Халқ банкининг ижтимоий масъулияти ва китобхонлик тарғиботи Кеча Халқ банкида китобхонларни бир жойга тўплаган тадбир бўлиб ўтгани ҳақида кўп жойда ёзилди. Қайд этилишича, банк шу кунга қадар "Mutolaa" лойиҳаси, "Asaxiy Books" ва шу йўналишдаги бошқа лойиҳалар билан ҳамкорлик қилади. Эътиборлиси, банк шундоқ ҳам чекланган имкониятлар ва ресурслар шароитида юқоридаги каби ижтимоий лойиҳаларни қўллаб-қувватлашни давом эттирмоқда. Бу каби йирик инфратузилмага эга, бунинг устига давлатнинг ижтимоий агенти ҳисобланган банк учун мазкур ечим — энг самаралиси бўлса керак. Ижтимоий масъулият қоришмасидан иборат уникал лойиҳалар кўпаяверишини, китобхонлик эса банкларимиз ва умуман бизнес эътиборидан четда қолмаслигини тилаб қоламиз.