فەرەنسا ماوەی ڕاگیرانی پاڤێل دورۆڤی درێژکردەوە بەگوێرەی ئاژانسی ڕۆژنامەوانی AFPی فەرەنسی، بە فەرمانی دەسەڵاتدارانی دادوەریی فەرەنسا ماوەی ڕاگیرانی پافێل دورۆڤ کە لە فڕۆکەخانەیەکی پاریس دەستگیر کرابوو، درێژکرایەوە. دەشێت ماوەی ڕاگیرانی بەرایی لە بۆ لێپرسینەوە تا 96 کاتژمێر بخایەنێت، دوای تەواوبوونی ئەم قۆناغە، دادوەرێک بڕیار دەدات ناوبراو ئازاد بکرێت یان تۆمەتی وەپاڵدراو گەڵاڵە بکرێت و لە گرتنگە بهێڵرێتەوە. هاوکات تۆڕی کۆمەڵایەتیی تەلەگرام لەمبارەیەوە راگەیێندراوێکی بڵاوکردەوە و دەڵێت: "پاڤێل دورۆڤ هیچ شتێکی نەشاردووەتەوە و هیچ شتێکی شاراوەشی نییە، گەشتە بەردەوامەکانیشی بۆ ئەورووپا سەلمێنەری راستییەکەیە" هەروەها لە ڕاگەیێنراوەکەدا هاتووە: "تەلەگرام، هەمیشە پابەندی یاساکانی یەکێتیی ئەورووپا لەنێویاندا یاسای خزمەتگوزاریی دیجیتاڵ بووە - ئەوە هەموارییەکە لە چوارچێوەی ستانداردەکانی پیشەسازیدا. دەشڵێت، بانگەشەیەکی گەمژانە و پڕوپووچە، چۆن دەکرێت خودی دامەزرێنەر و خاوەنی پلاتفۆرمەکە بە کەڵکاژووکردنی پلاتفۆرمەکەی خۆی تۆمەتبار بکرێت؟" #دەستگیرکردن #دورۆڤ