🌴تجمّع الزهراء ع العاشورائي🌴

يا محله الوداع ابهالمسيه     لاحضان المنيه
بدموعه علي ايودع الزچيه

ـــــــــــــــــــــــــــــــــــــــــــــــــــــــــــ

علي الليله انصبغ شعره مثل نيته    او بجروحه يگابر
طلع من بيته رايح يدفن ام بيته    بتراب المگابر
كَالْعُرجُون محني طوله تاليته    الگبل مثل المناير

حگه ظهره مايل     اجنازة عمره شايل
ورايح بالظلام ايدفنه ضيه

ـــــــــــــــــــــــــــــــــــــــــــــــــــــــــــ

ثِـگُـل وزن الجنازه چنه ريشه ابريح    من گد ما نحيله
وأعينوني عليها علي گام ايصيح    فرگتها ثگيله
كل خطوه دمعته وگلبه منه يطيح    خلص سكته حيله

بالفرگه الصميده    يرجف گلبه ويده
اومچتوف ابحبل ذيچ الوصيه

ــــــــــــــــــــــــــــــــــــــــــــــــــــــــــ

ابشبگه ودمعه يگضي اوداع اليحبون    واخر نضره ذكره
وعلي خايف ضلعها من يشبگه اشلون    لا يلچم العصره
او كل ما حاول اعليها يصد لعيون    يلگه ابخدها سطره

يحاچيها ابونينه    يگلها يالحنينه
بسمار الضلع ياريته بيه

ــــــــــــــــــــــــــــــــــــــــــــــــــــــــــ

حفر بيده گبرها او ترجف الأيدين   يا شدة دفنها
واتراب الگبر بلله ابدمع العين   من غمض جفنها
وغفت وسط التراب اليغفه چان حسين    ليليه ابحضنها

الچان يشم عطرها    ظل يشم گبرها
ومن عطر الگبر يترس الرّية

ــــــــــــــــــــــــــــــــــــــــــــــــــــــــــ

يگلها ابلايه إيدچ بيش ارد للدار    غير انتي تجوتي
ارجعي ابأذنچ اهمس چن صده وبغار    يرد اعليه صوتي
ابدونچ روحي شمعه وليل فگدچ نار    شويه شويه موتي

ياريت ابدفنتچ     مِـت ولا فرگتچ
وا يضمنه گبر واحد سويه

ــــــــــــــــــــــــــــــــــــــــــــــــــــــــــ

رجع من الدفن محني اعله طوله اتراب    باقي من گبرها
او طاح ابعتبتة من نظر حرگ الباب    واثر چف العصرها
طب بيته ولگه زينب بديها احجاب    أمها البي عطرها

وحسين ابدموعه    يلطمهن ضلوعه
وبجروحه الحسن ناصب عزيه

ــــــــــــــــــــــــــــــــــــــــــــــــــــــــــ

جرحه چن مضيفه كل وكت مفتوح    او صعبه تطفه ناره
وكل ما شاف بابه تهيج بي لِـ جروح
ويُرمُق ذو فقاره
وداخل روحه تلگه شوغة المذبوح    وعياله أساره

من بعد الحبيبه    اتضل روحه غريبه
او تبقه تنعصر كل مغربيه

ــــــــــــــــــــــــــــــــــــــــــــــــــــــــــ

- احمد عباس المياحي

بت باالگلب والهم يعت باالبيت
الصاراوياچ ازيد صار باالبيت
ييمه من اجي وما الگاچ بلبيت
احيرن والوسيعه تضيگ بيه

سعد العبودي

قصيدة شور الزهراء عليها السلام

وزن هجري

~«»»~~»«««

عندي ياحيدر وصيه.. وصيه

لولفت ليه المنيه. المنيه

بليل نعشي كون شيعــــــه
وعالگبر اشعلي شمعـــــــه

وخلي عينك عله البنيـــــــــه. البنيه

~««««»«~«»

