بنفسي المتحيرة بين الخيام

شاهد ابداع الشاعر كامل السعيدي


https://t.center/kamelAbdullah

#لشهادة_الزهراء ع

ظهر الورده شو مكسور
امصاب الزهره چن عاشور
حرگوا باب الدار وزينب يم النار
....ا
اتكول الزهره بوكت العصره صار العاشر
واسمع ناري وي بسماري تحچي بحافر

عجيبة النار ماتخجل من الباب
باب الله ورسولة صار عطاب
الباب ايدكه ابويه وحيل مرتاب
تاليها تدوس بعتبته اجناب

دوسة بابي ياستار
يعني الثاني ايطب للنار
شتم بالمختار وزينب يم النار
....ا
صار امرادم ومره امشاتم وحدب بابي
گلي بهيده صيري ابعيده عن اخشابي

يوردة الله انتي وخلفي شيطان
يفاطم بيده مشعل كله نيران
يدفعوني عليج وانه حيران
اول تالي تدفع بيه غمان

يدفع بيه وصرت اثگيل
خافن لوحي ايطگج حيل
شردي من البسمار وزينب يم النار
....ا
عتبة بابي البيها امصابي صارت مده
ومحسن ابني ساگط مني وداسو خده

عود امحضره اله اهوايه ملابس
تاليها وگع مني ويرافس
احسه بضلعي من كسروه يلامس
لزمته وشفته من النار يابس

محروگ اوليدي وذبلان
وداست فوگاه العربان
محسن دمك حار وزينب يم النار
....ا
عندي احچايه عن العباية وذيچ الجمره
من حرگتهه هم دفعتهه وتچوي الزهره

تستر بالعباية بطرف الاردان
وتحط فوك الجرح بالشيلة تربان
وچنه حسين گلهه يمه عطشان
اجاهه فاحط وبدموعه غرگان

يمه اشمالچ شو تبچين
ماي اتكله لا يحسين
كلهه شنهي الصار وزينب يم النار
....ا
گلبي الزينب دمه امشيب اتگوم وتعثر
عثرت يمي وزادت همي بذاك المنظر

شفتهه ادور اخوهه المحسن الطاح
بعدهه ازغيره ليش اتكض الاصفاح
گلبهه امن الزغر عايش بالجراح
وباجر ناس تتلكاهه برماح

باچر بالكوفة يشتمون
وزينب ينرادلهه اعيون
باچر طگ بحجار وزينب يم النار
....ا

بقلم الملا عباس الموالي

#جديد (( من لوعات ليلة العاشر 💔 ))

يعبدالله يمذبوح

هيئة يتامى زينب "عليها السلام"
تنفيذ شركة احزان كربلاء

رابط القصيدة الكاملة 👇👇👇
https://youtu.be/sYkXujWO9Vs?si=uXPHpIpz7jq04CLs

عطشانه عطشانه. لبن امي عطشانه اهواي
...ا
صدك بعد ماشوفه. . الخسفت صدره أهل الكوفه
محتاجته اهواي
اكثر من الماي

أنه احتاجيته عافيتي
يسويلي هوه بريتي
ردت نسمة هوه

احتاجك اهواي خوية
حاجة الماي خوية
مدوهنه البال خوية

محتاجة محتاجة محتاجة لحضنك مو ماي
...ا
كضينه احلى ايام احنه. ليش الوكت يفرگنه
ما اكدر انساك. روحي مچلبه اوياك

اريدن حضنك اشويه
هذاك الكله حنيه
يبو خوة كفو

مرتني ايام صعبة
گلبي محتام صعبة
طبت الشام صعبة

مجتوفة مجتوفة. ومن خنتكتي تاه الراي

...ا
أنه اوياك احلى ثنين. مثل الحاجب والعين
چنه اشلون اخوان. طير وحب الأغصان

چبيرة وعازتك عازه
أنه اخلافك تره اجنازه
واليشيع رمح

بكل خطوة الكاك يمي
باقي ذكراك. يمي
وصلت اعداك يمي

مسبيه. مسبيه. وكلهه تأشر زينب هاي

...ا
محد يشعر بحالي. بس الفاركله غالي
غالي عندي حسين. لجله مطفيه العين

لطمت وراحت اعيوني
صدك خواني ينسوني
مشينه اوي الغرب

ومشامر احجار فوكي
وتلهب النار. فوكي
عيون الاشرار. فوكي

تخزينه تخزينه. ينظرنه الرايح والجاي
....ا
يحسين ومن طبينه. راد ايزيد ايخزينه
وكتله اشحدك اششش. بجدمي انت اتفش

