UzA | Tezkor xabarlar

⚡AQSH dollarining rasmiy kursi ko‘tarildi

Markaziy bank 8-yanvardan xorijiy valutalarning o‘zbek so‘miga nisbatan yangi qiymatini belgiladi.

1 USD 12 948,10 soʻm (+17,99)
1 EUR 13 502,28 soʻm (+111,86)
1 RUB 121,01 soʻm (+0,07)

Kanalga ulanish:
🏫 @uzauz

⚡“Haj” va “Umra” ziyoratlari bilan bog‘liq firibgarlik holatlari aniqlandi

Mamlakatimizda diniy sohada amalga oshirilayotgan islohotlar natijasida fuqarolarimizning “Haj” va “Umra” amallarini xavfsiz hamda munosib bajarishlari uchun yetarlicha shart-sharoitlar yaratilmoqda.

Lekin, ayrim shaxslar tomonidan, respublikamizda amalda bo‘lgan tartib-qoidalarni chetlab o‘tgan holda, fuqarolarni Saudiya Arabistoniga ziyoratga yuborishga urinish holatlari uchrab turibdi.

Huquq-tartibot idoralari tomonidan joylarda o‘tkazilgan tezkor tadbirlar davomida shu kabi qonunbuzilishlarga chek qo‘yildi.

Jumladan, Namangan shahrida yashovchi, 1966 y.t. O.S. mahalliy fuqaro hamda uning onasini turizm yo‘nalishida faoliyat yurituvchi MCHJ orqali 2025 yilgi “Haj” mavsumida Saudiya Arabistoniga farz amallarini bajarish uchun yuborish evaziga 10 ming AQSH dollari olgan vaqtida ashyoviy dalillar bilan ushlandi.

Boshqa holatda esa, Guliston shahrida faoliyat yurituvchi sayyohlik firmasi ta’sischisi G‘.A. tegishli litsenziyaga ega bo‘lmasada, Sirdaryo tumanida yashovchi fuqaro va uning 4 nafar qarindoshini “Umra” ziyoratiga yuborish evaziga 6000 AQSH dollari talab qilib, oldindan 400 AQSH dollari va 1,3 mln. so‘m olgan vaqtida ushlandi.

Bunday noqonuniy holatlar Surxondaryo viloyatida ham qayd etildi. Xususan, Sariosiyo tumanidagi sayyohlik firmasi ishchisi D.R. hech qanday vakolati bo‘lmasada, mahalliy fuqaroni “Umra” amallarini bajarish uchun Saudiya Arabistoniga yuborish evaziga 1100 AQSH dollari va 200 ming so‘m olgan vaqtida ushlandi.

Denov shahridagi sayyohlik firmasi rahbari Sh.Q. 1975 y.t. fuqaroni “Umra” safariga yuborishni va’da qilib, evaziga 1000 AQSH dollari va 1 mln 280 ming so‘m olgan vaqtida ushlangan bo‘lsa, Denov tumanida yashovchi, 1990 y.t. X.N. o‘zganing ishonchiga kirib, unga o‘zi ishlayotgan sayyohlik yo‘nalishidagi MCHJ orqali “Umra”ga borishlik uchun imtiyozli yo‘llanmasi borligini aytib, uni Saudiya Arabistoniga ziyoratga yuborish evaziga 1200 AQSH dollari va 650 ming so‘m olgan vaqtida qo‘lga olindi.

Hozirda barcha holatlar yuzasidan mazkur shaxslarga nisbatan Jinoyat Kodeksining 168-moddasi (firibgarlik) bilan jinoyat ishlari qo‘zg‘atilib, tergov harakatlari olib borilmoqda.

Kanalga ulanish:
🏫 @uzauz

⚡O‘zbekiston Respublikasi Prezidenti Shavkat Mirziyoyev 2025 yil 6 yanvardan qisqa muddatli mehnat ta’tiliga chiqdi

Kanalga ulanish:
🏫 @uzauz

⚡O‘zbekiston hududiga sovuq havo kirib keladi yomg‘ir, qor yog'adi

7 yanvarda O‘zbekiston hududiga Kaspiy dengizi hududlaridan nam va sovuq havo kirib kelishi boshlanadi.

