🇺🇿Bankxabar

Оталар учун оталик таътили: Қонун лойиҳаси биринчи ўқишда маъқулланди

Олий Мажлисда янги қонун лойиҳаси – "Ўзбекистон Республикасининг Меҳнат кодексига ўзгартириш ва қўшимчалар киритиш тўғрисида"ги ҳужжат муҳокама қилинди.

☑️ Ушбу лойиҳага кўра, янги туғилган фарзанд учун оталарга ҳам ўртача иш ҳақи сақланган ҳолда қўшимча таътил берилиши кўзда тутилган.

☝️Қонун лойиҳаси биринчи ўқишда қабул қилинди.

👍Каналга уланиш👉🏻 @Bankxabar

❗️МАҲАЛЛА БАНКИРЛАРИ УЧУН ТОПШИРИҚЛАР: 2025 йилда аҳолини қўллаб-қувватлаш ва тадбиркорликни ривожлантириш бўйича "Йўл харитаси"

☑️ Кредит таърихи "яхши" бўлган шахсларга ёрдам:
▪️578 минг фуқарога тадбиркорлик фаолиятини бошлаш учун "Ўрта" кредит тизими орқали имконият яратилади.
▪️2025 йил январь—март ойларида молиялаштириш амалга оширилади.

☑️ "Маҳалла лойиҳаси":
▪️250 минг фуқаро учун қўшимча даромад олиш имконияти яратилади.
▪️Кредит маблағлари 2025 йил давомида 1 млрд доллар миқдорида ажратилади.

☑️ Тадбиркорлик дастурлари учун кредитлар:
▪️15 трлн сўм кредитлар ажратилиб, 500 минг аҳоли бандлигини таъминлаш режалаштирилган.
▪️"Кичик бизнесни қўллаб-қувватлаш" дастури орқали 110 минг янги иш ўрни яратилади.

☑️ Камбағал оилаларни қўллаб-қувватлаш:
▪️Оилаларга кредитлар ва "Бизнесга биринчи қадам" дастури асосида ёрдам кўрсатилади.
▪️Ишлаб чиқариш учун мотороллерлар, дўконлар ёки зарур жиҳозлар сотиб олиш учун фоизсиз ва гаровсиз кредитлар ажратилади.

👉ҚАРОР👈

👍Каналга уланиш👉🏻 @Bankxabar

✈️ Кредит олган шахс хорижга чиқиши мумкинми? Чеклов бор ёки йўқлигини қаердан билса бўлади?

Банкда кредити бор ёки кредит олмоқчи бўлган кўпчиликда шундай савол туғилиши мумкин. «Ўзбекистон Республикаси фуқароларининг хорижга чиқиш тартиби тўғрисида»ги низомда фуқароларга қачон чет элга чиқишни чеклаш ҳолатлари келтириб ўтилган. 

☑️ Банкдан кредит олган шахс кредит шартномаси шартларига мувофиқ тўловларни ўз вақтида амалга ошириб келаётган бўлса хорижга чиқишига ҳеч қандай чеклов бўлмайди. 

❌ Кредити бор шахс фақат битта ҳолатда хорижга чиқа олмайди. Қарздорлик судга оширилиб суднинг ҳал қилув қарори чиқарилганда ва кредит қарздорлиги ижрога (МИБ) қаратилганда чет давлатга чиқишга тақиқ қўйилади.

👉 Хорижга чиқишга чеклов бор ёки йўқлигини билиш учун ариза берувчи ЯИДХП(my.gov.uz)да рўйхатдан ва/ёки авторизациядан ўтади ва сўров юборади. Тизим автоматик тарзда ижро хужжатлари асосида қарздорлик бўйича Ўзбекистон Республикасидан чиқишига вақтинчалик чеклов қўйилганлик ҳолати мавжудлиги ёки йўқлиги тўғрисида маълумот беради. Хизмат бепул амалга оширилади.

Ушбу видеолавҳада хизматдан қандай фойдаланиш ҳақида тушунтириб ўтилган.

👉Хизматдан фойдаланиш👈

Каналга уланиш👉🏻 @Bankxabar

🏦 Марказий банк тижорат банкларининг муаммоли кредитлари (NPL) тўғрисида 2025 йил 1 январь ҳолатига маълумот тақдим этди.

👍Каналга уланиш👉🏻 @Bankxabar

Банклардаги омонатлар энди янада ишончли ҳимоя қилинади

Олий Мажлис Сенатининг учинчи ялпи мажлисида “Банклардаги омонатларни ҳимоя қилиш кафолатлари тўғрисида”ги Қонун муҳокама қилинди ва қабул қилинди.