خلي عينك عله زينب من اروحن للگبر

زغيره والدمعه عله خدها شلون تگدر عالصبر

تصيح يمه جاوبيني يابعد كل العمر

وحيده والمن عايفتني ضيم وهموم وقهر

تصيح يمه يالزجيه..الزجيه

عندي ياحيدر وصيه وصيه

*الشاعره ام روك✍ــان الشمري*

~«»»««««««

مااريد اللوعوني
وكسروا اضلوعي يجون

بليل ادفني يوالي النعشي لا ليشيعون

بعد هم عندي وصيه لو هلت لترابي هون

اتعهد الگبر الليالي
واقره قرآن بشجون

ارجوك ياحامي
الحميه  الحميه

عندي ياحيدر وصيه  وصيه

*ام منــ✍ـذر الحجار*

«»«»«»«»«»

يابعد عمري ييمه اتوصي بيه  ام الحسن

اعيونج ايصدن علينه للمنيه سوربن

اشلون بيه لومشيتي ابقه بس ابجي واون

صوتج ابهيده اسمعه واسجب ادموعي بحزن

دمعة عيوني جريه جريه

عندي ياحيدر وصيه وصيه

*ام ستــ✍ــار الكعبي*

~««»««»«»«

اشلون ترضه تودعني وتبقى اطفالي تلوع

ماشيه بدرب المنيه ابدمابيه كل رجوع

وزينب عاللباب ضلت تجري من عدها الدموع

گلي ياحيدر شسوي اثرة كسر الضلوع

تگله انه شبديه شبديه

عندي ياحيدر وصيه وصيه

*ام اسـ✍ــامه الحلفي*

«»««»»«»«»«

انه اوصيك بوصيه على ولدي لورحت

روحي احسن موتي بيها
ساعة البيها طحت

لاتحسسها بغيابي وجني عنها ما غبت

والحسن وحسين  يمي اواللمنيه سلمت

زادت الامي عليه عليه

عندي ياحيدر وصيه وصيه

*ام اســ✍️ـامه الحلفي*

«»««»»«»»«»»»

اقرأ القرأن يمي وزينب وياكم تجي

ودير بالك عالزغيره لا تطول بالبجي

خلها يا حيدر ابنيتك على متنك ترتجي

وفوضه للباري امرك  ابد ميفيدك حجي

نار فرگاكم سريه سريه

عندي ياحيدر وصيه وصيه

*ام رافـ✍️ـد العسكري*

«»««»»««»»««»

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

ييمه يانظر عيني
ييمه ليش عفتيني
يزهراء  يزهراء
****
ييمه ليش عفتيني ورحلتي
وشمعة بيتنه يازهره انتي
اظل بلا ضوه لوعني رحتي
وابقى بليه ام لاخر سنيني
ييمه ليش عفتيني
يزهراء  يزهراء
****
بعمر الورد رحتي من ادينه
سنيني تخلص وانه حزينه
شسوي بعمري بعدج يالحنينه
يريت وياج يمه تاخذيني
ييمه ليش عفتيني
يزهراء  يزهراء
****
يم البيت انتي البيت كله
بالدلال خله جفاج عله
عليج الكلب من يسأل شكله
مشت لبعيد عني وماتجبني
ييمه ليش عفتيني
يزهراء  يزهراء
****
مشت لبعيد أكله الجانت فياي
تظل سهرانه وكت النوم وياي
هاي اصفك عليها باقيه بهاي
وون اعليها وبسكته ونيني
ييمه ليش عفتيني
يزهراء  يزهراء
****

اون اعله الوديعه ليل ونهار
وترك دمع الجفن عالوجنه اثار
جمر فراكها بالروح شب نار
وكالناكه صبح الها  حنيني
ييمه ليش عفتيني
يزهراء  يزهراء
****
بعدها راح اشوف هواي اهات
بمهجتي موجرح تصبح جراحات
علي يلتمن يراوني ويلات
وتاخذ مني اخواني وبنيني
ييمه ليش عفتيني
يزهراء  يزهراء
****
دهري راح عكس وياي يمشي
ياخذ اخوتي وميخلي كلشي
وكبل الشيب راح يشيب رمشي
لو طاحوا ابو الرايه وحسيني
ييمه ليش عفتيني
يزهراء  يزهراء
****
خادم اهل البيت / ابومحمد العاشور (07810010732)

