-BlackRock kompaniyasi dunyoni boshqaradimi? -Kompaniya 1988-yilda tashkil etilgan va dastlab Blackstone guruhining bir qismi edi. Uning asoschilari Lourens Fink boshchiligidagi sakkiz kishi edi. 1992-yilda kompaniya BlackRock nomini oldi. Joriy yil oxiriga kelib boshqaruv ostidagi aktivlar 17 milliard dollarni, 1994-yil oxiriga kelib esa 53 milliard dollarni tashkil etdi.1995-yilda Blackstone rahbariyati bilan kelishmovchiliklar tufayli kompaniya boshqa moliyaviy guruh PNC Financial Servicesga 240 million dollarga sotilgan. 1998-yilda BlackRock korporatsiya sifatida roʻyxatga olindi, Kompaniya 1999-yilda ommaviy boʻldi (14% fond birjasiga joylashtirildi, 16% Fink va uning sheriklarini oldi, 70% PNCda qoldi). 1999-yil oxiriga kelib boshqaruvdagi aktivlar miqdori 165 milliard dollarga yetdi, 2004-yil oxirida esa 342 milliard dollarni tashkil etdi. 2006-yil sentyabr oyida BlackRock Merrill Lynch Investment Managers bilan birlashdi, Merrill Lynch PNC ulushidan BlackRock-ning 49,5% ulushini oldi. 2009-yil dekabr oyida BlackRock Barclays Global Investors kompaniyasini 13,5 milliard dollarga sotib oldi. BlackRock ko‘plab yo‘nalishlarda faoliyat yuritadi masalan kompaniya boshqarayotgan aktivlarning umumiy qiymati 2025-yilga kelib $10 trilliondan oshgan. Bu ko‘rsatkich bo‘yicha kompaniya dunyoda yetakchi hisoblanadi. BlackRock’ning iShares platformasi global moliya bozorlariga kirish uchun eng mashhur vositalardan biri hisoblanadi. Kompaniyaning Aladdin platformasi risklarni boshqarish va portfellarni optimallashtirish uchun foydalaniladi. BlackRock ekologik va ijtimoiy tamoyillarni hisobga olgan holda sarmoya kiritish strategiyalarini targ‘ib qiladi. BlackRock global iqtisodiyotning deyarli barcha sohasida o‘z izini qoldirgan. Kompaniya yirik korporatsiyalar, davlatlar va shaxsiy investorlarga xizmat ko‘rsatadi. U moliya bozorlarida katta ulushga ega bo‘lib, global iqtisodiy strategiyalarni shakllantirishda muhim rol o‘ynaydi. BlackRock ko‘plab tanqidlarga duch keladi. Uning bozorlarga haddan tashqari ta’sir ko‘rsatishi monopoliyaga olib kelishi mumkin degan xavotirlar mavjud. Shuningdek, kompaniya zararli sanoatlarga sarmoya kiritgani uchun ekologik tashkilotlar tomonidan tanqid qilinadi. Barqarorlik tamoyillarini qo‘llab-quvvatlaganiga qaramay, ayrim tanqidchilar uni iqlim o‘zgarishiga befarq munosabatda bo‘lganlikda ayblashadi. BlackRock faqat moliyaviy xizmatlar bilan cheklanib qolmay, global siyosat va iqtisodiyotga ham ta’sir o‘tkazadi. Larri Finkning yirik korporatsiyalarga yo‘llagan maktublari global moliya sohasida muhim yo‘nalishlarni belgilab beradi. BlackRock moliyaviy xizmatlar sohasida yirik o‘yinchi bo‘lib, uning ta’siri dunyo miqyosida seziladi. Kompaniya barqaror investitsiyalarni qo‘llab-quvvatlash orqali o‘z imijini yaxshilashga harakat qilmoqda, ammo uning katta qudrati doimiy ravishda e’tibor va tanqidga sabab bo‘lmoqda. Xulosa, uni butun jahon korporatsiyalari va pul aylanmasini otasi yani boshi desak ham boʻladi. Bu kompaniya butun jahon moliya tizimini boshqaradi. Deyarli hamma katta kompaniyalar BlackRockni koʻrsatmalari boʻyicha ish olib boradi.