Sayhuniy sahifasi

Ta'tildan qaytish vaqtida yozilgan she'r.

Yo'l yo'lakay.

Safarim qaridi, lek ko'ngildir tor
Yaqinlar bag'rida bir iliqlik bor.
Qolayin deymanu imkonsizdir u,
Ilmsiz yurishdan qalbim qilar or.

Yurtimning muborak yeri omonat!
Sizlarga tilayman sog'lik salomat.
Sog'inchning humori qondi diydorla,
Tark etmasin bizni iymon diyonat.

©️ Sayhuniy
28.02.2023

@Sayhuniy_sahifasi

#MUSHOIRA

FACEBOOK

So‘zlar aytdi kimlar senda otashin,
Sen ularga minbar bo‘lding, Feysbuk.
Biz yengildik Ra’nolar-la tortishib.
Bizlar uchun Anvar bo‘lding, Feysbuk :)

✍Xayrulla Hamidov, 2016-yil

Qiynalsada, haq ustida Sobirlar,
Alamlardan zor yig‘lagan Botirlar,
Atlas ishton kiygan yuzsiz Shotirlar
Trollar-la qaynar bo‘lding Facebook.

✍Abror Muxtor Aliy, 2016-yil

Yaxshiga ham, yomonga ham ko‘ngling keng
Go‘yo ko'hna olam bilan bag‘ring teng,
Kim gul tutar, kim shimarar bo‘ldi yeng,
Bir kulib, bir yig‘lar bo‘lding, Feysbuk

✍Hasan Al-Muqriy, 2016-yil

Yozmaganu yozganni ham yozdirding
Ba’zilarni haq yo‘lidan ozdirding
Bilmaganning bilmasligin bildirding
Qilar ishing har xil bo‘ldi Feysbuk

✍Akmalxon Yusuf, 2020-yil

Yillar o'tib, ko'payishib yuzlaring
Yahudlarga tobe bo'ldi so'zlaring,
G'azo uchun yumildi bu ko'zlaring,
Noxolislik ini bo'lding ey feysbuk!..

✍Xayrulloh Sayhuniy, 30.09.2024

Arab olamida 2024-yilning "Yil odami" deya Yahyo Sinvar e'tirof etildi.

Boshqachasi bo'lishi mumkin ham emasdi zotan. Bu kishi bizga bir musulmonda bo'lishi lozim bo'lgan qat'iyat, shijoat, vatanga bo'lgan muhabbat qanday bo'lishini ko'rsatib bergan holda o'zining azaliy orzusiga erishdi.

O'limi kelishini sezgan Sinvar vasiyatnomasiga quyidagi so'zlarni qoralaydi:

-Dushman qurol yarog'imizdan emas balki haqda sobit turishimizdan qo'rqadi.

Ha, u bu so'zlarni amalda ko'rsatdi. So'ngi nafasigacha sobit tura oldi. Mana shundan bo'lsa kerakmi, dushman uni chalajon holatidan ham qo'rqdi. Zero, haq yo‘lida sabr va qat’iyat bu dunyo va oxiratdagi eng buyuk yutuqdir.

©️Sayhuniy

https://t.center/Sayhuniy_sahifasi

ХАЛҚ
Халқ денгиздир,
Халқ тўлқиндир,
Халқ кучдир,
Халқ исёндир,
Халқ оловдир, халқ ўчдир…
Халқ қўзғалса, куч йўқдирким, тўхтатсин,
Қувват йўқким, халқ истагин йўқ этсин.
Халқ исёни салтанатни йўқ қилди,
Халқ истади, тож ва тахтлар йиқилди…
Халқ истаги: озод бўлсин бу ўлка,
Кетсин унинг бошидаги кўланка,
Бир қўзғалур, бир кўпирар, бир қайнар,
Бир интилур, бир ҳовлиқар, бир ўйнар,
Йўқлиқни-да, очликни-да йўқ этар,
Ўз юртини ҳар нарсага тўқ этар…
Бутун кучни халқ ичидан олайлик,
Қучоқ очиб халқ ичига борайлик!

Абдулҳамид Чўлпон

@Sayhuniy_sahifasi

#Xotira

Roppa-rosa 7yil avval shu kun! Judaham sovuq, qalin kiyimni ham teshib o'tar darajadagi kuchli shamol. Atrof g'ira shira bo'lgani yetmagandek ko'chani qalin tuman qoplagan. Chamasi shomga 10daqiqalar qolganda masjid tomon yurib borardim. Shu payt uzoqdan qarshimda odam sharpasi ko'rindi. Yo'limiz kesishganda bildimki u do'stlarimdan biri Oybek ekan.
-Iye yaxshimisiz Xayrulloxon?
-Rahmat o'zingiz yaxshimisiz? Ishlaringiz yaxshimi?
-Qayerga ketyapsiz kech bo'lganda?
-Masjidga.
-Iyee Yangi yil kuni ham Masjidlar ishlaydimi? Hamma joyda ta'til berilganku...