☑️ Қонунга кўра:
▪️Омонатчиларнинг банклардаги маблағлари 200 млн сўмгача тўлиқ ҳимоя қилинади.
▪️Агар банк тугатилса, омонатчиларга компенсация тўланиш муддатлари қисқартирилади:
— 2025 йилда 20 иш куни;
— 2026 йилда 15 иш куни;
— 2027 йилдан эса 7 иш куни ичида тўлов амалга оширилади.

Компенсация тўлаш ва омонатларни ҳимоя қилиш ишлари Омонатларни кафолатлаш агентлиги томонидан ташкил этилади.

Сенаторлар ушбу Қонунни маъқулладилар.

👍Каналга уланиш👉🏻 @Bankxabar

⚡️ Ҳудудларда кооперациялар ташкил этиш орқали аҳолининг даромадини оширишга оид янги қарор лойиҳаси

Ўзбекистон Республикаси Вазирлар Маҳкамаси томонидан аҳолини даромадли қилиш мақсадида қишлоқ хўжалиги соҳасида кооперацияларни ривожлантиришга қаратилган янги қарор лойиҳаси эълон қилинди. Қарор лойиҳасининг асосий йўналишлари қуйидагича:

☑️ 500 млрд сўм кредитлар ажратилиши: 2025 йилда “Халқ банки”, “Микрокредитбанк”, “Туронбанк” ва “Алоқабанк” томонидан етакчи тадбиркорлик субъектларига деҳқон хўжаликлари ва аҳоли томорқаларида балиқчилик, қуёнчилик, чорвачилик, паррандачилик ва асаларичилик йўналишларида маҳсулот етиштириш ва уни харид қилиш учун 500 миллиард сўм миқдорида кредитлар ажратилади.

☑️ Аҳолига қулай бизнес-режалар тақдим қилиниши: Ўзбекистон Савдо-саноат палатаси ва тижорат банклари аҳоли учун содда ва тушунарли қўлланмалар тайёрлаб, кичик тадбиркорлик фаолиятини йўлга қўйиш бўйича бизнес-режаларни етказиб беради.

☑️ Кредитларни ажратиш тартиби: Тижорат банклари кооперация лойиҳалари амалга ошириладиган ҳудудлардаги “Маҳалла банкири”нинг ижобий хулосасини олгандан сўнг кредит ажратади.

☑️ Кооперацияларни назорат қилиш ва самарадорлигини таъминлаш: Банклар раислари ҳар икки ҳафтада ҳудудларга чиқиб, кооперация асосидаги ишлар ҳолатини ўрганиб боради. Шаҳар ва туманларда кооперация асосида ишлаш тизими самарадорлигини таъминлаш учун доимий чоралар кўрилади.

☑️ Таваккалчиликларни суғурталаш: Тижорат банклари кредит асосида берилган маҳсулотларнинг нобуд бўлиши, табиий офатлар ёки нарх ўзгариши натижасида келиб чиқадиган зарарларни суғурталаш тизимини йўлга қўяди.

👍Каналга уланиш👉🏻 @Bankxabar

⚡️ ИПОТЕКА ДАСТУРИ ДОИРАСИДА ЭЪЛОН ҚИЛИНГАН ЯНГИЛИКЛАР

Президент Шавкат Мирзиёев раислигида ўтказилган видеоселектор йиғилишида уй-жой қурилиши ва ипотека дастури бўйича қуйидаги янгиликлар қабул қилинди:

☑️ Уй-жой қурилиши учун янги тартиблар:
▪️“Янги Ўзбекистон” массивлари учун қоидалар: Лойиҳалаш 2 ойдан, қурилиш 3 ойдан ошмаслиги шарт. Бузилса, ер қайтариб олиниб, қайта аукционга чиқарилади. Қурувчилар қурилиш вақтида ер солиғидан озод қилинади. Аммо ўз вақтида топширилмаса, 2 баробар солиқ тўлайди. Янги уйларнинг пастки қаватида хусусий боғчалар ташкил қилиниши мумкин ва мулк солиғидан озод этилади.

☑️ Фуқаролар учун қулай шартлар:
▪️Уй битмасдан туриб ипотека ва субсидия олиш имконияти яратилади.
▪️Уй битгунга қадар бошқа шахсга сотиш мумкин бўлади.

☑️ Кредит ва молиялаштириш:
▪️Хорижда ишлаётган ва пул юбориб турган фуқаролар ипотека кредити олишлари мумкин бўлади.
▪️Уй сотиб олганларга тўловларнинг бир қисмини кэшбек қилиш таклифи ишлаб чиқилади.

