Nilufar

Дарите женщинам цветы,
Без повода и без причины
Ведь многого не надо
Чтобы быть счастливой!

Baʼzan qoʻshiqlarda toʻkilib ketadi odam. Baʼzan yashaydi qoʻshiqlarda))

@Nilufar_Ergasheva

***
Oʻzim qoʻllaringdan tutdim,
Oʻzim yoʻllaringdan tutdim,
Jilmaydim osmonning savdolariga 
Jilmaydi osmondan tushgan gʻavgʻolar.
Oʻshanda tirik edi kulgularimiz
Gʻavgʻoga,
Savdoga,
Xudoga
Qarshi chiqmagan edik ikkimiz.

Bahor -xazon, kuz- koʻklam chalgʻitmadimi seni,
Bilaman
Oʻsha olam gul tutib oʻyingdan chalgʻitadi,
Bilaman
Oʻsha olam biz tuzgan oʻyindan chalgʻitadi...
Demak, gʻolib keldi u –
Oy uzildi koʻkidan
Yulduzlar alaxsirab
Qasam ichirsin meni;
Seni asrolmadim- ey,
Xudo kechirsin meni!

© Nilufar

@Nilufar_Ergasheva

***
Sevgilim, osmonning tarhi oʻzgardi,
Shamolning suroni, sharhi oʻzgardi.
Koʻzim kulmay qoʻydi haddin bilgani
Qachon sen kelasan qishdan ilgari.

Qanday yozay endi Laylinafas xat
Qanday yashayapsan, ey bemuhabbat.
Qachon yogʻar endi biz kutgan qorlar
Pagʻa-pagʻa ishqni zaminga chorlab!

Sevgilim, muhabbat buyuk dedilar,
Kichkina jussanga bu yuk dedilar.
Koʻksingdagi qushcha hamon omonmi?
Yelkamda koʻtarib keldim osmonni.

Uchir oʻsha qushni, balandga uchir
Erk ber, ozodlik ber samoni quchib.
U qush uchdi ana, parvozda doim
Muhabbatsiz qoʻyma endi Xudoyim!

© Nilufar
04.01.2025

@Nilufar_Ergasheva

"Dadamga deganim"

Turkonning allasin koʻrdim,
Turonning yallasin koʻrdim.
Sherlar narasinimas
Sirtlonlar galasin koʻrdim.

Qushlari janubga uchgan
Tushlari bodalar ichgan.
Haqiqat qidirgan odamning
Hushlari tavbalar quchgan.

Haqiqat - devorga ildim,
Adolat – devorga ildim.
Shoqollar sirtmoq tutar
Bu elni taqdirin bildim.
Bu elni taqdirin bildim!

Gadoga tekkani qusur,
Qayerdan boshlanar huzur.
Isyonni ichga yutishni
Avvaldan bilmabman, uzr.
Quldorning yo‘rig‘i - qullik
Maqtagan boliga qulluq.
Tilini tishlagan el-u
Vatanning holiga qulluq!

Vatanning holiga qulluq!

© Nilufar

@Nilufar_Ergasheva

***
Olovli yilni kechdim, olovli,
Ishqorli ishqni ichdim, ishqorli.
Shivirlaydi bir nigoh erkalab:
“Viqorli bo’ling, xonim, viqorli”.

Savolli qaraydirman, savolli,
Har neki yangi bo’lsa – zavolli.
Suv kabi tinmoqda ruhim–erktalab,
Viqorli bo’ling, xonim, viqorli.

Devorli boshim manim, devorli,
G’uborli ko’zlar qarar, g’uborli,
Anjuman ichinda xilvat qalb,
Viqorli bo’ling, xonim, viqorli.

Shoqolli gala ko’p, shoqolli,
Alarga nazarim uvolli,
Sherlikning yuki bor shul sabab,
Viqorli bo’ling, xonim, viqorli.

✍️MehrNoz

@mehrnoz_abbos

***
Kuz edi barglarga singdim sargʻarib
Kuz edi xazonday toʻkildim chogʻi.
Kuz edi yoʻllarim yoʻlidan toygach
Kuz edi shamolga ochiq quchogʻim.

Kuzgi osmonlarga boy berdim seni
Tugadim. Boshlandi Qiyomat-Qoyim.
Qoʻllaringdan tutib qaytmoqchi edim
Qoʻllarimni sensiz qoʻydi Xudoyim!

Kuz edi men senga singmoqchi edim...

©Nilufar

@Nilufar_Ergasheva

Bugun Oʻzbekiston xalq shoiri Erkin Vohidov tugʻilgan kun!

Mudom soʻzi tirik boʻlsin! Xalqimiz hech qachon oʻz shoirini unutmasin!

@Nilufar_Ergasheva

Meni qoʻllanglar demayman. Kimni munosib koʻrsanglar, chindan ijodkor deb bilsangiz qoʻllanglar!

ШЕЪР ЙЎЛИ

Сенга роз айтмоқнинг йўли шу бўлди,
Фақат рост айтмоқнинг йўли шу бўлди.
Тингладинг, тушундинг, аммо жим турдинг,
Нетай – боз айтмоқнинг йўли шу бўлди.

Ўзига етганнинг йўли биттадир,
Узундир, улкандир аршдан каттадир.
Рўпарангдан ҳеч ким чиқмас бу йўлда,
Бир тақдир бора юриб ўтадир.

Дунёга келишнинг йўли шу бўлди,
Тақдирни билишнинг йўли шу бўлди.
Қувониб, ўксиниб, ўт бўлиб ёниб,
Мардона ўлишнинг йўли шу бўлди.

Шодмонқул САЛОМ

@Nilufar_Ergasheva