Мансур ЖУМАЕВ шеърлари

#танлов#шеър_ва_тасвир
24-иштирокчи

🎤Ситорабону Шомуродова
***
Манов осмон,
манов юлдуз,
манов япроқ,
манов қушлар
сано айтар ҳабибимга
мингта рангу минг товушда.
Манов темир,
манов тошлар
аро нафсим кўзин хушлаб,
манам борман,
ман борарман —
жон ҳовучлаб,
руҳ ҳовучлаб.
Келар,
кетар,
тинар,
шошар —
ўнг тарафим,
сўл тарафим...
ичимда бир дарё тошар:
зикри хафий,
зикри хафий.
Сассиз кишнар қайғуланиб
асовларим,
айғирларим...
улуғ севги — пинҳон севги:
ҳайқирмадим,
ҳайқирмадим.
Биз шундайин суғро, ғариб,
биз шундайин кубро, шариф,
биз шундайин ялдоли тун,
биз шундайин субҳи зариф.
Бизга бир ёр ёрдир — тамиз,
сукут бизни эш этадир:
севгимизни севгилимиз
айтмасак ҳам эшитадир.

Мансур ЖУМАЕВ

Оператор:Нилуфар Эргашева

#танлов#шеър_ва_тасвир
23-иштирокчи

Olima opamiz Dilnavoz Berdiyevadan Mansur Jumayev ijodiga bag‘ishlangan ilmiy maqola

✍Mansur Jumayev

🎤Otabek Rahim.

Шоир хотирасига бағишлаб

* * *

Субҳлар асролмайди афсоналарни,
Тасаллига сўз йўқ тун луғатида.
Қуёшимнинг ярми,
Кўзёшнинг ярми
Ёғдуланган чоғи хаёл қатида.

Ҳаволар бошлайди тушга киришни,
Жуда кеч ўртандим –
Дил дарддан кечган.
Жуда кеч ўргандим айлантиришни
Ҳасратларни шеърга, шеърни илинжга.

Жуда эрта кетди кўзимдан осмон,
Эрта йиғлаб битдим сўз – номаларни.
Ўзи ёмғирларга маҳтал-у, аммо,
Дунё асролмайди афсоналарни.

✍Ҳулкарой САТТОРОВА

https://t.center/qashqadaryo_adabiyoti

Rahmat senga Xudo, ming rahmat senga!
Baxtimni bekamu koʻst qilib berding.
Avval iymon berding, soʻng esa menga,
Mansur Jumayevni doʻst qilib berding.

@Ravshan_Haqmurod

#танлов#шеър_ва_тасвир

22-иштирокчи
Sa’dullayev Azizbek
* * *
Олдинда бир йўл бор кўп йироқ,
тарҳини, топмадим ким бичган:
қиличим дамидан ўткирроқ,
сочларинг торидан ингичка.

Олдинда кўприк бор — ости жар,
билмадим ўзим не бўламан,
азизим, сен ўтгил бехатар,
азизим, сен фақат қулама!

Олдинда чаман бор,
сафо бор,
хотиржам-хотиржам ҳаво бор...
азизим,
унгача озгина
ситам бор,
зулм бор,
жафо бор...

Ишқ дедим кезиб тўрт ёғингда,
ишқ дедим,
чорладим билмайин;
азизим, сен борар боғингда
мен кутиб оларман жилмайиб!

Унгача йўл бордир кўп йироқ,
тарҳини, топмадим, ким бичган:
қиличим дамидан ўткирроқ,
сочларинг торидан ингичка.

© Мансур ЖУМАЕВ

#танлов#шеър_ва_тасир
21-иштирокчи
Azizim

Muallif: Mansur Jumayev

Ijroda: Sunnat Rizo

"ҲАЗРАТИ ИШҚ" КЕРАКМИ?

Мансур Жумаевнинг "Ҳазрати ишқ" китобини қайта нашр эттирдик. Кимга керак бўлса, ёзинг.

Китоб “Микрокредитбанк” ҳомийлигида “Чиғаноқ” лойиҳаси доирасида “Ижод нашр” нашриётида чоп этилганди.

Сиз ҳам ўз китобингизни олиб кетинг.

Китоб олмоқчи бўлсангиз, шу ердан ё шахсийга ёзинг. Ушбу рақамга қўнғироқ қилинг: +998909967125.

