الشاعر ابو اسحاق الفحام

        لومه الوصيه وانت تدريهه 
          خيبر على بابج اسويهه 
     شحده اليجي ويوصل لعد بابج 
       الكالت وإن يافاطمه امحيهه 
  -----------
  شحدهه يم بابج تجي ويوكف جدمهه
     صدكي يم الباب اطشرهه والمهه 
       لو كطع بعقولهه وشدت عزمهه  
       فدوه يم الحسن اذبحلج زلمهه 
          هاي الاجت بالغدر معروفه 
        تدري بوصيه جفوفي مجتوفه
        كونج حجيتي وسامع اعتابج
         الكالت وإن يافاطمه امحيهه 
   ------------
      الاجت يم الباب جية الجاهليه 
        نكرت الدين  وتبرت من نبيه
      العاشت بلاشرف لاغيره وحميه
       وإن كالت ندري بالدار الزجيه 
          جلمة حقد ترست معانيهه 
           تحرك الدار الفاطمه بيهه 
         نسمة هوى لو مست حجابج
        الكالت وإن يافاطمه امحيهه 
-----------
      جَمعت احقادهه بيوم السقيفه 
      هذا يكره هذا صار يريد حيفه 
     التمت ابناء البواغي المو شريفه 
    ومن عصارة هالجمع سوت خليفه 
        والرِدة صارت من سقيفتهه
           وبلا علم يفتي خليفتهه
           ياخذ فدك ويزَيد مصابج 
        الكالت وإن يافاطمه امحيهه 
 ----------
     مسد صار حزامهه وحملت حطبهه 
      غله تملي صدورهه واسود كلبهه
        تبت ايدينه الذي سعر لهبهه 
      ليش يحرك بابهه وشنهي ذنبهه  
          باب النبي والكل يعرفوهه 
        من غاب احمد اجو حركوهه
        أهل الحقد وكفت عله اعتابج
        الكالت وإن يافاطمه امحيهه 
 ----------
      مايهون صواب ضلعج يالزجيه 
      لكن شبيدي وتجتفني الوصيه 
       انه حماي الحمه وتدرين بيه  
    الوكفت عله الباب اراويهه المنيه 
       الوكفت ببابج موت اراويهه 
          يافاطمه والباب اخليهه 
       خيبر اذا لحظه الهضم صابج 
       الكالت وإن يافاطمه امحيهه 
 ---------
  خادم الزهراء ابو اسحاق الفحام 


     
       

         
         


     
       
       
         
    
     
     

    
    


    
     

        
  

 









  
     







  
   
   
    
    
    

        

           سكته تبجي بلا دمع 
            حيل ماذيهه الضلع 
               ونة الماتنسمع 
               حيدر سمعهه  
  ---------
       تجمعو اهل الكفر واهل الرديه 
      ورِدة صارت بالسقيفه الجاهليه 
        نسو قرآن النبي ونكرو وصيه 
        وبحقدهم كصدو لدار الزجيه
              والامس كالو بَخٍ
              رجعوا وكالو وإنْ
              الباب لازم تندفع
                ونة الماتنسمع 
                 حيدر سمعهه
 ----------
       البايعت حيدر امس نكرت عدهه
        واعلنت عدوانهه وبين حقدهه 
       زمره ماعدهه شرف لادين عدهه 
        اجت تطلب ثار خيبر وبن ودهه 
               ثار تطلب من علي 
               وعلى الدين الاولي 
               والطبع نفس الطبع 
                ونة الماتنسمع 
                 حيدر سمعهه 
------------
         ثار للباب التي حيدر قلعهه
      اجه لباب ام الحسن بيده دفعهه 
     سطر خدهه الحاقد  وهشم ضلعه 
       ونت وهو ابتسم لمن سمعهه
               ونت وهو ابتسم 
             والضلع منهه انهشم 
              باب فاطم يندفع 
                ونة الماتنسمع 
                 حيدر سمعهه 
-----------
    الوكفت عله الباب والجابت حطبهه  
      حرك واحد بابهه وواحد ضربهه  
     طاح محسن ياعلي وصوب كلبهه
       شلون ياحيدر بعد تكدر تطبهه 
              يالبقيت بغربتك 
             الغربه تسمع ونتك 
             ذابت سنينك شمع 
                ونة الماتنسمع 
                 حيدر سمعهه 
  ---------
      ياعلي عله الباب ظلت صوره منهه 
      باب تبجي دموعهه وترسم حزنهه 
      بين كسر ضلوعهه وسطرة جفنهه 
         ونة الماتنسمع كامت تونهه
             تبجي والمدمع جمر 
            الضلع يوجع والكسر 
             والدليل المنصدع 
               ونة الماتنسمع 
               حيدر سمعهه 
   ----------
خادم الزهراء ابو اسحاق الفحام 

             
              
     
   
         
      
      
               









              






            
            
            
    
     
         


     


       

       

