خادمة السيده رقيه بنت الامام الحسين ( ع) الشاعرة سهام المالكي

.

ديوان الدمعة المقدسة

(خاص بالزهراء وام البنين وفاتها وسفرتها )

يتوفر بنسخ قليلة للطلب المراسلة واتساب👇
٠٧٧٥٣٠٩٩٠٠١

متوفر توصيل لكافة المحافظات

من اجمل ماخط القلم وجسد ما في مشاعر المحبين من اآلآم الحسين وآلِ الحسين عليهم السلام حروف كتبت بشجن ودموع تاره... وبحسچه جنوبيه وحماس يجمع مابين سحر الوسط وحرارة الجنوب فخرجت تلك الاحرف الهادئة المبكيه والأحرف الصاخبه الضاجه بحب الحسين عليه السلام .....تعالو ويانه خل ندخل على قناة الشاعره الحاجه ام حسين العسكري ناصريه ونرى ما أبدعت في المجال الحسيني....ولايفوتكم دائما جديدها المستمر ومتاكده راح تدعولي وتدعولها يالله خل نشوف

https://t.center/Vvb313

https://t.center/Vvb313

قصيده ندبه للامام الحجه المنتظر عجل
(وزن الميمر)
تفعيلاته

مستفعلن/مستفعلن/مستغعل
🖊️📙

مولاي ننتظرك على حـر النار
ثار الزجيه تاخذه وحرگ الدار

•───✧◐✧───•

بكل وكت ندعي بلفرج مولانه
تظهر وتنصر كل فقر دنيانـــه
مر الصـــبر بجفاك يا سلوانــه

بيه قائدك للجيش احمد مغوار

✍الفاطميه
•───✧◐✧───•

ثار الزجيه والضلع والعصره
حر بگلبنه الملتهب بيه جمره
ونيران بينه سيدي متوجره

وفقار بيدك وارثه من الكرار

✍سهام المالكي
•───✧◐✧───•

يمته تجــــــي تشيل الفقار انريدك
زود الفحول ال اهدعش جن بيدك
كلحنه منتظرين ساعــــــة وعيدك

حلــــــم العمر ونكون وي الانصار

✍️سهام المالكي
•───✧◐✧───•

عجل تنادي كل الامــــــه ظهورك
نشتاگ كل جمعه وخميس نزورك
نقبل اتراب العتبه مـن يم سورك

بسردابك الي اخفاك عن الانظار

✍الفاطمية
•───✧◐✧───•

عجل ننادي يا الهــــي عجل
الفرگه طالت والظهور تأجل
خدام كون بدولتـه ونسجل

تغير اسامينه بجنود الثوار

✍️الفاطميه
•───✧◐✧───•


تمت هديه لمولانا ابا صالح ولجميع شهداء الحشد المقدس
راجين القبول
https://t.center/ssrgk

نعي الفراق
لسان حال السيدة زينـــب عليها السلام
تنعى امهـا السيدة الزهراء عليها السلام