نفخ روحه وكلت له اكعد
أنه زينب واقيم الحد
عليك وعالزلم

ماتسوه فلسين انت
تكتل حسين انت
ندوسك برجلين انت

كد كيدك كد كيدك. اشما تعله تبقه جواي
...ا
الملا عباس الموالي

امدافع عالخيم وينك يخو زينب
عامود الخيم من الحرك شيب
ياخويه الخدر ينجاس
ضربوني وصحت عباس
ياباالفظل
....ا
الخيم شبت    انه زينب    احسبت اركض    كلت فشله
اجو بحبال    اخس الارجال    وشفت جابو    بعد هزله

صحتك يعباس    وينك
شمرو الراس       وينك
فرحت الناس     وينك
يابوفاظل

من جونه ركض شمرو عليه الراس
وانه عالأرض اغمه عَليٌ عباس
يازينب ألج هالراس
ضربوني وصحت عباس
ياباالفظل
....ا
كمت كوه    وشفت علوه    صعدت انه    ووكع هوه
صحت خويه    أيت مويه    تعال الحك    انه ابلوه

اركض للحسين   شوفه
صار نصين        شوفه
سحكو العين     شوفه
يابوفاظل

شافوا طولي عالتله ونزلت انه
صاحوا ركضو زينب وهي عطشانه
طشيت الورد والياس
ضربوني وصحت عباس
ياباالفظل
....ا
حرت حيرة    ومره اجبيره    التعب كضني    ويعتني الشوك
اروحن لا      اظل هم لا    اظن يزعل    اخوي الحوك

من تطلع أم عون     يزعل
حيرتي اشلون         يزعل
بضرب الأمتون        يزعل
يابوفاظل

من اطلع تره اتطيح السمه اعله الكاع
اشلون بهايه وانه ما شبعت اوداع
كمت اذرف دمع واحساس
ضربوني وصحت عباس
ياباالفظل
....ا
صور كومه     بوسط حومه    شفت واحد     لزم ريجه
يون بهداي    يريد الماي    جروحه اهواي    تره اغميجه

ماتسوه دنياي     بعدك
جيت بحفاي       بعدك
فاكده الراي         بعدك
يابوفاظل

مشتاكلتك ابكد الخيم تدري
أشمن ريحتك خويه بطرف خدري
ماترحم تره هالناس
ضربوني وصحت عباس
ياباالفظل
....ا
وره الخيمة    بجي ايتيمة     صحت عمه    البكه لله
شفت دمهه    ترس خدهه     التراجي      ايحبهه عبدالله

اتغص بالمحاجي    خويه
وبس بواجي          خويه
عالتراجي              خويه
يابوفاظل

اتكلي عمه خندور على عمي
بهاي الساعة اريدن جيته يمي
ابجفهه امن الجمر فركاس
ضربوني وصحت عباس
ياباالفظل
....ا
خيم ماكو     ابدرب باتو    يخياتي    الصبح نمشي
شينومهه     المشه خيهه    يخو زينب   وكع رمشي

مانايمة الليل     والله
اتفرهد الحيل     والله
اتجفل الخيل      والله
يابوفاظل

توني غمضت صار الصبح يلا
كومن للسبي ولا كواجن الله
واحنه ظهورنه اقواس
ضربوني وصحت عباس
ياباالفظل
....ا

بقلم الملا عباس الموالي

تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه

ليلة الوحشة 💔😭

مااكدر اروح الزلم بره
ومايكدر يجيني انكسر ظهره
ااه اه طلعيله زينب
...ا
سكتت الخيل يعمه وصارت اعله الخيم لمه

يازينب الصوت لحكيلة ليموت
عطشان اخيج والرمل صايرله تابوت
لازم تطلعين محتاجج حسين
رايد يشوف عيونج ايقبلهه ويموت

ظلت حسرة راد يشوف زينب
مايدري خدرهه صفه امسلب
ااه ااه طلعيله زينب
...ا
تريد تطلع بس متكدر تشوف بره الشمر يفتر

يدور عليها يجتف اديها
طلعولي زينب يالعرب صيح بالاخيام
تنطي الوجه وين مايمهه الحسين
ماخذته من عدهه السيوف وذيج الاسهام
شيطفي المخيم اكلته النار
التطلع منه بره يطكهه الاحجار
ااه ااه طلعيله زينب
...ا
صوت ظلعه من وصلنه ردنه نوكف بس وكعنه
مكسورة الاعظام من جدمه للهام
ماظل كتر سالم تره حضريهه الادموع
يمته تطلعين مو صاحج حسين
ماعنده صوت ايصيحج وبس صوت الاظلوع

