Riwâyât Sâră bưshrâă📚🌸✨

*#سلسلة_اتدري_من_يزيل_الهم*
*#وماذا_عن_من_انجباني1*
*#سارة_بشرى_عبدالله*


استغفرالله العلي العظيم واتوب اليه"10مرات"

يلي بحبو لقيتو فيه عاجباني اوي شخصيته احكي عليه ايه ولا ايه عن شجاعتو وجرأتو هو الله اكبر عليه يتحسد على رقتو،،، مشغله الاغنيه باعلى صوت ومركبة السمااعاات وخاته التلفون وبتغني معاها وبترقص والاغنيه كل ماتنتهي تعيدها تااني لغااية ماالباب اتفتح شافت امها قدامها طلعت فردة سماااعة وعاينت لامهاا
: الفتحتي حاليا دا اسمو باب ياريتك لو دقيتيه بلاول
امها: انتي فاضيه عشان تسمعيه دقيتو وشوية وكنتا حاكسرو من كترت الدق من قبييل بنادي فيك لمن حلقي اتقرش حضرتك وين من قبييل ماسامعه يعني؟ الحركات دي شنو كم مرة قلتا ليك ماتشغلي اغاااني وتقعدي تسمعيها بصوت عااالي انا بكون محتاجه ليكك اسي لو شغلتي قران بصوت هادي وكسبتي حسنات مش كان احسن ليك من الذنوب دي


بقت تأفأف اوف اوف بالجد اوف
امها: لمى كم مرة قلتا ليك ماتأفأفي حق الوالد حااار ماتأفأفي
لمى: اسي بدل الكلام الكتييير دا كان اختصري عايزه شنو وخلاص
امها: تعالي نضفي الحوش ماشايفه الاكياس الواقعه دي عيب منك والله الناس بتجي يقولو شنو في بت فتاه في البيت

لمى: كل يوم نفس الاسطوااانه مابتزهجي انتي من الكلام الكتييرر خلاص بجي اسي

امها طلعت وهي رجعت رقدت مسكت التلفون كملت اغانيها وكملت ونستها على الواتس بقت تتراسل مع صحبتها
: اها معانا في الطلعه صح
لمى: طبعاا معااكم معقولة افوتهاا عايني صالح جايي صح
: طبعا عارفاك مابتجي اذا ماجا عشان كدا اول واحد عزمتو
لمى: معنااااها قداام معاااكم طواالي
: خلاص اجهزي في نهاااية الاسبوع
لمى: تمااام
تاني سمعت امها بتناديها قامت بتأفأف ومشت
_
السلام عليكم ورحمة الله،، السلام عليكم ورحمة الله،، خلص صلاتو سبح واستغفر وبعدها دعا لاهلو ورفع المصلاااية قام وختاها وشال المصحف بدا يقرا من الجزء16محل واقف سورة الكهف"الم اقل انك لن تستطيع معاي صبرٱ" وكمل قراية بتجويد لغااية سمع صوت بناديه ياتوفيق تعال ياولدي قال صدق الله العظيم قفل المصحف ختاهو في مكان مناسب وطلع في الحوش كان في راجل كبير
توفيق: السلام عليكم ياحاج مبارك اتفضل ياابوي امرني
حاج مبارك: استغفر الله ياولدي الامر لله بس في اثاثاات اشتريتها للبيت ومالقيت زول يرفعها معاي وانت بتعرف اولاد الحله ديل مابيساعدو بالسااهل مالقيت غيرك
توفيق: جدا ياابوي برفعها ليك ارح

طلعو الاتنين وتوفيق مشا جاب معاهو كم نفر ساعدو في شيل الاثاثات ودخلوها البيت جوه وهم بدخلو فيها جات بت طالعه طوالي توفيق دنقرر
ابوها نهرها: يابت رؤيا ماشايفه في ناس ادخلي جوه سريع
رؤيا: انا العرفني بوجودهم شنو ماانت اي زول بدخلو لينا في البيت اسي مثلا دا"واشرت على توفيق"دفع ليك حق الايجار ولا ماسألتو كالعاده؟

ابوها: يابت رؤيا اخير ليك اسكتي وادخلي جوه سريع
رؤيا: اوف ياخ اساسا جيت اقول ليك امي بتناديك
ومشت حاج مبارك دنقر راسو
مبارك: اعفي لي ياولدي رؤيا صعبه شوية والله خجلتني قدامك ماعارف اقول شنو
توفيق: العفو ياابوي ماتقول حاجه وكلامها صح انا اتأخرتا في الايجار بس اديني يومين كدا اذا ماقدرتا المو بطلع من البيت
مبارك: تطلع تمشي وين ياولدي انا مابخليك
توفيق: الله بيسهلها من عندو انت ماتشيل هم
_____
جات داخله غرفة امها وشايلة علبة الادويه
: لاني عارفاك بتنسي حبوب الضغط جبتهم ليك بنفسي
: ماقصرتي يابتي
: بتعملي في شنو
: بخيط في ملابس عشان نبيعها في السوق
: ياامي انا مش قلتا ليك ماتعبي نفسك وخلي التفكير بامور البيت عللي
: ااخ يامزدان يابتي الواحد ماعارف يقول غير الحمدلله ابوك بيعمل كل البيقدر علليه بس اخوك الله يهديه مامريحنا اخوك عندو رأيي في اي شي ومابخلي لينا قرش في البيت دا

مزدان: انتي قلتي ياامي الله يهديه بس دعواتك واكييد ربنا حيهديه نعمل شنو مقداد كدا مابنقدر نغيرو بين يوم وليله

امها: معاملتو شينه معانا كلنا المهم لنهااية الاسبوع كدا بخللصهم وبديك تبيعيهم في السوق
مزدان: طيب حااضر
_____
طلعت لمى من بيتهم عشان تمشي الدكااان تلفونها اتصلل
لمى: صالح
صالح: عيون صالح احكي اشتقتا ليك قلتا اتصل اطمن عليك
لمى: كوويسةة جيت الدكااان
صالح: عايزه تشتري شنو ماتقولي لي اندومي بس
لمى: ياخ اندومي انا من الناس البياكلو اسباقيتي اندومي دي شنو
صالح: حيا انا احي المفتري بتعمليها انتي
لمى: لا امي انا علي اطلب وامي عليها تعملل
صالح: كوويس اسي قايلك حتقولي حتعمليها انتي عشان اقول مرتي طبااخه وحتأكلني بيدها كن جعتااا حتدوغني طعم الاسباقيتي