شعر دره‌شهر
#اثر_معروف
Канал
241
подписчик
618
фото
150
видео
137
ссылок
این کانال جهت درج اشعار #شاعران_دره_شهر ساخته شده ودر خدمت این عزیزان خواهد بود.
هدف آن آشنایی هرچه بیشتر شاعران این دیار با اشعار دوستان خود و شناسایی چهره های جدید است
لطفا اشعار خودرابه آیدی زیر ارسال تا درکانال درج شود
با تشکر
ادمین👇🏻👇🏻
@shirin0021
#حلب
حلبی داشتم حالی و پتی
یعنی د معنی او سی نفت رتی
بردم و نیامش و امونتی
سپردمش و دس آقای منتی
اعضای شرکت همه جمع بینی
گاتی همشو بلاجی دینی
مخصوصا دئی حوز آهنگر
دشو واکلو دشو وا میزر
گرد وا عجله دمال زن وادر
یکی وا چکش یکی وا توور
یکی وا سنون میراث پدر
یکی وا قیچی دورە شهریور
ینو دس جم همشو یه سر
بزرگ و کوچک پدر و پسر
استادیا قابل اسبابیا عالی
گرد بین و دور ئی پوت حالی
ویچه سه ممو مرد معتبر
دو چه یکسر حوز آهنگر
همشو جمع بین دئی درشهر
گرد جمع بین و دور ئی پوت بی در
ویچه بگمرا د سیکو کسه
قاصد فرسان دسه و دسه
تا حتی بچه که و شو رسه
همشو جمع بین بین و یی دسه
حوز میرزامرا خوش و کسونش
تشریف آوردن هی وا سنونش
وا برارون و دارو دسونش
وا هرچه اسباب ها د دکونش
آقای سه ممو مرد حقشناس
مقراضی داشت دجور الماس
همیشه ئی جنس د دکونش بی
گمونم د عهد نیاکونش بی
کلیه جم بین د اناث و ذکور
آقا هم قیچین آورد و حضور
قیچی و ئی تیزی دجور الماس
پورسن و پوت دچپ و د راس
مردان عاقل اسبابیا خو خو
هه چی گوشت گاو پوتن نیان و کو
پوت د دسم رت رو چنورتی
بیارمش و سر آقای منتی
آقای منتی ار قبول داری
چنینه رسم امونت داری
مدیر عامل باید عادل با
امونت داریش خیلی قابل با
نگوتی ئی پوت صحاووی داره
حونه صحاووش ها د ماپاره
د غصه ئی پوت شرش و کاره
خین ئی پوتش خلاصی ناره
د غصه ئی پوت وقته بمیرم
یی قصه تی ری انیفتا و ویرم
یی عرضی دارم عرض حساوی
ایطور شنفتم د قول راووی
که پاپایاتو قلیونی بینه
یی قلیو کهنه د زمی دینه
تیزش کردنه ویردارش بینه
گاهگاهی نیانشه و سر سینه
قایمش کردنه هی چی خزینه
عزیزتر بیه د هرچی دینه
مال او گپو یادگاریه
دور تا دور قلیو قلمکاریه
کم زحمت کشین کم کردن سیتو
که قلیون کردی و راحتیتو
اگر وائی پوت غرضی داشتید
وی قلیو کهنه قدیمی چاشتید
حاجت مخصوص مال پدرتو
بی وه راحتی نفت وه جاکرتو
تمومش تقصیر او ابرامه
حونش گرم و نرم، دنیاش وه کامه
تلخه اوقاتم، عرضم وا همه
به هنی بوم ار‌دونی کمه
اوسه دونسم کاردین‌وه دستو
که روسم سگون بی وه بازرستو
آقای بخشدار، ابوقداره
آقای منتی وا ایمو چاره
پوتی رت کنیم او کنش پاره
نف ومو ندیه وا پوتمو چاره
سلام و علیک رئیس پاسگاه
مامور‌دولت نماینده شاه!
شبهای ظلمت روشن از نورت
یه عرضی دارم مه وه حضورت
مال وی ثابتی، جریان وی شوری
قربان شما(محمدنوری)
ظلمی وم کردنه مردم بی باک
مگر قرنیا پیش، چی دوره ضحاک
حلبی داشتم صحاویی در بی
محکم و خوش دس و بی دردسر بی
کی احتیاجش وه لحیم گر بی
ئی مدیر عامل وا ئی بصارت
چرا پوت من برده وه غارت
چرا پوت من پاره پاره کرد
چرا ئی ستم‌وی بیچاره کرد
همش وه منه سیاه چاره کرد
در این سیمره شما مامورید
یعنی داد رس شخص بی زورید
ده غصه ئی پوت خیلی غمبارم
آقای سرگروبان برس وه کارم
دادرسی نارم، بی مددکارم
غیر از ئی پاسگاه پناهی نارم
بنده وه حکمت امیدوارم
شاید ئی پوتن وه دس بیارم
ایمرو پنج روزه گزارش دمه
اگر که دونید مامورتو کمه
بسیم بکنید وه همه جایی
وه همه بخشی، وه هر پاسگاهی
وا حیپیا ارتش زیتر بیایی
محاصره کنید دوره ئی نفتن
قاتلون پوت همشو هفتن
جستجو کنید گوشه کناری
شووخون زنید وه هر دیاری
قاتل پوتن وه دس بیارید
شاید دل من ز غم درارید
اگرهایی حق من نورید وه ضایه
بیسیم بکنید رنجبر بیایه
او مرد دانا نترس و بی باک
برنده و کاری، زرنگ و چالاک
عرض ای بخشن، او بیتر دونه
پایان جفت کنه، سیلی سفت شونه
