الشاعر ابو اسحاق الفحام
Channel
@aboashik
Promote
375
subscribers
2
photos
2
links
قناة حسينية تختص بالقصائد الحسينية
الشاعر ابو اسحاق الفحام
الشاعر ابو اسحاق الفحام
ليسـتة
#مؤسسة
منبريون الحسينية
🌻
.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك
👇🏻
.
وإرسل قناتك هُنا :
@ahmed_alziwar0
--------------------------------------------------
قناة تعليم الرواديد الالحان
https://t.center/ahmed_alziwar1
02k الشاعر رائد الاسدي
02k الشاعر علي النائلي
02k الشاعرة ام حسين المحمداوي
01k الشاعرة الحاجة ام محمد ال
01k الشاعر السيد علي الكربلائي
01k قناة النعي رائد الاسدي
01k صرخة العقيلة
01k الشاعر ذو الفقار الزيدي
01k الشاعرة ام روكان الشمــــ
01k الشاعرة الملا جنات الحسنا
01k شاعرات العترة
09h الشاعرة ام حوراء البركاوي
09h الشاعر جبار عبد الزهره ال
08h ديوان المنظورات الكربلائي
08h خادمة الحسين أم علي الموس
07h الشاعر اسعد قاسم االكريعا
07h الشاعر سيد محسن الجابري
07h حـسـيـن لـؤي الـعـتـابـي
07h قناه الشاعرة ام سيف الزبي
07h الشاعرة ام محمد باقر الفح
07h الشاعر احسان الحميداوي
06h عمار التميمي
06h خادم الحسين محمد المشعلاوي
06h الشاعر الحسيني نسيم الحمي
06h الشاعر هادي الساعدي
05h مريم العبودي
05h الشاعر الحسيني محمد الج
05h الشاعر أمير السعيدي
05h الشاعرة ايمان الزهيري
05h الشاعر ام رائد زوين للموا
05h الشاعرة ام مصطفى الاسدي
05h الشاعر عمار الساعدي
05h الشاعرة ام زهراء الكعبي
05h الشاعر عباس الشويلي
05h الشاعر علي الاحسائي
05h الشاعر الحسيني علي مظلوم
04h الشاعرة ام وسام
04h الشاعرالرادودسيدسعدالفحام
04h الشاعر علي خيري العبادي
04h الشاعر علي موفق القزاز
04h الشاعر ابواياد البيجاوي
04h عباس مالك العفريت
04h قناة الشاعر محسن الجنابي
04h الشاعر خالد مسلم الحلفي
04h الشاعر هادي السلامي
03h الشاعرة نور الهدى الشويلي
03h الشاعر ابو عقيل الناصري
03h الشاعر ابو اسحاق الفحام
03h الشاعر علی جباري
03h الشاعر والرادود سيد علي ا
03h الشاعر سيد محمد السعبري
03h الشاعر والرادود سيد محمد
03h الخطيب والشاعر السيد محمد
03h الشاعر عباس فاضل الشمري
02h الشاعر ضرغام الجابري
02h الشاعر حسين الباوي
02h خادم الحسين كرار الغزي
02h محمد ابو باقر الحجي
02h الشاعر ضرغام الغزي
02h عباس العبودي الواسطي
02h الشاعر حسن نعيم العبادي
02h الشاعر فراس الساعدي
02h الشاعر علي صيوان التميمي
02h قناة الشاعر الحسيني ابو م
02h الخادم ذوالفقار جميـل الخ
01h الشاعر والرادود عبدالباسط
01h الشاعرة ڪوثـرالأسـدي
01h قناةالشاعرسیدمحمدالموسوی
01h الشاعر ابو محمد الخفاجي
01h الشاعر شهد ال منصور الزام
01h الشاعر عبد الله حسين القل
♥
تم نشر قصائد والحان محرم 1446
♥
الشاعر ابو اسحاق الفحام