             شلون العاش وياج 
               يرد ومايلكاج 
            ياهو اليقره رسومه 
            المن يشكي هموهه 
           ---------------
        ياصور مليانه منج ذكرياتي 
      يالحبيبه الجنت عايشلج حياتي 
      انت ذاتي ومااعيش بدون ذاتي 
      ياحلم ضل حاضر بكل امنياتي 
            حلم سنيني الجان 
             عايش بالوجدان 
            واليتعب من يومه 
           المن يشكي همومه 
             ------------
     شلون ارد والدار من وجهج خليه 
      يالزجيه وكلبي عنده شكم زجيه 
      انت روحي والجروح البيج بيه 
       اسكت ودمعي يسولفلج عليه   
            كل دمعه تحاجيج
            تحجي البي وبيج 
            وبروحه المهضومه 
            المن يشكي همومه 
          ----------
   شمعة الدار نطفت من رحتي عنهه
      بين عله الروح بغيابج حزنهه       
    دارج خلافج حزن روحي سكنهه      
       فركتج كل الجروح البي منهه
                وعيني التتمناج
                  تفز وتتلكاج
               وبروحه المالومه 
              المن يشكي همومه 
         ---------
        راح وياج العمر لمن مشيتي 
    بيتي ظلمه بروحتج يالجنتي بيتي 
       يم حسن ميت بدونج مادريتي 
       انذر سنيني عله دربج لواجيتي 
              يالرحتي وضليت 
               انتظرج والبيت 
               عكبج يالمظلومه  
              المن يشكي همومه 
         ---------
    ياضوه الدار الخمد بعدج ضواهه
       يانبض دكات كلبي المانساهه
      ياهوه الريه التدور عن هواهه
   وكلبي راد ام الحسن بس مالكاهه
              جانت هي وياي 
                ايامي ودنياي  
            وحلامي المرسومه 
            المن يشكي همومه 
      ----------
خادم الزهراء ابو اسحاق الفحام 
             
                
              
             
    
             
   
    
    
         
         
           
           

           
            

          
           
                 من تودع فاطمه 
               سالن دموعك دمه 
                   وكلبك تفطر 
             عيونك مضيعه الضوه 
              وخانكك حتى الهوه 
                  وكلشي تغير 
   ----------
       يبو حسين شصبرك من غسلتهه 
        للكبر بعد الغسل بيدك خذتهه
      فاطمه الروح التي بجنبك شلتهه 
       شكال كلبك ياعلي من دفنتهه
              يبو حسين بياصبر 
              تنطي روحك للكبر 
                وشلون تكدر 
             وظهرك عليهه التوه 
            وخانكك حتى الهوه 
                وكلشي تغير 
 ---------
     شلون للدار رجعت وكت المسيه 
     وانت تدري الدار مابيهه الزجيه 
     وسفه دارك ياعلي وحشه وخليه 
       يعينك الله ياعلي بهاي الرزيه 
             شكال كلبك وشكلت 
              ياجبل شفتك ملت 
                 ببابك يحيدر 
             طولك العالي انطوه
             وخانكك حتى الهوه 
                 وكلشي تغير 
  ---------
       بياصبر طميت ياحيدر كبرهه
     ماخفت رمل الكبر يلجم كسرهه 
    شلون عينك عاينت خسفة صدرهه 
     وسطرة الخد ياعلي مبين اثرهه
            ياعلي شلون صبرت 
            تدفن الزهره كدرت 
              وحيلك تعذر 
             كلبك بناره انجوه 
           وخانكك حتى الهوه 
               وكلشي تغير 
  ----------
      ياعلي بين على روحك هضمهه
      ودمعتك بالعين ماتكدر تضمهه 
    وزينب عله الباب ظلت تنطر امهه 
    تبجي وحسين وحسن يبجون يمهه       
              ياعلي قاسي الزمن 
             اليتم حسين وحسن    
                 نيرانه تسعر 
             تلهب جروح الجِوه 
            وخانكك حتى الهوه 
                وكلشي تغير
  --------
      شبيدك وحكم القدر منك خذاهه
    الدنيه صارت ظنكه ويخنكك هواهه
      عينك بلا شوف ومضيعه ضواهه 
        نور نجمة فاطمه يودع سماهه    
            كلشي بالدنيه اختلف 
              ياعلي وكلبك رجف 
               ياداحي خيبر 
             تحس شهكتكم سوه 
              وخانكك حتى الهوه 
                  وكلشي تغير 
 ----------
  خادم الزهراء ابو اسحاق الفحام

