* * * Ярим тун. Чироқлар ўчади бир-бир – Уйқу ва бедорлик муросалари. Ҳушёр чироқчи ким? Сенмисан, тақдир, Ё чарчоқ одамлар хулосалари? Жумлаи жаҳонни унитиб бу дам Чўкиб ўлтираман тубсиз ботинга – Ёдимга тушади кетган дўстларим, Шавқу шаън давралар тушар ёдимга. Ним шуълам милтирар туннинг қаъридан, Ёруғим – безабон, ёруғим жимдир. Ёлғиз ёниб қолган чироқ кабиман – Кимдир ўчиришни унитган, кимдир... 26.03.2020 Усмон Азим https://t.center/dilgamaktublar