ملازم جاهزة للمدرسين والمعلمين لكافة المراحل ادخل للقناة واخذ الي اعجبك
https://t.me/+ta8JrNDdU6UzMGJi
الشاعر ابو اسحاق الفحام
اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742
الشاعر ابو اسحاق الفحام
اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742
الشاعر ابو اسحاق الفحام
عمه وين گبورهم دليني
ذاب گلبي من البعد تدريني
__
__
عمه مشتاگه ارده اشم ترابهم
عمه گلهم عودو غيابهم
بلكي يتلگون ضعن احبابهم
عمه يم گبورهم وديني
__
__
عمه گل للحادي خل يسرع تره
ارده اشوف العفته نايم عالثره
ارده اطش روحي شمع عالمگبره
وارده اوزع عالگبور سنيني
__
___
وين ياسجاد گبر بن أمي وين
عمه دليني عله ابو گلب الحنين
لو دره يم الگبر زينب حسين
ينفض ترابه ويگوم حسيني
__
__
عمه اخذني وياك يم صوب النهر
عمه عندي مناشده وي الگمر
ليش لمن ضربو اخته ماحضر
ليش امشي ميسره يخليني
__
___
ارده اناشد كافلي وسمع جواب
ابتدي وياه وبهيده العتاب
يدري للديوان رباة الحجاب
طبن وآنه العده مچتفيني
__
___
هاي رمله يم گبر جاسم تريد
تريد تحضر زفة الغالي الوحيد
تگله صارت حنتك دم الوريد
ياحلم مذبوح شفته بعيني
__
____
ام الأكبر عن الأكبر نشدتك
وين گبر ابني بدمعهه نادتك
طيحة الاكبر يعمه هضمتك
طيحته تبچيك وتبچيني
__
_
والرباب تريد ابنهه الفگدته
بالنبل گوم آل اميه فطمته
بالسهم مذبوح لمن شافته
تگله يبني اكعد وناغيني
__
__
الشاعر ابو اسحاق الفحام
الشاعر ابو اسحاق الفحام
عن زينب ودرب الشام تحچيلك
المشايه
__
__
باچر ترد من السبي الكافلهه
لو سولفت عن اليسر شتگلهه
لمن مشت ياهو العِدل محملهه
تلَگاهه عَدل المحمل ونزِلهه
اختك يبن حامي الجار باچر تجيب
الرايه
__
____
هاي الچنت بعيونك مخليهه
يخاف الهوه منك يمر عليهه
يمخدرة حامي الحمه تسميهه
من چنت عدهه الضيم ما مر بيهه
بالخدر ياراعي الزود عود اختك
موصايه
__
____
ياخويه درب الشام حيل اتعبني
كلسا شمر اسمع يخويه يسبني
وبسمك إذا انده يجي ويضربني
ماحسبت هيچ الزمان يذبني
تَشر عليَّ أهل الشام وتگول زينب
هايه
__
__
خويه النوايب حيل هدت حيلي
وايتامكم من التعب تشكيلي
شيصير باچر حسبه اخلص ليلي
ردتك تجيني برايك وتحچيلي
تخليني يا خويه براي تاه الدليل
ورايه
___
ومدللاتك تدري خويه شبيهن
حر الشمس غير سواد عبيهن
رباة الخدر صعبه الشمر يسبيهن
طول الدرب شمس الظهر تچويهن
ومخدراتك وياك عدهن عتاب هوايه
__
____
كل النساوين الويانه اخذوهن
فزعولهن ومن اليسر طلعوهن
بس الفواطم باليسر خلوهن
ليش الهواشم سكتو وماجوهن
بيمن يجيهن عباس وچفوفه مرمايه
__
___
باچر تجيب العايله وياهه
تحچيلك ششافت بدرب سباهه
وين الدهر عگب الخدر وداهه
زينب بلا چفين تتلگاهه
غيبتهه طالت واليوم رجعتلك الوفايه
__
___
الشاعر ابو اسحاق الفحام
الشاعر ابو اسحاق الفحام
الشاعر ابو اسحاق الفحام
گوم ياعباس وتلگاني