         يم الحسن دارج 
                تتنطر اخبارج 
             ظلمه انت عفتيهه 
               زينب بقت بيهه 
                تتنطر اخبارج  
               ----------
      يم الحسن من ودعتنه عيونج 
     دارج غدت دار الحزن من دونج
     تمنيت اشوفج يالعزيزه شلونج 
     خاف الرمل يالزهره غير لونج
               تمنيت يم كبرج 
             كل عمري انتظرج  
                والدار اخليهه
               زينب بقت بيهه
                تتنطر اخبارج 
              ---------- 
    المثلي عجيبه شلون عايش عمره 
       لا حيله ضل لادنيته ولاصبره  
  يمسي عله حسره ويصبح عله الحسره
      لازم يموت اللي يودع الزهره 
             مات الكلب سكته  
              وحروف سالفته
              رادج تسمعيهه
             زينب بقت بيهه 
              تتنطر اخبارج 
            -----------
        لاصبر عكبج لا دمع يكفيهه
       عيوني بغيابج لابد آنه اعميهه
        والما تشوفج المن مخليهه
      اتركهه المن شرده اشوفن بيهه
              يابسملة سوره 
           بعيوني الج صوره 
           برموشي اغطيهه 
            زينب بقت بيهه 
             تتنطر اخبارج 
            ----------- 
    يالرحتي عن زينب تضل زينب وين
     يصعب فراكج عالبقو يم حسين 
      تدرين من رحتي يفاطم تدرين 
    ليل اليمر مو ليل محسوب سنين 
              كل ليله بغيابج
            تطول عله احبابج 
             كل ليله اكظيهه 
            زينب بقت بيهه  
              تتنطر اخبارج 
             ---------- 
     تشتاك روحي شلون اصبر روحي 
     وليل الهجر حط الملح بجروحي 
        ماسكنن لاونتي ولا نوحي 
      ياروحي يم كبر الاحبهم روحي 
            واحجيلهم عني 
           عن لوعتي ووني 
           واللي جره عليهه 
           زينب بقت بيهه 
             تتنطر اخبارج 
           ----------- 
خادم الزهراء ابو اسحاق الفحام

لسان حال امير المؤمنين( ع )
          ____
    يالمشيتي/ ومادريتي 
                        راح وياج العمر 
   رحتي عني/ وخذتي مني 
                      سنين عمري والصبر 
         ____
      
   رحتي يالجنتي بحياتي انت كلشي 
    مااظن عايش يظل الروحه تمشي 
   انت بين عيوني دمعه وبين رمشي 
   وروحي طير اشتاكلج يالجني عشي 
   روحي انت / وعني رحتي 
                       وانه ضليت انتظر 
   رحتي عني/ وخذتي مني 
                    سنين عمري والصبر 
            ____
  
    يطفن سنيني بغيابج شمعه شمعه 
   وشمعة سنيني البقت طفتهه دمعه 
    يانَفس صدري الاموتن من اودعه 
     لون يرجع باب خيبر هسه اقلعه 
     وبغيابج  /هدني بابج
                    وضلعج اللي منكسر 
  رحتي عني / وخذتي مني 
                    سنين عمري والصبر 
             ___

   جنتي ورده بروضي والظالم كطعهه 
       وشلع سباح الكلب لمن شلعهه 
     انشلت ايده الكُرَبْ للباب ودفعهه 
      خمدو شمعاتهه وكسرو ضلععه 
      ظلمه داري / وبنتظاري 
                       شفت لوعات شكثر 
    رحتي عني / وخذتي مني 
                      سنين عمري والصبر 
              _____
      
         ياحلم كل الليالي المانمتهه
        شكد بجيت وبالليالي اتنطرتهه 
         فاركتني الروح لمن فاركتهه 
     اشتاكت العين لضواهه وماشفتهه 
     صوره اشمهه / بعيني اضمهه 
                        حلم كل ليل اليمر 
     رحتي عني/ وخذتي مني 
                      سنين عمري والصبر 
            ______
    
    ياجرح بضلوعي عايش مانسيته 
    ضعن فكدج وين رايح مادريته 
      دورت بسنين عمري ومالكيته 
      وكبر لليفكد حبيبه يصير بيته
      ومن جفيتي/صار بيتي 
                      موحش بظلمة كبر 
    رحتي عني /وخذتي مني 
                    سنين عمري والصبر 
           _____
   
    خادم الزهراء ابو اسحاق الفحام 
      
    

السلام على الزهراء   
               ____
         
          راحت جفوف الحنان 
          خالي من عدهه المكان 
          كلشي هسه بعيني مات 
           الورد وحروف الامان 
               ___

     خيمه جانت دافيه بوكت المسيه 
      تلمنه بين جفوفهه ونكعد سويه     
       لو حجو عن المحنه يعني هي 
     الماحسبت احساب تاخذهه المنيه
         داري صارت وحشه حيل 
            ليل ياخذني عله ليل 
             صار بحزاني يبات 
          الورود و حروف الامان 
               ____
       امنه جانت باب جنه ونعتنيهه 
        ننسه كل همومنه لمن نجيهه 
       يحوم نبض كلوبنه ويرف عليهه 
       زمزم اليروي ضمانه ببين اديهه 
             خلافهه مات الورد 
             راحت وماظن ترد 
             من ضماهن ذابلات  
            الورد وحروف الامان 
                ___
        اشم نسمة جنه بيهه من اشمهه
       حلم روحي الابد ماطول حلمهه
      بجفن عين امي احس لوعة المهه
      طاحت وطاح العمر مذبوح يمهه
               ببابهه طاح العمر 
             جفن مسطور وكسر 
               بالليالي مطشرات 
             الوردوحروف الامان 
              ____
  
