( قصيدة للسيدة فاطمة المعصومة عليها السلام ) گلبي والله ماتطيب اهمومه إلا في حضرتچ يا معصومه ********************* انا والله من أطيحن بالهموم اعتني المولاتي تجلي هالغموم أقسم ابجاه اللّي ماتمّم الصوم اوسالت ابوسط الصلاة ادمومه ********************* اقسم ابجدها الحسين اوغربته و بالحجر هاللّي امصوّب جبهته بحضرته نريد الجمع في حضرته اونگرا عاللّي چبدته مسمومه ********************* اونگرا عاللّي عينه مصيوبه ابسهم واللّي راسه بالعمد ويلي انهشم وطاح جنب النهر وابجنبه العلم واخته من بعده بگت مظلومه ********************* فاطمه ودّنا نوصّل حضرتچ بالبواچي نگرا اعْلى امصيبتچ نبچي دايم على فرگة گبتچ شيعتچ من البُعد ملچومه ********************* والله والله آنا احبچ فاطمه لانه حبّچ يْنجِي منّ الحاطمه وبالقيامه ادخل اهل المرحمه اوتقر نفسي هالتي مغمومه ********************* اقسم آنا اعليچ يابنت الكريم نظره منّچ فاطِمه حگ العقيم وعدنا بالمستشفى ويلي چم سقيم نريده يشفى اوتصح كل اعلومه تمَّت بحمد الله و منّه ليلة الأربعاء : 9 / 4 / 1442هـ العبد المقصّر : سـجـاد نـاجـي الـعـديـل https://t.center/sajjadnaji2015