بتعرفوا.. رح أحكي عن شيء وحيد بس.. بالمختصر المفيد: كلّ المناصرين للنسويّة، (وأنا عم أحكي عن النسوية مو النسوية السامة) شهدوا على مواقف متل هي، شافوا رجال ما شايفين من الامرأة غير أنها آلة للإنجاب، ما إلها احترام ولا إلها رأي. كل اللي بشوفوا اللي بدافعو عن حقوق المرأة وباء متفشٍّ، يفضّل ما تعمموا المجتمع المثالي اللي عايشين فيه لأن فعلاً في رجال توكسيك، وفي قلة وعي بما يتطلب نشر وعي بهالخصوص وإعادة إحياء العدل بين المرأة والرجل.
من أحداث اليوم: إجت امرأة عالعيادة ماسكة ايديها عبطنا وموجوعة... (شكلا اجتماعية وهيي حبابة مبينة يعني)فتحَتْ حديث مع امرأة ومعها بنتا ومن حديث لحديث بتسأل الأم إذا مزوجة بنتا . قالتلا: لاااء لساتا صغيرة! أنا هون انبهتت من السؤال بس حاولت أضبط حالي. بعدا سألتها الأم: خير إن شاء الله شو حالك؟ الامرأة: والله عم يوجعني بطني صرلو يومين ، وزوجي بدو أولاد صرلي فترة ما حملت. الأم: يلا خير إن شاء الله ، يعني ما عندك أولاد؟ الامرأة: امبلا عندي بنتين وصبيين. أنا هون دحشت حالي بالحديث:وأنتِ بدك وحابة؟ الامرأة: طيب شو إذا ما جبتلو أولاد بيتزوج عليي. أنا هون رجعت انبهتت، ضحكت وقلتلا الله يرزقك يارب. هالمرّة ماما بتتدخل بالحديث: طيب ومع هالوضع الصعب برأيي حاجة أربعة ليقدروا يعيشوا حياة منيحة. الامرأة: والله الوضع صعب بس هو هيك بدّو .. ونحن مهج*رين ما عنا شي منزرع بندورة لنعيش.. أنا: أنتِ من حلب؟ الامرأة: لا والله أنا الرقة وزوجي من الحسكة.. واتهجرنا وإجينا عالساحل ، بس والله بدك الصراحة الساحل أحلى بكتييير❤️.
من المفارقات اللذيذة بالحياة أنو لما تكون مثالي بالتعامل مع الأشخاص مش شرط تنردلك المثالية بالتعامل لهيك لما تتعامل بمنطق عموماً مش مقبول من أي شخص أنو يعاتبك على عدم مثاليتك. اختر الأشخاص وانتقِ اللي بتصرف طاقتك عمثالية التعامل معهم، بعد ما تتأكد أنهم بشابهوك باستعدادهم لمبادلتك بنفس المعاملة. انتقِ عشان احتمال الخيبة ما يكون كبير .
بذكر بصف العاشر كان في قصيدة للخنساء بترثي أخوها صخر .. بمناسبة يوم ميلاد أخي، أنا كتبتله كم بيت مدح بس هيي بتتدل على ولادته من جديد مع كل سنة بحياته في شي بيتغير فيه ، وليش اخترت الشعر؟ لأنه هو بحب الشعر كتير كتير .. وأنتو بتحبوا الشعر ولا بتفضلوا النثر؟