©️Sayhuniy

https://t.center/Sayhuniy_sahifasi

#Rajo

Kecha Ayo Sofiya, bugun Umaviylar masjidi ertaga Al-Aqso.

Rajab Toyyib Erdog'on.

...Yusuf kabi go'zal, Maryam kabi pok,
G'azo yuzidagi serjilo pardoz.
Robbim nasib ayla har bir mo'minga,
Aqso mehrobida bir nafl namoz....

Sayohatnoma she'rimizdan parcha.

✍Sayhuniy

https://t.center/Sayhuniy_sahifasi

G'azo📍
Urush va ta'lim
اللهم انصر واحفظ شعب فلسطين
https://t.center/Sayhuniy_sahifasi

#Erkin_tarjima

Oisha roziyallohu anhodan rivoyat qilinadi:
Rasululloh sallallohu alayhi vasallamni yaxshi kayfiyatda ko‘rganimda:
— Ey Rasululloh, Allohga men uchun duo qiling dedim

Shunda Rasululloh sallallohu alayhi vasallam dedilar:
— Ey Allohim! Oishani o‘tmish va kelajakdagi, maxfiy va oshkora gunohlarini kechirgin.

So‘ngra Oisha roziyallohu anho kuldilar, hattoki boshlari kulgudan tizzalarigacha tushdi. Rasululloh sallallohu alayhi vasallam dedilar:
— Duoyim sizni xursand qildimi?

Oisha roziyallohu anho:
— Nega duoyingiz meni xursand qilmasin?

Shunda Rasululloh sallallohu alayhi vasallam:
— Allohga qasamki, bu ummatim uchun har namozda qiladigan duoyim, — dedilar.

Voiz: Mag'rib olimi Shayx Said Kamaliy

Alloh taolo barchamizni gunohlarimizni kechirsin. Qiyomatda Rasululloh duo qilgan ummat ichida bo'lishni nasib qilsin.

©️Sayhuniy

https://t.center/Sayhuniy_sahifasi

#إطمئنان

Uning zikri ila qalblar orom olur.

https://t.center/Sayhuniy_sahifasi

#ArabTili

Bugun, 18-dekabr – Xalqaro arab tili kuni! Ushbu ulug‘ til Qur’oni karimning tili va ilmu hikmat manbaidir. Arab tilini o'rgatayotgan, o‘rganayotgan va uni qadrlaydigan barchani qutlayman.
قَالَ عُمَرُ : " تَعَلَّمُوا الْعَرَبِيَّةَ ؛ فَإِنَّهَا تُثَبِّتُ الْعَقْلَ ، وَتَزِيدُ فِي الْمُرُوءَةِ ".
Umar roziyallohu anhu dedilar:
"Arab tilini o‘rganinglar, chunki u aqlni mustahkamlaydi va oliyhimmatlikni ziyoda qiladi."

©️Sayhuniy

https://t.center/Sayhuniy_sahifasi

#Erkin_tarjima

Yusuf alayhissalom qissasidan shuni bildikki; Dushmanlaring boshqa yurtdan emas, sen bilmagan holda noningni baham ko‘radiganlar orasida bo‘lishlari mumkin.

Sayhuniy

https://t.center/Sayhuniy_sahifasi

Qorong'u tun! Sokin va mahzun,
Xuznning sababin bilmam ne uchun?
Balki u nadomat chekadir shu on
Amalsiz, ilmsiz o'tkan kun uchun.

✍️ Nasibiy

Xa do'stim, bu holat tanish menga ham,
Ul tunlar ajlidan, chekadurman g'am.
Bazan ko'p o'ylayman aybimiz shudir,
Shoir bo'lmasakda she'r yozib yurgan.

✍️ Sayhuniy

https://t.center/Sayhuniy_sahifasi

Erta tong! Fajr ila nurafshon.
Alloh bizga berdi, yana bir imkon
Shaytonning sharridan bo'laylik omon,
Yodimizda bo'lsin doimo Qur'on.

✍️ Sayhuniy

Uyqu g'aflatidan boshingni ko'tar,
Berilgan har lahza - g'animat, o'tar.
Chin ixlosni ayla o'zing uchun yor.
U siz amallaring hech qilmas bir kor.

✍️ Nasibiy

📍O'rta yer dengizi

https://t.center/Sayhuniy_sahifasi

Assalomu alaykum va rohmatullohi va barokatuh.

Alloh taoloning fazli ila shaxsiy blogimni boshlashga qaror qildim. Ushbu kanalda o‘qigan va o‘qiyotgan kitoblarimdan foydali deb bilgan fikrlarni ulashish, shuningdek, xavaskorana ijodiy ishlarim va tarjimonlik mahoratimni rivojlantirishni niyat qildim. Alloh taolodan ikki dunyo uchun manfaatli qilishini so‘rayman.

Xodimingiz Sayhuniy.

https://t.center/Sayhuniy_sahifasi