#قصيده ثقيله للامام الباقر عليه السلام
من زغري الطفوف مشيبه راسي
ماشفت بحياتي بس مــــأســـي
اجرع هم بـأثر هـم
وتالي انسكي بالسم
ماشفت بحياتي بس مأسي
▁▁▁▁▁▁▁▁▁▁▁▁▁▁▁▁
عشت أيام ماتخطر على الــبال
من حرگ الخيم لمراكض اطفال
وايادي مورومه من جر الحـبال
ويتيمه تاني عمهه ابـدمع همال
وتنادي ياعم ماي
يبست لبة حشاي
ماشفت بحياتي بس مأسي
▁▁▁▁▁▁▁▁▁▁▁▁▁▁▁▁
وشفت اعله المخيم هدت أرجاس
وحرم تركض تحشم وينـــه عباس
يخويه الحك علينه يبو النــوماس
ترضاها نضل ابـــلايه حــــــراس
ماضنكم تقبلــون
سوط يلوح المتون
ماشفت بحياتي بس مأسي
▁▁▁▁▁▁▁▁▁▁▁▁▁▁▁▁
الشمر وسفه ضرب عمتي رقيه
وسلب منهه تراجي ابن الدعيه
وضلت تـــون والدمعه جــريه
تنادي عـمه وين اهـــل الحميه
من عكب أهلي البدور
روعوا حيف الخدور
ماشفت بحياتي بس مأسي
▁▁▁▁▁▁▁▁▁▁▁▁▁▁▁▁
من اذكر نحر جـدي الـدامــي
ايزود الهم عليه تكثـر الامـــي
بحسره گضيته وسوده ايامـي
على المطروح علتربان ضامي
حزني مابطل يـوم
لحد مامتت مسموم
ما شفت بحياتي بس مأسي
▁▁▁▁▁▁▁▁▁▁▁▁▁▁▁▁
على جدي الحزن مابطل ساعه
وگلبي لاهده وطابت او جـاعـه
روحي اعليه مالـومه او مرتاعه
أبن المصطفى الحـــلوه اطباعه
وراسه فوگ السنان
طافو بيه البلــــدان
ماشفت بحياتي بس مأسي
▁▁▁▁▁▁▁▁▁▁▁▁▁▁▁▁
تمت بعون الله تعالى
باأقلام خادمات اهل البيت عليهم السلام
#الخادمات زهراء الحربي وسهام المالكي
وغير مبري الذمه من يحذف او يغير الاسماء
ونسال الله القبول
https://t.center/ssrgk