ارده اسولفلك يخويه احزاني
__
___
گوم وتلگاني اجيت من السبي
گوم شوف آثار سوط الناصبي
ردت چفينك يشدن معصبي
حتى اخبرك فگدك شراواني
__
____
خويه خلي چفوفك عله متوني
حتى أمن بعد ميضربوني
بلكي يغفن يبو الغيره عيوني
ماغفيت الوجع ماخلاني
__
__
من رحت لليوم عيني ماغفت
شلون تغفه وشافت عيونك طفت
جروحي من ذيچ المصايب ماشفت
جرح الاول يشتكي من الثاني
___
متوني من لسع السياط مألمه
والاجدام من المشي تنزف دمه
ارده اسولفلك يبن حامي الحمه
وين دهري خلافكم وداني
___
_
لليسر ياخويه بالعيله مشيت
لون بيدي بكربله يمكم بقيت
وين وداني الدهر واليوم اجيت
شفت گبرك وذكرت صيواني
__
__
من وصل بينه الدليل لكربله
جمعت يم گبرك يخويه العايله
الناس تفزع لليجي وتستقبله
بلا چفوف شلون تتلگاني
__
___
رجعت يمكم خويه يوم الأربعين
شلون تتلگاني وانت بلا ادين
تگلي يتلگاچ يا زينب حسين
رحت يم حسين ما حاچاني
__
__
الشاعر ابو اسحاق الفحام
الشاعر ابو اسحاق الفحام
نعي
ـــــــــــــــــــــــــ
ينشدونه چا وين اهلكم
اشو للوطن رد خالي ضعنكم
وينه الگمر عباس عنكم
مهو من الوطن هو الاخذكم
وواعدكم يرد ليه ويردكم
وبالدار ضلت تنتظركم
بتكم تهد الحيل بتكم
أبداً ولا ايست منكم
لمن اجيتو وشاهدتكم
يتامه ولا وليان عدكم
ـــــــــــــــــــــــــــ
الشاعر ابو اسحاق الفحام
الشاعر ابو اسحاق الفحام
السجاد ع يخاطب عمته زينب ع
___
__
ناشدهه بدمع عينه
نرد للوطن تردينه
لو يم گبر ابو اليمه
وين نروح ياعمه
__
____
يعمه بيادرب تردين تمشين
هذا للمدينه وهذا لحسين
ادري بيچ يم حسين تردين
اخاف عله الگبر عمه تموتين
اخاف عليچ يم گبره
تفيض الروح بالحسرة
وگلبچ يخلص بهمه
وين نروح ياعمه
___
__
گالتله ومدامعهه تهلهه
رد بالعايله لگبور اهلهه
يعمه مصيبتي ماظن مثلهه
شبگالي بالمدينه ورجعلهه
شبعد عندي يعمه هناك
لگبر حسين اخذني وياك
ازور ترابه واشتمه
وين نروح ياعمه
__
____
نريد نزوره ونجدد عهدنه
يعمه بالمدينه شبعد عدنه
شلون نعوفهم ونرد وحدنه
بلكي الكافل يگوم ويردنه
أذكره شلون اجيت وياه
عله المحمل يرف لواه
وخاف عتابنه يهضمه
وين نروح ياعمه
__
___
رد بينه لطفوف الغاضريه
اريد اشكي لخوتي الصار بيه
وراوي لكافلي جروح البديه
وخبر حسين عن حالة رقيه
وگله الحلمت بملگاك
ماتت ودفنتهه هناك
حزن العين شيضمه
وين نروح ياعمه
__
____
يم گبور اهلنه نحني الضلوع
اوگف يم الأكبر وجري الدموع
وم جسام جابت حنه وشموع
وهاي ام الرضيع تندهه وتلوع
تگله يا ضوه عيناي
اگعد جايبتلك ماي
شافت بالگبر جسمه
وين نروح ياعمه
__
___
الشاعر ابو اسحاق الفحام
الشاعر ابو اسحاق الفحام
ياگلبي مامليت من وگفةالباب
ذِبت بكثر مابيك شوگ عله الاحباب
راحو راحو ماظن بعد
جيه لهلك راحو
____
ماأَيَست والباب أَيِسَت منهم
جازت بعد ماعادتنشدني عنهم
أنت شكثر تانيت تنطر ضعنهم
لاردو وضليت شجره بدربهم
راحو راحو ماظن بعد
