البارحة شفت اغلب الحسابات اذا مو كله ناشرة على مولد الإمام والكل محتفل والشموع والمواليد والمحافل شي حيل حلوو الكل متذكر هالمناسبة والاغلبية عدهم طقوس خاصة يسون بهاليوم لكن استوقفني شي واحد احنا سوينه هاي الأشياء كله وحضرنه وسوينه الكيك والجكليت ووووو زین انتبهنه لحظة شحظرنه من انفسنه ؟ شحظرنه من ارواحنه ؟ الامام شيسوي ب ۱۱۸۸ شمعة نشعله اله واحنا ما شاعلين شمعة من شموع حياتنه برضاته الامام شيسوي بالشمع واحنه مظلمين حياته بذنوبنه الامام شيسوي بالحلويات واحنا نبهره كل يوم بمعاصي جديدة فلفكرة مو بس نتذكر الفكرة نبدي نغير الفكرة نبدي نمهد الفكرة نبدي نشتغل وأهم شي نشتغل على انفسنه ونغير من ذاتنه حتى نوصل ولو لدرجة من درجات رضا الله والامام علينه اتذكر مرة قريت بوست لبنية تكول بي اني اسوي كلشي بأتم وجه على حساب أمامي الحجة لان باجر بالحشر راح كل قوم ينحشرون مع أمام زمانهم فأذا قصرنه هسه شنو موقف الإمام كدام الائمة البقية للي شيعتهم مخلصين الهم واحنه شيعة مو مخلصة شيعة عاصية