( بَلْ بَدَا لَهُم مَّا كَانُوا يُخْفُونَ مِن قَبْلُ ۖ وَلَوْ رُدُّوا لَعَادُوا لِمَا نُهُوا عَنْهُ وَإِنَّهُمْ لَكَاذِبُونَ ) بنسأل نفسنا ازاي بعد ما حد شاف النار يوم القيامة رأي العين لو رجع الدنيا تاني هيعصي ربنا تاني بدل ما يعتبر؟ وتيجي تبص لحال ناس كتير في الدنيا، ناس شافت الموت رأي العين سواء في حادثة أو مرض شديد أو غيره وقالوا ( لَئِنْ أَنجَيْتَنَا مِنْ هَٰذِهِ لَنَكُونَنَّ مِنَ الشَّاكِرِينَ ) وبعدها لما ربنا يطلعه منها يرجع تاني كأن مكنش في حاجة! في ناس قلوبها طُبع عليها.. مهما رأوا من آيات الله مش هيعتبروا، ودول الناس اللي شافت النار في الأخرة، قالوا إنهم لو رجعوا الدنيا هيتوبوا لكن هي مجرد كلمة تقال في وقت الشدة عشان يطلعوا منها، وإنهم لكاذبون.. في الدنيا عندك الفرصة دي وإنك تكون صادق مع الله، إنك ترجع راجعة بجد لله عز وجل سواء في وقت رخاء أو شدة، كن صادق مع ربنا وخد قرار دلوقتي إنك هتبقى ماشي في اتجاه واحد بس له ومتبصش لورا، وأوفي بعهدك لله عز وجل إنك تكون من الشاكرين..