كسر ضلعج يزهره اعظم رزيه
ابد والله ماننسى القضيه
****
كسر ضلعج ترى اعظم مصيبه
على المعبود مولاتي وحبيبه
ادنس دارج الكفرت عجيبه
وانتي حجاب خالقنه ونبيه
كسر ضلعج يزهره اعظم رزيه
****
انتي حجاب ربنه يالبتوله
يضربونج الماعدهم رجوله
من يامله ماادري هذوله
الحركوا باب حماي الحميه
كسر ضلعج يزهره اعظم رزيه
****
الحرك باب الوحي ماعنده اخلاق
هذا يعتبر للمصطفى عاق
سوده ورقته من دون الاوراق
ويظل ملعون دنيه واخريه
كسر ضلعج يزهره اعظم رزيه
****
دارج يالعفيفه دار الاطهار
الله يلعن الهجموا على الدار
مو اصحاب ذوله من الاشرار
الطيحوا محسنج فوك الوطيه
كسر ضلعج يزهره اعظم رزيه
****
ماننسى قضيتج يالوديعه
خبرها بكل وكت لازم نذيعه
للاجيال تبقى اعظم فجيعه
حلت بالوسيعه اعله البريه
كسر ضلعج يزهره اعظم رزيه
****
جروحج كلها مولاتي يهونن
على مصاب العلي السيوف صلن
الدموعج فاطمه من اجله صبن
ابو اليمه غريب الغاضريه
كسر ضلعج يزهره اعظم رزيه
****
خادم اهل البيت / ابومحمد العاشور (07810010732)

قصيدة فزاعية لمولاتنا الزهراء عليها السلام

يا دار ليش اتونين
جنج امضيعه وفاگدة

يا دار ليش امكدرة
جنج امضيعه الطاهرة
محزونه عالصار وجرة
يكتل ييوم الراشدة

صبحت وحشه ومضلمه
دار الولي حامي الحمه
بفگد الوديعه فاطمة
يا حيدر الله يساعدة

دارة صفت خلوانه
من فاطمه الوجعانه
ماتت تون نحلانه
يوم الحنينة ضاهدة

ضلت حزينة العيله
من ضيعت لكحيلة
زينب دمعهة اتسيلة
احا ييوم الوالدة

ويلي الحسين اشحالة
عينه بقت همالة
صورتهة دوم اگبالة
صب الدمع يم والدة

تمت بحمد الله تعالى نسألكم الدعاء بالتوفيق لخدمة اهل البيت عليهم السلام
الشاعرة ام زهير الفاطمية

نعي فائزي
الليالي الفاطمية الثانية


يمي اودعك والگلب مني تحسّر
أبچي لمصابك لو اواسي بويه حيدر
يمي اشوفه ينتحب ضلع التكسر
ينحب خدودك واللطم زود ونينه

****

ليلة أليمة انطفت بيها شموعك
طاحت سنيني من شفت يمي دموعك
مدري شگولن لو لمس هسه ضلوعك
هاي الرزية خضبت والله جبينه

***

وسّد خدوده عالنعش گلبه تفطر
فرگه اليمة والگلب منها تحسّر
ونّه بأفاده واللهب بيها تسعر
يذكر ييمه نظرتك من تودعينه

**
هاي النوايح تنتحب يمي علينه
تنده يولي عالوصي منهو اليعينه
گومي يزهرة واسمعي ونه وانينه
سالت دموعه من الألم صفگ ايدينه

****
زينب حسن البزال

*نذرف الدمعات حزنا والمآقي سرمدية*
*فوق أضلاعٍ كسيرة نكتب صك الرزية*
*نحن عشاق البتول ثأرنا الضلع هوية* 
*هل تمس النار عينا قد بكت رزء الزكية*
*حبر دمعي خط فاطم رافعا كف العطية*
*يطلب صك الشفاعة في الليالي الفاطمية*
خادمة آل محمد✍

▪️رباعية فاطمية
مع تضمين بعض الأشطر من أرجوزة الأنوار القدسية لآية الله الشيخ محمد حسين الأصفهاني (قده) .

١/أرجوزةُ الأنوارِ والأحزانِ
تُجري دموعَ العينِ كالجُمانِ
شهودُها صادقةُ المعاني :
(ألبابُ، والجدارُ، والدِّماءُ)

٢/(إنَّ حديثَ البابِ ذو شجونِ)
عنْ قَتْلِ أُمِّ التينِ والزيتونِ
قد أسقطتْ منْ هجْمةِ الخؤونِ
فضجَّتِ الأعتابُ : يا زهراءُ !