جيه لهلك راحو
___
ياگلبي بسك عاد حيل أتعبتني
همهم ثجيل يصير تدري عله متني
گتلك بعد شتريد ما جاوبتني
من احچي تسكت ليش مو عذبتني
راحو راحو ماظن بعد
جيه لهلك راحو
_____
تنشد الرايح جاي عن ذيچ الضعون
والراحو وعافوك ماظن يرجعون
ماتهجع ومَتنام وَتعَبت العيون
والماخذوك شبيك ماظني يدرون
راحو راحو ماظن بعد
جيه لهلك راحو
__
كلمن يتاني احباب لابد يجونه
والغيبه كون تطول إيكاتبونه
طارش اله يودون ويصبرونه
وحبابك من زمان شو ما اجونه
راحو راحو ماظن بعد
جيه لهلك راحو
___
بيك شكثر وصيت ويست منك
والراحو يردون ياگلبي ظنك
ساكت نبض مابيك بالفرگه چنك
عايش عله الحسبات من مشو عنك
راحو راحو ماظن بعد
جيه لهلك راحو
____
گاعد بباب الدار ومتاني غياب
والفرگه مضت بيك سوتلك صواب
وَدي ويَ ريح الهاب نبضاتك عتاب
گلهم انفاس الروح صارن بالحساب
راحو راحو ماظن بعد
جيه لهلك راحو
______
ماظنهم يردون غياب اهلنه
من سافرو لليوم موحش وطنه
ويَّ المشو هيهات يلتم شملنه
والملگه صار بعيد ويست منه
راحو راحو ماظن بعد
جيه لهلك راحو
___
الشاعر ابو اسحاق الفحام
الشاعر ابو اسحاق الفحام
( أربعينية)
__
___
مو كل السوالف سولفتهن
اخافن خويه تزعل لو گلتهن
أشفنه بسفرة الشام
شسوت بينه الأيام
اخافن خويه تزعل لو گلتهن
ـــــــــــــــــــــــــــ
اخاف احچيلك وتزعل يبو الغيره
اسكت احچي يمك صايره بحيره
چم ديره بسفرتي شفت چم ديره
واقع صار يسري وصعب تغييره
عگب الخدر والصيوان صرنه
يساره وشمتت الناس بيسرنه
والدرب المشيناه
والسب السمعانه
اخافن خويه تزعل لو گلتهن
ـــــــــــــــــــــــــــــ
يم گبرك گعدنه ومن گعدنه
صعبه نگول كل الحچي العدنه
يخويه عله الهزل لمن صعدنه
شلون بدونكم نمشي وحدنه
بنات الخدر يمشن للسبي شلون
مو عباس حارس هاي الضعون
المشي يصعب علينه
الشمر من يحدي بينه
اخافن خويه تزعل لو گلتهن
ــــــــــــــــــــــــــــــــ
الجره عليهن يخويه يصعب تشوفه
من طب الضعن يحسين للكوفه
شافو بت علي البالخدر معروفه
تمنيت الكفيل بسيفه وچفوفه
ردته يشوفنه بياحال صرنه
يدري بالخدر كافل خدرنه
صاير فرجه للناس
يدري بهاي عباس
اخافن خويه تزعل لو گلتهن
ــــــــــــــــــــــــــــــ
سكتنه والدمع سولف سوالفنه
بدرب الشام خويه شصار وشفنه
نتمنه الظلام يصير ويلفنه
نخاف من الصبح يطلع ويكشفنه
ما ردنه الشمس تطلع علينه
عن سهم النظر تسترنه ادينه
وحتار بخواتك
ويتاماك وبناتك
اخافن خويه تزعل لو گلتهن
ــــــــــــــــــــــــــ
يخويه عيلتك من تنشد عليهه
بدرب اليسر بعيوني اباريهه
لچن تعذرني خافن قصرت بيهه
ما رجعت رقيه ولا تراچيهه
التراچي سلبوهه بلا مهابه
ورقيه دفنتهه بالخرابه
اجيت بلا رقيه
تسلم عليك هي
اخافن خويه تزعل لو گلتهن
ــــــــــــــــــــــــــــ
خادم الحسين ابو اسحاق الفحام
الشاعر ابو اسحاق الفحام
( السلام على الجسد النحيل)
___
__
يوجعنك ذكرياتك
