Siyosatchi | Politician

Turkmaniston va Afg‘oniston TAPI gaz quvuri loyihasini tezlashtirish harakatida. 4 yanvar kuni Kobul shahrida Afg‘oniston kon va neft vaziri vazifasini bajaruvchi Hidoyatulloh Badri va TAPI Pipeline Company Limited kompaniyasi bosh direktori Muhammetmurod Amanov ko‘rishgan. Ular Turkmaniston-Afg‘oniston-Pokiston-Hindiston (TAPI) gaz quvuri loyihasining qolgan ishlarini jadallashtirishni gaplashgan. Afg‘onistonliklar uchun yangi ish o‘rinlari yaratish, loyihaga jalb qilingan afg‘on muhandislarining malakasini oshirish haqida ham so‘z borgan.

Dekabr oyida Turkmaniston delegatsiyasi Afg‘onistondagi uchastkalarda qurilish ishlarining borishini ko‘zdan kechirgandi. Bu bilan loyiha turkmanlar uchun muhimligi o‘z isbotini topadi.

Rossiyada ilk bor ommaviy axborot vositasi (OAV) terrorchi tashkilotlar ro‘yxatiga kiritildi. Bu "Komi Daily" nashridir. Rossiya Federal xavfsizlik xizmati tomonidan tuzilgan terrorchi tashkilotlar reyestrida ushbu nashr separatistik "Post-Rossiya erkin davlatlar forumi"ning 172 ta "tarkibiy bo‘linmalari" qatoriga kiritilgan. Rossiya Federatsiyasi Oliy sudi uni ro‘yxatga kiritish to‘g‘risidagi qarorni 2024-yil 22-noyabrda qabul qilgan va 28-dekabrda kuchga kiritgan.

"Komi Daily" muharrirlari o‘zlarining Telegram-kanalida nashrning "Post-Rossiya erkin davlatlar forumi"ga hech qanday aloqasi yo‘qligini ta’kidlab, huquq himoyachilari bilan maslahatlashib, faoliyatni davom ettirish niyatida ekanliklarini bildirganlar.

Ma’lumot uchun, 2023-yil mart oyida Roskomnadzor "Komi Daily" veb-saytini bloklagan edi. May oyida esa nashr muharriri nafrat va adovat qo‘zg‘atish yoki inson qadr-qimmatini kamsitish moddasi bo‘yicha e’lon qilingan materiali tufayli jarimaga tortilgan.

"Agar Kamala Harris yutqazmaganida, u saylovda Trumpni mag‘lub etgan bo‘lardi" - Biden

Yutish uchun magʻlub boʻlmaslik kerak deganday gapda bu.

Afg‘on urushi Sovet Ittifoqi bilan Afg‘oniston mujahedlari o‘rtasidagi qonli to‘qnashuv bo‘lib, bu Sovuq urush davridagi eng ko‘zga ko‘ringan qurolli mojarolardan biri edi.

Afg‘onistonning ichki siyosiy vaziyati 1970-yillarning o‘rtalarida beqaror bo‘lib qoldi. 1978-yilda sodir bo‘lgan davlat to‘ntarishi natijasida Afg‘onistonda Sovet Ittifoqiga yaqin bo‘lgan kommunistik hukumat o‘rnatildi. Bu hukumatning radikal islohotlari xalqning noroziligiga sabab bo‘ldi va keng miqyosdagi qo‘zg‘olonlarga olib keldi.

1979-yilda Sovet Ittifoqi bu hukumatni qo‘llab-quvvatlash maqsadida Afg‘onistonga qo‘shin kiritdi. Biroq, bu urush kutilganidek tezda yakunlanmadi, aksincha Sovet Ittifoqi uchun qiyin va halokatli mojaroga aylandi.

Afg‘onistonda kommunistik hukumatni himoya qilish uchun o‘z qo‘shinlarini kiritdi. Sovet armiyasi texnik jihatdan ustun edi, ammo ular tog‘li hududlarda urush olib borishga moslashmagan edi. Afg‘onistonning mahalliy qo‘zg‘olonchilari, ular islomiy e’tiqod va milliy mustaqillik uchun kurashni o‘z maqsadi qildi. Ular AQSh, Pokiston, Saudiya Arabistoni va boshqa davlatlardan moliyaviy va harbiy yordam oldi. Sovetlarga qarshi bo‘lgan mujahedlarni yashirincha qurollantirdi va ularni qo‘llab-quvvatladi.