    جمعت صبري ورحت يم باب داري 
      انتظر جيتهه بس طال انتظاري 
        امنه غابت واظلم عليه نهاري 
    عيني ترسم ذكرياتي ودمعي جاري 
              باب بسمار وضلوع  
            صور ترسمهه الدموع  
             صارن وي الذكريات 
            الورد وحروف الامان 
               _____
       
     شمعة الدار انطفت من ماتت امنه 
     الخيمه راحت بعد ياخيمه التلمنه
      من مشت بين علينه وانهضمنه 
   حضن ياام عكب حضن امنه يضمنه 
          راحت امنه وكلشي راح 
           كلبي ظل وي الجراح 
           خلافهه تموت الحياة 
           الورد وحروف الامان 
              ____
خادم الزهراء ابو اسحاق الفحام 
                    

عمه وين گبورهم دليني
ذاب گلبي من البعد تدريني
____
عمه مشتاگه ارده اشم ترابهم
عمه گلهم عودو غيابهم
بلكي يتلگون ضعن احبابهم
عمه يم گبورهم وديني
____
عمه گل للحادي خل يسرع تره
ارده اشوف العفته نايم عالثره
ارده اطش روحي شمع عالمگبره
وارده اوزع عالگبور سنيني
_____
وين ياسجاد گبر بن أمي وين
عمه دليني عله ابو گلب الحنين
لو دره يم الگبر زينب حسين
ينفض ترابه ويگوم حسيني
____
عمه اخذني وياك يم صوب النهر
عمه عندي مناشده وي الگمر
ليش لمن ضربو اخته ماحضر
ليش امشي ميسره يخليني
_____
ارده اناشد كافلي وسمع جواب
ابتدي وياه وبهيده العتاب
يدري للديوان رباة الحجاب
طبن وآنه العده مچتفيني
_____
هاي رمله يم گبر جاسم تريد
تريد تحضر زفة الغالي الوحيد
تگله صارت حنتك دم الوريد
ياحلم مذبوح شفته بعيني
______
ام الأكبر عن الأكبر نشدتك
وين گبر ابني بدمعهه نادتك
طيحة الاكبر يعمه هضمتك
طيحته تبچيك وتبچيني
___
والرباب تريد ابنهه الفگدته
بالنبل گوم آل اميه فطمته
بالسهم مذبوح لمن شافته
تگله يبني اكعد وناغيني
____
الشاعر ابو اسحاق الفحام

عن زينب ودرب الشام تحچيلك
المشايه
____
باچر ترد من السبي الكافلهه
لو سولفت عن اليسر شتگلهه
لمن مشت ياهو العِدل محملهه
تلَگاهه عَدل المحمل ونزِلهه
اختك يبن حامي الجار باچر تجيب
الرايه
______
هاي الچنت بعيونك مخليهه
يخاف الهوه منك يمر عليهه
يمخدرة حامي الحمه تسميهه
من چنت عدهه الضيم ما مر بيهه
بالخدر ياراعي الزود عود اختك
موصايه
______
ياخويه درب الشام حيل اتعبني
كلسا شمر اسمع يخويه يسبني
وبسمك إذا انده يجي ويضربني
ماحسبت هيچ الزمان يذبني
تَشر عليَّ أهل الشام وتگول زينب
هايه
____
خويه النوايب حيل هدت حيلي
وايتامكم من التعب تشكيلي
شيصير باچر حسبه اخلص ليلي
ردتك تجيني برايك وتحچيلي
تخليني يا خويه براي تاه الدليل
ورايه
___
ومدللاتك تدري خويه شبيهن
حر الشمس غير سواد عبيهن
رباة الخدر صعبه الشمر يسبيهن
طول الدرب شمس الظهر تچويهن
ومخدراتك وياك عدهن عتاب هوايه
______
كل النساوين الويانه اخذوهن
فزعولهن ومن اليسر طلعوهن
بس الفواطم باليسر خلوهن
ليش الهواشم سكتو وماجوهن
بيمن يجيهن عباس وچفوفه مرمايه
_____
باچر تجيب العايله وياهه
تحچيلك ششافت بدرب سباهه
وين الدهر عگب الخدر وداهه
زينب بلا چفين تتلگاهه
غيبتهه طالت واليوم رجعتلك الوفايه
_____
الشاعر ابو اسحاق الفحام

