لسان حال مولاتي زينب ع
وهيه على فراش الموت وتتمنى اخيها ابا الفضل العباس يحضر عندها
〰️〰️〰️〰️〰️〰️〰️〰️〰️اليوم زينب يبو فاضل عينهه اتصد عالـــــدرب
اتنازع اختك بالمنيه بين الاجناب الغـــــــــــرب
زينب اتناشد تــره
وين سبع الكنطـره
خل يجيني ابساع اريده حالي مترادي وصعب
〰️〰️〰️〰️〰️〰️〰️〰️〰️على افراش الموت زينب والعيون اتهل دمـــــــه
دكول وين الكال اجيلج واحتضر بالموزمـــــــــه
هسه انه بشده وحدي وين ابن حامي الحمــــــه
جان يفزعلي ويجيني بالشدد لو حشمــــــــــــــه
جان يفزعلي ويهـد
وجان لحمولي سند
وهسه محتاجته يحضر الاجل مني كــــــــــــرب
الشاعره ام عراق الشمري،، بصره
〰️〰️〰️〰️〰️〰️〰️〰️〰️ايگله يختي اعذرني ماحضــرت الدفنتج
انا طايح عالشريعـه عشت يختي محنتج
واحس دلالي تگطع من سمعت النخــوتج
والله يازينب عليــه صعبــه وانتي ابغربتج
ايميني طاحت واليسار
والسهم بالعين صـــــار
والعمود الهشم راسي وجسمي عالشاطي انسلب
*
✍️الشاعر فالح العامري*
〰️〰️〰️〰️〰️〰️〰️〰️〰️اتنازع اختك بالمنيه وماكو من عدكم خبر
خويه روحي اتريد تطلع للكفلها تنتضر
بيده اريد ايشيل نعشي وبيده يحفرلي قبر
ايلحگ ابسرعه على اخته خلص عباس العمر
اشلون اموت بغربتي
الغرب تحمل جثتي
ادري ما يسمع عتابي وبعد ميفيد العتب
✍🏼 الشاعره ام حيدر الحمزه الطائيه
〰️〰️〰️〰️〰️〰️〰️〰️〰️هسه محتاجه الكفيلي ابشوفه تنشف دمعتي
ايسكن ابروحي عويلي الوحشه تاذي ابغربتي
حايره وعيني اعلى دربه وينه اليرد لهفتي
وينه الخيالي يحرسه خل يشيع اجنازتي
ادري ماهنه الجفوف
وادري عينه ماتشوف
لجن غصبا من اعاتب ناري ملتهبه لهب
✍الشاعره ام اسعد الشمري
〰️〰️〰️〰️〰️〰️〰️〰️〰️انه لو بيدي يزينب اجي وطويها الارض
.مايهمني
الدرب يختي البيه واعليه فرض
والله ناذرلج حياتي وابد مايوفي القرض
يختي تدرين بااخوج الدينه ضحه وللعرض
يسره مگطوع ويمين
والعمد صاب الجبين
لوجنت سالم يزينب انه البي هالطلب
✍️ الشاعره ام محمد الساري
〰️〰️〰️〰️〰️〰️〰️〰️〰️ماتقصر يبـــــــو فاضل يالشلتني بمحنتي
كربله تشــــــــهد لذاتك ياكفيلي بغربتي
وهســـــــه مجبوره نخيتك يلي مترد طلبتي
وادري مـو صعبه تجيـــــني لــو حضرت اجنازتي
ياكفيــلي بالشدد
ارد اكلفك بالحد
بيدك تحفره يخويه وبيـــــــدك اتهيل الترب
✍️الشاعره شيماء ام نور
◾◾◾◾◾عليه السلام
🕊قناة مسلم بن عقيل ع
🕊قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري
تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدع
https://t.center/mslmapnAGyel
