#manzilsiz_maktublar Rukn omadli ochildi. Boshidanoq bu qadar koʻp xatlar keladi, deb oʻylamovdim. Hammasini eʼlon qilolmadim, kechiring. Demak, aksariyatingiz toʻkilishga bir turtki istagan ekansiz. Turtki berolgan boʻlsam, xursandman. Doim maktub yozib turing. Mayli, kimdir oʻqisa ham, oʻqimasa ham yozing. Muhimi, oʻzingiz biroz yengil tortasiz, ruhingiz tozaradi. Ishonaman, hech kim maktublarida yolgʻon gapirmaydi, aldamaydi. Shuning uchun ham maktublarni sevaman. Qogʻozga ham yozib turing, buning gashti boʻlakcha. Xullas, odatga aylantirsangiz zarar qilmaydi. Ruknni buguncha toʻxtatamiz. Ammo yana qachondir manzilsiz maktublaringiz boʻlsa, yuboring. Bajonidil oʻqiymiz, tahlil qilamiz va ulashamiz. Qimmatli tuygʻularingiz bilan boʻlishganingiz uchun tashakkur! @usmonosphere