گوم ياعباس وتلگاني
ارده اسولفلك يخويه احزاني
_____
گوم وتلگاني اجيت من السبي
گوم شوف آثار سوط الناصبي
ردت چفينك يشدن معصبي
حتى اخبرك فگدك شراواني
______
خويه خلي چفوفك عله متوني
حتى أمن بعد ميضربوني
بلكي يغفن يبو الغيره عيوني
ماغفيت الوجع ماخلاني
____
من رحت لليوم عيني ماغفت
شلون تغفه وشافت عيونك طفت
جروحي من ذيچ المصايب ماشفت
جرح الاول يشتكي من الثاني
___
متوني من لسع السياط مألمه
والاجدام من المشي تنزف دمه
ارده اسولفلك يبن حامي الحمه
وين دهري خلافكم وداني
____
لليسر ياخويه بالعيله مشيت
لون بيدي بكربله يمكم بقيت
وين وداني الدهر واليوم اجيت
شفت گبرك وذكرت صيواني
____
من وصل بينه الدليل لكربله
جمعت يم گبرك يخويه العايله
الناس تفزع لليجي وتستقبله
بلا چفوف شلون تتلگاني
_____
رجعت يمكم خويه يوم الأربعين
شلون تتلگاني وانت بلا ادين
تگلي يتلگاچ يا زينب حسين
رحت يم حسين ما حاچاني
____
الشاعر ابو اسحاق الفحام

نعي
ـــــــــــــــــــــــــ
ينشدونه چا وين اهلكم
اشو للوطن رد خالي ضعنكم
وينه الگمر عباس عنكم
مهو من الوطن هو الاخذكم
وواعدكم يرد ليه ويردكم
وبالدار ضلت تنتظركم
بتكم تهد الحيل بتكم
أبداً ولا ايست منكم
لمن اجيتو وشاهدتكم
يتامه ولا وليان عدكم
ـــــــــــــــــــــــــــ
الشاعر ابو اسحاق الفحام

السجاد ع يخاطب عمته زينب ع
_____
ناشدهه بدمع عينه
نرد للوطن تردينه
لو يم گبر ابو اليمه
وين نروح ياعمه
______
يعمه بيادرب تردين تمشين
هذا للمدينه وهذا لحسين
ادري بيچ يم حسين تردين
اخاف عله الگبر عمه تموتين
اخاف عليچ يم گبره
تفيض الروح بالحسرة
وگلبچ يخلص بهمه
وين نروح ياعمه
_____
گالتله ومدامعهه تهلهه
رد بالعايله لگبور اهلهه
يعمه مصيبتي ماظن مثلهه
شبگالي بالمدينه ورجعلهه
شبعد عندي يعمه هناك
لگبر حسين اخذني وياك
ازور ترابه واشتمه
وين نروح ياعمه
______
نريد نزوره ونجدد عهدنه
يعمه بالمدينه شبعد عدنه
شلون نعوفهم ونرد وحدنه
بلكي الكافل يگوم ويردنه
أذكره شلون اجيت وياه
عله المحمل يرف لواه
وخاف عتابنه يهضمه
وين نروح ياعمه
_____
رد بينه لطفوف الغاضريه
اريد اشكي لخوتي الصار بيه
وراوي لكافلي جروح البديه
وخبر حسين عن حالة رقيه
وگله الحلمت بملگاك
ماتت ودفنتهه هناك
حزن العين شيضمه
وين نروح ياعمه
______
يم گبور اهلنه نحني الضلوع
اوگف يم الأكبر وجري الدموع
وم جسام جابت حنه وشموع
وهاي ام الرضيع تندهه وتلوع
تگله يا ضوه عيناي
اگعد جايبتلك ماي
شافت بالگبر جسمه
وين نروح ياعمه
_____
الشاعر ابو اسحاق الفحام

ياگلبي مامليت من وگفةالباب
ذِبت بكثر مابيك شوگ عله الاحباب
راحو راحو ماظن بعد
جيه لهلك راحو
____
ماأَيَست والباب أَيِسَت منهم
جازت بعد ماعادتنشدني عنهم
أنت شكثر تانيت تنطر ضعنهم
لاردو وضليت شجره بدربهم
راحو راحو ماظن بعد
جيه لهلك راحو
___
ياگلبي بسك عاد حيل أتعبتني
همهم ثجيل يصير تدري عله متني
گتلك بعد شتريد ما جاوبتني
من احچي تسكت ليش مو عذبتني
راحو راحو ماظن بعد
جيه لهلك راحو
_____
تنشد الرايح جاي عن ذيچ الضعون
والراحو وعافوك ماظن يرجعون
ماتهجع ومَتنام وَتعَبت العيون
والماخذوك شبيك ماظني يدرون
راحو راحو ماظن بعد
جيه لهلك راحو
__
كلمن يتاني احباب لابد يجونه
والغيبه كون تطول إيكاتبونه
طارش اله يودون ويصبرونه
وحبابك من زمان شو ما اجونه
راحو راحو ماظن بعد
جيه لهلك راحو
___
بيك شكثر وصيت ويست منك
والراحو يردون ياگلبي ظنك
ساكت نبض مابيك بالفرگه چنك
عايش عله الحسبات من مشو عنك
راحو راحو ماظن بعد
جيه لهلك راحو
____
گاعد بباب الدار ومتاني غياب
والفرگه مضت بيك سوتلك صواب
وَدي ويَ ريح الهاب نبضاتك عتاب
گلهم انفاس الروح صارن بالحساب
راحو راحو ماظن بعد
جيه لهلك راحو
______
ماظنهم يردون غياب اهلنه
من سافرو لليوم موحش وطنه
ويَّ المشو هيهات يلتم شملنه
والملگه صار بعيد ويست منه
راحو راحو ماظن بعد
جيه لهلك راحو
___
الشاعر ابو اسحاق الفحام

