САМАРҚАНД Самарқанд – Отамнинг кўзида офтобим, Онамнинг кўксида меҳробим, Боламдай суюкли суҳробим. Самарқанд – Минорлар – ҳайбати меҳрнинг, Хаёллар – ҳайрати сеҳрнинг, Салтанат – ғурбати қаҳрнинг. Самарқанд – Каҳкашон – юлдузлар жадвали, Кўрагон ақлидай долғали, Энг дилбар қўшиқсан дилдаги. Самарқанд – Ёғийлар талаган тўзимсан, Шарқ нақши, чақнаган кўзисан, Сароймулк онамнинг ўзисан. Самарқанд – Кўксарой – маҳридир нақлнинг, Регистон – шарҳидир ақлнинг, Энг буюк эҳсони тақдирнинг. Самарқанд – Темур сулҳ тузади осойиш, Дилкушо боғларинг оройиш, Ё Худо, бер бизга кушойиш, Самарқанд... Муҳаббат ТЎХТАШЕВА