ШЕЪР ЙЎЛИ Сенга роз айтмоқнинг йўли шу бўлди, Фақат рост айтмоқнинг йўли шу бўлди. Тингладинг, тушундинг, аммо жим турдинг, Нетай – боз айтмоқнинг йўли шу бўлди. Ўзига етганнинг йўли биттадир, Узундир, улкандир аршдан каттадир. Рўпарангдан ҳеч ким чиқмас бу йўлда, Бир тақдир бора юриб ўтадир. Дунёга келишнинг йўли шу бўлди, Тақдирни билишнинг йўли шу бўлди. Қувониб, ўксиниб, ўт бўлиб ёниб, Мардона ўлишнинг йўли шу бўлди. Шодмонқул САЛОМ @Nilufar_Ergasheva