@arashaghai😃😃#طنز #خندوانه #دانشجو @asharzakhmiمنو رفیقم دو دانشجو یم
دوتا خوش خنده ، مسخره گوییم
ههِ د ترم اول وا یک بیدیم دُوس
تا ریم دانشگاه ، کنیمش وِ تُوس
د شو صو د زی ک ریم وِ کلاس
هه دعا کِنیم درس بوعه خلاص
هر چی استاد گوعه؟ هیچ گوش نیریم
وِ ته خومو گیم، کِ سر و زیریم
بقیه بَچو چـــی گلِ خدا
د درس و کتاو، هیچ نوعن سوا
ایما هیچ نُوءنیم ، تکلیفمو چینه
خیلی شیطونیم ، کافر نیینه
یه رو نشسیم رتیم د فِکِــر
وا خومو گوتیم به بوییم بیتر
دِ مین دانشگاه ، آبرو ناریم
هر چند که طَنزیم ، طرفدار ناریم
ریفیقم وم گوت که تقصیر تـُونه
مه وه چُوت سوختمه، مَنمه دی مینه
خدا وکیلی آبروم بــُردی
د وارد مه نگرد ، وا شلوار کُردی
دِ در اُ دیوار ، هم بالا کشی
عِرضِم بُردیه ، هه د ور چَشی
بیا بنی کنار ، ایع کار و بارت
خـدای عالم بشیونه شارت
ار غیرت داری ، اندازه مـُویِه
بیا دیع ترم جدید ، بو پیا خویه
گتم عیو ناره ، ههِ تون ههِ هیِ
اگر شیطو ویم بو ک ری تو سیِ
رتم و بازار کُت شلواری سَم
خیلی گرو وی اما پیلش دَم
واکس و کمربن وا کفشِ چَرمیه
ژل و اتو مو ، وا جُورو گرمیه
کردم شو د ور هه شو دِ خابگاه
صو چی روز خویه ، روعم دانشگاه
گوشین ورداشتم زنگ زم و بابام
گوتم دو ساعت ایع ماشینت هام
گوت که وم روله راننده نیسی
انتظار دارم که ساکت بیسی
ایسه که بوعم کردی جواعم
پیاده رتم وا حال خروعم
د مین دانشگاه وقتی وارد ویم
عینک دودیمن هم وا سر کشیم
کیف قرمزیِ گرتمی د مُشت
سینم وا جلو گردنم وا پُشت
وا داکِ داکم وا ناز و ادا
بو آدکلونم رَتــی دِ هوا
د مسیر دَم در تا مین ساختمو
احترام نیان وم دِ دل و دِ جو
اونو که نونن مه یارو شَررم
یه روزی رسه ایقه چی خَررم
و یکی گتم رئیس ها کجا
گوت اتاق در چرم، طبقه بالا
خلاصه رتم بی کش بی خور
بعد دو تَقه زَم وِ گلَــم در
صندلی مخمل ریس دانشگاه
جُومی دَ وِ خُوش وریسا هیسا
سلامی کردم ، علیک جواعه
خیلی زلم روُ دلــم کواعه
خوما خوم گتم او من نِشناسه
ای چُـونه حرفیام درو یا راسه
بعد احوال او سلام دو دَسم
گوت ک بفرما اع کلِ کسم
فریادی کَشی و سرایه دار
گوت خیلی سریع شیرینی بیار
چایی زرشکی ، کشمش پولکی
بیم وِ ارزش دار هه دِ الکی
هر چن د مین دل هم پُره دردم
جا شما خالی چاییه هَردم
وم گوت بفرما هر امری داری
د کُوم اداره ها تشریف یاری
هه چی ملاکت جن رت دِ سرم
حرفیاکه دوسم یان ور نظرم
شیطو رت پُوس، بی وِ کل کَسم
بیکشکی وم گوت بو مه بازرسم
گوت پیا ارزش دار ، فکِر چی کنی
دِ مین ایع دفتر منی چی کنی
یهو منسی دِ خاو ور یسام
کمر راس کردم چی سیخی هیسام
گوتم هر حکمی مه ها وِ دَسم
صدات بیار وِ هار بنده بازرسم
رییس بیچاره دمش من وِ طاق
بی و گَنل زرد بیدی وِ چو راق
گوت که معذرت اع بزر گوار
مه نَشنَخ تمت، بویی برقرار
گوت بازرسی ایمروز د باره چینه
مه خو چی لالی مَنمی دی مینه
ار بوعم جناب مه درو دَمه
بَچون حراست ، زنن وا قمه
از من سکوت و از او هی گفتن
کارت شناسایی تو بده لطفن
گوتم اع رییس مه کارتی نارم
ایع شیطونِ شَـر شیونیده شارم
گوشین ورداشت اُ نیاش وِ بغل سر
تماسی گِرت وا حراست دم در
یک اُ دو اُ سه نویده وا چار
د پله پله یا ، وننِم وِ هار
هر چی داد کردم که مه بی کسم
دسبَن آهنین، زَن و قد دسم
شیطو بیده وِ بهترین دُوشمه
د مین بازداشتگاه بو آشغال کُشتمه
در حالِ حاضر که ها شعر بونم
هام د مین زندو اِ عزیزونم
#آرش_آقایی#کشکان 😀😀😀😀😀☘☘🌿🌱🍂🍂🍃https://t.center/asharzakhmi🌹🍃🍂🌿☘🍀🍂🖕🖕🖕#عاشقانه_های_کشکان💗💗💗💗#شاعران_لــر 👇👇👇👇@sherlori@sherlori@sherlori