UzA Sport

Ўзбекистон миллий терма жамоаси бош мураббийи Сречко Катанец соғлиғи билан боғлиқ муаммолар сабабли Ўзбекистон футбол ассоциацияси билан тузилган шартномани ўзаро розилик билан бекор қилишга қарор қилди.

Словениялик мураббий ўз мурожаатида ҳозирги ҳолатида вазифаларини тўлақонли, профессионал тарзда бажара олмаслигини афсус билан қайд этди. Доимий қўллаб-қувватлагани ва самарали ҳамкорлик учун ассоциацияга ўз миннатдорчилигини билдирди.

Ўз навбатида, Ўзбекистон футбол ассоциацияси Сречко Катанецга терма жамоамиз бошқарувидаги меҳнатларини учун миннатдорчилик билдиради. Саломатлигини тиклаб, мураббийлик фаолиятини муваффақиятли давом эттиришини тилайди.

ЎФА ҳамда Сречко Катанец ўртасидаги шартнома ўзаро дўстона муносабатларни сақлаган ҳолда бекор қилинди. Ўзбекистон футбол ассоциацияси миллий терма жамоамиз бош мураббийи лавозимига муносиб номзод тайинлаш борасида иш олиб бормоқда.

@uzasport

Ўзбекистон футбол ассоциациясининг навбатдан ташқари сайлов Конгресси бўлиб ўтиши эълон қилинди

Давлат хавфсизлик хизматининг собиқ раҳбари, ҳозирда Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчисининг ёшлар масалалари бўйича ўринбосари вазифасида ишлаб келаётган Абдусалом Азизов Ўзбекистон футбол ассоциацияси президенти лавозимини тарк этди.

Ассоциация низомига биноан Конгресс ташкил этилгунча бўлган муддатда Ўзбекистон футбол ассоциацияси президенти вазифасини бажариш биринчи вице-президент зиммасига юклатилади, дейилади ЎФА баёнотида.

@uzasport

“O‘zbekiston 24” telekanali orqali “Menimcha”ko‘rsatuvining navbatdagi soni efirga uzatildi.

O‘zbekiston Prezidenti Shavkat Mirziyoyev futbolchi Abduqodir Husanov Angliyaning “Manchester Siti”klubiga o‘tayotgani haqida gapirdi.

“Men juda xursand bo‘ldim”, — deya ta’kidladi u Abu Dabi valiahd shahzodasi bilan suhbatda.

Abu Dabi valiahd shahzodasi Shavkat Mirziyoyevga, shunday uchqur oʻgʻlon, professional futbolchi ulgʻaytirgan oʻzbek xalqiga hurmatini bildirdi.

Ushbu ko‘rsatuv bugun soat 12:20 va 17:20 da takroran namoyish etiladi.

Web-Sayt | Telegram | Facebook | Instagram | Youtube

Бугун, 19 январь куни Бухорода волейбол бўйича ўғил ва қиз болалар ўртасида ўтказилаётган “Универсиада – 2025” ўйинларининг ғолиб ва совриндорлари аниқланади

Мамлакатимизнинг Қорақалпоғистон Республикаси, Тошкент шаҳри ва вилоятларнинг 14 та жамоалари иштирокидаги қизиқарли баҳслар сарҳисобига кўра, ўғил болалар жамоалари орасида Бухоро-Наманган вилояти талаба-спортчилари финалда кураш олиб боришса, 3-4 ўрин учун кечадиган ўйинда Тошкент- Самарқанд жамоалари рўбарў келади.

“Универсиада” ўйинларининг қизлар жамоалари ўртасидаги мусобақаларнинг саралашига кўра, Хоразм-Андижон 1-2-ўринлар учун, Бухоро-Жиззах жамоалари 3-4-ўрин учун майдонга тушади.

@uzasport

Туркиялик бокс мутахассислари Ўзбекистонда

Мамлакатимиз бокчиларининг халқаро майдонда, хусусан Парижда ўтган ёзги Олимпия ўйинларида 5 та олтин медалга сазовор бўлиши ортидан бир қатор давлатлар Ўзбек бокс мураббийлари ўз мамлакатлари терма жамолларида фаолият юритишига қизиқиш билдирмоқда.