٣/ماذا لنا يروي "الجدارُ" الجاني ؟
ولمْ تزلْ أضلاعُها تُعاني
(تجرَّعتْ من غُصصِ الزمانِ)
ما منهُ تبكي الأرضُ والسَّماءُ

٤/هذي "دِماها" تشتكي للمهدي
ما قاستِ الزهرا بسوطِ العبْدِ
(وجاوزوا الحدَّ بلطمِ الخدِّ)
حتَّى قضتْ وعينُها حمراءُ

٥/فاطمةٌ عُصارةُ الأنوارِ
بعصرِها أنَّتْ منَ المسمارِ
(سلْ صدرَها خُزانةَ الأسرارِ)
عنْ رئةٍ ضاقَ بها الهواءُ..

٦/ذي أمَّةُ السوءِ فماذا عُذْرُها ؟
بنتُ رسولِ اللهِ يُخفى قبْرُها
(لهفي لها لقدْ أضيعَ قَدْرُها)
فقبرُها وقدْرُها سواءُ ..

تمَّتْ بعناية الحجة عجل الله فرجه



#الليالي_الفاطمية
#اللهم_عجل_لوليك_الفرج

الشاعر علي عسيلي العاملي

حسبي الله عالذي گلچ وأن
ودخل ابيت الوحي طاري الحزن

وسفه اشوف البيته بيت العنكبوت
يجي ويتجاسر على خير البيوت
المثلچ انتي بيا ذنب بالله تموت
وانتي من شجرة نبي الأمة غصن
حسبي الله عالذي گلچ وأن
...

انتي نعمة الما عرف قدرچ غشيم
وانتي تجسيد السراط المستقيم
الهوى من اتشمينه يتحول عظيم
وانتي نور وما يشوفه المو فطن
حسبي الله عالذي گلچ وأن
...

چان بيتچ مهبط لنور الوحي
وهذا ثابت يم حسن ما ينمحي
تالي ضلعچ ينطحن طحن الرحي
واعله إنفاسچ نصب جرحچ سجن
حسبي الله عالذي گلچ وأن
...

الچان يخفي بوجهه قدر المستطاع
من حرگ بابچ وگع منه القناع
يلاگي الله هناك بالله بيا متاع ؟
" اباب من اجذوع واثگيلة وزن "
حسبي الله عالذي گلچ وأن
...

هالأمر من الله واضح ازلي
يرضى ما يرضي يقر بما يلي
شيخه هو وصاحبه وگومه علي
هذا ابو الحسنين للأمه حصن
حسبي الله عالذي گلچ وأن
...

البخاري يحچي عالضلع الجريح
وهمو گالوا هالحچي لامو صريح
انه ما شايف صحيح ومو صحيح !
وهذا لو تلفيق لو يعني جُبِن
حسبي الله عالذي گلچ وأن
...

ابشمس باچر ما يظل هذا الوضع
راية حمره هاشمية ترتفع
المهدي يندب يالثارات الضلع
ولحد يوم الثار ماغمض جفن
حسبي الله عالذي گلچ وأن

الخادم
حسن ميثاق الربيعي

سلام الله على الزهره الزچية
....
بابچ كل شخص جمره شمر بي
عن ذراع الحقد هوَ شَمر بي
شكو ارماد انتثر خلف شِمر بي
اذية وما اجو بس بالأذية
سلام الله على الزهرة الزچية
....
جريمة اليغدر بمرسل حِيّه وياه
صديقه ظاهر وباطن حيه وياه
رخيص وما يصح عنده حيّه وياه
روحه من الشرف چانت خويّه
سلام الله على الزهره الزچيه
...
الگوم البالخِفه زوروا كشِفهم
فعلهم يم حسن هو الكشَفهم
احرگوا باب الوحي العنهم كشف هم
وملامح اسسوا للطائفية
سلام الله على الزهره الزچية
...
عظمية واشيقسوچ بعظم من ؟
وعلى بيتچ وسف هدوا بعض من
صاعليك او يدفعون بعظم من
ظلوعچ وانتي حرمه ومو گوية
سلام الله على الزهرة الزچية
...
يم بيت الي بسم الله مَحمد
يساحل رفعة ما مره محا مد
اجولچ فاطمة بغض ابمحمد
خذاهم شوگهم للجاهلية
سلام الله على  الزهرة الزچية
....
عگب عين النبي المرتد گبل حاد
على الباب الذي چانت گبل حد
المسمار الثقب حايط گبُل حاد
وهسـة بظلعچ ايحز يالأبية
سلام الله على الزهره الزچية


حسن ميثاق الربيعي

قصيدة للزهراء ع {نكبر ردت البنيه}كأني بالامام علي ع ذهب الئ قبر الزهراء ثاني ليلة من رحيلها وجلس يبكي ويقول .....

