قناة قُربان الله

القاسم

١

.

بسم الله الرحمن الرحيم

نحوسة صفر واقع أم وهم؟


كثيرا ما توارثنا سماع سيمفونية نحوسة صفر، فهل هي واقع له مأثور تاريخي أم أنها من الوهميات الاجتماعية الشائعة؟

المتتبع للتأريخ بكل أصوله وتفرعاته لا يجد أبدا أيَّ منقول صحيح أو رواية معتبرة تثبت بحق نحوسة هذا الشهر.

وحيث أن كل أو أغلب الموروثات الاجتماعية الواهمة تستند إلى قضايا غير منطقية أو تسند نفسها إليها من دون أي مناسبة، فلنا أن نتساءل عن منشأ هذا الموروث الوهمي، فما هو؟

يمكن في الجواب أن تُطرح عدة موضوعات يحتمل أن تكون هي السبب في شياع هذا الموروث، لكننا نرى أن أقربها للصحة والتأثير في هذا الشياع، هو ما حصل في هذا الشهر الحزين من مصائب، حيث حصلت فيه حوادث مؤلمة، وأهمها شهادة رسول الله صلى الله عليه وآله وسلم، وشهادة الإمامين الحسن المجتبى وعلي بن موسى الرضا عليهما السلام، ومصيبة العشرين من صفر حيث رُدِّت رؤوس الأطهار لتدفن مع الأجساد الكريمة في كربلاء المقدسة.

إذن هذا الشهر كغيره من الشهور لا يوجد فيه ما يوجب النحوسة أو غيرها من الأوصاف، نسأل الله تعالى أن يلطف بنا ويوفقنا للعمل بما يرضيه إنه سميع مجيب.

عباس الناصري
٣ صفر الخير ١٤٤٦ هج
الموافق ٨/ ٨/ ٢٠٢٤ م

💎
...

دخول سبايا آل محمد (ص) الى الشام



الشام الشام الشام الشام (۲)

الیوم زینب طبت الشام البله

بس حرم واطفال ذیچ القافله

اهمومها زادت علی هم کربلا

علوجن دمعاتها دم سايله

ريت یحضرها ویجی خیرالانام

الشام الشام الشام الشام (۲)

❥━──➸➽❥❂❥━──➸➽❥❂
اباب ساعات اوگفونص النهار

بالشمس والحرابحالت انتظار
الشام کلهاچنه عید وعدها صار

ریتها انهجمت عسن ذیچ الدیار

انظارهم صارت احد من السهام

الشام الشام الشام الشام( ۲)

✍🏻المیرزه ام ليلي الخاقاني

❥━──➸➽❥❂❥━──➸➽❥❂

بزره الساده هذني مدللات
من صفات اجبال بس مدنكات
عافن اجسات اعل رمضه مرضرضات
دمع طر العين لاجن صابرات

جدامهن محتركه ياوسفه وحرام
الشام الشام الشام
✍طالبةالزهراء


❥━──➸➽❥❂❥━──➸➽❥❂ﮱ
يمه الازغار شحلات وجوهن

بعد گلبي السبي غير لونهن

مبرگعات وبالمشي يصيبونهن

محرگات ودمع ترس اعيونهن

جابن وياهن عذابات الخيام

✍🏻وعد الڪفيل

❥━──➸➽❥❂❥━──➸➽❥❂.....

الشام صلفه وچملتهن ياجرح
بلطشت راس الحسين المنذبح

والعظيمه يصيح زينب هالوكح

هاي كلفه وهيه بت عالي المقام
ام حسين المحمداويه

تمت بأقلام شاعرات رابطة ادب الطف 💔
.............
...

جنت اتاني بكل مسيه
يلفي الغايب عليه
ثاري جان اوياي بدروب السبي
جان راس برمح عمه

❥━──➸➽❥❂❥━──➸➽❥❂
عينه ثاري اهواي تبجي من اطيح
حته من اكعد وحاجيه استريح
جنت احسن ينظر وكلبه جريح
هم ترد ايامنه الحلوه سوه
وعنت عيونه عليه
جنت اتاني بكل مسيه
جان راسه برمح عمه
✍طالبةالزهراء

❥━──➸➽❥❂❥━──➸➽❥❂
هوه بس راس وحضن ضل عالتراب
وحايره منين آنه احصلي الجواب
وينه ابويه الضكت من بعده العذاب

فوك هزل وبظهيره وي العده

بالسبي وجنه سويه
چنت اتاني بڪل مسيه
چان راس برمح عمه
✍🏻وعد الڪفيل

❥━──➸➽❥❂❥━──➸➽❥❂
لو اصد راس العليه وجهه سمح
يشبه لوجه الابو بس بيه جرح
لذت چم مرة لذت خلف الرمح