Китоб нархи 100 000 сўм.

Буюртма беринг.

Эълонни улашинг!

Фозил Фарҳод

👉 https://t.center/fozilfarhod 👈

Mansur Jumayev ijodi haqida fikrlar – Telegraph
https://telegra.ph/Mansur-Jumayev-ijodi-haqida-fikrlar-05-28

#танлов#шеър_ва_тасвир
20-иштирокчи
Кумуш Одина Қаршибоева тақризи

#танлов#шеър_ва_тасвир
19-иштирокчи

🎤Gulchehra Otamurodova
✍Mansur Jumayev

#танлов#шеър_ва_тасвир

18-иштирокчи
🎤 Сарвар Негматов


ШАЙТОН

Малол шаклида келдинг,
Мен таслим бўлганим йўқ.
Маҳол шаклида келдинг,
Мен таслим бўлганим йўқ.

Хаёл шаклида келдинг,
Мен таслим бўлганим йўқ.
Савол шаклида келдинг,
Мен таслим бўлганим йўқ.

Кўнглим қизиқ савдолар
Эритолмас муммикин?..
Аёл шаклида келма,
Таслим бўлишим мумкин.

29.06.22, Самарқанд.

#танлов#шеър_ва_тасвир

17-иштирокчи
Abdurahimova Bibirajab.

ШОИР

Мен Алишер бўлиб келган замонда,
Ҳусайний бор эди ҳарнав жаҳонда.

Олтмиш йил ҳикматин айладим иншо,
Ўзгардими-йўқми, билмадим, дунё.

Айролиқларга ҳам собир эдим мен,
Кетдим мен, агарчи Бобур эдим мен.

Келдим бу оламга бўлиб шоҳ Машраб,
Дунё ўзгармади, боз кетдим ташлаб.

Фурқат бўлиб келдим, фурқатда кетдим,
Чўлпон бўлиб келдим, ҳасратда кетдим.

Эрким қайда эди, эрким, билмадим,
Эркин бўлиб келдим, эркин бўлмадим.

Ҳасратли қўшиқлар ҳам яллалар — мен,
Келиб кетган қанча Абдуллалар — мен.

Мен тағин борман шу дунёйингизда,
Лекин шеър тиловчи дил борми сизда?!

Саволим юракка қадалган ўқми:
Ё ҳануз Бойқаро туғилган йўқми?!

Бу очиқ дафтарни буткул ёпай деб,
Мансур бўлиб келдим нусрат топай деб.

Тағин ўзгармаса дунё, нетгайман?
Энди ўзгартирмай ташлаб кетмайман!

Мансур Жумаев

#танлов#шеър_ва_тасвир
16-иштирокчи

Муштарийбону Абдухалилова

#танлов#шеър_ва_тасвир
15-ishtorokchi

Ma'mura Muhammad

* * *
Кўнглим эди кўзимда балққан,
Ёлғиз кема сингари қалққан,
Қалқиб-қалқиб элтажак ҳаққа
Олиб бормас ҳилол ҳам, хоч ҳам.

Танҳо ўшал қолди ҳабибим,
Маним дардим, маним табибим,
Бўлолмайди ундай насибим —
Зарҳал тахту тиллавор тож ҳам.

Соғим ўша, бетобим ўша,
Жандам ўша, кимхобим ўша,
Мен худони яширган гўша,
Умрим учун хирож ҳам, бож ҳам.

Ҳожат эмас дунё билан мол,
Ўзи орзу, ўзи тотлиғ фол,
Нур тараган кўкдай безавол,
Ундан сизар рушду ривож ҳам.

У бир сирли муқаддас маъво,
Ундан маним ҳожатим раво,
Орзум уйи — дорул-муддао,
Унда кечар лайли меърож ҳам.

Унда маним тавалло, тавбам,
У Масжидул Ҳарамим, Каъбам,
Унда шайтон ин қурган Мийно,
Ҳажар асвад, Муаллақ тош ҳам.

Ҳам поку соф, ҳам бурду бало,
Ҳам шунчалар маъсуму аъло,
Унда қўним топган Таоло,
Ўзгасига йўқ эҳтиёж ҳам.