حزن عايش كل حياتك
يبوالباقر/ يبوالباقر
__
____
لسه بچفوفك أثر گيد اليسر
يبوالباقر حزن گظيت العمر
لسه تسمع ياعلي شتم الشمر
لسه تلهب نار اميه بالخدر
زينب شما تنظر إلهه
ثكله مفجوعه باهلهه
يبوالباقر/يبوالباقر
__
___
لسه بچفوفك أثر من كربله
لسه توجع بيك نبلة حرمله
لسه عينك تنظر بذاك الفله
طشت من الخيم كل العايله
ياهو يجمعهه ويلمهه
شمر سَباهه وشتمهه
يبوالباقر / يبوالباقر
___
لوشربت الماي تهمل دمعتك
تشوف نحر حسين دامي بشِربِتك
تشوف بين الناس طيحة عمتك
تشوف ابن عمك القاسم وخوتك
حَنِته الحومه بثراهه
ورگبته تفيض بدماهه
يبوالباقر / يبوالباقر
__
____
شما تمر سنين ما تمحي الجره
لسه نار الخيم بيك موجره
وچنك تشوف الكفيل عله الثره
وجثة حسين السليبه موذره
والاخذ زينب سبيه
سِلب ترچية رقيه
يبوالباقر / يبوالباقر
__
____
يالگظيت سنينك بلوعه وحزن
اليوم يامظلوم غَمضت الجفن
يبوالباقر شيعتك لجلك تون
الزهره يمك گاعده تلوع وتحن
تلهب النار بضلعهه
مايطفيهه دمعهه
يبوالباقر / يبوالباقر
__
____
الشاعر ابو اسحاق الفحام
الشاعر ابو اسحاق الفحام
الشاعر ابو اسحاق الفحام
چفوفي عله النهر للجود ناذرهه
وحراسك يجرف الماي اطشرهه
___
___
شحدهه يانهر تحميك حراسك
إذا زينب نختني امحيك من ساسك
انه العباس اجيبن مايك وناسك
حدر جدام زينب فدوه انحرهه
__
____
انه العباس حامي الجار سماني
سبع الگنطره ولليوم رباني
وصية بزينب وبالخدر وصاني
وآنه لزينب الچفين ذاخرهه
__
____
جبتهه لكربله وتكفلت بيهه
شلون يكون بالشدات اخليهه
اليوم المشرعه ميدان اسويهه
وانفخ صور بالجيمان واحشرهه
__
__
اخلي المشرعه بدم الزلم حمره
واخلي النهر من الماي يتبره
هذا اليوم يومي الچنت انتظره
واخلي أم البنين تشوف اليسرهه
___
شحدهه يانهر حراسك التحميك
توگف بالدرب لمن اغير عليك اخلي اهل المَقاتل بس تسولف بيك
وتصير القافيه عله لسان شاعرهه
___
زينب لو نختني تريد مني الماي
نهر العلگمي بالجود اجيبه وياي
اخو زينب تراني وسهله كلش هاي
تامر والنهر خادم لوامرهه
___
تره السبعين الف لاتكبر بعينك
انه العباس اطشرهه عله جرفينك
بمهب سيفي رماد تصير سبعينك
وخلي خيولهه تدوس بعساكرهه
__
___
اخلي الخيل بهل الخيل تتعثر
وصير عله الكتايب موتهه الاحمر
وخلّي الروس يم الروس تطشر
وترجع خيبر ويقلعهه حيدرهه
___
_
الشاعر ابو اسحاق الفحام
الشاعر ابو اسحاق الفحام
( لسان حال سيدتي زينب)
___
آنه زينب يالتناشدني عله
زينب وين راحت بالسبي
خويه للشام الضعن جدالمسير
ونوگ هزل بيهه يحدي الاجنبي
شلون ياعباس اطلع وانت اخوي
وتدري خدر الكون كله بمعصبي
گوم طفي الشمس خلي الدنيا ليل
وخل ظلام الليل للخدر عبي
چنت من امشي الهوه عني يميل
يخاف من عباس يلمس جانبي
آنه بت المرتضى وبت البتول
وبين هذا وذيچ انه بت النبي
آنه زينب وانت عباس الكفيل
ترضه ياعباس زينب تنسبي