نكبر ردت البنيه
يام الحسن سويه
هوه انه قالع خيبره
شسوت فرگتچ بيه ...شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
نكبر ردت زينب سوه ازغيره بعدهه
من رحتي بدموع الهظم متروس خدهه
اسمعهه من تبچي تصيح امي شيردهه

شيردهه وهيه ابحضن التراب
اعليه راح ايطول الغياب

يا زهره حيلي اشويه .. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
ليل الهجر ما احمله يا بعد الضلوع
شگد صعبه بمچانچ اخلي بيدي الشموع
مكسور گلبي وخاطري وبالفرگه مفجوع

ضلعچ هظيمه ام حسن ماطاب
اعليه راح ايطول الغياب

لجر النفس مابيه .. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
هاظمني كلشي بموتتچ يا شمعة الدار
عفتيني وحدي وبالعيال التبچي محتار
كل مابچه حسين وحسن بيه تشب نار

اشتاگيتلچ يا اغله الاحباب
اعليه راح ايطول الغياب

يا دمعتي مجريه .. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
مجريه دمعة حيدره لضلعچ المكسور
للدار خل نرجع سوه شلچ بالكبور
مو گبرچ تمنيت گبري والله محفور

من البارحة يالدمع سچاب
اعليه راح ايطول الغياب

بس ساعه مري اعليه.. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
دارچ خليه وصوت بس انعاوي بيها
زينب وحگ عشرتنه يذبحني بجيها
تبچي وتصيح امي الكبر مالاگ ليها

وياها كون انعصر بالباب
اعليه راح ايطول الغياب

زينب تون يوميه..شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

الرضاها الباري ياعالم رضلها
بلطفه ورحمته وعطفه رضلها
وفاطم ياضلع منها رضلها
كل ضلوعها انرضن سويه
..........
الشاعر
اياد الفرح المهدوي