( أربعينية)
_____
مو كل السوالف سولفتهن
اخافن خويه تزعل لو گلتهن
أشفنه بسفرة الشام
شسوت بينه الأيام
اخافن خويه تزعل لو گلتهن
ـــــــــــــــــــــــــــ
اخاف احچيلك وتزعل يبو الغيره
اسكت احچي يمك صايره بحيره
چم ديره بسفرتي شفت چم ديره
واقع صار يسري وصعب تغييره
عگب الخدر والصيوان صرنه
يساره وشمتت الناس بيسرنه
والدرب المشيناه
والسب السمعانه
اخافن خويه تزعل لو گلتهن
ـــــــــــــــــــــــــــــ
يم گبرك گعدنه ومن گعدنه
صعبه نگول كل الحچي العدنه
يخويه عله الهزل لمن صعدنه
شلون بدونكم نمشي وحدنه
بنات الخدر يمشن للسبي شلون
مو عباس حارس هاي الضعون
المشي يصعب علينه
الشمر من يحدي بينه
اخافن خويه تزعل لو گلتهن
ــــــــــــــــــــــــــــــــ
الجره عليهن يخويه يصعب تشوفه
من طب الضعن يحسين للكوفه
شافو بت علي البالخدر معروفه
تمنيت الكفيل بسيفه وچفوفه
ردته يشوفنه بياحال صرنه
يدري بالخدر كافل خدرنه
صاير فرجه للناس
يدري بهاي عباس
اخافن خويه تزعل لو گلتهن
ــــــــــــــــــــــــــــــ
سكتنه والدمع سولف سوالفنه
بدرب الشام خويه شصار وشفنه
نتمنه الظلام يصير ويلفنه
نخاف من الصبح يطلع ويكشفنه
ما ردنه الشمس تطلع علينه
عن سهم النظر تسترنه ادينه
وحتار بخواتك
ويتاماك وبناتك
اخافن خويه تزعل لو گلتهن
ــــــــــــــــــــــــــ
يخويه عيلتك من تنشد عليهه
بدرب اليسر بعيوني اباريهه
لچن تعذرني خافن قصرت بيهه
ما رجعت رقيه ولا تراچيهه
التراچي سلبوهه بلا مهابه
ورقيه دفنتهه بالخرابه
اجيت بلا رقيه
تسلم عليك هي
اخافن خويه تزعل لو گلتهن
ــــــــــــــــــــــــــــ
خادم الحسين ابو اسحاق الفحام

( السلام على الجسد النحيل)
_____
يوجعنك ذكرياتك
حزن عايش كل حياتك
يبوالباقر/ يبوالباقر
______
لسه بچفوفك أثر گيد اليسر
يبوالباقر حزن گظيت العمر
لسه تسمع ياعلي شتم الشمر
لسه تلهب نار اميه بالخدر
زينب شما تنظر إلهه
ثكله مفجوعه باهلهه
يبوالباقر/يبوالباقر
_____
لسه بچفوفك أثر من كربله
لسه توجع بيك نبلة حرمله
لسه عينك تنظر بذاك الفله
طشت من الخيم كل العايله
ياهو يجمعهه ويلمهه
شمر سَباهه وشتمهه
يبوالباقر / يبوالباقر
___
لوشربت الماي تهمل دمعتك
تشوف نحر حسين دامي بشِربِتك
تشوف بين الناس طيحة عمتك
تشوف ابن عمك القاسم وخوتك
حَنِته الحومه بثراهه
ورگبته تفيض بدماهه
يبوالباقر / يبوالباقر
______
شما تمر سنين ما تمحي الجره
لسه نار الخيم بيك موجره
وچنك تشوف الكفيل عله الثره
وجثة حسين السليبه موذره
والاخذ زينب سبيه
سِلب ترچية رقيه
يبوالباقر / يبوالباقر
______
يالگظيت سنينك بلوعه وحزن
اليوم يامظلوم غَمضت الجفن
يبوالباقر شيعتك لجلك تون
الزهره يمك گاعده تلوع وتحن
تلهب النار بضلعهه
مايطفيهه دمعهه
يبوالباقر / يبوالباقر
______
الشاعر ابو اسحاق الفحام