ـــــــــــــــــــ💔ـــــــــــــــــــــ

يمه وينج... يـــم حسن ردي عليه

يمه وينج... الدار مــن بعدج خليه

يمه وينج... عليج مهضومه البنيه

يمه وينج... انتظر كـــــل مغربيه

*مريـــــ✍ــم الحجيمي*

ـــــــــــــــــــ💔ـــــــــــــــــــــ

يالحبيبه... بلكي هالمغرب تجيني

يالحبيبه... برجعتج يبطـل ونيني

يالحبيبه...مسحي دمعاتي لبعيني

يالحبيبه...بعــدج اظلمت اسنيني

*سهـــ✍ــــام المالكي*

ـــــــــــــــــــ💔ـــــــــــــــــــــ

يالحنينه...ايتام من بعدج صفينه

يالحنينه...الگبــــر يمه مضيعينه

يالحنينه...رحتــي ماضنج تجينه

يالحنينه...الگلب ماهـــود ونينه

*ام زهـــ✍ــــراء الزيداويه البصراويه*

ـــــــــــــــــــ💔ـــــــــــــــــــــ

ويــلاه ييمه... الجدم بخيــــــاله يعثر

ويلاه ييمه... الشمل مـن بعدج تتطشر

ويـلاه ييمه... عمــــــرج اتبده الله أكبر

ويلاه ييمه... عالفرگه ابد يالزهره مگدر

*زهــــ✍ـــراء ام حسين الزيداويه*

ـــــــــــــــــــ💔ـــــــــــــــــــــ

يمه ليلي... اشطـوله بفراگج عليه

يمه ليلي... ابجي ودموعي جريه

يمه ليلي... للصبح عينــــي اربيه

يمه ليلي... ماانامه اشلــــون بيه

ـــــــــــــــــــ💔ـــــــــــــــــــــ

زهره يمه... تعبتنـــــــــي هالمصايب

زهره يمه... رحتي مني وگلبي ذايب

زهره يمه... طولج مـن عيوني غايب

زهره يمه... اندفن حـــــــدر الترايب

*الشاعره كريــ✍ـــــمه البو حلوه*

ـــــــــــــــــــ💔ـــــــــــــــــــــ

اه يايمة...ليلى كلــــــــــــــه مانامه

اه يايمة... متــــــى ترديلي بسلامه

اه يايمة...الگـــــوم سووها الظلامه

اه يايمة... ابجيت مــاني ام الملامه

*ام محـــ✍ــــمد ال درويش*

ـــــــــــــــــــ💔ـــــــــــــــــــــ

اه ييمه... الدهر شد النه حزامه

اه ييمه... نكســر الخاطر يتامه

اه ييمه... وللحزن صارت علامه

اه ييمه... رحلتي ونظـل بندامه

*ام محــــــ✍ـمد الساي*

ـــــــــــــــــــ💔ـــــــــــــــــــــ

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://t.center/ssrgk

فزاعيه جنوبيه رباط هوسه للزهراء عليها السلام
(( نصارى ))
ـــــــــــــــــــــــــــــــــــ

للـــزهــــرة الشفيعه ولضلعها
العين المابچت واجب شلعها
ـــــــــــــــــــــــــــــــــــ

هيه اطهر نساء الدنيه هيه
يدفعوها وتــون ونه خفيه
مكسورة ضلع ويلي الزجيه
شبت نارها ويصعب وضعها

( بالباب نعصرت مهضومه)


مريم العبوديه اسيرة الاحزان 💔
ـــــــــــــــــــــــــــــــــــ
باب ام الحـــسن شبوهـا النار
وياحيف بصـــدرها نبت بسمار
محسن سقط منها ابعتبت الدار
وبيده النــــذل وسفه صفعهــا

(وصاباها عالعين الزهره)

✍️ سهام علي المالكي

ـــــــــــــــــــــــــــــــــــ

حمره اعيونها والظلـع مكسور
جمرها بالگلب والباب مجمور
كلمن نزل دمعه عليها ماجـور

صاحت بت نبي ومحد سمعها

(( وبچعب السيف ايضربوها ))

بقلم خادمة آل البيت ع

ـــــــــــــــــــــــــــــــــــ

بت الهادي ناحت بالمصيبه
دمعتها تصب ظلت نحيبه
محسن طاح والدنية گئيبه

تهد الحيل لوعتها اشجرعها

(( الزهرة تنوح لجم لوعه ))

مريم العبوديه اسيرة الاحزان 💔

ـــــــــــــــــــــــــــــــــــ

تهـد الحيـل لو صاحـت يطهه
بعد ماغـمـض الظالـم ولاهه
هاي التخسف الگاع ابدعاهه

ربـكـم يمتحـن خلگه وضعها

(( مثوا جنه اليوفي وياها ))

خادمة آل البيت ع

ـــــــــــــــــــــــــــــــــــ


(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاريخ ربيع الاول 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://t.center/ssrgk

قصيده للزهراء عليها السلام


يم حسين يالهديتي حيلي
يلي بفرگتچ ذايب دليليّ

༄ ★═━━▒ ━═★༄
خالي البيت مــــنچ يالزچيه
يلي شوفتچ عنـــت عليــــه
خلاف اعيونچ عيوني جريه

من يوم الدفن ما نمت ليليّ
༄ ★═━━▒ ━═★༄

جفني ما طبگ لحضه ولا نام
بعدچ يــالزچيه ضلمـه الايام
وعليچ الگلب يالزهره محتام

ولفراگـچ تشب نــار ابغليلـي
༄ ★═━━▒ ━═★༄
گلبي منكسر گــــــابع بالهموم
من يوم الرحلتي اعليچ ملچوم
ضل بس الحـزن ينعاچ كل يوم

اخلافچ زاد يالــــــزهره عويلي
༄ ★═━━▒ ━═★༄

اطب الغرفتچ واذكر گعدتچ
صعبه وتسعر بگلبي فرگتچ
اولادچ بالحزن وتنوح بتـچ

صعب فرگاچ ياخلي وخليلي
༄ ★═━━▒ ━═★༄

صعب فرگاچ يـا ام المحنه
تطشر من بعد عينچ شملنه
وبعد هيهات مترجعين النه

نطفت شمعة حياتي التضويلي
༄ ★═━━▒ ━═★༄

تــــمت بقــــ✍️لم خادمات أهل البيت عليهم السلام
*✍️الشاعره ام حسـين الفريداوي*
*✍️الشاعره ســهام علـــي المالكي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
https://t.center/ssrgk