كسر ظلعه وصل يم السماوات
جاه محد فزع فزعت عبايات
ااه ااه طلعيله زينب
...ا
واخيرا طلعت النور لمن طلعت ماتت الحور

تركض تدور وكلساعه تعثر
ادور خرز تسبيحة امهه الزهره بالكاع
يازينب الراح شالوه بالارماح
راس اعله رمحه والجسم مامش تره ضاع
هو شظل بعد وانتي تدورين
يزينب لحمه ماظلت بالحسين
ااه ااه طلعيلة زينب
...ا
توجهت للغري بصوت علي بوية جيب تابوت

حمزة وعلي وين فزعوا للحسين
يالما فزعتو بالحرب فزعوله بالموت
تدروني حرمه مكدر المه
ماهو جسمه بس انه اسمع محتاجة تابوت

اذا لا سامح الله ماكو الحسين
انامن بيه انه واغمض العين
اااه ااه طلعيلة زينب
...ا
الملا عباس الموالي

يوليدي نام

يوليدي خل نغفه سوه
باجر تره يطيح اللوه
وتنسبي اشرف عايله
يوليدي أيس ماكو ماي
يابسه ارياجك ياهواي
وباجر ينطرك حرمله
سهام حد الخيام
وين اضمك خايفه اعليك وعلي
دنام حته انام
يمه باجر جاينه ورح ننولي
...ا
مايقبل ينام الولد
عطشان وكليبه انمرد
وشبيدي يمه للضمه
ماصارت ولا رح تصير
من العطش ميت زغير
الله اكبر عالضمه

الضمه البيت لفاطمة
العطش مكتوب اعله ولدج يالبتول
الولد نام وكعد
فز عبد جفلان من صوت الخيول
...ا
افتريت ادور بالخيم
فزعولي ياأهل الشيم
محتاجة لوليدي لبن
لا طاسة خليت وجرب
وماحصلت بس التعب
يوليدي وعيوني نعمن

الصبح ان شاءالله الصبح
عود ادز عمك يجيب المشرعه
حليب باجر حليب
باجر أطيب لبن يبني ترضعه
...ا
لا تبجي يعيون الرباب
نظراتك يذبن عتاب
خليت كلبي بحيره
انسه العطش خل ننشبك
باجر يذبحون العشك
يذبحون ركبه زغير

تجي شابع بجي
يجيبك مغطيك ابوك بنص عباته
تصير فاتحة زغير
يموت عبدالله ويموتن هم خواته
...ا
ياويلي من صار الصبح
عبدالله كالو ينذبح
يم الولد طلعي الولد
حاضنته اخاف من السهم
بس يطلع اطيح الخيم
حسيت مايرجع بعد

حرام ينذبح حرام
حار كلب اوليدي والذباح بارد
تريب خدك تريب
من شفت خدك ييمه بكلبي مارد
...ا
بقلم الملا عباس الموالي

اهات الرباب في ليلة العاشر


عبدالله ياعبدالله ياعبدالله
صليلتله خاطر يحفظه الله
عيني ترف يايمه ليش اسم الله

وين اضمن ابني وين بياكتر ياخيمة
ابني بس مالت دلال وينه وين الهيمة

زغيرون مايتحمل أالام
محروك كلبه من العطش نام
بس ردت اكعده يفك الاعيون
وعيونه غارت وصلت الهام

وين اضمه والخيام صبح محروكه
خايفة الخيل تجي انوب تدوس فوكه
...ا
صاير ثلثتيام ميناغيني
تعبان لو عطشان ياضي عيني
مصخن اوليدي من العطش متعيني

مايحرك شو بديه خاف مات اوليدي
وين زينب صيحي ابوه خل يكعد عيدي
صيحي الحسين يشوف ابني
لسابع مخيم وصل وني
كليله لحك ابنك حسين
خل يجي ويشاركني حزني

يون سكته وونينه يكعد الموته
وكال الحسين دحضري لعبد تابوته
...ا
رح تخلص الليلة عبد حاجيني
شنهو اليوجعك يالولد دليني
بس مره وحده فدوه صد بعيني

فدوه مو صار الفجر والطبول اندكت
كلهه طلعت للحرب والسيوف نحدت

يوليدي موكافي بعد نوم
ماتت ربابك فدوه بس كوم
لا ماي لا دمعه ورشك
وجماله ماعركانه الاهدوم


لا تودع ييمه كبل ماشوفك
ياحلاتك عليه تمد اجفوفك
...ا
سادس شهر ويموت مامعقولة
من افتح كماطه يفدوه الطولة
العطشوه كلهم فده يرحوله

