قصيده بحق ام البنين ((؏)) ـــــــــــــــــــــــــــــــ گربت ساعات الأجل احضر يالحسين وياك ابوفاضل يجي مگطع الچفين غـمـض عـيـون الـربتك والنعش شيله بحسرتك وي دمعت العين... 2 🕳️🕳️⚫🕳️🕳️ گربت ساعات الأجل والحال تعبان ريتك تجي من كربله وتصير دفان تـمنيـت تنصب يالولد ماتم للاحزان مشتاگه يبني الشوفتك والنعش شيله بحسرتك وتـسـكن الـونــين... 2 ✍🏻 *عاشقة الحسين ع ختام من الناصريه* 🕳️🕳️⚫🕳️🕳️ ساعة منیتي یالولد ردتك یعباس تحضرني یا بعد العمر بتالي الانفاس تقبل تشیعني الغرب یل کلك احساس امك واطـلبك درتي ردتك تشیل اجنازتي تجازیني یحنین 2 ✍🏻الشاعره ام ضیغم المحنا 🕳️🕳️⚫🕳️🕳️ ردت تشيل جنازتي وتنعه عليه ياريت يبني دفنتي بالغاضريه شمحلاتكم ويه الزلم وانتم سويه بيدك تعدل حفرتي ردتك تشيل جنازتي ويه المحبين 2 *✍🏻الشاعره أم عبــــــــــد اللـــــــــه العـــــــــابدي* 🕳️🕳️⚫🕳️🕳️ انتظر جيتك يالولد يانضر عيني انت حياتي ودنيتي وعمري وسنيني ما حسبت وكت المنيه ما تجيني تحملني يمــه للگبر بساع يمه انه انتظر ويه المعزين 2 ✍🏻خادمة الزهراء أم أحمد الدريعي 🕳️🕳️⚫🕳️🕳️ عيني عليكم شابحه واتهل لعيون كون بوكت موتي اريدانت تشيعون تشيلون يمه اجنازتي اعله امتون عليكم هلت دمعتي ردتك تشيل اجنازتي وي للمشيعين 2 زهره الكناني✍🏻 🕳️🕳️⚫🕳️🕳️ گربت وفاتی یالود یبن الزچیه تمنیتکم یمه حسین بوکت المنیه بلحظة مماتي یالولد تنغر علیه وتشوف یمه حالتی رتک تشیل اجنازتی ویم الیدفنون 2 ✍️علویه ام فاضل موسوی 🕳️🕳️⚫🕳️🕳️ كل والده تريد الولد يحضر نعشها وعله الگبر مــاي الورد بيده يرشها ماچنها مدفونه بلحد چنها بعرشها تكفيها أيدك ياسبع تدفنها وتهل الدمع يا محله البنين 2 ✍️الشاعره شيماء ام نور 🕳️🕳️⚫🕳️🕳️ تـــمـ بعون الله تعالى ـــت بقلـ✍️ـم شاعرات اهل البیت ع في رابطة دموع العقیله ع  لانجيز حذف الاسماء✋ ☘️نسالكم الدعاء☘️ https://t.center/Kfeilzainp