چفوفي عله النهر للجود ناذرهه
وحراسك يجرف الماي اطشرهه
______
شحدهه يانهر تحميك حراسك
إذا زينب نختني امحيك من ساسك
انه العباس اجيبن مايك وناسك
حدر جدام زينب فدوه انحرهه
______
انه العباس حامي الجار سماني
سبع الگنطره ولليوم رباني
وصية بزينب وبالخدر وصاني
وآنه لزينب الچفين ذاخرهه
______
جبتهه لكربله وتكفلت بيهه
شلون يكون بالشدات اخليهه
اليوم المشرعه ميدان اسويهه
وانفخ صور بالجيمان واحشرهه
____
اخلي المشرعه بدم الزلم حمره
واخلي النهر من الماي يتبره
هذا اليوم يومي الچنت انتظره
واخلي أم البنين تشوف اليسرهه
___
شحدهه يانهر حراسك التحميك
توگف بالدرب لمن اغير عليك اخلي اهل المَقاتل بس تسولف بيك
وتصير القافيه عله لسان شاعرهه
___
زينب لو نختني تريد مني الماي
نهر العلگمي بالجود اجيبه وياي
اخو زينب تراني وسهله كلش هاي
تامر والنهر خادم لوامرهه
___
تره السبعين الف لاتكبر بعينك
انه العباس اطشرهه عله جرفينك
بمهب سيفي رماد تصير سبعينك
وخلي خيولهه تدوس بعساكرهه
_____
اخلي الخيل بهل الخيل تتعثر
وصير عله الكتايب موتهه الاحمر
وخلّي الروس يم الروس تطشر
وترجع خيبر ويقلعهه حيدرهه
____
الشاعر ابو اسحاق الفحام

( لسان حال سيدتي زينب)
___
آنه زينب يالتناشدني عله
زينب وين راحت بالسبي
خويه للشام الضعن جدالمسير
ونوگ هزل بيهه يحدي الاجنبي
شلون ياعباس اطلع وانت اخوي
وتدري خدر الكون كله بمعصبي
گوم طفي الشمس خلي الدنيا ليل
وخل ظلام الليل للخدر عبي
چنت من امشي الهوه عني يميل
يخاف من عباس يلمس جانبي
آنه بت المرتضى وبت البتول
وبين هذا وذيچ انه بت النبي
آنه زينب وانت عباس الكفيل
ترضه ياعباس زينب تنسبي
شلون اروح ميسره وعباس اخوي
يعني خدر الكون رايح ينسبي
آنه زينب والدهر وداني وين
للخرابه وبيهه گلي اتاهبي
آنه چنت الكون من انخه يطيح
يخاف يزعل كافلي من معاتبي
آنه بت حيدر فخر للمكرمات
طالبيه وانت اخوي الطالبي
ادري چفينك غدن جرفين ماي
تجري بالروح وتخمد لاهبي
___
ابو اسحاق الفحام

زينب تحشم كفيل ضعونهه
وتجري دمعات العتب بعيونهه
___
تحشمك زينب يبن حامي الدخيل
هي بين عداهه والمدمع يسيل
ياكفيل يصير عگبك يالكفيل
والكفاله بسمك يعرفونهه
______
صدگ ياعباس تسمعني من اصيح
وآنه بين أهل الرده انهض وطيح
خويه طاح حسين بالحومه ذبيح
والأخت عگب الاخو يولونهه
____
خويه طاح حسين والعسكر اجو
بلايه عباس الخيم ضلت درو
لون حاضر ماعلينه اجاسرو
والخيم ما گدرو يحرگونهه
___
ركضت ياعباس بالحومه وطحت
وين كافل خدري يحضرني صحت
ردت اروحن لبواليمه ومارحت
خاف ينشدني عله سكنه شلونهه
____
خويه من حرگو خيمنه تحيرت
بين نار الخيمه والعسكر صرت
نار اشوفن بالخيام شما درت
وزلم ماظل للخيم يطفونهه
_____
اعذرني ياخويه طلعت من خيمتي
وادري تصعب يبوفاضل طلعتي
فرت من النار بالبر عيلتي
وخاف بالخيل العده يسحگونهه
___
وگفت عالتل خويه لحسين نظرت
صحت يحسين ويجيني تنطرت
ايست منه واجيلك قررت
تلحگ اختك گبل لايسبونهه
____
اسمع الفرسان تنظرلي وتگول
هاي بت المرتضى وبت البتول
راح اروحن للسبي گلي شتگول
ترضه اختك للسبي يودونهه
___
من عله التل نزلت ونويت ليك
لكن العدوان ماخلتني اجيك
خويه طگني الشمر وتمنيت اديك
البيهن أختك چانو يهابونهه
___
چنت بوجودك يسبع الگنطره
مدللة عباس سموني تره
هسه لني عله الهزيله ميسره
مدللتكم گامو يشتمونهه
___
الشاعر ابو اسحاق الفحام