اخ لو طر الفجر عبد يمكن ينذبح
اخ لوصار الظهر نشوف راسه اعله رمح

باجر الحومه تغرك اونين
لمن يموت بحضن الحسين
حرمله شماله وي الاطفال
يذبح اوليدي وتعب الاسنين

والسهم وين عبد وين ركبته زغيره
عايز حسين يجمله ويظل بحيرة
...ا
جابو اوليدي وانه كمت اتعثر
رجليه ميعينني اوكف مكدر
اغمه عليه مثل ام الاكبر

لمن كعدت وشفته مذبوح رديت هم اغمه عليه
جم ثانية وفتحت العيون كالولي يلا امشي سبيه

ويلاه ظل فارغ الكاروك
ماعرستله وكتله مبروك
جنت احلم يعرسولة عالخيل
ثاري الحلم يايمة مبيوك

والسبي صار علينه وبعد ماشوفه
مو بالحبال بالكماط رحت مجتوفه
...ا
بقلم الملا عباس الموالي

اليوم رمله قدمت عريسهه
احلى من العسل راح أمن ايدهه

يالولد امك تريد تشوف عرسك تفرح
شحال كلب الوالدة الراحلهه ابن للمذبح

ياگلب اشبع بچي . راح تعبك مايجي
وانت تدري الوالدة. بس بابنهه تنتجي

مفجوعه مفجوعه بالغالي مفجوعه
ياكلبي. ياكلبي. طم روحك ياكلبي

ياكلب تعبان الله يعينك
بالقهر والضيم جبت سنينك
.....ا
ياتعب ذيج السنين ويا تعب عالخالي
فكرت بس بالعرس وتالي مات الغالي

يجازي تعبي بالكبر. تالي نومته بكبر
مني من راح الولد. اسود امگضيه العمر

بچاهه بجاهه عيوني بجاهه
حنيته حنيته بدم ايده حنيته

والعرس والحنه صارن فاتحة
والعروس اوي السبايه رايحة
...ا
أنه ابني عيونه حلوه والترب غطاهن
ابني شيبي مو براسي بالگلب خلاهن

والولد يكسر ظهر. ابني احلى من القمر
كلمن مضيعة ولد. تاكل وتشرب قهر

ااه يبني ااه يبني جسامي ااه يبني
أنه امك أنه امك تنساني وأنه امك

جاسم ابني واليخبل عطره
مثل عمه حسين سحگو صدره
....ا
هجموا اعلينه بحوافر والخيم حركوهه
والكتلني ااه ييمه حنتك داسوهه

وامك امك بالشمس. سوته امناحه العرس
من شفت ثوبك بدم. ضاك ياييمه النفس

عينوني عينوني مات ابني عينوني
عماته عماته خيلطمن عماته

مثلمه بالسيف ياوجناته
والولد ماتن عليه عماته
....ا
جانت امنيتي اروح بعرسك امهنيه
اتحققت هالأمنية لاچن رحت مسبيه

من صعدت اعله الهزل. كلت بلكي الله عدل
وشفت راسك عالرمح. بسوط طكاني النذل

مسبيه مسبيه وي زينب مسبيه
عالهزل عالهزل مجتوفه عالهزل

ودعيتك يمه بالله ورايحة
عالهزايل يبني قمنه الفاتحة
....ا
الملا عباس الموالي

عطشانه نسوان. ينتظرن الجود
وتدافع الناس. وصلت للحدود
انفل الاحزام والاخيام. بقت خالية. وتنتظرنه الغالية
...ا

گوم خوية بداعت حسين
حيل ماكو وظلمه بالعين
مدري اوكف مدري اكعد
والزلم متحضره اتهد

هاي الوادم. وصلت زينب
شيرجعني. سترك يارب
تدري العسكر گاعد ينهب

مكدر امشي عنك
وزينب اغلى منك
حيره تشيب الرأس
يالمبتور زندك

ياباالفظل كوم. مو تعبتني
كوم ورد موت. للخيمة ردني
ظهري مكسور يمبتور زند غاليه. وتنتظرنه الغالية
...ا
حسين ميت. موش عباس
أنه ابجي. وتضحك الناس
بالهلاهل. ودك الأطبول
حيل وحده الشامت يگول

