Tasviriy sanʼat fanidan oʻquv dasturi muhokama qilindi ✅ Bugun Maktabgacha va maktab taʼlimi vazirligi tizimidagi Ixtisoslashtirilgan taʼlim muassasalari agentligida Respublika taʼlim markazining “Tasviriy sanʼat va chizmachilik” fanlari boʻyicha Ilmiy metodik kengashining navbatdagi yigʻilishi boʻlib oʻtdi. ➖ Unda vazirlik masʼullari, Tasviriy sanʼat fani mutaxassislari, olimlar, amaliyotchi oʻqituvchilar, Respublika taʼlim markazi metodisti ishtirok etishdi. ❗️Bugungi Ilmiy kengashda umumiy oʻrta taʼlim maktablarining 5-sinf Tasviriy sanʼat fani oʻquv dasturi muhokama qilindi. Jumladan: ➖ Dasturga kiritilgan yangi “Mening yurtim” mavzusi orqali vatanparvarlik, ➖Sketchbook dasturida ishlash mavzusida AKT savodxonligi, ➖O‘zbekiston tasviriy va amaliy bezak san’ati, ➖O‘zbekiston va jahon tasviriy san’ati namoyondalari, ➖Sharq miniatyura san’ati, ➖Grizayl, Badiiy shrift, Me’morchilik kabi mavzular o‘quvchilarni har jihatdan tasviriy va ma’naviy bilimdon, barkamol bo‘lib yetishishlarida muhim o‘ringa egaligini ta’kidlandi. Shuningdek, STEAM yondashuvi asosida mavzular ham takomillashtirildi. ⚡️Kengash davomida mutaxassislar tomonidan oʻquv dasturda Tasviriy sanʼat fanini oʻqitishda oʻquvchilarda XXI asr koʻnikmalarini rivojlantirish zarurligi haqida mulohazalar oʻrtaga tashlandi.   Vazirlikning rasmiy sahifalariga ulanish Telegram | Youtube | Facebook | Instagram