سارحه ونسمه تغذيني بحنان

وتهمس اباذني. رقية
چنت اتاني بڪل مسيه

چان راسه برمح عمه

✍🏻وعد الڪفيل

❥━──➸➽❥❂❥━──➸➽❥❂

فوك ناگه وكل خواتي معلعلات
تضيع لو وگعت بنيه. بهل فلات
والفكر من شوگي الك صايرشتات

ترجع انده ابد مفگدت الامل

بطيف مر يالغالي بيه
جنت اتاني بكل مسيه
جان راسه برمح عمه

✍🏻خـادمـة الزهـراءام احمد العبوديه زبير

❥━──➸➽❥❂❥━──➸➽❥❂

من اجن بذيالهن شوك الدروب
الهضم بعيونهن حسرة غروب
والثلث ساعات طعنات الحروب

والاشد يابوي والاعظم علي

اسمع بچلمة. سبيه
جنت اتاني بكل مسيه

جان راس برمح عمه

ام حسين المحمداويه


تمت باقلام شاعرات رابطة أدب الطف 💔......
......

فزاعي بطريقه الجنوب
ختام المجلس



الون شاجر على اعيونك..يعباس
وحيد اعداك يولونك..يعباس
على الهامه يصوبونك.. يعباس
**
يخويه بعازه الخوه
اعرفك راعي النخوه
تنكط غيره ومروه
✍طالبةالزهراء
**
خويه حركو الخيمه
خواتك تاهن بهيمه 
مامش بل عدو شيمه
✍ام خضير
*****
من عطرك اعرفنك.
اجيت الشاطي ادورنك
عن حالك انشدنك
✍ام مسلم
***
يعباس العدو سبنه.
بحباله تجتفنه
واخلافك تلوعنه
عكبك هظموا الخدر
وانه بس مره وافتر
باصرني يبن حيدر
يعباس
 ✍ام حيدر العباديه عماره
**
تعال اكعد يكفالي
وشوف الصاير بحالي
غريبة انفطر دلالي
✍ام حسن
*****
يمن كلت النفس هوني
افدي جفوفي وعيوني
كفو نعمين عنتوني
✍ام محمد الطلقاني
****
مصوبينه علهام الحيد
تمت باقلام شاعرات رابطه
قرابين الطف
https://t.center/sakiAtashi

اشكركم

☘قصيده للسيده رقيه ع☘


طفله رقيه.. تريد ابوها..
يابوي وينك.. بتك سبوها..
يابويه وينك..
يابويه وينك..
**
يابويه شو طال السفر يمته تجينه
بدروب مشونه غصب شمس العلينه
وحبال خشنه اتشددن كوه بدينه
  طالت الغيبه يا شهم اللحك علينه
الحيل مريود..للجتفوها
يابوي وينك. بتك سبوها
يابويه وينك
يابويه وينك
✍طالبه الزهراء
////////////////////////

لو تدري بويه شكد صعب لمن خذونه
بنص الخرابه علترب من كعدونه
نسوان وطفال بدرب بيه روعونه
والليل كلّه خايفه بس يرعبونه
زينب تشاكف..من اضربوها
يابوي وينك ..بتك سبوها
يابويه وينك
يابويه وينك

✍️☘️ام فراس الساعدي ☘️
//////////////////////////♡

الحيل من عده خلص ما نامت اليل
بالطيف ابوها شافته والمدمع ايسيل
صاحت يعمه والدي خل يرجع ادخيل
ماريد ابقى اوي العده ويخوف اليل
للوالد اتريد..ابراسه افجعوها
يابوي وينك بتك سبوها
يابوي وينك
يابوي وينك
✍🏻 ام زينب الأسدي
//////////////////////////♡

يابويه من بعدك صرت آني السبيه
فوق الهزل ياوالدي بنتك رقيه
من سلبونه هالعده شدوها اديه
يمتى لهاتعود ..للعذبوها
يابويه وينك ..بتك سبوها
يابويه وينك
يابويه وينك
✍️هدى المطر ام محمد
///////////////////////♡

خلوني امشي بالسبي ودموعي بالعين
الفاكد عزيز اعل الكلب ينطي الوجه وين
ويم الخرابه وبالحلم مربيه الحسين
يشبك حيل ويبتسم مريود تلفين
وسط الملاعين ..من دخلوها
يابويه وينك.. بتك سبوها
يابويه وينك
يابويه وينك
✍🏻 ام سجاد الشهيد
//////////////////////♡

محتارة بوية بدمعتي وماأگدر ابچي
ڪلهم يضربوني اجو ويامن أحچي
مابيه امشي هالدرب تعبانه واشچـي
منهو الي خذب لحيتك يابويه هچي
والشوك جتال للفاركوها
يابويه وينك بتك سبوها
يابويه وينك
يابوية وينك
✍🏻  وعد الڪفيل