صاح العسكر يابن حيدر
مات الكافل توكف تكدر
نفرح لمن نشوفك تعثر

صاحوا مات الحسين
كسرت ظهره چفين
مايمه سند صار
حاير داير العين

راجع يعباس. مو بالسلامة
محد بقه وياي بس اليتامة
هواي الايتام. بالخيام. يحبونك. وتعرف يتانونك
...ا
هسه حيره مستحي اهواي
لا جبت عباس لا ماي
امسح دموعي بالاردان
كالت اشبيك كلت تعبان

لا انا اعرف كالت هيه
من صاحوا زينب مسبيه
واعرف خايف انت اعليه

يعني مات اخونه
البي ريحة ابونه
عاين خلفك حسين
خوية الكوم اجونه

مطرت علينه. إسهام الشماته
مايدري عباس. وصلوا خواته

دگوا اطبول. والاخيول اجت غايره وروحي ظلت حايره
....ا
اگعدت يم ام المحنه
اخر اوداع اوي اهلنه

خولة تبجي. سكنه ترجف
ودمع زينب. ابد ماجف

ولن اسمع صوت أمن الساحة
وصلوا يحسين الذباحة
عفت الخيمة وعفت الراحة

انرعبت يمي الازغار
طلعت وسيفي بي نار
صحت ياأل سفيان
صاحوا نطلبك ثار

يطلبون حيدر ثارات بحنين
يدفع ثمنهن. بلطف الحسين
حضروا نار. . يكرار عله خيماتك. وركضت ابنياتك
...ا
مامش اصحاب. مامش اخوه
انكسر ظهري وماكو تجوه

يبس ريجي بالمعاره
وطگو الجبهه بحجاره

من المهره وطحت اعله الكاع
هل من فزعه ومامش فزاع
داسو صدري وكسرولي ذراع

لو تدري يعباس
شافت زينب الناس
أنه وانته ميتين
لزينب ماكو حراس

احرورة السيف. ماتعبتني
كتلتني زينب. لمن اجتني
خوية ماشين. يالحسين بعد عنك غصب. وانت نائم عالترب
....ا
الملا عباس الموالي

#لمسلم ع

مسلم حبيب حسين وين اهله راحو وين
بالكوفة ظل محتار يدير الوجه لا وين

بالكوفة صار امزامط وصار القتالي
من مهرته والد حميدة وراسه عالي
بحافر مهرته عالرؤوس ومايبالي
والكوفة فرغت ياوسف من الرجالي

داس الزلم جواه وطوعة تگلة الله
ذكرني بالكرار هالمسلم اشمحلاه

طوعة تشجعه اشما تعب والد حميدة
شمحله اسمهه ينذكر وسط القصيدة
اليدنه يم باب الشريفة يگصله ايدة
مسلم غيور وهاشمي والعركة عيدة

صح همه من غدروه دار الوجه شافوه
يتنخه بالعباس لهذا السبب غدروه

اتگول الرواية الزلمة لو شافه يشمره
مو بالأرض فوگ السطح مسلم يشمره
سواهه ظلمة الكوفة لمن طفه بدرة
وذيج الأرض من الدمه لهساهه حمرة

كل الأمر بيده ويسوي اليريده
وراح الهوه لحسين وداله تغريده

بچفوفه هلهل صارمة هلهولة الموت
الزلمة اليضربه يطشره ميلمه تابوت
الطگه اعله راسه بالسمه يسمعوله الصوت
والد حميدة امن الفرس شوفهم الموت

بچفه حجر سجيل وانگلبوا اهل الفيل
خله الرگب بالگاع خله الدماية اتسيل

لوما العطش وأهل الغدر ماغدرته الناس
مسلم سفير الله ونزل للما أله احساس
والكوفة جانت ناقصه بن عمة عباس
جان الكفر واهل الكفر بجدامه تنداس

بس هاشم الشجعان وباگي الخلك نسوان
شمرة علي بيهم لو طبوا الميدان
...ا
بقلم الملا عباس الموالي

يحسين عاشور اجه وخليني خادمكم
...ا
خادم وممنونك. وي اليخدمونك
انت ابن الزهره. وانه اظل مديونك


انت روحي وعمري. عاشگك من زغري
انت ابوي وامي. انت صاحب امري

يحسين عاشور اجه وخليني خادمكم
...ا
سنه منتظرينك. فدوه اروح العينك
تريد عيني تبجي چي طفوهه اسنينك

ونستي القراية. عشگي بس الراية
أنه من الليلة. امشي الك مشاية

يحسين عاشور اجه وخليني خادمكم
....ا
اتخبل وبالصورة. روحي الك منذورة.
ادري تمحي ذنوبي. من امش الاجدورة