☑️ Массивлар ва инфратузилмани яхшилаш:
▪️“Ўз уйим” компанияси ташкил этилади: Бу компания массивларни лойиҳалашдан қурилиш ва эксплуатациягача жавобгар бўлади. 2030 йилгача камида 100 та янги массив қурилади.

☑️ “Шаффоф қурилиш” платформаси: Лойиҳалар онлайн келишилади, қурилиш жараёни назорат қилинади.

☑️ “Яшил энергия” уйлари:
▪️Янги массивларда қуёш энергияси ва “яшил энергия” технологиялари жорий қилинади.
▪️Янги Тошкентда 15 минг хонадон барпо этилади, энергияни сақлаш учун 100 мегаватт қувватли тизим ўрнатилади.
▪️Қуёш электр станцияларидан фойдаланган қурилиш ташкилотлари учун солиқ имтиёзлари берилади.

☑️ Транспорт ва инфратузилма: Бутун массивларда экологик транспорт, энергия тежамкор ёритиш ва “яшил” заряд станциялари жорий қилинади.

☑️ 2025 йилдаги режалар:
▪️70 минг хонадон учун ипотека кредити ажратилади: Шундан 30 минг хонадон субсидия асосида тақдим этилади.
▪️Бюджетдан 15,5 триллион сўм маблағ ажратилади, банклар қўшимча 10 триллион сўм йўналтиради.

👍Каналга уланиш👉🏻 @Bankxabar

⚡️Хорижда ишлаётган фуқароларнинг даромади ипотека учун инобатга олинади

Президент йиғилишида аҳолининг даромадини декларация асосида ҳисобга олиб, ипотека кредити олиш имконияти яратиш масаласи муҳокама қилинди.

Ҳозирда хорижда ишлаётган фуқароларга Ўзбекистонда расмий даромади йўқлиги сабабли кредит ва субсидия берилмаётгани таъкидланди. Шу боис, хорижда меҳнат қилиб, олти ой давомида мунтазам пул ўтказиб келаётган фуқароларнинг даромадини ҳисобга оладиган тизим яратиш вазифаси мутасаддиларга топширилди.

👍Каналга уланиш👉🏻 @Bankxabar

🏦 Микрокредитбанк раиси 2024 йил натижалари ва 2025 йил режалари ҳақида маълумот берди

"Ўзбекистон24" телеканалига берган интервьюсида МКБанк Бошқаруви раиси 2024 йилда амалга оширилган ишлар ва эришилган ютуқлар, шунингдек, 2025 йил учун белгиланган устувор вазифалар ҳақида батафсил маълумот берди.

👍Каналга уланиш👉🏻 @Bankxabar

⚡️ИПОТЕКА КРЕДИТЛАРИ БЎЙИЧА ЯНГИЛИКЛАР БЎЛИШИ КУТИЛМОҚДА!

Бироздан сўнг Президент Шавкат Мирзиёев раислигида ипотека дастури доирасида 2024 йилда амалга оширилган ишлар ва 2025 йил учун режалар муҳокамаси юзасидан видеоселектор йиғилиши бошланади.

👍Каналга уланиш👉🏻 @Bankxabar

🏦 Асосий ставка ўзгаришсиз қолдирилди

2025 йил 23 январда Марказий банк Бошқаруви асосий ставкани йиллик 13,5 фоиз даражасида ўзгаришсиз қолдиришга қарор қилди.

Марказий банк бошқарувининг навбатдаги йиғилиши 2025 йил 13 март кунига белгиланган.

👍Каналга уланиш👉🏻 @Bankxabar

❗️2024 йилда 15 та тижорат банкида реклама қонунчилигига риоя қилинмагани аниқланди.

Рақобат қўмитасининг ўрганишлари натижасида тижорат банклари томонидан қонунбузилиш ҳолатлари аниқланди. Улар қуйидагилар:

🏦 Ipak Yo‘li Bank
🏦 Asia Alliance Bank
🏦 AVO Bank
🏦 Biznesni rivojlantirish banki
🏦 Davr Bank
🏦 Hamkorbank
🏦 Aloqa Bank
🏦 Ipoteka Bank
🏦 Universal Bank
🏦 Hayot Bank
🏦 Invest Finans Bank
🏦 Orient Finance Bank
🏦 Turon Bank
🏦 Yangi Bank
🏦 Xalq Banki

Қонунбузарлик ҳолатлари юзасидан белгиланган тартибда чоралар кўрилди.

👍Каналга уланиш👉🏻 @Bankxabar

❗️1$=13 050 сўм

АҚШ долларининг сотув курси ўзининг рекордини янгилади. Айни пайтда айрим тижорат банкларида АҚШ доллари сотув курси 13 050 сўм этиб белгиланган.

👍Каналга уланиш👉🏻 @Bankxabar