➖Buxoro, Navoiy viloyatlarida va kunning ikkinchi yarmida Toshkent, Samarqand, Jizzax, Sirdaryo viloyatlarida ba’zi joylarda yog‘ingarchilik (yomg‘ir, qor) bo‘ladi. Qoraqalpog‘iston Respublikasida ayrim joylarda kechasi va ertalab yog‘ingarchilik (yomg‘ir, qor) bo‘ladi. Respublikaning qolgan hududlarida yog‘ingarchiliksiz ob-havo saqlanib turadi.

8 yanvarda kechasi va ertalab faqat Toshkent, Samarqand, Jizzax, Sirdaryo viloyatlarida va Farg‘ona vodiysi viloyatlarida asosan qor ko‘rinishidagi yog‘ingarchilik saqlanib turadi.

8 yanvarda kunduz kuni va 9-10 yanvarda O‘zbekistonning barcha hududi bo‘yicha yog‘ingarchiliksiz ob-havo bo‘lishi kutilmoqda. Respublikaning ayrim joylariga kechasi va ertalab tuman tushishi mumkin.

8-10 dekabr kunlari havo harorati kechalari 2-5 daraja iliqdan 3-6 daraja sovuqqacha pasayadi, kunduz kunlari 5-8 daraja iliqdan 0-3 daraja sovuqqacha o‘zgarib turishi kutilmoqda.

➖Respublikaning tog‘li hududlarida 6-8 yanvar kunlari vaqti-vaqti bilan qor yog‘adi, 7-8 yanvarda ba’zi joylarda kuchli bo‘ladi.

➖Poytaxtimizda: 6-10 yanvar kunlari asosan yog‘ingarchiliksiz ob-havo kuzatiladi, faqat 7 yanvarda kechqurun va 8 yanvarga o‘tar kechasi yomg‘ir va qor ko‘rinishidagi yog‘ingarchilik bo‘ladi. Kechasi va ertalab ba’zi joylarga tuman tushadi.

Kanalga ulanish:
🏫 @uzauz

⚡Sanepidqo‘mita: Metapnevmovirus yangi kasallik emas. Ortiqcha xavotirga hojat yo‘q

So‘nggi kunlarda dunyoning qator mamlakatlarida metapnevmovirus infeksiyasi avj olayotgani hamda ushbu xastalik COVID-19dan ham xavfliroq ekanligi haqida xabarlar tarqalmoqda.

Sanepidqo‘mitaga ko‘ra, metapnevmovirus avvaldan ma’lum infeksiya bo‘lib, birinchi marta 2001-yilda aniqlangan. Bu infeksiya odatda burun oqishi, yo‘tal va isitma belgilari bilan, xuddi o‘tkir respirator virusli infeksiyalar shaklida paydo bo‘ladi, ba’zi hollarda bronxiolit va pnevmoniyani keltirib chiqaradi.

Mazkur virus bilan xastalanish holatlari dunyoning barcha mintaqalarida har yili qayd etiladi. Metapnevmovirusning kuz-qish davrida yanada faollashuvi kuzatiladi.

O‘zbekistonda ham ayni vaqtda o‘tkir respirator infeksiyalarning mavsumiy ko‘tarilishi kuzatilmoqda. Yurtimizda ularning laboratoriya tekshiruvlari muntazam amalga oshirib kelinyapti va ana shunday tekshiruvlarning 39,9 foizida gripp virusi, 32,2 foizida rinovirus, 30,6 foizida respirator-sinsitial virus va 1,2 foizida metapnevmovirus aniqlangan.