شلون اروح ميسره وعباس اخوي
يعني خدر الكون رايح ينسبي
آنه زينب والدهر وداني وين
للخرابه وبيهه گلي اتاهبي
آنه چنت الكون من انخه يطيح
يخاف يزعل كافلي من معاتبي
آنه بت حيدر فخر للمكرمات
طالبيه وانت اخوي الطالبي
ادري چفينك غدن جرفين ماي
تجري بالروح وتخمد لاهبي
___
ابو اسحاق الفحام
الشاعر ابو اسحاق الفحام
زينب تحشم كفيل ضعونهه
وتجري دمعات العتب بعيونهه
___
تحشمك زينب يبن حامي الدخيل
هي بين عداهه والمدمع يسيل
ياكفيل يصير عگبك يالكفيل
والكفاله بسمك يعرفونهه
__
____
صدگ ياعباس تسمعني من اصيح
وآنه بين أهل الرده انهض وطيح
خويه طاح حسين بالحومه ذبيح
والأخت عگب الاخو يولونهه
___
_
خويه طاح حسين والعسكر اجو
بلايه عباس الخيم ضلت درو
لون حاضر ماعلينه اجاسرو
والخيم ما گدرو يحرگونهه
___
ركضت ياعباس بالحومه وطحت
وين كافل خدري يحضرني صحت
ردت اروحن لبواليمه ومارحت
خاف ينشدني عله سكنه شلونهه
___
_
خويه من حرگو خيمنه تحيرت
بين نار الخيمه والعسكر صرت
نار اشوفن بالخيام شما درت
وزلم ماظل للخيم يطفونهه
__
___
اعذرني ياخويه طلعت من خيمتي
وادري تصعب يبوفاضل طلعتي
فرت من النار بالبر عيلتي
وخاف بالخيل العده يسحگونهه
___
وگفت عالتل خويه لحسين نظرت
صحت يحسين ويجيني تنطرت
ايست منه واجيلك قررت
تلحگ اختك گبل لايسبونهه
___
_
اسمع الفرسان تنظرلي وتگول
هاي بت المرتضى وبت البتول
راح اروحن للسبي گلي شتگول
ترضه اختك للسبي يودونهه
___
من عله التل نزلت ونويت ليك
لكن العدوان ماخلتني اجيك
خويه طگني الشمر وتمنيت اديك
البيهن أختك چانو يهابونهه
___
چنت بوجودك يسبع الگنطره
مدللة عباس سموني تره
هسه لني عله الهزيله ميسره
مدللتكم گامو يشتمونهه
___
الشاعر ابو اسحاق الفحام
الشاعر ابو اسحاق الفحام
( إلى شهداء العراق من أبناء
الحشد الشعبي والقوات
الامنيه)
__
____
شكثر ياموت مني ماخذ احباب
واعزمابالعمر صارو للتراب
عن عيني بعدتهم
ياموت الخذتهم
واعز ما بالعمر صارو للتراب
ـــــــــــــــــــــــــ
كلش عزاز الخذتهم تدري ياموت
بگت للروح بجفاهم لحظه وتموت
واليشوف احلام عمره يلفهه تابوت
تبقه روحه عله الخذاهم تحسد
الموت
بگايه الروح تنطر جية الراح
شلون الراح صبره يعيش مرتاح
على بابي انطرتهم
يا موت الخذتهم
واعز ما بالعمر صارو للتراب
ـــــــــــــــــــــــــــــ
ادري ياموت الخذتهم ما يرجعون
واليضمه تراب لحده يرجع شلون
صعبه لو راح التحبه تغفه العيون
والله حيرني جواب اللي ينشدون
ليش الموت ياخذ منك احباب
ياگبر النحبهم برد التراب
بترابك عفتهم
ياموت الخذتهم
واعز ما بالعمر صارو للتراب
ـــــــــــــــــــــــــــــ
چانو بروحي الخذتهم هسه وياك
مدري اتانيهم حرت مدري اگعد
اتناك
شلون انسه وصعب عالعين
تنساك
بكل درب ياموت وبكل صوره
الگاك
اثر بالروح تدري وياي ضليت
بعد شتريد مني شعندي خليت
بحضانك شفتهم
ياموت الخذتهم
واعز ما بالعمر صارو للتراب
