VETLEGNEWS

Channel

3.82K

subscribers

Ветеринария медицинаси ва чорвачиликка оид янгиликлар ва бошқа маълумотлар ҳақида Ветеринария ва чорвачиликни ривожлантириш Давлат қўмитасининг "VETLEGNEWS" расмий каналида танишиб боринг. Савол ва мурожаатлар юбориш учун 👉 @vetlegnewsbot

#ОАВ_биз_ҳақимизда

– Қашқадарёда вилоятида ўтган 2024 йил давомида чорвачилик ва унинг тармоқларида 360,3 млрд сўмлик 296 та лойиҳа ишга туширилди. Вилоятнинг Косон, Миришкор, Касби, Нишон туманлари чорвачиликка ихтисослаштирилди.
“Ўзбекистон 24” телерадиоканалининг “Махсус репортаж” кўрсатувида вилоят чорвачилик тармоғида амалга оширилган ишлар батафсил таҳлил қилинди.

677 viewsedited 10:27

VETLEGNEWS

#2024_йилда

Уч тур касалликка қарши битта эмлама яратилди

Ўтган 2024 йилда қўмита ҳузуридаги Ветеринария илмий тадқиқот институти олимлари томонидан ҳайвонларнинг пастререллёз, колибактериоз ва сальмонеллёз касалликларига қарши поливалент эмлама яратилди.
Эмлама катта иқтисодий зарар келтирувчи шу уч тур касалликга қарши қатъий иммунитет ҳосил қилиши туфайли самарали ҳимоя қилади. Вакцина маҳаллий хом-ашёдан тайёрланиши сабабли импорт товардан икки-уч баробар арзон.
Ҳозирда барча хўжаликлар ва аҳоли қарамоғидаги чорва молларида кенг қўлланилмоқда.

1.3K views10:21

VETLEGNEWS

#2024_йилда

Карп балиғини кўпайтирадиган
селекцион ҳавзалар барпо этилди

Қўмита ҳузуридаги Балиқчилик илмий-тадқиқот институти балансидаги 264 гектар сув ҳавзасида давлат хусусий шерикчилигида наслчилик репродуктор хўжалиги ташкил этилди.
Шунингдек, хўжаликнинг 30 гектарида маҳаллий карп балиқларни кўпайтириш, сақлаш ва човоқларини етиштириш бўйича селекцион ҳавзалар барпо этилди.

1.2K views13:39

VETLEGNEWS

#2024_йилда

Биринчи авлод дурагай қуёнларнинг
маҳсулдорлиги 15 фоизга ошди

Ўтган 2024 йилда маҳаллий қуёнларни жаҳон генофондига мансуб Фландр, Янги Зелландия ва Калифорния қуёнлари билан чатиштириш орқали гўшт маҳсулдорлигини ошириш ишлари олиб борилди.
Натижада олинган I авлод дурагайларнинг гўшт маҳсулдорлиги 12-15 фоизга оширилди.

1.2K views06:21

VETLEGNEWS

#2024_йилда

“Баят” қўйларининг адаптация жараёнлари ўрганилмоқда

Хабарингиз бор, давлатимиз раҳбарининг топшириғига асосан қўмита томонидан 2024 йилда Навоий вилоятига Мўғулистондан “баят” зотли қўйлар келтирилган эди.
Айни пайтда Қоракўлчилик ва чўл экологияси илмий тадқиқот институти олимлари томонидан қўйларнинг адаптация жараёнлари ўрганилмоқда. Шунингдек, назорат тадбирлари ва илмий мониторинг ишлари олиб борилмоқда.

1.3K views06:12

VETLEGNEWS

#2024_йилда

Ангор эчкиларининг “чуст” ва “дашт” линиялари яратилди

Ўтган 2024 йилда Наманганда ангор зотли эчкиларнинг жун маҳсулдорлигини ошириш мақсадида ангор зотли №JF 77990 ва №JF 77159 наслдор такалардан фойдаланиб селекция ишлари олиб борилди.
Натижада янги “чуст” ва “дашт” линиялари яратилди. “Чуст” линиясининг ўртача жун маҳсулдорлиги 4,7 кг, “дашт” линиясининг ўртача жун маҳсулдорлиги 5,3 кг ни ташкил қилади.

1.1K views05:50

VETLEGNEWS

#2024_йилда

Бушуев зотига мансуб буқанинг генетик паспорти яратилди

Ўтган 2024 йилда юртимизда илк бор Бушуев зотига мансуб буқа генетик таҳлил қилинди ва генетик паспорти яратилди. ДНК таҳлиллари халқаро генетик базага киритилди.
Келгусида ушбу маълумотларга таянган холда ушбу буқа уруғидан туғилган бузоқларнинг насл ва маҳсулдорлик кўрсаткичларини олдиндан башорат қилиш ва пода таркибини яхшилиш мумкин бўлади.

1.1K views05:39