Gabadhu waa noole ninka si walba uga geddisan, oo ma aha qaabdhismeedka jidhka oo keliya ee xataa qaabdhismeedkiisa nafsadeed kaga geddisan. Ninkuna sidoo kale. Ilaahay waxa uu isugu abuuray si ay isu dhammays tiraan, haddii ay isku mid noqon lahaayeenna waxa ay u kala firdhan lahaayeen sida labada cidhif ee birlabta ee isku midka ahi ay u kala cararaan marka la isu soo dhoweeyo, se way isu soo oomaan oo way isa soo dhoweystaan, maadaama uu mid waliba hayo wax ka kale ka dhiman.