قصيده الفاطمة الزهراء عليها السلام

وزن نصاري

•───✧◐✧───•

شحالك ياعلي مــن غسلتها

حمره عينها يـــوم الشفـتها

الله يعينـك عالجــره
شفت الضلوع مكسره

حمــره عينها يــوم الشفتها

•───✧◐✧───•

حمره عيـنها مـــن كثر الصواب

مهشوم الضلع مـن دفعت الباب

بقه دمعه عليها يهــــل سجـاب

يغسـلها وينـــــادي يم الاطياب

نيران بيـــك اموجره
الله يعينك عالـجـره

حمــره عينها يــوم الشفــــتها

*ســهـــ✍ــــام المالـــكي*

•───✧◐✧───•

حمره اعيونها والضلع مكسور

ومن بيتك يحيدر غايب النور

ذبحوهــا بغدرهم زمرة الجور

والمحسن وگـع بالعتبه مغدور

من دم يسيله ناظره
الله يعينـــك عالجره

حمره عينهــا يـــــــوم الشفتها

*ام زهـــــ✍ـــراء الزيداويه البصراويه*

•───✧◐✧───•

حمـره عينهــــــا ام حسن وحسين

مهضـــــــومه الزجيه وتدمع العين

اويلي اعله الجره مكسوره ضلعين

ما عدهـــم رحـــــم ذوله مجرمين

الگلب بيش تصبره
الله يعينك عالجره

حمره عينها يوم الشفتها

*ام زيـــ✍ــــن العابدين لمحمداويه*

•───✧◐✧───•

شفتهـا عالحسن وحسين حنت

مخفي الصوت زهره حيل ونت

واملاك السمه الونتهــــــــا رقت

عالخد زينب الدمعــــات هلت

يجريه الدمع جمره
الله يعينــك عالجره

حمره عينها يـــــوم الشفتها

*ام محــ✍ـــــمد الساري*

•───✧◐✧───•

بعيـــــونك شفت للضلع مكسور

دموعك علئ الحنينه نزلت بحور

عليهم الــف لعنه اصحاب الفجور

خلـــو دمها فــــوك الارض منثور

الروح منـــه امرمره
الله يعينك عالجره

حمره عينها يــــــوم الشفتها

*ام رحـــ✍ـــــمه الكاظميه*

•───✧◐✧───•

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️

https://t.center/ssrgk

فزاعيه إلى ام ابيها فاطمة الزهراء عليها السلام
لسان حال ابنتها زينب الحوراء عليها السلام

