🔰🔰#طنز #خندوانه#بی_پیلی#کارگریمردم پَتینم جیوم خالیه
چشیام خینه چی گل قالیه
نونم چی بکم وا ایع روزگار
ایمسال گنتره چش کورم سی پار
سال وسال ها یا ها بدتر بوعِم
د ایع سال جدید وه کجا رو عِم
دس وه دامونِ چه کسی بیارم
سی خِرت و پرت عید هیچی پیل نارم
وه بچو هه گوم هنی عید دیره
گوشش نشنوعه هه بونه گیره
من بیچاره وا جیویا خالیم
خیلی خروعه وضعیت مالیم
شوصو که درا روم و منی کار
وه دور میدو بالا وانت بار
هر چی داد کنم اوع فریاد کَشم
ار بمیرم هم، کس نی ری لشم
خدا مر سزا کارگر چینه
که هر روز بوعه شرمنده زینه
چهار ماه کار کردم دیع خط لوله
پیلام وم نیئن دلم د هوله
صو مل قوینی هم پیدا بوعه
وا فن اوع فیتش حساو یان رووعه
دَم کارگریا بوعه خره سیه
د راسی ها گوم چنی چیه هیه
دور میدو رته هم فایده ناره
چونکه شهر ایما پرش بیکاره
خدا هوارم وه کی بیارم
باز هم عید رسس هیچی پیل نارم
اگر تاجری کَس سراغ داره
بوعه فلونی هیچی پیل ناره
نون خالین هم ها قردی گیره
مرده وش فرضه خوعه بمیره
شِمو پیل ناریه وه مه نَخنیِ
نُوعیه فلونی چه پیا گَنیِ
همه چی مِنیه اع عزیزونم
درد
بی درمون همتون دونم
#کشکان #آرش_آقایی😂😂😂😂 @asharzakhmiروز کارگر مبارک
🌺🌺🌺🌺🌺@sherlori