نخدمك عالفطرة. وانت دين الفقرة
كلشي عدنه عادي. والمهمه الزهره

يحسين عاشور اجه وخليني خادمكم
....ا
انت ابوي الثاني. برحمته خلاني
والله يوم المحشر. حاشه ماتنساني

انت ديني وعقلي. انت اعز من اهلي
انت گلبي الينبض. انت خلي وخلي

يحسين عاشور اجه وخليني خادمكم
....ا
أنه ال انت جرحه. عاشرك اليذبحه
ياهو غيرك ثاني. اجه لجلي وضحه

الفرح ماريده. الحزن ايدي بأيدة
أنه عاشگ واحد. راح منه اعضيده

يحسين عاشور اجه وخليني خادمكم
...ا
الملا عباس الموالي

ماتت الماتت عليكم ماتت
وصاحت اعليهه الشماته صاحت

ماعدهه وادم هايه عوفوهه
جاه غير اختكم ماتلحكوهه
...ا
وين الأهل وين الأهل. ماتت ام عون أعله الهزل
ماتت وكاتلهه الخجل. امن عيون الاجناب
هذا اليسب ذاك اليطك. ذاك الي بكليبي يحرك
الشافته واقع لو صدك. امدللة ابوتراب


ايدي بكيود.
ربطهه شمر. مشاهه يسر. خلاهه تجر. ونات
مصيوب الجود.
عطشانه مره. مشوهه سره. مسبيه تره حسرات

أنه ميته امنهد ذاك العاشر
من شفت الحسين نسحك بالحافر
من صاحوا عمامة حسين اخذوهه
جاه غير اختكم ماتلحكوهه
...ا
الليلة اون الليلة اون. الليلة زينب تندفن
ياهلي وكاتلني الحزن. والونه سكته
انظر يسار انظر يمين. لا امي لا جاني الحسين
جاه وين عباس الحنين. مايلحك اخته

شأخر عباس.
ذابحته زلم بلكي الله حلم. يرجعلي وشم عطره
لحك لا موت.
محتاجة اخو. مثلك يكفو. ياديره دفو. ذكره

تذكر الهوية الطيحت عامودك
ورد الحسين وجان حاضن جودك
وبرايتك جم حرمه بجوهه
جاه غير اختكم ماتلحكوهه
...ا
ياموتي يلا شتنتظر. خواني ماخذهم كبر
ريحني يلا أمن اليسر. محد يجيني
محد يكول ام الخدر. سنين صارت تنتظر
اخ الكبر اخ الكبر. لو يغطيني

بلكت ارتاح.
وما الكه شمر لا الكه يسر لا يمي جمر لا نار
الموت اهون.
من ديرة غرب. مابيه تحب بس بيهه ضرب. وحجار

الليلة بلكي ارتاح من احبالي
الليلة ذب السوط ياجتالي
مو كافي هاي امتوني ورموهه
جاه غير اختكم ماتلحكوهه
...ا
عود أنه منتظره بأمل. لا مايعوفوني الأهل
تالي تذكرت الهزل. لمن سبوني
لا كام فزاع وفزع. من سدر الحادي وطلع
يمكن متت من الوجع. شكد عذبوني

لا مو معقول
مايمي علم وتجرني زلم كاتلني هظم ياويل
ام عشر اخوان
محدلي فزع خطواتي دمع. وكليبي طلع. بالخيل

هسه شني لو موت لو انطركم
يظلوعكم مكسورة شيكومكم
وجنازتي الغربة يشيلوهه
جاه غير اختكم ماتلحكوهه
...ا
سجاد ياعمه انتظر. بس لحضه لتوسع الكبر
مااضن يتركني الكمر. هسه يجيني
ياعمه مكطوع الادين. وبصفه مذبوح الحسين
ياعمه واحنه ميسرين يابعد عيني

كافي ارتاحي.
من ذاك الحبل وشتم النذل. طيحات الهزل. عذاب
يالموجوعه.
من طرت الزلم. وجويات الخيم. يالصرتي عظم. تراب

يلا موتي وخل ادفنج عمه
مادام عندج باقي واحد زلمه
ابساع موتي النوك جابوهه
جاه غير اختكم ماتلحكوهه
...ا
بقلم الملا عباس الموالي

وانتي حته بمولدچ ماكو فرح
من اجيتي كلشي بالدنيا انذبح
امچ وجدچ وابوچ وظل اخوچ
لحد ماعلكوا راسه اعله الرمح