Kanalga ulanish:
🏫 @uzauz

O'zbekiston Respublikasi Prezidentining "Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxo'ja Behbudiy tavalludining 150 yilligini keng nishonlash to'g'risida"gi qarori

Kanalga ulanish:
🏫 @uzauz

O‘zbekiston Respublikasi Prezidenti Shavkat Mirziyoyev Nyu-Orlean shahrida sodir etilgan terrorchilik harakati oqibatida ko‘plab insonlar qurbon bo‘lgani munosabati bilan Amerika Qo‘shma Shtatlari Prezidenti Jozef Baydenga ta’ziya maktubi yo‘lladi.

Kanalga ulanish:
🏫 @uzauz

⚡AQSH dollarining rasmiy kursi ko‘tarildi

Markaziy bank 4-yanvardan xorijiy valutalarning o‘zbek so‘miga nisbatan yangi qiymatini belgiladi.

1 USD 12 915,18 soʻm (+10,27)
1 EUR 13 291,01 soʻm (–152,03)
1 RUB 115,31 soʻm (–11,20)

Kanalga ulanish:
🏫 @uzauz

⚡1-fevralga qadar tuman banklari filiallarida mahallabay ishlash bo‘limlari tashkil etiladi

2025-yil 1-fevralga qadar tuman banklari filiallarida mahallabay ishlash bo‘limlari tashkil etilib, ularga “mahalla bankirlari” tayinlanadi. Shuningdek, har bir mahallada ular bilan birga ishlaydigan “yordamchi-agentlar” tanlab olinadi.

Hududiy banklar hamda tuman hokimlari aholini tayyor biznes loyihalari bilan tanishtirib boradi, ularni amalga oshirish ko‘nikmalari o‘rgatiladi.

“online-mahalla.uz”, “bank-kredit.uz” va “soliq.uz” axborot tizimlari integratsiya qilinib, mas’ullarga yuklatilgan vazifalar ijrosi kunlik tahlil qilib boriladi. Faoliyati qoniqarsiz bo‘lgan rahbarlarga chora ko‘riladi.

Kanalga ulanish:
🏫 @uzauz

#TAYINLOV

⚡️O‘rmon xo‘jaligi agentligiga yangi direktor tayinlandi

Ekologiya vazirligi huzuridagi O‘rmon xo‘jaligi agentligiga Muhitdinov Erkin Madorbekovich direktor vazifasini bajaruvchi etib tayinlandi.

Bunga qadar u vazirlikning O‘rmon, bioxilmaxillik va ekoturizm siyosatini yuritish departamenti boshlig‘i lavozimiga ishlayotga edi.

Kanalga ulanish:
🏫 @uzauz

#QAROR

⚡️Tahliliy va tadqiqot tuzilmalar faoliyatini tashkil qilish bo‘yicha Muvofiqlashtiruvchi kengash tashkil etildi

“Mamlakatning ijtimoiy, siyosiy va iqtisodiy rivojlanish sohalaridagi strategik tahlil va tadqiqot qilish faoliyatini samarali tashkil etish chora-tadbirlari to‘g‘risida”gi Prezident qarori (PQ-467-son 31.12.2024 y.) qabul qilindi.

Qarorga ko‘ra, Tahliliy va tadqiqot tuzilmalar faoliyatini tashkil qilish bo‘yicha Muvofiqlashtiruvchi kengash tashkil etildi.

Ijtimoiy, siyosiy va iqtisodiy rivojlanish bo‘yicha uzoq muddatli strategik tahliliy hujjatlarni hamda mamlakatning ichki va tashqi siyosatiga oid takliflarni muntazam ravishda Prezidentga kiritib borish Muvofiqlashtiruvchi kengashning asosiy vazifalaridan biri etib belgilandi.

Muvofiqlashtiruvchi kengash ichki va tashqi siyosat jarayonlari bo‘yicha strategik tadqiqotlarni tashkil qilish hamda ularni o‘tkazishning barcha jarayonlarini muvofiqlashtirish masalalariga mas’ul bo‘lgan maslahat organi hisoblanadi.

Muvofiqlashtiruvchi kengash faoliyatini to‘g‘ri yo‘lga qo‘yish, umumiy muvofiqlashtirish hamda idoralararo hamkorlikni ta’minlash Prezidentning Maxsus topshiriqlar bo‘yicha maslahatchisi tomonidan amalga oshiriladi.