ــــــــــــــــــــــــــــــ
للمشو تشتاگ روحي وگلبي يشتاگ
تخنگ سنين العمر لحظات الفراگ
والفرح من بين كل ايامي ينباگ
وذكريات الراحو تزَيدلي الاشواگ
شفت أم الولد تحسب بالايام
توج شمعات رمله بعرس جسام
بعيوني رسمتهم
ياموت الخذتهم
واعز ما بالعمر صارو للتراب
،،،،،،،،،،،،،،،،،،،،،،،،
بكل درب ياموت چنك تمشي وياي
لصورة الشبان اشوفك تنظر هواي
شبعد ياموت شتعاين هاي لوهاي
ورود چنهم وانت گاطع عنهم الماي
بچت عين السوالف يم الگبور
ويْ كل شمس يطلع بينه عاشور
لحسين انذرتهم
ياموت الخذتهم
واعز ما بالعمر صارو للتراب
،،،،،،،،،،،،،،،،،،،،
الشاعر ابو اسحاق الفحام
الشاعر ابو اسحاق الفحام
يالنايم بليه مهد نوم الهنا والعافيه
تلوليلك خيوط الشمس عالرمح
عينك غافيه
يالصوبك سهم القدر
صايرلك بگلبي أثر
رمحك چبير عله النحر
وعالرمح عينك غافيه
__
___
نحرك زغير عله الرمح
وراس الرمح صاير مهد
عبدالله عينك من غفت
گتلك دللو يالولد
ناغيني يالصوتك عذب
مو وكت هالنومه بعد
من هيبتك وأنت طفل
شفت الرمح صله وسجد
عرشك رمح وأنت طفل
وركانه نشاب النبل
أمك سبيه عله الهزل
وعالرمح عينك غافيه
___
جرحك ترف مثل الورد
وتضمدك نسمة هوه
چنت الضوه بعيني وغبت
ومابيه أعيش بلا ضوه
يانهر بضفافك عشت
هرش العمر يبني التوه
يالردتك لتالي العمر
للشيب لوظهري انطوه
لومال حملي تعدله
ماادري يبني بكربله
تنام عله نبلة حرمله
وعالرمح عينك غافيه
___
_
ياوردتي شلون الورد
يغفه عله سنان الرمح
چنت أسهر بليل الحزن
ومن وجنتك يطلع صبح
ياحلم عاشرني عمر
صعبه الحلم من ينذبح
يوليدي گلب الوالده
مايشفه لمن ينجرح
جرحك فلا شيفه بعد
خالي يضل يبني المهد
نايم دللو يالولد
وعالرمح عينك غافيه
__
____
يوليدي بدروب السبي
امشي وتصدلي بنضرتك
تحچيلي قصه عله السهم
قصة عشگ وي رگبتك
عبدالله باچر بالحشر
تشكي المصيبه لجدتك
ويَّ چفوف أبو فاضل عسن
للباري تعرض قصتك
برگبتك لوشافت سهم
جدتك ياذيهه الألم
گلبي تفطر ونثلم
وعالرمح عينك نايمه
___
_
نايم ونسمات الهوه
تلچم ييمه جروحك
تمنيت اظمك بالگلب
خاف النسيم يلوحك
خافن تفز من نومتك
روحي تلولي لروحك
يالردتك لتالي العمر
واگعد بفي صروحك
ماذيك احس يبني الرمح
حطلك على جرحك جرح
وحطلي عله جفوني ملح
وعالرمح عينك غافيه
___
خادم الحسين ابو اسحاق الفحام
الشاعر ابو اسحاق الفحام
السلام عليك يا ابا الفضل العباس
___
__
الوفه عباس يتمنه يسمونه
ينطي بكربله چفينه وعيونه
وبجربة الوفاي
ياخذ للخيم ماي
الوفه عباس يتمنه يسمونه
ـــــــــــــــــــــــــــــــ
خويه يالكلك محنه وكلك احساس
بيك چانت هيبتي يارفعة الراس
من كثر ما سولفت بطباعك الناس
گام يتمنه الوفه يسمونه عباس
من شاف الحسين يقبل چفوفك
محه حروفه وكتب يالكافل حروفك
بيمن هاي لو هاي
ياخذ للخيم ماي
الوفه عباس يتمنه يسمونه
ــــــــــــــــــــــــــــــــــ