#متباركين_بولادة_الحبيبة_والعزيزة (( زينب )) 💔💚

مسموم وغريب وحالته حاله
الثاني ابابه حضر ليه خياله

#وااشهيدااه
#واامحمدااه
#يارسول_الله

#لشهادة_الأمام_السجاد ع

بيدي سلاسل واسمع هلاهل من رحنه للشام
ذوله الخوراج وبروحي اعالج اسمعهه كل عام
....ا
انه ياناس الوحيد لالي اب ولا عضيد
كلهه ماتت والحرم ذمة بركبتي
مو عليل انه وعلي سطرتي سطرة علي
بس امر ربك اجه وهذه قسمتي

جنت فارس اكلبه الراكب ومهره
اخذ حيلي ابويه من انسحك صدره

وهسه اني كافل احمي المحامل بس مامش اعلام
ذوله الخوارج وبروحي اعالج اسمعهه كل عام
....ا
جتفوني بالحبل اشون اصعد عالهزل
صعدت عماتي كلهن وانه ظليت
احرس اضعون الاهل ونمشي أسرة يافشل
مايلوك الأسر النه آهل البيت

شكد قاسي الحبل بجفوف عماتي
اصد ليهن وغطي بيدي دمعاتي

ولعمتي زينب كمت انه انحب واطكهه ظلام
ذوله الخوارج وبروحي اعالج اسمعهه كلام
....ا
من دخلنه للغرب شامهم صارت طرب
الناس محتفله بأسرنه وجتل الحسين
ناس من فوك القصر حيل يرمونه بحجر
شفت زينب حايره وذرفت الف عين

حارت تحمي خدهه تحمي الازغار
شو صار الحجر فوكانه امطار

موقف فلا انسا من صاحت احااا من بين الازلام
ذوله الخوارج وبروحي اعالج اسمعهه كل عام
....ا
روحي تطلع كل صبح ياهله بجعب الرمح
لا هله بطرت الصبح عماتي كالن
الناس تنظر عالخدر وعمتي ادور ستر
من عيون الناس جم احصيرة شالن

يلوذن وحده بالأخره خواتي
وكمت ليهن نزعتلهن عباتي

ليلة وربابه رمله ولبابه يدورن عله اخيام
ذوله الخوراج وبروحي اعالج اسمعهه كل عام
....ا
جسمي ناحل ماكو حيل بالسلاسل كمت اميل
امكيده رجلي وأدي وكلساع مدفوع
وانه صعبه كومتي احبال كومة بركبتي
وانظر الراس الكمر بس راسه مرفوع

اباوع للكمر طافي بنبلهم
كمت ليه وطحت عتني حبلهم

بعد المرض موت هيج اسمع الصوت كالوهه الازلام
ذوله الخوارج وبروحي اعالج اسمعهه كل عام
....ا

بقلم الملا عباس الموالي

#قصيدة_أساسية_لشهادة_السجاد ع

ويلي عله التبراله نسوان
بس هو باقي من آل عدنان
كضه عمرك بالونين
اه يزين العابدين
....ا
يل ورثت المرض من ايوب رحمة
بس عليك المرض صاير حيل نقمة
شطوله درب السبي وبذمتك حرمة
الحبل أذاك وصحت لحكي يعمة

انت مريض وحبلك اذاك
ياهو اليفوت بسوطه طكاك
ويشتمونك بالحسين
اه يزين العابدين
....ا
يلي تشهد بالظليمة باجر ووين
بالقيامة تسوي مجلس عزه لحسين
تقره بالمجلس على ركض النساوين
وتشرح اشسامع وانت بالصواوين

اتكلهم جنت انه بخيامة
واسمعت طكات بعظامة
تسمع اظلوع الحسين
اه يزين العابدين
....ا
مجتفيك بحبل فوك الناكه وتميل
حته ميجتلوك زينب كالت اعليل
السوط ميفك ياخه منك حته بالليل
لو ردت تغفه يعيني اتلجمك الخيل

تتذكر اخيول الأعادي
اخذن من حسين المرادي
لسه تسمع بالونين
اه يزين العابدين
....ا
احبال خشنه انشدت اعله اجفوفك
فشل من الله ورسوله ايشوفك
انت بالخيمة احركوهه اطيوفك
وانت تدري حسين راح يعوفك

من صاح الا من ناصر امعين
وانت صحت لبيك يحسين
ذاب كلبك يالحنين
اه يزين العابدين
....ا
ياامامي الليلة سلهم عينك ونام
ارتاح يابعد اهلي من جويات الاخيام
بعد مامش سبي لا كوفة لا شام
الحيرة ياهو يدفنك وماعندك اعمام

والما أله اهل وعشيرة
يبقى على حر الظهيرة
راح تبقى كالحسين
اه يزين العابدين
....ا

بقلم الملا عباس الموالي

#الليالي_السجادية
(القصيدة تحتوي على تحويلات تراثية)