Шу ҳақдаги батафсил мақола ва видео материал билан O‘zAнинг расмий сайтида танишишингиз мумкин.

@uzasport

Футбол: Абдуқодир Ҳусанов Манчестерда!

Ҳамюртимиз "Манчестер Сити" томонидан юборилган хусусий самолётда Манчестерга етиб борди. Футболчимизнинг "Манчестер Сити"да тиббий кўрикдан ўтиши кутилмоқда. Бу ишлар муваффақиятли якун топса, тез орада "МС" 20 ёшли футболчимизнинг трансферини расман эълон қилади.

Шу ҳақдаги батафсил мақола билан O‘zAнинг расмий сайтида танишишингиз мумкин.

@uzasport

Шахматчиларимиз “Tata Steel Chess-2025”да қатнашмоқда

Нидерландиянинг Вейк-ан-Зее шаҳрида шахмат бўйича анъанавий “Tata Steel Chess-2025” мусобақасида қатнашадиган дунёнинг энг кучли шахматчилари қаторида ҳамюртларимиз Нодирбек Абдусатторов ва Нодирбек Ёқуббоев дастлабки тур мусобақаларига ҳозирланмоқда.

Шу ҳақдаги батафсил мақола билан O‘zAнинг расмий сайтида танишишингиз мумкин.

@uzasport

“Пахтакор” Грузия чемпионатининг собиқ тўпурари билан шартнома имзолади

2022 ва 2023 йилги футбол мавсумларида “Динамо" Батуми сафида мамлакат тўпурари бўлган Жовиньо Фламарион Тошкентнинг “Пахтакор” клуби билан шартнома имзолади.
Бразилиялик Фламарион Грузия чемпионатида 139 та ўйинда майдонга тушиб, 59 та голни ўз ҳисобига ёзиб қўйган футболчи ҳисобланади.
Ушбу футболчи 2020-2021 йил давомида Россиянинг “Ротор” клуби шарафини ҳимоя қилган. 20 та ўйин ўтказиб, 4 та голга муаллифлик қилган.

Шу ҳақдаги батафсил материал билан O‘zAнинг расмий сайтида танишишингиз мумкин.

@uzasport

Брифинг: Жорий йилда қанча киши оммавий спортга жалб этилади?

Ахборот ва оммавий коммуникациялар агентлигида ўтказилган брифингда соғлом турмуш тарзи билан машғул аҳоли қамровини 2025 йил мобайнида 12,5 миллион нафарга етказиш режалаштирилаётганлиги таъкидланди.

Брифингда Спорт вазирлиги Ахборот хизмати раҳбари Нурбек Саломов 2024 йил давомида “Беш ташаббус олимпиадаси” доирасидаги оммавий спорт мусобақаларида спорт турлари қамрови 2023 йилдаги 11 тадан 13 тага, ногиронлиги бўлган шахслар ўртасида 4 тадан 7 тага етказилганлигини айтиб ўтди.

Шу ҳақдаги батафсил мақола билан O‘zAнинг расмий сайтида танишишингиз мумкин.

 

@uzasport

“Пахтакор” Грузия чемпионатининг собиқ тупурари билан шартнома имзолади

2022 ва 2023 йилги футбол мавсумларида “Динамо" Батуми сафида мамлакат тўпурари бўлган Жовиньо Фламарион Тошкентнинг “Пахтакор” клубида фаолият юритадиган бўлди.

Шу ҳақдаги батафсил мақола билан O‘zAнинг расмий сайтида танишишингиз мумкин.

 

@uzasport

Самарқандда мукофот жамғармаси 50 минг АҚШ долларидан иборат турнир ўтказилади

Самарқандда аёллар ўртасида умумий соврин жамғармаси 50 минг АҚШ долларидан иборат “Womenʼs Chess Championship 2025” халқаро турнири бўлиб ўтади.
Мазкур мусобақалар келгуси йили қадимий шаҳарда бўладиган 46-Бутунжаҳон шахмат олимпиадасига тайёргарлик вазифасини ўтайди

Шу ҳақдаги батафсил мақола билан O‘zAнинг расмий сайтида танишишингиз мумкин.