ابو ذيه الزهراء عليها السلام


عالزهره بكيت اصفك بياداي


هدني غيابها. وخله. بياداي

واريد خلافها اسكن بياداي


ولا عيني تصد دار الزجيه


بقلمي القاصر

يا فاطمــة لــو ترجع العتـرة؟
حتـى محمد ينكَطــع نحــــره
*
اليسمع كلامي يجـــوز ما يقبـل؟
تبالــغ يكَلــي ومُحتَمَـــل يزعــــل
إِسحــب كلامــك؟هــذا لا يُعقــــل؟
شلــون الرسول المصطفى يُقتل؟
مستعد أقســـم وابصــم بعشـــرة
*
أحفــادهـــه المفــروض تتنَـــدم؟
متلهفه شــــو؟ أكثــــر بعد لِلــدم
أحقــادهم فاقــت إبــــن ملجَــــــم
يعنــي اكيـد النبــي مـــا يســـــلَم
لا شــك إذاً مــــن يرجــع تغِــدرة
*
مــا آمِنـــو ذولــــه؟ ولا ندمـــــو
مِن مــات بآل المصطفى شسَـوَو
حِركَــو  وسِـلبـو هِدمـو وذبحَــو
يقتلـــــونهم يوميـــة لــــــو ردو؟
ذولـــه أحفــاد الرَوع الزهـــــرة
*
يــا فاطمـــة كــل دِين ما عــدهم
اليشتِم بنـــاتج بالســـبي جَدهـم؟
ميـــت من أهــل البيت وآحدهـــم
هســه يحركَــون الخيـــم ودهـــم
وحسين ابنـــچ ينسحـــكَ صدره
*  
ارتِكبـــــو جرائــم بينــه ما تنــعد
احقـــادهـه علــى آل النبــي أزيـد
تفجيـــر سامـــرة إلـــــچ يشــهد
تدريــــن لســـه مهَدم الغــــــرقد
صبــــر الإمـــام القـــائم شكبـــره
*
أجيالـــهم هَـــــــم مـــا يحبــونچ
هســـه أمنيتهم لــــو يقتلـــــونچ؟
علــى أولادچ شكَــد بچــوعيونچ
يوميــــة يالــزهـــرة يفجعــــونچ
لــو إلــچ مرقـد باچــــر تفَجــــرهَ
*
يالزهــرة..الأعوج؟ ذيله شيعدله
لو ظــاله على السيف چـا سهـلة
تَفخِيخ هســــه وقتـــل بالجُمـــلة
تتمنـــه حتـــى المهدي تندلـــــه؟
قيسي على هاي اوضاعنه الخطرة
*
الما يستحــي منالله وأُوليِ القُربـة
مستـــعد هـــذا يهَـــدِم الكعـــــبة
ذرة شـــرف مــا يمـــــلك بكَلــبه  
يقتـــل مُحمد يعنـــي مـو عُجـــبه
مهدور دم كــل شيعـــي وتكـَفـــره  
*
ذولــه مرض يا فاطمـــة مُـــعدي
ما نخلص ألـــه بطلعـــة المهــدي
وفقينــي اصيـــر بعسكره جُنــدي
من أهــل السقيفة لو يطلع يبــدي
كل العوالـــم هـــــــاي تنتــــــظرة
*
حيدر حسين الكَرعاوي

الله يعينك ياعلي

الله يعـيـنـك يا عـلـي  من ودعـتـها الـزهـره
راحت يحيدر فاطمه  وراحت وياها العشره
ضياع .. عمرك بدون ام الحسن
ضياع .. الزهره چانـتـلك وطـن
الله يعـينـك يا عـلـي
……………………………

الـ بس هيه چانـتلك كـفو .. والتارسـه بـيتك دفـو
وچـانت الك أم وابـو .. راحت يحيدر
ذيـچ الحـنينه الطيـبة .. روحـك علـيها معـذبـه
جـرح الهجـر شيطيـبه .. وگـلبك تكـدر

أم بـيـتـك وأم  وابــو  وچـانـت اخـو  بـالـشـده
وچانت حبـيـبه ام الحسن  وياها حلوه الگـعـده
ومـاي الـيـبـردك بالضـمـه  والمـاي هـسـه اتـبـده


ذبحـو عشرتـك يا علي  وراحت هذيـچ ايامك
من يوم ما طگـها النذل  وطاحت تون جدامك
ضياع .. ابابك بدت ذيچ المحن
ضياع .. الزهره چانـتـلك وطـن
الله يعـينـك يا عـلـي
……………………………

شفت الجره عليها وحصل .. بيتك على الزهره اشتعل
لگـلب العرش دمها وصل .. بذيـچ الرزيه
من الرفـس من الضـرب .. تـتـلـوه ضلت عالـتـرب
ودمعـك علي الها يصب .. تـگـلها شبديه

الغـيرة والحـيرة اكـسرن ظـهرك ابـذيـچ اللحـظـه
گـبالك يدوس اعله الضلع  واسمعت طگـة الرضه
ومجـبـور عن ذاك الوضـع  الـنـظـر گــوه تـغـضـه

چـف الضرب خـد فاطمة  ماتگدر انته اتگـصه
مجـبـور يا حـيـدر لأن  ابـهـاي چـنـت امـوصه
ضياع .. هـاي اول ايـام الفـتـن
ضياع .. الزهره چانـتـلك وطـن
الله يعـينـك يا عـلـي
……………………………
الداس بـثـنـية منـزلك .. قصده يحرگـك وي هلك
بـس فاطمة ضحت الك .. زهـرة عمـرها
فدت الك خـد وضلع .. وضحت الك شوف وسمع
خافت ابچـتلك تنفجع .. تحملت كسرها

وهو استغل هالتضحيه  وصوب اصوابه ابگـلبك
يـدري بــدون ام الحـسـن   الدنـيـا  راح اتـعـبـك
ورادك تمـوت مـن الحزن  يدري بـهجرها ايعذبك