Urush davomida Sovet armiyasi Afg‘onistonning strategik hududlarini egallashga harakat qildi. Biroq, mujahedlarning partizanlik urushi uslublari va tog‘li hududdagi janglari Sovet kuchlarini zaiflashtirdi. Qo‘shinlar ko‘p marta katta yo‘qotishlarga uchradi. Sovetlar tomonidan qo‘llanilgan bombardimon va kuchli harbiy strategiyalar tinch aholining ko‘p sonli qurbon bo‘lishiga olib keldi. Bu esa mujahedlarning xalq orasida qo‘llab-quvvatlanishini oshirdi.

1989-yilda Sovet qo‘shinlari Afg‘onistondan chiqarildi. Bu urush Sovet Ittifoqi uchun iqtisodiy va siyosiy jihatdan katta yo‘qotish bo‘ldi. Sovetlarning chiqib ketishi bilan Afg‘onistonda ichki urushlar davom etdi, bu esa oxir-oqibat Tolibon hokimiyatga kelishiga olib keldi. Bu urush AQSh va Sovet Ittifoqi o‘rtasidagi kuchlar muvozanatini o‘zgartirdi va Sovuq urushning tugashiga hissa qo‘shdi.

Afg‘on urushi bugungi kunda ham dunyo siyosatida chuqur iz qoldirgan voqea hisoblanadi. U nafaqat Afg‘onistonning hozirgi holatiga, balki xalqaro terrorizm va global xavfsizlik muammolarining shakllanishiga ta’sir ko‘rsatdi. Bu urush shuningdek, Sovet Ittifoqining yemirilishiga sabab bo‘lgan omillardan biri sifatida e’tirof etiladi.

Mo‘g‘uliston poytaxti Ulan-Batordagi markaziy maydonda norozilik namoyishlari boshlandi. Namoyishchilar Oyuun-Erdene Luvsannamsrayn hukumatining iste’fosini talab qilmoqda.

Qayd etilishicha, namoyishlar «Ozodlik alyansi» partiyasi tomonidan «Hukumat iste’foga chiqsin» «Oyuun-Erdenega iste’fo» shiorlari ostida o‘tmoqda. Mahalliy vaqt bilan soat 12:00 holatiga ko‘ra, maydonda 3 mingga yaqin odam to‘plangan.

Ma’lumotlarga ko‘ra, smogga qarshi kurashish va soliqlarni kamaytirishni talab qilayotgan namoyishchilar Ulan-Batordagi asosiy ko‘chani to‘sib, 15 ta yo‘nalishdagi avtobuslar harakatini to‘xtatib qo‘ygan.

«Oyuun-Erdene hukumati smog, tirbandliklar, qashshoqlik, korrupsiya, soliq va ishsizlik kabi muammolarni yechishga qodir emasligini ko‘rsatdi. Shuning uchun iste’foga chiqish maqsadga muvofiqdir», — deydi partiya vakillari. Ta’kidlanishicha, asosiy talablar bajarilmagunga qadar namoyishlar davom etadi.

Turkiy dunyodagi va Islom Olamidagi boʻlgan va boʻlib oʻtgan

📷 Tarixiy suratlar
🎥 Tarixiy videolar
📝 Tarixiy ma'lumotlar

Berib boramiz

Kanal: @Turkiy_Xalqlar_birligi
Obuna boʻlishni unutmang

Yangi misrlik ozodlik harakati tuzildi, uning nomi “25-yanvar inqilobchilari harakati”.

Davlat boshqaruvi tizimi mamlakatning siyosiy va iqtisodiy rivojlanishini belgilovchi asosiy omillardandir. Boshqaruv asosan markazlashgan va mahalliylashtirilgan shakllarga bo‘linadi.

Markazlashgan boshqaruvda barcha asosiy qarorlar markaziy hukumat tomonidan qabul qilinadi. Bu tizim milliy birdamlikni ta'minlash, siyosiy barqarorlikni saqlash va muhim qarorlarni tez qabul qilish imkonini beradi. Ammo hududiy ehtiyojlarning e'tiborsiz qoldirilishi va byurokratiyaning kuchayishi kabi kamchiliklarga ega.

Mahalliylashtirilgan boshqaruv esa vakolatlarni hududiy hokimiyatlarga topshiradi. Bu model mahalliy ehtiyojlarga moslashuvchanlikni oshiradi, fuqarolarni boshqaruv jarayonlariga yaqinlashtiradi va resurslardan samarali foydalanishni ta'minlaydi. Ammo bu tizimda milliy birdamlikka xavf tug‘ilishi va ayrim hududlarda moliyaviy cheklovlar yuzaga kelishi mumkin.