@uzasport

Сербиялик тажрибали волейбол мураббийи Моро Бранислав Ўзбекистонда иш бошлади

Ўзбекистон давлат жисмоний тарбия ва спорт университетида Халқаро волейбол федерацияси (FIVB) инструктори, ўтган давр мобайнида Беларусь, Греция, Қувайт, Ливия, Жанубий Корея, Филиппин, Руминия, Саудия Арабистони ва Тунис давлатларидаги етакчи волейбол клубларида ва миллий жамоаларда бош мураббий сифатида меҳнат қилган Моро Бранислав билан учрашув бўлиб ўтди.
Мулоқот давомида Моро Бранислав Ўзбекистонда волейбол спортини ривожлантириш ва оммалаштириш борасида давлат даражасида эътибор қаратилаётганлигини юқори баҳолади.

Шу ҳақдаги батафсил мақола билан O‘zAнинг расмий сайтида танишишингиз мумкин.

@uzasport

Миллий олимпия қўмитасида ўтказилган навбатдан ташқари ҳисобот-сайлов конференциясида Спорт вазири ўринбосари Авазжон Каримов Ўзбекистон чим устида хоккей федерациясининг раиси этиб сайланди.

@uzasport

Футбол: Суперлига клубларининг либослари тўғрисидаги талаб янгиланди

Ўзбекистон профессионал футбол лигаси "Суперлига ва Про лига регламенти"нинг 17-бобига ўзгартириш киритганини эълон қилди.
Лига клубларга қулайлик яратиш мақсадида регламентнинг тегишли бобини тушунарли кўринишга келтирди. Унга кўра, футбол клуби либос дизайнини ишлаб чиқаётганда мазкур талабларга эътибор қаратиши лозим бўлади.
2025 йилдан бошлаб клублар ўз мухлислари кўз ўнгидаги уй учрашувида асосий либосда майдонга тушиши талаб этилмоқда.

Шу ҳақдаги батафсил мақола билан O‘zAнинг расмий сайтида танишишингиз мумкин.

@uzasport

Ёнғин Лос-Анжелес-2028 Олимпия ўйинларига соя солмайдими?

Америка Қўшма Штатлари дуч келган ўрмон ёнғини туфайли Лос-Анжелес шаҳридаги 160 квадрат/километр майдон, жумладан 12 300 га яқин маскан – минглаб бино, инфратузилма иншоотлари, корхоналар, ишлаб чиқариш объектлари, маданий-маърифий мажмуалар жиддий талафот кўрди.
Ўн минглаб одам яшаш жойидан кўчирилди. Афсуски, камида 25 киши ҳалок бўлди. Шу билан бирга дунё спорт жамоатчилиги 2028 йилги ёзги Олимпия ўйинларини ушбу шаҳарда ўтказиш масаласи савол остида қолаётганидан хавотир билдирмоқда.
Хўш, сезиларли талафот кўрган Лос-Анжелес навбатдаги Олимпиадани қабул қила оладими? Ўрмон ёнғинига мойил ҳудудда ташкилий қўмита Олимпия иншоотлари хавфсизлигини таъминлай биладими?

Шу хусусдаги батафсил мақола билан O‘zAнинг расмий сайтида танишишингиз мумкин.

@uzasport

2024 йил ўзбек каратеси учун ҳам мувафақиятли бўлди.

Спортчиларимиз йил давомида 10 га яқин халқаро мусобақаларда ишитирок этишди ва жами 56 та, 12 та олтин, 10 та кумуш ҳамда 34 та бронза медаллларини қўлга киритишди. Бу 2023 йилга нисбатан 42 тага кўп дегани. Бундан ташқари яна бир қатор ютуқларга эришилди.

@uzasport