ذكرياتي بيدي عصه وكلهه نار
وضاعت أمن ايدي الزغار
نبي ابراهيم مايوصل حسرتي
گدامي وعلي جروهه عمتي ذكرياتي
...ا
ليت امي لم تلدني بالخيم كلتهه
احتركت الخيمة عليه وعمتي ردتهه
وهيه بره اوي المهر تسولف شفتهه
تگله وين حسين اخوي وتبچي اسمعتهه

گلي يالميمون وين والينه
راح ابو السجاد لو يرد لينه

ذكرياتي گلي يالميمون وين
عفت مولاك الحسين
يگلهه طاح من ظهري وصهوتي
گدامي وعلي جروهه عمتي ذكرياتي
...ا
ذكرياتي اهواي هنه وياهنه احچي
خل اسولف عن ربابه من جتني تبچي
يناغي عبدالله اسمعه عطشان ويبجي
گامت اتهز بالمهد مذهولة وتحچي

اهز مهدك يعبدالله
وعاين للمهد خالي
‏يبني وثمر دلالي

ذكرياتي فارغ احضين الرباب
وعبد نايم بالتراب
عبدالله اخوي وهم نعمتي
گدامي وعلي جروهه عمتي ذكرياتي
...ا
عود چنه بالمخيم محضرين الحنه
ورملة كلساعه تجينه اتباهي بالچنه
انعجنت الحنه بدموعي ماي مو ماعدنه
اتأخر اعلينه العريس ومارجع ابنه

جسام ياضنوتي رايح رايح من عيوني
مارحمنه الدهر انت نور البصر
رايح رايح من عيوني

ذكرياتي طفو شموع الشباب
الحنه صارت بس تراب
جاسم صاح طفوهه شمعتي
گدامي وعلي جروهه عمتي ذكرياتي
...ا
ظهري حسيته انكسر من جتني ليلة
الخيمة حرگت جسم الاكبر ياهو اليشيلة
جسمي من المرض ناحل مثل العليلة
انه مابياش اگومن وليلة تشكيلة

ااه يبني شكول اعليك اه يبني
دولبني زماني بيك دولبني

ذكرياتي ظهري حسيته انكسر
مثل ابويه عالنهر
نار الخيمة حرگتلي مهجتي
گدامي وعلي جروهه عمتي ذكرياتي
...ا
گوضت اهلي النشامة وفرينه بالبر
منين مانشرد نلاگي من زمرة الشر
هاي اول مره وسفه عماتي تنجر
وزينب اتصيح اسمعتهه من لزمت البر

ادور اعليك يبن امي ولا واحد يدليني
عاد انت بضعيف الصوت يامظلوم حاچيني

ذكرياتي بس ندور عالجسد
الباقي من عنده انمرد
توصل للعرش جمرة عبرتي
گدامي وعلي جروهه عمتي ذكرياتي
...ا
بقلم الملا عباس الموالي

علويه كامت تردم بعلويه
جم وحده هنه والاجوهن ميه
......ا
اجتنه الكوم صاحت كومن بسرعه
الماتسمع الكلمة راسهه انكطعه
راس حسين هذا وشيبته امفرعه
زينب راح اخيج بعد شيرجعه

وهسه انتي زينب صرتي يامسبيه
جم وحده هنه والأجوهن ميه
......ا
راح العز بعد واتلكن الذله
كمركم طافي يم المشرعه بنبله
خل يسمع حجيجن ياهي التكله
يعباس الشمر حط بالكلب عله

عباس راح وراحت البوشيه
جم وحده هنه والأجوهن ميه
......ا
صخام ونار بينه والرمش غوش
اشربهه بدموعي الحرمه من تعطش
نعوف الخيمة نشرد والجمر يلطش
الناس اعله الجرح ياخويه ملح اترش

مخنوكه بالدخان خويه الريه
جم وحده هنه والأجوهن ميه
......ا
سكينه ورمله وانه انطلع بليله
شمر هد بالزلم وحشمت خيله
يزينب علي الأكبر لازم انشيله
اوليدي النار كامت تاكل بحيله

مامش رحم بالناس ماكو اميه
جم زلمه هنه والأجوهن ميه
......ا
جمعت الحرم والحيره اذتني
مدري اوكف حرس مدري اشد متني
ماكو احد نسيته بس نسيت ابني
بزر بطني جفيته وظل يعاتبني

فوك ابني ماونيت حته اشويه
جم وحده هنه والأجوهن ميه
.....ا
بقلم الملا عباس الموالي