Muvofiqlashtiruvchi kengash tuzilmasida quyidagi yo‘nalishlarga mas’ul bo‘lgan ishchi guruhlar tashkil qilinadi:

▪️xavfsizlik va ijtimoiy barqarorlik;

▪️davlat va jamiyat qurilishi;

▪️ijtimoiy-iqtisodiy rivojlanish;

▪️tashqi siyosat va xalqaro hamkorlik;

▪️hududlarni strategik rejalashtirish va rivojlantirish;

▪️ekologik kun tartibi, shu jumladan iqlim o‘zgarishi, suv taqchilligi masalalari.

Kanalga ulanish:
🏫 @uzauz

2025-yil 1-yanvardan boshlab:

➖mehribonlik uylari va bolalar uylariga kam ta’minlangan oilalarning farzandlarini vaqtinchalik qabul qilish tartibi bekor qilinadi;

➖yetim va ota-ona qaramog‘idan mahrum bo‘lgan yoshlarga ta’lim olish, bandligini ta’minlash, davolanish hamda uy-joy sharoitlarini yaxshilash uchun ijtimoiy yordam ko‘rsatiladi;

➖tutingan ota-onalarni tayyorlash kurslariga yetim bolalar va ota-ona qaramog‘idan mahrum bo‘lgan bolalarni farzandlikka olish istagini bildirgan nomzodlar ham qamrab olinadi;

➖bosqichma-bosqich Andijon viloyati, Toshkent shahri hamda Samarqand viloyatida kichik hajmli bolalar uyi tashkil etiladi;

➖“Mehr daftari” jamg‘armalari tugatiladi.

Kanalga ulanish:
🏫 @uzauz

#2025_yil_1_yanvardan

Madaniyat muassasalari va tashkilotlari xodimlarining ish haqi 20 foizga oshiriladi

“Madaniyat va san’at, axborot-kutubxona va muzeylar sohasida faoliyat olib borayotgan xodimlar ish haqi miqdorlarini oshirish to‘g‘risida”gi Prezident qaroriga ko‘ra, davlat madaniyat muassasalari va tashkilotlari xodimlarining ish haqi 20 foizga oshiriladi.

Kanalga ulanish:
🏫 @uzauz

#2025_yil_1_yanvardan

⚡Ayrim o'qituvchilarga 50 foiz miqdorida har oylik qo‘shimcha ustama to‘lanadi

Maktabgacha va maktab ta’limi vazirligi tizimidagi umumiy o‘rta ta’lim muassasalarida ona tili va adabiyot hamda tarix fanlari bo‘yicha Oliy ta’lim, fan va innovatsiyalar vazirligi huzuridagi Bilim va malakalarni baholash agentligining milliy baholash tizimida olingan tegishli darajadagi sertifikatga ega bo‘lgan va ushbu fanlardan dars beruvchi pedagog kadrlarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi.

Kanalga ulanish:
🏫 @uzauz

#2025_yil_1_yanvardan

⚡Sirk tomoshalarida yovvoyi hayvonlardan foydalanish taqiqlandi

Vazirlar Mahkamasining “Yovvoyi hayvonlarni saqlash tartibini takomillashtirish chora-tadbirlari to‘g‘risida”gi qarori bilan jismoniy shaxslar tomonidan yarim erkin sharoitlarda, sun’iy yaratilgan yashash muhitida yoki tutqunlikda saqlanishi taqiqlangan yovvoyi hayvonlar ro‘yxati ham tasdiqlangan. 

Ro‘yxatga, xususan, yo‘lbars, sher, gepard, yaguar va ularning barcha kenja turlari, gorilla, shimpanze, yirik bo‘g‘ma ilonlar oilasiga mansub barcha turlar, otlarning barcha turlari (xonaki otlar bundan mustasno) kiritildi.