Har ikki model o‘ziga xos afzallik va kamchiliklarga ega bo‘lib, ularning samaradorligi davlatning o‘ziga xos sharoitlariga bog‘liq. Samarali boshqaruv uchun bu tizimlarning o‘zaro uyg‘unlashtirilgan shakli qo‘llanishi maqsadga muvofiqdir.

Abduqodir Husanov Manchester Sitiga oʻtishi bilan:

Laganbardor jurnalistlarimiz: Mamlakatimizda olib borilayotgan jadal va keng ko‘lamli islohotlar yurtimizda yangi davrni – yangi O‘zbekiston davrini boshlab berdi va natijada sport, jumladan futbol rivojlandi. Uning mevasi o‘laroq, Abduqodir Husonov jahon futbolidagi top jamoalardan biri – Manchester Sitiga o‘tdi.

Ustozlarining intervyusi: Abduqodir yoshligidanoq boshqa bollardan ajralib turardi. Barcha tadbirlarda faol qatnashish bilan birgalikda futbolni ham yaxshi ōynardi. Biz uni kelajakda yaxshi futbolchi bōlib yetishiga ishonardik.

Oyligini oyligiga zoʻrgʻa yetkazib yuradigan odamlar bunaqa qimmat mashinalarni olishga puli bor deb oʻylashadi shekilli

Rossiya Federatsiyasining Federal moliyaviy monitoring xizmati halok bo‘lgan muxolifatchi siyosatchi Aleksey Navalniyni «ekstremistlar va terrorchilar» ro‘yxatidan chiqarishdan bosh tortdi. Rossiya xizmatining javobi yozilgan hujjat 10 yanvar, juma kuni Telegramʼda siyosatchining bevasi Yuliya Navalnaya tomonidan e’lon qilindi. Hujjatdan ma’lum bo‘lishicha, Navalniyning onasi Lyudmila tegishli so‘rov bo‘yicha Rosfinmonitoring bilan bog‘langan.

«Ular Alekseydan vafot etganidan keyin ham qo‘rqyapti, - dedi Yuliya Navalnaya xizmatning javobiga izoh berib. - Bu nima uchun kerak? Shubhasiz, Alekseyga bank hisoblarini ochishni taqiqlash uchun emas. Bu endi mumkin emas. Buni sizni qo‘rqitish maqsadida qilishyapti, hatto Alekseyni eslashdan qo‘rqishingizni va uning ismini asta-sekin unutishingizni xohlashyapti». Muxolifatchining bevasi Rossiya qonunchiligiga ko‘ra, shaxsning o‘limi «olib tashlash uchun so‘zsiz asos (Rosfinmonitoring ro‘yxatidan)» ekanini ta’kidlab, qaror ustidan shikoyat qilishga va’da berdi.

AQSh prezidentligidan ketayotgan Jo Bayden 15 yanvar kuni millatga xayrlashuv murojaati bilan chiqadi. Uning Oval kabinetdan chiqishi mahalliy vaqt bilan soat 20:00 ga (Toshkent vaqti bilan 16 yanvar 4:00) rejalashtirilgan, deb xabar berdi Oq uy rasmiy sayti 10 yanvar, juma kuni.

Press-relizda tafsilotlar keltirilmagan, ammo xayrlashuv nutqi AQShda lavozimini tark etayotgan prezidentlar uchun an’anaga aylangan. Shu tariqa, noyabr oyida bo‘lib o‘tgan prezidentlik saylovlarida Oq uy rahbari etib saylangan Donald Tramp birinchi prezidentlik muddati yakunida xayrlashuv nutqining katta qismini o‘z ma’muriyati siyosatining muvaffaqiyatlari deb hisoblagan jihatlarga bag‘ishladi. Xususan, Tramp «birorta ham urush boshlamaganini», biroq ayni paytda Xitoyga to‘qnash kelganini va «AQShning boshqa davlatlar bilan ittifoqlarini tiklaganini» aytdi.

P.s. Trump bilan hali 4 yil zerikmasligimiz aniq

Dekabr oyida “Tehrike Tolibon Pokiston” qurolli harakati o‘z qo‘mondonlaridan birining yo‘q qilinishi ortidan hujum uyushtirib, 16 nafar Pokiston harbiysini o‘ldirdi. Bunga javoban Pokiston armiyasi Afg‘oniston hududiga raketa zarbalari yo‘lladi. “Tolibon”ga ko‘ra, bu zarbalardan 46 kishi, xususan ayollar va bolalar halok bo‘lgan

Rasmiy Islomobod pushtunlardan tarkib topgan Pokiston toliblarining “Tehrike Tolibon Pokiston” qurolli harakatini terrorchilik tashkiloti deb hisoblaydi. Pokiston hukumati Afg‘onistonda hokimiyatni qo‘lga olgan “Tolibon”ni Pokiston toliblarining yetakchilariga boshpana berganlikda ayblab keladi. Kobuldagilar buni rad etadi.