والثاني حـقـق غايـته  وچـتال چـان اصوابه
الغالي مـن يسكـن گـبر  اتـمـوت كـل احـبـابه
ضياع .. حـيدر ابـدنـياه انسجن
ضياع .. الزهره چانـتـلك وطـن
الله يعـينـك يا عـلـي
……………………………

الله يعـينـك عالهـجـر .. من غسلـتـها ابـيا صبر
ماتدري شمسوي الكسر .. چـان بصدرها
وي كل نـَفس خنگـة وألم .. چان الهوى مثل السهم
وزفـراتـها تـطلعـها دم .. مصيبة شكبرها

وما چانت اتـريـدك تحـس يا حيدر ابـمحـنـتها
مـن تـقـره قـرآن الفـجـر  تـطلـعـها بـي ونـتـهـا
وبكل قنوت ابكل فرض  فرصة تصب دمعـتـها

شگـد جـاهدت وي الألـم  لمن شهـيـده ماتـت
توها الزچيه من الوجـع  ابنص گبرها ارتاحت
ضياع .. بيـها المصايب دولـبـن
ضياع .. الزهره چانـتـلك وطـن
الله يعـينـك يا عـلـي
……………………………

يا راحـة تلـگـه ابدنيتك .. وام حسن وحدك عافتك
ايعـينك الله ابـغـربـتـك .. يا حـامي الجـار
الچـانت الك مثل الهـوى .. وبالحلوة والمـرة سـوه
شگد گـلبك عليها انچـوه .. وما تنطفي النار

الچانت سكن روحك امس  هسه بگبرها سكنت
بـثـيابـها شــم يـا عـلي لـو لـيـها  روحـك حـنـت
مكـتـوب روحـك مـن تـحـن  للمگـبـرة  اتـعـنـت

شم بتراب ام الحسن  وصب عالگبر دمعاتك
واحـچـيلـها عن غربـتك  بـفـراگـها ولوعـاتك
ضياع .. دموع المفارگ لو جرن
ضياع .. الزهره چانـتـلك وطـن
الله يعـينـك يا عـلـي


الشاعر عقيل الحسناوي..
.

وفـقينه يزهراء وفـــقينه
                سجلينه يزهراء  سجلينه
                   ———————
          رزقينه للضلوع دمعه فاطـــميه
          مديناها الجفوف لاترجع خليـــه
        وبكل الـــروايات نقرالج سويــــــه
       المو شيعي رفضناه احنه الرافــــضيه

             حبينه يزهراء حبينـــه
           سجلينه يزهراء  سجلينه

                    ———————
         انصار البسامير مانسمع حجيهم
        بفلسين اليضدوج محد يشتريهم
        خدامج يريـــــدون نضراتج عليهم
        فري سبحة الطين ادعي واذكريهــم

               لــمينه يزهراء لـــمينه
             سجلينه يزهراء  سجلينه

                   ———————
           ببيوت اليحبوج اســــٰمائج هويه
         لازم عدنه زهراء لو عبد الزجــــــيه
         سمينه فدك ليش جم بت حيدريه
         چيه بستانج اخذوه الماعدهم حميه
      
              ضحينــه يزهراء ضحينه
             سجلينه يزهراء  سجلينه
                 ————————-
        تحضرين العزاءات معروفه الروايه
        مولاتي وتكعديـن انتي بالبدايــــــه
        علمتينه للموت منعوف الولايــــه
         وابابج قرابين قدمنه وضحــــــايه

               حزمينه يزهراء حزمينه 
             سجلينه يزهراء  سجلينه

                   ———————
       بالمجلس توزعين للمخلص شــهايد
       خاتمها ابو حسين حـــلال الشدايـد
        بعِباتج تغــطي اليقرالج قصايــــــد
        اليفتر العزاءات يتسجل مجاهــــد
       
             شوفينه يزهراء شوفيــنه
             سجلينه يزهراء  سجلينه

                   ———————
         من نختم تمدين سفرتنه بجفوفج
         احنه بعين الگلوب ويانه نشوفج
         ذبحونه ويذبحون لگن ما نعوفج
        بعد الباري بحروف يـ لزهره حروفج

              امرينه يزهراء امرينــه
            سجلينه يزهراء سجلينه

                   ———————
         
سيد معتز الحسيني