Kanalga ulanish:
🏫 @uzauz

#2025_yil_1_yanvardan

Bukmekerlik faoliyatini amalga oshirishga ruxsat etiladi

Internet tarmog‘ida tavakkalchilikka asoslangan o‘yinlarni tashkil etish faoliyatini va bukmekerlik faoliyatini amalga oshirishga ruxsat etildi. Lotereya, internet tarmog‘ida o‘yinlar va bukmekerlikni tashkil etish faoliyatlari qonunchilikka muvofiq Istiqbolli loyihalar milliy agentligi tomonidan beriladigan litsenziyalar asosida amalga oshiradi.

Shuningdek, 5-yil muddatga lotereya hamda internet tarmog‘ida o‘yinlarni tashkil etish faoliyatini va bukmekerlik faoliyatini soliqqa tortishning quyidagilarni nazarda tutuvchi tartibi belgilandi.

Kanalga ulanish:
🏫 @uzauz

⚡Yangi yilning ilk kunida 1040 nafar chaqaloq dunyoga keldi

2025-yil 1-yanvar soat 17:00 holatiga ko‘ra, mamlakatimizda jami 1040 nafar chaqaloq dunyoga keldi.

Ularning 492 nafari o‘g‘il, 548 nafari qiz farzandlardir. Eng ko‘p tug‘ilish Farg‘ona viloyatida (154 nafar) qayd etildi. Shuningdek, hududlar kesimida keyingi o‘rinlarni Qashqadaryo viloyati (119 nafar), Toshkent shahri (112 nafar), Samarqand viloyati (101 nafar), Surxondaryo viloyati (89 nafar) band etdi.

Eng kam tug‘ilish esa Navoiy viloyati (18 nafar) hissasiga to‘g‘ri keldi.

E’tiborlisi, tug‘ilganlar orasida 7 egizak (jami 15 nafar bola) bor, ya’ni 12 nafari ikki homilalik, 3 nafari esa uch homilalik egizakdir.

Kanalga ulanish:
🏫 @uzauz

⚡“O‘ztransgaz” manfaatlar to‘qnashuvi aniqlangan 5 kontragent bilan shartnoma tuzmadi

2024-yil davomida “O‘ztransgaz” aksiyadorlik jamiyati tomonidan korrupsiyaga qarshi kurashish bo‘yicha chora-tadbirlar kengaytirildi. Barcha shartnomalarga manfaatlar to‘qnashuvini oldini olish bo‘yicha shartlar kiritilib, 61 kontragent tekshirildi. Tekshiruvlar davomida manfaatlar to‘qnashuvi aniqlangan 5 kontragent bilan shartnomalar tuzilmagan.

Bu haqda O‘zAga jamiyatning komplayens-nazorati bo‘limi boshlig‘i Jahongir Xolmirzayev ma’lum qildi.

Kanalga ulanish:
🏫 @uzauz

#2025_yil_1_yanvardan

Vazirlik va idoralarda endilikda bir nafar surdotarjimon faoliyat yuritadi

Qonunchilikka ko‘ra: vazirlik va idoralar, ularning tizim tashkilotlari hamda davlat ulushi 50 foizdan yuqori bo‘lgan xo‘jalik yurituvchi subyektlar fuqarolar qabuli va sayyor qabullarni o‘tkazishda majburiy tarzda surdotarjimon ishtirokini ta’minlaydi;

vazirlik va idoralar, ularning tizim tashkilotlari hamda davlat ishtirokidagi korxonalarning fuqarolar murojaatlari bilan ishlash bo‘yicha bir nafar xodimi surdotarjimonlik kurslarida o‘qitiladi.

Kanalga ulanish:
🏫 @uzauz

#2025_yil_1_yanvardan

⚡Kambag‘al oilalar farzandlari davlat "bog‘cha"lariga imtiyozli qabul qilinadi

Qonunchilikka ko‘ra, “Kambag‘allikdan farovonlik sari” dasturini amalga oshirish doirasida kambag‘al oilalar farzandlari davlat maktabgacha ta’lim tashkilotlariga imtiyozli asosda qabul qilinadi.

Kanalga ulanish:
🏫 @uzauz