24 dekabr kungi raketa zarbalari – “Tolibon” hokimiyati o‘rnatilgan 2021 yil avgust oyidan beri Pokistonning Afg‘oniston hududiga uyushtirgan uchinchi yirik hujumi bo‘ldi. Bundan avvalgi zarbalar 2024 yil mart oyida kuzatilgandi. Afg‘oniston muvaqqat hukumati bu hujumlarni mamlakat suverenetitetini qo‘pol tarzda buzish deb baholagan

Rossiya har yerdan quvib chiqarilmoqda

Ukraina tomoni xabariga ko‘ra, Rossiya Qora va Azov dengizlaridan harbiy-dengiz floti kemalarini olib chiqib ketgan.

Ayni paytda ruslarning yetti harbiy kemasi hozirda O‘rta Yer dengizida patrul qilishni davom etmoqda. Ukraina harbiy dengiz kuchlari vakili Dmitro Pletenchukning ta’kidlashicha, Rossiya anneksiya qilingan Qrimda kemalarini ta’mirlashdan voz kechgan. Bunga sabab Ukraina tomonidan amalga oshirilgan samarali zarbalardir. Sevastopol buxtasida «Tsiklon» kichik raketa kemasining yo‘q qilinishi va boshqa kemalarga yetkazilgan zarar Rossiyaga kemalarni Qrimda ta’mirlashni imkonsiz qilib qo‘ygan.

Suriyaning yangi hukumati ham Rossiya kemasini portga qo‘ymadi. Yangi hukumat Rossiyaning «Sparta II» kemasini Tartus portiga kiritishni rad etgan. Kema 5 yanvardan buyon port yaqinida bemaqsad suzib yuribdi.

Maxar yo‘ldosh suratlari Rossiya harbiy texnikasi va havo hujumidan himoya tizimi radarlarining portda yig‘ib qo‘yilganini ko‘rsatmoqda. Ammo kemalarga texnika yuklanmagan. Rossiya uchun evakuatsiyaning yagona yo‘li — Hmeymim aviabazasi bo‘lib qolmoqda.

Quddus (Ierusalim) tarixi davomida bir necha bor bosib olingan va har doim siyosiy, diniy hamda madaniy mojarolarning markazida bo‘lgan shahar hisoblanadi.

Milodiy 1099-yilda birinchi Salib yurishlari natijasida xristian qo‘shinlari Quddusni egallab, musulmon va yahudiy aholisiga katta qirg‘in uyushtirishdi. Ushbu voqea musulmon dunyosida katta qarshilikka sabab bo‘ldi. 1187-yilda sulton Salohiddin Ayyubiy o‘zining buyuk harbiy yurishlari orqali Quddusni yana musulmonlar nazoratiga qaytardi. Bu voqea musulmonlar tarixida katta g‘alaba sifatida eslanadi.

Zamonaviy tarixda esa Quddus Falastin-Isroil mojarosining eng muhim markazlaridan biriga aylangan. 1948-yilda Isroil davlati tashkil etilgach, shahar bo‘linib, sharqiy qismi Falastin nazorati ostida, g‘arbiy qismi esa Isroil nazoratida qoldi. Ammo 1967-yilgi Olti kunlik urush natijasida Isroil butun Quddusni egalladi va uni o‘zining "abadiy poytaxti" deb e’lon qildi. Bu esa xalqaro hamjamiyat va musulmon dunyosi tomonidan keng tanqid qilindi.

Quddus bugungi kunda ham musulmon, yahudiy va xristianlar uchun muqaddas shahar bo‘lib qolmoqda. Ammo uning ustidan nazorat qilish borasidagi ziddiyatlar davom etib, bu mojaro mintaqadagi tinchlikka jiddiy to‘sqinlik qilmoqda.

Komil Allamjonov bilan boʻgʻliq jinoyat ishi juda maxfiy tarzda harbiy sudda koʻrib chiqilmoqda

Bu haqda xabar bergan inson huquqlari faoli Abdurahmon Tashanov suddagi mahkama “mutlaqo maxfiy” tarzda o‘tayotganini bildirdi.

“Sudlanuvchilar soni ko‘pligi, qo‘yilayotgan ayblov jiddiyligi va uning jamoatchilik uchun muhimligiga qaramay, yana mavhumlik hukm surmoqda”, – deya yozdi Tashanov Facebook'dagi sahifasida.

Prokuratura va sud organlari hozircha bu haqda xabar bermadi.