/////////////////////♡
تمت باقلام شاعرات رابطة ساقي عطاشا كربلاء حقوق النشر محفوظه عند سيد الشهداء ع
https://t.center/sakiAtashi

الله يديم هالحنجره

من تضكك الحياه توجه لامام زمانك
تره ربك مخوله بكلهن...
وعوف فلان وعلان
تره من تحجي وي امامك وتكله ابو صالح *سيدي
مالت واريد جفك وياي نعدله سوه قسما بضلع فاطمه مايقصر.
#طاابة_الزهراء

اردود اردود صدر حسين ينداس
وزينب حشمت وينك يعباس
***
ردود ردود سحكنه بثكلهن
وسونه وذر بمراكضتهن
عشره الركن وردن مثلهن

داسنه وغمجن بظلوعه
✍طالبةالزهراء
****
داسنه خيول الاعوجيه
هذا احسين هذا ابن الزجيه
مطشر جسمه بارض الغاضريه

علكاع اوصاله مكطعيها
✍️ام نور الزهراء الزينبيه
**
أردود أردود داسنه وتعدن
وطحن بالعظام الرحى  طحنن
عن ابن امي وخرن صحت بسجن
هذا أبن الزجية ما تعرفن
(طك ظلوعه بظلوعي تطك طكت  )
✍أم الحسن
***
هاي الخيل جسره تمادت هواي

ترد وترح فوكه الماشرب ماي

تمنيتك علي يابويه وياي
                                                                         ترد الكوم العياله

✍ام خضير المهدويه
**
تمت القصيده باقلام شاعرات رابطه قرابين الطف لانجيز حذف الاسماء

☜   بـسمـه تعـالى  ☞

الـقصـيدة : قريت الفاتحة
اداء : سيد فاقد الموسوي
كلـمات : سيد محمد الموسوي

♧♧♧♧♧♧♧♧♧♧♧♧

عفـتوني ييمة وانه ام گلب الحنين
متگابله العلاوي وانـه مگابله الونين
ومتانية ليگلي ردوا  يـم البنين
يچوي الگلب فرگاكم .. يچوي الگلب فرگاكم

♧♧♧♧♧♧♧♧♧♧♧♧

قريت الفاتحة من حمل حسين .. گلت بلكت يرد
غرفكم فارغة ويا وحشة البيت .. عليكم يالولد
يدگ بساع گلبي واعرف بساع .. ضعنكم يبتعد
گلت لو ناشده مرات الضعون يعبر عن نشد

♧♧♧♧♧♧♧♧♧♧♧♧

يناس الفاگده تريدلها نسوان .. تگابلها وتون
اجيب منين وحده تلطم وياي .. وابادلها الحزن
جفوني وگابلت اربع حياطين واحس روحي بسجن
انكسر گلبي عليكم هذا الفراگ مثل كسره غصن
ماگالوا خطية وانه الفاكده الثكيل
ما حنوا عليه ليل فراگهم طويل
وبيوت المدينه رادت مني تشيل

♧♧♧♧♧♧♧♧♧♧♧♧

فرشت فراشكم من صار الغروب .. گلت ردوا هلي
والف مره ييمه اندگت الباب نخيت .. اللّٰه و علي
يجون وما يجون وخلص الليل .. يروحي اتحملي
طلع وجه الصبح وانه على هل حال .. ولا ردوا الي
من يوم الجفوني وانه متانيه على نار
لا ليل الانامه ولا مرتاحه النهار
شو لاچمني گلبي بس لا  شي يمه  صار

♧♧♧♧♧♧♧♧♧♧♧♧

ولا مرة گلت لا يمي الحسين لچن .. هسه گلت
گلت من گالي تروحين وياي بچيت ودنگت
چبيره وروحتي تعطلك يالحسين .. واحس تاخذ وكت
خفت لا يلتهي العباس وياي لذلك ما رحت
ما اروحن كلتله وانه اتمنى اروح
ماريدن اچمله فوگ جروحه جروح
انه ادري من اروحن اشده باله من انوح

♧♧♧♧♧♧♧♧♧♧♧♧

گلت لو رايحة ولا ضلت البيت واموت من الجفه
واخافن ضاله بگلبك يالحسين .. لراويك الوفه
اطب كدام زينب للدواوين .. وايديه مچتفه
بعد شيفيد وانتَ جروحك هواي ولا .. واحد شفه
لو رايحة سبية حالي وحال البنات
و بذيج الخرابة ويه العلوية ابات
ما صار الاريده ويه حسين كلشي مات

♧♧♧♧♧♧♧♧♧
.🌵🌵🌵🌵j