دادگای باڵای ئیسپانیا فەرمانی بەربەستکردنی تەلەگرامی هەڵپەسارد ئەمڕۆ دادگای باڵای ئیسپانیا فەرمانی بەربەستکردنی تەلەگرامی لەو وڵاتەدا هەڵپەسارد، بۆ ئەوەش چاوەڕێی ڕاپۆرتی پۆلیس دەکات سەبارەت بە کاریگەرییەکانی ئەم قەدەغەکردنە کاتییە لەسەر بەکارهێنەران. دادوەر سانتیاگۆ پێدراز پۆلیسی نیشتمانی ڕاسپارد کە ڕاپۆرتێک لەسەر "تایبەتمەندییەکانی تەلەگرام و هەروەها کاریگەرییەکانی ڕاگرتنی کاتی لەسەر بەکارهێنەران ئامادە بکەن". وەک بیرخستنەوەیەک، فەرمانی بەربەستکردنی تەلەگرام لە ئیسپانیا لە ڕۆژی هەینی ٢٢ی ئادار دەرچوو. #قەدەغە #ئیسپانیا #دادگایی