اسمك اليحمل معاني ويحمل أسرار
جال صفين الطفوف وصار كرار
خله للتاريخ صوره وبيهه تذكار
حيدر الطبهه وثناهه وبيده فقار
امك بالخدر چانت وصيتهه
للطف رادتك ياگمر دنيتهه
وبجودك يوفاي
ياخذ للخيم ماي
الوفه عباس يتمنه يسمونه
__
____
الوفه لمن نظر بالهامه عامود
شاف الجود مرمي ويمه الزنود
انثنه وشد بيرغ العباس بالجود
بچه عليك بدمه ياصاحب الزود
بتاريخ الوفه من يكتب سنينه
مثلك مايصح عباس لحسينه
بجفونك يحماي
ياخذ للخيم ماي
الوفه عباس يتمنه يسمونه
___
ياراعي الوفه وياك الي عتاب
يعباس بوصية داحي الباب
وصاك بخدر زينب والحجاب
ترضه شلون اطلع بين الاجناب
انه البالخدر مضرب مثل ناسي
شلون يصير أمشي بدون عباسي
ردت الكافل وياي
ياخذ للخيم ماي
الوفه عباس يتمنه يسمونه
__
____
ادري عله النهر من عفت الچفوف
ردت تاريخ يبقه بأرض الطفوف
محتار الوفه شماعاين يشوف
چفوفك كعبه بيهه الوادم تطوف
شاف أم الحسن تمسح دمه عينك
وأثر لشفاف ابو اليمه عله چفينك
أنت حصني ولواي
ياخذ للخيم ماي
الوفه عباس يتمنه يسمونه
___
خادم العباس ابو اسحاق الفحام
الشاعر ابو اسحاق الفحام
الشاعر ابو اسحاق الفحام
علي الاكبر ع
__
___
يالاكبر حيرتني بطلبتك هاي
يبني منين اجيبن للضمه ماي
يمك حارت الروح
شتداوي من الجروح
___
_
يبني منين اجيبن ماي لضماك
يالاكبر ورويك
جرح يلچم جرح وجروحك هواي
حرت شلون اداويك
لاتگدر ترد للخيمه وياي ولا اگدر
اخليك
ماذيك العطش ياورد دنياي وآنه
تحيرت بيك
اشكي من الضمه وتشكي انت وياي
يبني منين اجيبن للضمه ماي
روحي يمك تنوح
شتداوي من الجروح
__
____
چنت زهرة سنيني وسلوة الروح
ياشمعةحياتي عفه عله الدنيا عگبك لمن تروح صرت
اطلب مماتي
يا آخر نبض بالروح وتموت ويموتن
امنياتي نكسر ظهري يالاكبر يمك وطاح وبده
الشيب بصفاتي
تصير خلاف وجهك ظلمه دنياي
يبني منين اجيبن للضمه ماي
تشوفك وأنت مطروح
شتداوي من الجروح
__
___
يالاكبر حيرتني بطلبتك هاي الماي
منين اجيبه
ظلمه بعيني صارت يبني دنياي من
عظم المصيبه اضمنك بروحي بساعة وداع محبوب
وحبيبه
شگلهه تحيرت لورادت جواب
يوليدي الغريبه
يمك تيهيت الفكر والراي
يبني منين اجيبن للضمه ماي
تعب سنين مذبوح
شتداوي من الجروح
__
_
من تنشدني عنك ياضوه العين امك
شرده اگلهه
اگلهه رباچ ضاع وتعب السنين يَروح
أمك واملهه
وعمتك گاعده تصبر النساوين بلكن
ترجعلهه
يالرايح وماخذ روح الحسين ارجع
وافزعلهه
مثل ضماك صارت حرگة ضماي
يبني منين اجيبن للضمه ماي
روحي بفگدك تروح
شتداوي من الجروح
__
____
اجيت وشفتك بياحال مطروح
كسر گلبي ونينك
ماتگدر تگلي اليوجعك وين بس
تحچيلي عينك
يبني اللي هضمني بطيحتك هاي
بعد مابيه اعينك. عله خدودك ضمه ومذبل الورود
گطع زهرة سنينك
حرت يا طعنه اشدهه هاي لو هاي
يبني منين اجيبن للضمه ماي
چلمه بخاطري تلوح
شتداوي من الجروح
__
____
الشاعر ابو اسحاق الفحام
الشاعر ابو اسحاق الفحام
6:30
More