بی رودرباسی و مرد و مردونه
ده جالی ئی پوت دو پوت سیم سونه
#اثر_معروفِ_استاد
#محمد_خان_نوری( #مخو)
#معروف_بە_عبید_سیمره
#خوانش_و_توضیح:
#احمد_زینی_وند
@shaeraneDareshahr
حلبی داشتم حالی و پتی
یعنی د معنی او سی نفت رتی
بردم و نیامش و امونتی
سپردمش و دس آقای منتی
اعضای شرکت همه جمع بینی
گاتی همشو بلاجی دینی
مخصوصا دئی حوز آهنگر
دشو واکلو دشو وا میزر
گرد وا عجله دمال زن وادر
یکی وا چکش یکی وا توور
یکی وا سنون میراث پدر
یکی وا قیچی دورە شهریور
ینو دس جم همشو یه سر
بزرگ و کوچک پدر و پسر
استادیا قابل اسبابیا عالی
گرد بین و دور ئی پوت حالی
ویچه سه ممو مرد معتبر
دو چه یکسر حوز آهنگر
همشو جمع بین دئی درشهر
گرد جمع بین و دور ئی پوت بی در
ویچه بگمرا د سیکو کسه
قاصد فرسان دسه و دسه
تا حتی بچه که و شو رسه
همشو جمع بین بین و یی دسه
حوز میرزامرا خوش و کسونش
تشریف آوردن هی وا سنونش
وا برارون و دارو دسونش
وا هرچه اسباب ها د دکونش
آقای سه ممو مرد حقشناس
مقراضی داشت دجور الماس
همیشه ئی جنس د دکونش بی
گمونم د عهد نیاکونش بی
کلیه جم بین د اناث و ذکور
آقا هم قیچین آورد و حضور
قیچی و ئی تیزی دجور الماس
پورسن و پوت دچپ و د راس
مردان عاقل اسبابیا خو خو
هه چی گوشت گاو پوتن نیان و کو
پوت د دسم رت رو چنورتی
بیارمش و سر آقای منتی
آقای منتی ار قبول داری
چنینه رسم امونت داری
مدیر عامل باید عادل با
امونت داریش خیلی قابل با
نگوتی ئی پوت صحاووی داره
حونه صحاووش ها د ماپاره
د غصه ئی پوت شرش و کاره
خین ئی پوتش خلاصی ناره
د غصه ئی پوت وقته بمیرم
یی قصه تی ری انیفتا و ویرم
یی عرضی دارم عرض حساوی
ایطور شنفتم د قول راووی
که پاپایاتو قلیونی بینه
یی قلیو کهنه د زمی دینه
تیزش کردنه ویردارش بینه
گاهگاهی نیانشه و سر سینه
قایمش کردنه هی چی خزینه
عزیزتر بیه د هرچی دینه
مال او گپو یادگاریه
دور تا دور قلیو قلمکاریه
کم زحمت کشین کم کردن سیتو
که قلیون کردی و راحتیتو
اگر وائی پوت غرضی داشتید
وی قلیو کهنه قدیمی چاشتید
حاجت مخصوص مال پدرتو
بی وه راحتی نفت وه جاکرتو
تمومش تقصیر او ابرامه
حونش گرم و نرم، دنیاش وه کامه
تلخه اوقاتم، عرضم وا همه
به هنی بوم ار‌دونی کمه
اوسه دونسم کاردین‌وه دستو
که روسم سگون بی وه بازرستو
آقای بخشدار، ابوقداره
آقای منتی وا ایمو چاره
پوتی رت کنیم او کنش پاره
نف ومو ندیه وا پوتمو چاره
سلام و علیک رئیس پاسگاه
مامور‌دولت نماینده شاه!
شبهای ظلمت روشن از نورت
یه عرضی دارم مه وه حضورت
مال وی ثابتی، جریان وی شوری
قربان شما(محمدنوری)
ظلمی وم کردنه مردم بی باک
مگر قرنیا پیش، چی دوره ضحاک
حلبی داشتم صحاویی در بی
محکم و خوش دس و بی دردسر بی
کی احتیاجش وه لحیم گر بی
ئی مدیر عامل وا ئی بصارت
چرا پوت من برده وه غارت
چرا پوت من پاره پاره کرد
چرا ئی ستم‌وی بیچاره کرد
همش وه منه سیاه چاره کرد
در این سیمره شما مامورید
یعنی داد رس شخص بی زورید
ده غصه ئی پوت خیلی غمبارم
آقای سرگروبان برس وه کارم
دادرسی نارم، بی مددکارم
غیر از ئی پاسگاه پناهی نارم
بنده وه حکمت امیدوارم
شاید ئی پوتن وه دس بیارم
ایمرو پنج روزه گزارش دمه
اگر که دونید مامورتو کمه
بسیم بکنید وه همه جایی
وه همه بخشی، وه هر پاسگاهی
وا حیپیا ارتش زیتر بیایی
محاصره کنید دوره ئی نفتن
قاتلون پوت همشو هفتن
جستجو کنید گوشه کناری
شووخون زنید وه هر دیاری
قاتل پوتن وه دس بیارید
شاید دل من ز غم درارید
اگرهایی حق من نورید وه ضایه
بیسیم بکنید رنجبر بیایه
او مرد دانا نترس و بی باک
برنده و کاری، زرنگ و چالاک
عرض ای بخشن، او بیتر دونه
پایان جفت کنه، سیلی سفت شونه
بی رودرباسی و مرد و مردونه
ده جالی ئی پوت دو پوت سیم سونه
#اثر_معروفِ_استاد
#محمد_خان_نوری( #مخو)
#معروف_بە_عبید_سیمره
#خوانش_و_توضیح:
#احمد_زینی_وند
@shaeraneDareshahr
Telegram
attach 📎