Гадоману, шаҳман деб айтсам,
Йўлчиману, раҳман деб айтсам...
Ишонмайсиз Ҳақман деб айтсам,
Мансур бўлган бобо Ҳаллож ҳам!

© Мансур Жумаев

#танлов#шеър_ва_тасвир
14-ishtorokchi
Mohinur Hazratullo qizi.

#танлов#шеър_ва_тасвир

14-иштирокчи
Моҳинур Хазратулло қизи

* * *
Эсингдами, ака,
ёз оқшомлари,
зангор шуълаларга чўмган сўримиз,
бақалар сайраган тун илҳомланиб,
кўклам кенгликлардан аразлаган кез,
осмон ҳавзасида порлаган қизлар,
нозбўй ҳидларини улашган палла,
шакароб тупроқдан сочилган ислар,
кимсасиз маҳалла?!
Эски «Женифер»га термулиб қандай
ажаб афсоналар кўрардик қанча:
Девид Аттенборо,
Мел Гибсон,
Ван Дамм,
Жет Ли,
Жеки Чан...
Филм ярмидаёқ ухлаб қолардик,
қолгани тушимда бўларди бунёд.
Қизиқтирмас эди бизни беҳадик
Бинямин расмига топинган дунё.
Бизни қизиқтирган ўшанда фақат
уруш саҳналари
ва жанг-талотум
ва мардона ўлим
ва буюк тоқат,
«бидиш-бидиш»,
«бум-бум»...
Ажаб далли эдик иккаламиз ҳам,
мен — бир хаёлпараст,
сен — бир шумтака...
саҳарлар чанг ютиб арпа ўрган дам
эсингдами, ака?!
Ям-яшил пайкаллар ўроқ дамидан
бироз тин олганда — кар, соқов, сўқир —
кечаги кинони қолган ярмидан
айтиб берар эдинг ичингдан тўқиб.
Сенинг қиёфангда келарди балқиб,
сўзларди,
урарди
ва бўларди гум:
Брюс Ли,
Шоҳруххон,
Маколей Калкин;
«бидиш-бидиш»,
«бум-бум»...
Ёлғон еди сенинг ҳикоянг гарчи,
гарчи ишланмаган сен айтган филм,
аммо ишонардим сенга чиппа-чин,
шундай содда эди,
кенг эди феълим.

Эсингдами, ака,
ёз оқшомлари,
зангор шуълаларга чўмган сўримиз?!
О, ҳануз қўмсайман ўша онларни,
о, ҳануз қолсайдим ўшандай тамиз!
Гарчи давом этар то мана-ҳануз
уруш саҳналари,
кураш,
талотум,
ўлимлар,
ўлимлар...
ва яна ҳануз
«бидиш-бидиш»,
«бум-бум».
Энди зерикарли бўлиб туюлар,
энди қўрқитади бу ваҳший «кино»,
сенинг қиёфангда аврамоқ бўлар
Бинямин расмига топинган дунё.
Энди толиқади руҳим
ичимда
кечган «бидиш-бидиш, бум-буму буф»дан,
зориққан,
ичиккан маҳдудман чиндан
қудуқда хожасин кутган Юсуфдай.
Ажаб икки далли бўлган эдик жам:
мен — бир хаёлпараст,
сен — бир шумтака...
ва ҳануз ишонай
ёлғон бўлса ҳам
кино тўқиб бергин мен учун, ака!
Ёлғон гапирмайсан энди, биламан,
биламан, рўйирост айтасан энди,
акажон,
ҳозирги ростгўйлигингдан
ўша ёлғонларинг азизроқ эди.
Биламан, уруш ҳам кўрдинг — ҳақиқий,
талотўплар ичра яшадинг ҳар зум,
чиндан чангал урди ҳар бир дақиқа
«бидиш-бидиш»,
«бум-бум»...
Аммо унутмагин
шуълага ботган
эски «Женифер»га ёндош сўрини,
ёлғон ҳикоянгга ишониб ётган
уканг кўзларингга турсин кўриниб.
Осмон ҳавзасида порлаган қизлар,
кўйна зовурларда ҳайқирган бақа,
шакароб тупроқдан сочилган ислар...
эсингдами, ака?!

Эсингдами, ака,
ёз оқшомлари?!

Мансур Жумаев