“O‘zagrosug‘urta” AJ: Yoshlarni qo‘llab-quvvatlaydi “O‘zagrosug‘urta” AJ Boshqaruvi tomonidan “Yoshlar va biznesni qo‘llab-quvvatlash yili” sarhisobi “Yoshlar forumi-2024” va Toshkent davlat iqtisodiyot universiteti bilan tuzilgan o‘zaro hamkorlik memorandumi doirasida faol, iqtidorli va intiluvchan yoshlar bilan uchrashuv o‘tkazildi. Uchrashuv, avvalida bugungi kunda Prezidentimiz tomonidan yoshlarning bilim olishlari, rivojlanishlari uchun yaratilgan shart-sharoitlardan samarali foydalanib kelgusida Yurtimiz ravnaqiga hissa qo‘shadigan mutaxassis bo‘lib yetishish zarurligi haqida aytib o‘tildi. Iqtisodiyot yo‘nalishi davlatning muhim sohasi, bamisoli yuragi ekanligi, bu yo‘nalishda doim bilimli kadrlarga talab yuqori bo‘lishi tushuntirildi. Sug‘urta sohasida faoliyat olib borishni tanlagan talabalar uchun “O‘zagrosug‘urta” AJ faoliyati, sug‘urta bozoridagi o‘rni va mavqei haqidagi ma’lumotlar berildi. “O‘zagrosug‘urta” AJ o‘z jamoasiga bilimli yoshlarni qabul qilishga doim ochiqligini aytib o‘tdi. Shundan so‘ng talabalar o‘qish jarayonlarining borishi erishgan yutuqlari va kelgusidagi maqsadlarini aytib o‘tishdi. O‘zlarini qiziqtirgan savollariga mutaxassislardan javoblarni olishdi. Bunday uchrashuvlar ularda nazariy bilimlarni amaliyot bilan bog‘lashda katta ahamiyatga ega ekanligini bildirishdi. Telegram | Instagram | Facebook | Youtube | Website | Taplink | Twitter