وزن بحر القصير

✭​​​​----✺✺----✭​​​​

تون الزاجيه بالليل

ونتها تهــــد حيلي

✭​​​​----✺✺----✭​​​​

چــــن  ونــه  فراگيه

تصد ياويلــــي اعليه

والدمعـــــات مجريه

وعليها ذايب ادليلي

*مريـــ✍ـــم الحجيمي*

✭​​​​----✺✺----✭​​​​

عليها روحـــي احزينه

بعد ماتـــــرجع اعلينه

غيابج صعــب ياذينه

انـوح وزايد اعويلي

*سهــــــ✍ـام المالكي*

✭​​​​----✺✺----✭​​​​

عليــهـا   ذاب   دلالي

وحال الحـزن ياحالي

انوحـن والدمـع هالي

من الون سهرت ليلي

*ام زهـــ✍ـــراء الزيداويه البصراويه*

  ✭​​​​----✺✺----✭​​​​

عليهـــــا لجذب الونه

طــــول الليل اسهرنه

عليها نــــزف مدمعنه

اجر بالحسره ياويلي

*ام مـــــ✍ـــازن*

✭​​​​----✺✺----✭​​​​

مهضومه وضلعها انصاب

محسن وگــــع يم الباب

  سـوط البلمتن ما طاب

  مــــن دم الدمع سيلي

  *ام زيــ✍ــــــن العابدين المحمداويه*

✭​​​​----✺✺----✭​​​​

وناتج   تهــــد   الحيل

عالخدين دمعي ايسيل

لاتمشين يمــــه ادخيل

شـتـهـيسـيـن گلليــلي

*ام منـــــ✍ـــذر الحجار*

✭​​​​----✺✺----✭​​​​

يمه اوداعــــــت اعيونج

مااصبر أنــــــــــه بدونج

الحسن وحسين يردونج

شنهـــــو الراي دحجيلي

*ام ازهـــــ✍ــــر المناذره*

✭​​​​----✺✺----✭​​​​

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://t.center/ssrgk

‏صورة من أدركنا يا صاحب الزمان

جايتج الايام الفاطمية وعندج مجالس
ومحتاره تردين قصائد جديده 🔥
حزينه وتوجع 💔

تعالي وياي لمكتبة عاشورا۽
تلكين بيها اروع واجمل الكتب الفاطمية

شمنتضره اضغطي علرابط👇

https://t.center/AiDoiwwn19878

كروب اجهزة يفيد ملايات👇👇

https://t.me/+n-BgqsOHygw5OWNh

يصدر قريباً إن شاءلله

ديوان الدمعة المقدسة❤🔥🔥

خاص بالزهراء وام البنين والسفرة

#الشاعرة سهام المالكي
#والشاعرة مريم الحجيمي

للتذكير أعظم سبب للتوفيق والرزق ليس ذكائك ولا شهادتك ولا علاقاتك أيًا كانت، بل نيّتك الطيبة الخالصة لوجه لله هي التي تفتح لك أبواب الرزق والتوفيق من حيث لا تحتسب، النوايا الطيبة تُرتّب لصاحبها أجمل الأقدار، فسعادة الآخرين لن تأخذ من سعادتك، وغناهم لن ينقص من رزقك، وعافيتهم لن تسلبك صحتك، فكن صاحب نيّة طيبة وأثر طيب بين الناس.

👆👆👆👆👆👆👆👆👆👆👆👆👆

الشاعره سهام المـــالكــي
https://t.center/ssrgk

وزن الدارمي
مستفعلن فعلان مستفعلاتن

*ندبه للامام صاحب الزمان*


يمته الفرج مولاي وآنه المقصر
فيضك عليه هواي اومنك اتشكر
◆━━━━◆❃◆━━━━◆
يمته الفرج مولاي ذنبي اليحجبك
ادعي انه ليل انهار يتسهل امرك
اوتحكم ابين الناس وبعدل حكمك

تسن السنن مولاي وانته التقرر
يمته الفرج مولاي وآنه المقصر


*الــ✍ــحاجه ام احمد الحچاميـــــــــــــــــــــ**
◆━━━━◆❃◆━━━━◆
ما النه حگ اعليك كلنه مقصرين
نيف وثلث ميات ما بينه للحين
تنتصر والثارات ترفعها لحسين

سامحنه والنرجاه مولانه تِعذر
يمته الفرج مولاي وآنه المقصر

*✍🏻العلوية أم منتظر جمال الدين*

◆━━━━◆❃◆━━━━◆
حرب الطفوف اعليك اهون يمولاي
گلبك إسهام انصاب بذنوبي الهواي
غش وخدع ووهام خلصت يدنياي

اظهر نريد اتزيل هالظلم والشر
يمته الفرج مولاي وآنه المقصر

*زينب الواسطي*
◆━━━━◆❃◆━━━━◆
متعطشين اعليــك وتطل علينه
والعمر يمشي بساع يمته تجينه
زاد الفساد اليوم والظــلم بيــنه
بس انت ياموعود تنقذ المحشر
يمته الفرج مولاي وآنه المقصر

*أم صــ✍️ـــــادق المنصوري*

◆━━━━◆❃◆━━━━◆
دلينه يامولاي قبر الزجيه
وثار الذبيح انريد بالغاضريه
وسور الضلال امحيه والناصبيه

وللخاطره مكسور يالمهدي اجبر
يمته الفرج مولاي وآنه المقصر

*✍️ام حسين الفريداوي*
◆━━━━◆❃◆━━━━◆
تمت القصيدة بحمد الله وتوفيقه

باقلام شاعرات اهل البيت عليهم السلام
https://t.center/ssrgk

https://t.center/wwwommd

بنات اشتركو بالقناة اكسسوارات تخبل

اللهم اجعلها جمعه مباركه فيها سعاده وفرح وبركه 🕌
اللهم صباح يملاه الخير والامل والتفائل🕋
اللهم في يوم الجمعه🌺
ارزقنا يارب بركه في العمر، ونورا في القلب، وضياء في الوجه، وسعة في الرزق 💞

يارب في يوم الجمعة قرّب لنا كل ما تراه خير لنا وابعد عنا ما تراه شر لنا، اللهم اختر لنا ولا تُخيرنا فإننا لا نحسن الاختيار.. 🕌
اللهُم عوضنا خيراً عن كل شي انكسر في نفوسنا، وعن كل يأس أصاب قلوبنا، يارب إنك تدرك حاجتنا ولو لم ننطق بها اللهُم حقق لنا ما نريد فأنت تعلم السر وأخفى، اللهُم فوضنا لك أمرنا فلا تكلنا الى أنفوسنا طرفة عين واجعلنا ممن نظرت اليهم فرحمتهم وسمعت دعائهم فأجبتهم🕋

جمعه مباركه💖

اللهم آمين يارب العالمين