( إلى شهداء العراق من أبناء
الحشد الشعبي والقوات
الامنيه)
______
شكثر ياموت مني ماخذ احباب
واعزمابالعمر صارو للتراب
عن عيني بعدتهم
ياموت الخذتهم
واعز ما بالعمر صارو للتراب
ـــــــــــــــــــــــــ
كلش عزاز الخذتهم تدري ياموت
بگت للروح بجفاهم لحظه وتموت
واليشوف احلام عمره يلفهه تابوت
تبقه روحه عله الخذاهم تحسد
الموت
بگايه الروح تنطر جية الراح
شلون الراح صبره يعيش مرتاح
على بابي انطرتهم
يا موت الخذتهم
واعز ما بالعمر صارو للتراب
ـــــــــــــــــــــــــــــ
ادري ياموت الخذتهم ما يرجعون
واليضمه تراب لحده يرجع شلون
صعبه لو راح التحبه تغفه العيون
والله حيرني جواب اللي ينشدون
ليش الموت ياخذ منك احباب
ياگبر النحبهم برد التراب
بترابك عفتهم
ياموت الخذتهم
واعز ما بالعمر صارو للتراب
ـــــــــــــــــــــــــــــ
چانو بروحي الخذتهم هسه وياك
مدري اتانيهم حرت مدري اگعد
اتناك
شلون انسه وصعب عالعين
تنساك
بكل درب ياموت وبكل صوره
الگاك
اثر بالروح تدري وياي ضليت
بعد شتريد مني شعندي خليت
بحضانك شفتهم
ياموت الخذتهم
واعز ما بالعمر صارو للتراب
ــــــــــــــــــــــــــــــ
للمشو تشتاگ روحي وگلبي يشتاگ
تخنگ سنين العمر لحظات الفراگ
والفرح من بين كل ايامي ينباگ
وذكريات الراحو تزَيدلي الاشواگ
شفت أم الولد تحسب بالايام
توج شمعات رمله بعرس جسام
بعيوني رسمتهم
ياموت الخذتهم
واعز ما بالعمر صارو للتراب
،،،،،،،،،،،،،،،،،،،،،،،،
بكل درب ياموت چنك تمشي وياي
لصورة الشبان اشوفك تنظر هواي
شبعد ياموت شتعاين هاي لوهاي
ورود چنهم وانت گاطع عنهم الماي
بچت عين السوالف يم الگبور
ويْ كل شمس يطلع بينه عاشور
لحسين انذرتهم
ياموت الخذتهم
واعز ما بالعمر صارو للتراب
،،،،،،،،،،،،،،،،،،،،
الشاعر ابو اسحاق الفحام

يالنايم بليه مهد نوم الهنا والعافيه
تلوليلك خيوط الشمس عالرمح
عينك غافيه
يالصوبك سهم القدر
صايرلك بگلبي أثر
رمحك چبير عله النحر
وعالرمح عينك غافيه
_____
نحرك زغير عله الرمح
وراس الرمح صاير مهد
عبدالله عينك من غفت
گتلك دللو يالولد
ناغيني يالصوتك عذب
مو وكت هالنومه بعد
من هيبتك وأنت طفل
شفت الرمح صله وسجد
عرشك رمح وأنت طفل
وركانه نشاب النبل
أمك سبيه عله الهزل
وعالرمح عينك غافيه
___
جرحك ترف مثل الورد
وتضمدك نسمة هوه
چنت الضوه بعيني وغبت
ومابيه أعيش بلا ضوه
يانهر بضفافك عشت
هرش العمر يبني التوه
يالردتك لتالي العمر
للشيب لوظهري انطوه
لومال حملي تعدله
ماادري يبني بكربله
تنام عله نبلة حرمله
وعالرمح عينك غافيه
____
ياوردتي شلون الورد
يغفه عله سنان الرمح
چنت أسهر بليل الحزن
ومن وجنتك يطلع صبح
ياحلم عاشرني عمر
صعبه الحلم من ينذبح
يوليدي گلب الوالده
مايشفه لمن ينجرح
جرحك فلا شيفه بعد
خالي يضل يبني المهد
نايم دللو يالولد
وعالرمح عينك غافيه
______
يوليدي بدروب السبي
امشي وتصدلي بنضرتك
تحچيلي قصه عله السهم
قصة عشگ وي رگبتك
عبدالله باچر بالحشر
تشكي المصيبه لجدتك
ويَّ چفوف أبو فاضل عسن
للباري تعرض قصتك
برگبتك لوشافت سهم
جدتك ياذيهه الألم
گلبي تفطر ونثلم
وعالرمح عينك نايمه
____
نايم ونسمات الهوه
تلچم ييمه جروحك
تمنيت اظمك بالگلب
خاف النسيم يلوحك
خافن تفز من نومتك
روحي تلولي لروحك
يالردتك لتالي العمر
واگعد بفي صروحك
ماذيك احس يبني الرمح
حطلك على جرحك جرح
وحطلي عله جفوني ملح
وعالرمح عينك غافيه
___
خادم الحسين ابو اسحاق الفحام