عن دعوات عرفة : من يوم عرفة وأنا كتبت قائمة دعوات طويلة وفي كتير دعوات نسيت إني دعيت فيها بس حاشا لله أن ينسى ، ومن ضمن هي الدعوات اتحققت امبارح ورب العالمين أكرمني بلقاء أغلى الناس على قلبي سماء و تسنيم وسبحان الله هاللقاء أتدبر وأتيسير بطرفة عين رغم صعوبته ورغم أنه كنا كتير نحلم ونقول يارب ونحن عارفين أنه الموضوع صعب كتير ومن دون تخطيط قبل بأسبوع ماكان الموضوع على البال وفجأة لقيت حالي معاهم بحلب عم نتمشى ونحكي... ليش عم احكيلكم هادا الحكي؟ حتى تضلوا متفائلين باللهِ خيراً وتضلوا متمسكين بالدعاء ما تملوا وما تيأسوا ، وكل الدعوات الصغيرة قبل الكبيرة رب العالمين أستجابها مافي شي بضيع أبداً عنده سبحانه جل في علاه ،وما تزعلوا لو كانت إستجابة بالمنع بتكون شر رب العالمين صرفه عنكم.. وتذكروا عطول قوله تعالى : ‏{ وَإِذَا سَأَلَكَ عِبَادِی عَنِّی فَإِنِّی قَرِیبٌۖ أُجِیبُ دَعۡوَةَ ٱلدَّاعِ إِذَا دَعَانِۖ فَلۡیَسۡتَجِیبُوا۟ لِی وَلۡیُؤۡمِنُوا۟ بِی لَعَلَّهُمۡ یَرۡشُدُونَ } - فاسكُنْ وثِق أنَّ الدُّعاءَ بمأمَنٍ ما تاهَ صوتُكَ، إنَّ ربَّكَ يسمَعُ 💗 تاريخ اللقاء : ٢٤ . جُمَادَى الأولى . ١٤٤٦