشا حاشا

🖊🖊🖊🖊🖊🖊🖊🖊

شفته ~الطيفه ~اقترب مني وگال لاتخافي
ضمني ~الحضنه ~ الله ياحظنه شكثر دافي
طلبي ~يگلي ~بس الطلب كون بگلب صافي
اسمع ~كلمن ~گلبه سليم الفطره مو غافي
كل الشدايد يمي محلوله
ويتشافي عندي الروحه معلوله

لاما تردكم هذي چفيني
حاشا تردني ودمعتي بعيني
حاشا حاشا

🖊🖊🖊🖊🖊🖊🖊🖊

#تمت
✍بقلم الشاعره حسينية الهوى
و
✍ازهار جبار الجياشي

غير مبري الذمه من يحذف الاسماء وينسبها لنفسه

نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه





https://t.center/azhar979

قصيده..
للزهراء عليه افضل الصلاة والسلام..


يمه يانبع المحنه.. وياج محلاة العمر.
يل حنانج ماكو مثله كلبي لغيابج جمر.

كلبي من بعدج حزين
بروحي حسرات وانين
يمه....يمه

*✿────↻✿...✿↺────✿
.
حسبت كلشي بدنيتي.. بس روحتج ماحسبت
ترحلين مني بالعجل.. ودمع الحزن نار ويكت
ابجالج ييمه مدلله... هسه يدولبني الوكت

غيبتج طالت سنين
بروحي حسرات وانين
يمه يمه

*✿────↻✿...✿↺───
.
البيت مايسوه بدونج. صار مظلم بالحزن
دمعة عيوني جريه تشبه امواج المزن
استخف وكتي بغيابج جان بوجودج رزن

سال مدمعهه العين
بروحي حسرات وانين
يمه يمه

*✿────↻✿...✿↺───

يمه يالماكو ابحنانج يا نبع طيب او وفه
كلشي اتحمل ييمه وياج ما احمل جفه
من الوذ ابحضنج اغفه يمه اشعر بالدفه

أجيب المثلج منين
بروحي حسرات وانين
يمه يمه

*✿────↻✿...✿↺───
.

لوعة افراكج عظيمه هيجت بيه الجروح
بعدج اشعر بالهظيمه ابلوعه وبحسره انوح
يمه يالماكو ابغلاتج حتى اغلى من الروح

ألج ذابحني الحنين
بروحي حسرات وانين
يمه يمه

*✿────↻✿...✿↺───
.
#تمت بعون الله تعالى
✍️ شاعرات اهل البيت
#الشاعره مريم العبوديه اسيرة الاحزان 💔
#الشاعره ازهار جبار الجياشي

لا نجيز حذف اسماء الشاعرات

نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه






https://t.center/azhar979

﷽. قصيده
لعليلة الحسين عليه السلام


العليله اليوم عافوها ومشوالاحباب
تهل دمع الحزن اعله الوجن سجاب

✿┈┈•• •✦♡✦• ••┈┈✿

تصيح بصوت بويه اخذوني وياكم
عليله بالحزن مكدر عله اجفاكم
بكلب مجروح تلهج دوم طرواكم

تناطر عل الدروب ولا اكوا دكة باب
العليله اليوم . عافوها ومشو الاحباب

#الشاعره ام احمد الحجامي
✿┈┈•• •✦♡✦• ••┈┈✿

تناطر عالدرب ويهل دمعهه العين
تحاجي حسين ابوها ولكلب نصين
متى اتعودون ليه يا هلي الطيبين

مريضه من الهجر ولكلب حن ذاب
العليله اليوم عافوها ومشوا الاحباب

#الشاعره أزهار جبار الجياشي
✿┈┈•• •✦♡✦• ••┈┈✿

عليله بداركم منهه الدمع همال
ولوالي وسف من عدها راح وشال
مریضه اليوم تنعاه بحزن چتال


من يوم المشو الكلب منه انعاب
العلیله الیوم عافوها ومشوا الاحباب

#الشاعره ام یوسف المنبوهی
✿┈┈•• •✦♡✦• ••┈┈✿

منصاب الكلب منهه وتجر حسره
وحيده بدارهه تنعه بدمع يجره
بصدرهه مكسره ياويلي الف عبره

ومن عدهه الكلب لاهود وطاب
العليله اليوم عافوها ومشو الاحباب

#الشاعره زهراء الكناني
✿┈┈•• •✦♡✦• ••┈┈✿

العليله اتنوح ياويلي وتجر ونه
عله احباب الكلب اكطعت كل ظنه
لهفة شوكهه طير بسمه اتعنه

متعني الكلب يمشي وي ريح الهاب
تهل دمع الحزن اعله الوجن سجاب


#الشاعره ام زهراء الزيداويه البصراويه
✿┈┈•• •✦♡✦• ••┈┈✿

شالوها الظعون اهل الفخر ولزود
عليله بدارهم.تبجي بكلب ممرود
تناطر عالدرب ماواحد الهه يعود

تهل ادموعهه .منهه الكلب منصاب
العليله اليوم عافوها ومشو الاحباب

#الشاعره العلويه امامه ام علي
✿┈┈•• •✦♡✦• ••┈┈✿

#تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))






اللهم صل على محمد وآل محمد 🥀
لبيك يا حسين
يا حسين أشفع لبويه وأمي بيوم الحشر ...
همه علموني خدمتك سيدي من الصغر ...

قناة لنشر القصائد الحسينيه والنعي بجميع الأطوار
https://t.center/azhar979